တရားပြသူ အမှတ်စဉ် ၁၁

တရားပြသူ အမှတ်စဉ် ၁၁

ကွန်မင့်တခု = AI ဖြစ်ဖြစ် RI ဖြစ်ဖြစ် .. ခံစားပြီးရင်အစွဲဖျောက်လိုက် ဝေဒနာ က ဥပါဒါန်မဖြစ်စေနဲ့

မြန်မာစာ စာလုံးပေါင်း၊ သတ်ပုံ၊ အသံထွက်နဲ့ အဓိပ္ပါယ်တွေကို တင်ပြတဲ့စာတွေအောက်မှာ ကွန်မင့်ကနေ တရားပြသူအမျိုးမျိုး ရှိတယ်။ အခုတယောက်က ဒီနေ့။

အရင်ပုဂ္ဂိုလ်တွေ ဘယ်မဂ်၊ ဘယ်ဖိုလ် ရောက်ကြပြီလဲ မသိပါ။

မဂ် ဆိုသည်မှာ နိဗ္ဗာန်ကို ရောက်စေတတ်သော (ကိလေသာများကို ဖျက်ဆီးတတ်သော) အကျင့်လမ်းစဉ် ဖြစ်ပြီး၊ ဖိုလ် ဆိုသည်မှာ ထိုမဂ်တရား၏ အကျိုးဆက်အားဖြင့် ကိလေသာများ ကင်းငြိမ်းရာ နိဗ္ဗာန်ကို ချက်ချင်းခံစားရခြင်း (သို့) ရလဒ် ဖြစ်ပါသည်။ ဗုဒ္ဓဘာသာတွင် မဂ် (၄) ပါးနှင့် ဖိုလ် (၄) ပါး ဟူ၍ အဆင့် (၄) ဆင့် ရှိပါသည်။

ဥပါဒါန် ဆိုသည်မှာ "ဥပါဒိယတီတိ ဥပါဒါနံ" မြဲစွာစွဲလမ်းတတ်သောကြောင့် "ဥပါဒါန်" မည်သည်။ တဏှာကြောင့် ဥပါဒါန် ဖြစ်ပေါ်သည်။

ခိုင်မြဲကြပ်တည်းစွာ မလွှတ်ရက်ပဲ စွဲလမ်းသောတရားကို "ဥပါဒါန်" ဟု ဆိုသည်။ အကြင်တစုံတရာသော အရာဝတ္ထုကို သာယာစွဲလမ်းမှုကြောင့် အလွန်များပြားသော ဆင်းရဲဒုက္ခကို ရပါသော်လည်း ထိုဝတ္ထုကို မစွန့်ပစ်နိုင်၊ အပြစ်ဒေါသ အာဒီနဝတို့ကို မြင်ပါသော်လည်း ထိုဝတ္ထုကို မစွန့်လွှတ်နိုင်။ ဖားကို မြွေမြို၍ ထားသကဲ့သို့ အတင်းစွဲလမ်းသည်ကို "ဥပါဒါန်" ဟူ၍ ဆိုလိုသည်။

(၁)

ကွန်မင့်တခု = တဖြစ်ဖြစ်တစ်ဖြစ်ဖြစ်မှန်ပါတယ် ဥပါဒါန်တွေကြောင့်ဖြစ်လာရတာပါ အဲ့လောက်အထိအယူစွဲစရာမလိုပါ

(၂)

ကွန်မင့်တခု = ဘာမှမမြဲပါဘူးဆရာ ပြောင်းလဲချိန်တန်ရင်တော့ ပြောင်းလဲရတာပါပဲ ဘာမှအသေဆုပ်ကိုင်ထားလို့ မရပါဘူး

ဟုတ်။ တရားစာနဲ့ တခြားဟာ ရောထွေးလို့ မရပါ။ 

(၃)

ကွန်မင့်တခု = အခုအချိန်ဟာ ဗုဒ္ဓဘာသာဆိုရင် ဗုဒ္ဓအလိုကျ အားထုတ်ရမည့်အချိန်ပင်ဖြစ်ပါသည်။ ဝါသနာဆိုတာကတော့ သေကာမှ လျော့ကျပါမည်

(၄)

ကွန်မင့်တခု = အဘိဓမ္မာလေ့လာကြည့်လိုက်ပါ ‌ဆရာဒေါက်တာတင့်ဆွေခင်ဗျား

(၅)

ကွန်မင့်တခု = ယောနိသောမနသီကာရ လုပ်ပါတဲ့။ 

ဆိုလိုတာက အမှား ၁၀၀ တွေ့ရင် ၁၀ ခုလောက်သာ ထောက်ပြပါ။

(၆)

တရေးရေး၊ တစ်ရေးရေး ပညတ်တွေတဲ့။

ဆိုလိုတာက 

ဘုရား - ပညတ်။

ဖုရား - ပညတ်။

ဖယား - ပညတ်။

တရား - ပညတ်။

တစ်ရား - ပညတ်။

တစ်ယား - ပညတ်။

(၇)

တရားနဲ့ဖြေပါဆရာရယ်

သတ်ပုံစာကို တရားလာပြသူတွေ မနည်းတော့ပါ။ သူတို့က "မြတ်ဗုဒ္ဓ၏'တစ်'ရားတော်များ" စာမျက်နှာမျိုးကိုတော့ သွားမပြောကြပါ။

တရားပြသူ ၈ နဲ့ ၉ ကို မှတ်မထားအားလိုက်ပါ။

အမှတ်စဉ် ၁၁ ကို စောင့်နေပါမယ်။

ဒီနေ့တရားပြသူက အမှတ်စဉ် ၁၁။ 

၁၂ ကိုလည်း စောင့်နေပါမည်။

ကောင်းပါသည်။

သတ်ပုံစာမှာ တရားပြသူများ၏ https://burmese-spelling.blogspot.com/2025/08/blog-post_473.html

ဒေါက်တာတင့်ဆွေ