လျောက်လျား

ကွန်မင့်တခု = ကျွန်တော်တို့ဒေသမှာတော့ ရောက်ယားကို ကြုံတွေ့ရမယ့် ပြဿနာတခုအတွက် ကြိုတင်ပြင်ဆင်ထာခြင်းမရှိ ကြုံသလို ဆောင်ရွက်မည် ဆိုသော သဘောမျိုးသုံးခြင်းဖြစ်သည်။

ဟုတ်။

နောက်မှ လျောက်လျား (ရောက်ယား အသံထွက်)

လျောက်လျား = သဘောအလျောက်။ အခြေအနေအလျောက် ဖြစ်သလို။

သားကြီးကိုသာ၊ ပြည်နှစ်ရာ၏၊ ငယ်စွာသားကား၊ မလျောက်လျားခဲ့၊ သံ။ ၁၀၄။

ပွဲလျက် (ပွဲညှက်သံထွက်)

မုံ့တလျှက် = မုံ့ပြား (တယှက်သံထွက်)

လျှောက်¹ - ကြိ / လျှောက် / ၁။ မြင့်မြတ်သောသူအား ရိုသေစွာပြောကြားသည်။ ၂။ အစိုးရနှင့်သက်ဆိုင်သော လုပ်ငန်းတို့တွင် မိမိရခွင့်တစုံတရာအတွက် ပန်ကြားသည်။ (အလုပ်လျှောက်၊ ဝင်ခွင့်လျှောက်၊ မှတ်ပုံတင်လျှောက် စသည်ဖြင့် သုံးသည်။)

လျှောက်² - ကြိ / လျှောက် / ၁။ ရွေ့လျား သွားလာသည်။ ၂။ လမ်းကြောင်းတလျှောက် ပျံ့ရွေ့သွားသည်။ “အင်္ဂါကြီးငယ်သို့ လျှောက်၍တည်သောလေ။” စွယ်၊ ပ။ ၈၉။

- ကြိဝိ / လျှောက် / နေရာတကာ။ အနှံ့အပြား။ အမျိုးမျိုးအဖုံဖုံ။ (လျှောက်ပြော၊ လျှောက်လုပ် ဟူ၍ သုံးသည်။)

လျှောက်ထား - ကြိ / လျှောက်ထား / လျှောက် - ကြိ၊ ၁၊ ၂၊ နှင့် အတူတူ။

လျှောက်ထုံး - န / လျှောက်ထုံး / ရှေးက မြန်မာဘုရင်များအား မှူးမတ်ပညာရှိတို့က အကြောင်းအရာ အမှုအခင်း အရပ်ရပ်နှင့်ပတ်သက်၍ မှတ်သားဖွယ် အကျိုးအကြောင်း၊ အစဉ်အလာ လျှောက်ထားချက်။ ယင်းလျှောက်ထားချက်များကို စုပေါင်းရိုက်နှိပ်ထားသည့်ကျမ်း။

လျှောက်ပြန်သံပေး - န / လျှောက်ပျန်သန်ဗေး / အပျိုအိမ်ရှေ့၌ အသံပြုကာ ခေါက်တုံ့ခေါက်ပြန် သွားလာပိုးပန်းသူ။

လျှောက်လဲ - ကြိ / လျှောက်လဲ / အမှုအခင်း တစုံတရာနှင့်ပတ်သက်၍ အကြောင်းအကျိုး ဥပဒေ အချက်အလက် ချေပချက် စသည်တို့ကို တင်ပြသည်။ ဆင်ခြေတက်သည်။

လျှောက်လဲချက် - န / လျှောက်လဲချက် / အမှုအခင်းတစုံတရာနှင့်ပတ်သက်၍ အကြောင်းအကျိုး၊ ဥပဒေအချက်အလက် တင်ပြချက်။

လျှောက်လွှာ - န / လျှောက်လွှာ / အစိုးရလုပ်ငန်းဌာန တခုခုသို့ လုပ်ငန်းကိစ္စတစုံတရာအတွက် တင်ပြ သိစေချက်။ ယင်းအချက်ဖော်ပြပါရှိသောစာ။

လျှောက်လွှာစက္ကူ - န / လျှောက်လွှာစက်ကူ / လျှောက်လွှာရေးရာတွင် အသုံးပြုမြဲဖြစ်သော စာရေးစက္ကူ။

ဒေါက်တာတင့်ဆွေ