ကျင့်သားရ ကျင့်သားမရ အသားကျ အသားမကျ

ကွန်မင့်တခု = ကျင့်သားမကျတာကို ခေါ်တာလားဆရာ

ပြန်စာ = ကျင့်သားမရ။

၁။ အဓိပ္ပာယ် ဖွင့်ဆိုချက်

ကျင့်သားရသည်: တခုခုကို အကြိမ်ကြိမ် အဖန်ဖန် ပြုလုပ်ဖန်များ၍ နားလည်တတ်ကျွမ်းသွားခြင်း၊ သို့မဟုတ် ပတ်ဝန်းကျင်/အခြေအနေသစ်တခုတွင် ကောင်းစွာ နေသားတကျ ရှိသွားခြင်း ဖြစ်သည်။

အသားမကျသေးခြင်း၊ အတွေ့အကြုံ မရသေးခြင်း၊ အဆင်မပြေဖြစ်နေသေးခြင်းကို ဆိုလိုသည်။

၂။ စကားလုံး ဖွဲ့စည်းပုံနှင့် သတ်ပုံခွဲခြမ်းစိတ်ဖြာခြင်း

ကျင့်: (ဗျည်း - က၊ ယပင့်၊ ငသတ်၊ အောက်ကမြစ်)။ လေ့ကျင့်သည်၊ ပြုလုပ်သည်၊ ကျင့်ကြံသည် ဟူသော အနက် ဖြစ်သည်။

သား: (ဗျည်း - သ၊ မောက်ချ၊ ဝစ္စပေါက်)။ ဤနေရာ၌ "သား" ဆိုသည်မှာ လူပုဂ္ဂိုလ် (သားသမီး) ကို ဆိုလိုခြင်း မဟုတ်ဘဲ၊ စကားလုံး၏ အဆီအနှစ်၊ အသားကျမှု၊ ခိုင်မာမှု (ဥပမာ - အသားကျသည်၊ နေသားတကျ ရှိသည်၊ ဝတ်သားကျသည်) ဟူသော သဘောကို ဆောင်သည့် နောက်ဆက်တွဲ နာမ်ပုဒ် ဖြစ်သည်။

မ: အငြင်းပြ ဝိဘတ် ဖြစ်သည်။

ရ: ရရှိသည်၊ ပြည့်စုံသည် ဟူသော အနက် ဖြစ်သည်။

၃။ မှန်ကန်သော ဝါကျဖွဲ့ထုံး အသုံးအနှုန်းများ

ဝါကျဖွဲ့ထုံးအရ "မ" အငြင်းဝိဘတ်ကို နေရာချရာတွင် အောက်ပါအတိုင်း သုံးစွဲလေ့ ရှိကြပါသည် -

"ကျင့်သား မရသေးပါ" (သို့မဟုတ်) "ကျင့်သားမရသေး"

"မကျင့်သားရသေး" (ဤအသုံးမှာ အငြင်းဝိဘတ် "မ" ကို ရှေ့က ထားခြင်း ဖြစ်သည်)

"မကျင့်သားကျသေးတဲ့" ဟူ၍ "ကျ" နှင့် "ရ" ကို ရောထွေးပြီး "မ" ကို နေရာလွဲထားခြင်းမျိုးသည် ဝါကျဖွဲ့ထုံး လွဲချော်နေသော အသုံးအနှုန်း ဖြစ်ပါသည်။

၄။ ပတ်သက်ဆက်နွှယ်သော အသုံးအနှုန်းများ

နေသားတကျ: အသစ်အဆန်း ဖြစ်မနေတော့ဘဲ ပုံမှန်အတိုင်း အဆင်ပြေသွားခြင်း။

အသားကျ: ရာသီဥတု၊ ပတ်ဝန်းကျင်နှင့် လိုက်လျောညီထွေ ဖြစ်သွားခြင်း။

ဝတ်သားကျ: အဝတ်အစားတခုက ကိုယ်ခန္ဓာနှင့် ကွက်တိ ဖြစ်သွားခြင်း။

ကျင့် – ကြိ / ကျင့် / ၁။ ပြုမူသည်။ လုပ်ကိုင်ဆောင်ရွက်သည်။ ၂။ လေ့ကျက်သည်။ စွဲစွဲမြဲမြဲပြုလုပ်သည်။ "ဒုက္ကရစရိယာ ၆ နှစ် ကျင့်တော်မူ၍။" ပိပိင်း။ ၈။

ကျင့်ကြံ – ကြိ / ကျင့်ကျန် / ဉာဏ်နှင့် ယှဉ်၍ ပြုမူလုပ်ကိုင်သည်။ "သိက္ခာပုဒ်တော်နှင့်အညီ ကျင့်ကြံ နေထိုင်၍။" လွတ်။ ၂၃၀။

ကျင့်စဉ် – န / ကျင့်ဇင် / ၁။ ရှေးအဆက်ဆက်က ပြုလုပ်မြဲထုံး။ ၂။ လိုက်နာရန်နည်း။

ကျင့်ထုံး – န / ကျင့်ထုန်း / ၁။ ကျင့်စဉ်။ "ယုံကြည်ဆုံးမှ၊ ကျင့်ထုံး ကျင့်နည်း။" ဓမ္မ* ၂၉။ ၂။ လိုက်နာရန်နည်း။ "ကျင့်ထုံး ဖြစ်စေ၊ လူဗိုလ်ခြေအား၊ သက်သေညွှန်ကြား။" ပါမိ * ၇။

ကျင့်ရိုး – န / ကျင့်ယိုး / ကျင့်စဉ်။ "ကမ္ဘာဦးသူတို့၏ ကျင့်ရိုး။" နန္ဒ။ ၁၂။

ကျင့်ဝတ် – န / ကျင့်ဝတ် / ထိန်းသိမ်း စောင့်ရှောက် လိုက်နာ ပြုလုပ်အပ်သော အမှုကိစ္စ။ အကျင့်။ ကျင့်စဉ်။ ကျင့်ထုံး။

ကျင့်သားရ – ကြိ / ကျင့်သားယ / တွေ့ကြုံပြုလုပ်လေ့ ရှိနေသည်။ အလေ့ရသည်။ လိမ္မာကျွမ်းကျင်နေသည်။

ကျင့်သုံး – ကြိ / ကျင့်သုန်း / လိုက်နာဆောင်ရွက်သည်။

ဆင်၊မြင်း၊ ကျွဲ၊ နွားတွေကို ခိုင်စေလို့ရအောင် ကျင့်ပေးရတယ်။

လူတွေကိုလည်း လေ့ကျင့်ပေးရတယ်။

သက်ရှိတွေကိုသာမက မြေအိုး၊ ဒယ်အိုးတွေကိုလည်း အသားကျအောင် ကျင့်ပေးရလေ့ရှိပါတယ်။

ကျင့်သာမရသေးချိန်မှာ အရိုင်း။ အရိုင်းအစိုင်းအဆင့်သာ ရှိတယ်။

တချို့ အကောင်တွေ၊ လူတွေက ကျင့်ပေးရခက်တယ်။

အထာမကျ၊ သဟဇာတမဖြစ်လို့လည်း သုံးတာ ရှိတယ်။

ဒေါက်တာတင့်ဆွေ