စားမှာလား သောက်မှာလား

စားမှာလား သောက်မှာလား ထပ်မံတင်ပြခြင်း

မုန့်တီက စားရ တာလား၊ မုန့်ဟင်းခါးက သောက်ရတာလား။

မုန့်တီက စားရ တာလား၊ မုန့်ဟင်းခါးက သောက်ရတာလား။

မုန့်တီက စားရ တာလား၊ မုန့်ဟင်းခါးက သောက်ရတာလား။

၂၇-၁၂-၂၀၂၅ နေ့က တင်ပြထားပြီး။

တင်ထားတာတခု = မုန့်ဟင်းခါး နဲ့ အုန်းနို့ခေါက်ဆွဲက အရသာမတူပေမယ့် version တူတူပဲနော် သိချင်တာကလေ ... မုန့်ဟင်းခါးကို သောက်တယ်ဆို အုန်းနို့ခေါက်ဆွဲကျ ... စားတာလား သောက်တာလားဟင် မနောက်ဘူးနော် တကယ် သိချင်တာပါ (မုန့်ဟင်းခါးသောက်တယ်ဆိုတာကို ဒေသအသုံးအနှုန်းမို့ လက်ခံပါတယ် ဒါပေမယ့် အုန်းနို့ခေါက်ဆွဲကျ ဘာလို့မသောက်တာလဲ စဉ်းစားနေမိပြီ

ပြန်စာ

စား

မြန်မာအဘိဓာန် အကျဉ်းချုပ်

စား = အစိုင်အခံ၊ အဖတ် စသည်ကို ဝါး၍ မျိုသည်။

စားကောင်းသောက်ဖွယ် = ကောင်းမွန်သော စားစရာ သောက်စရာ အစု။

သောက် = ရေ အရည် စသည်ကို မျိုသည်။ အခိုး စသည်ကို ပါးစပ်တွင်းသို့ ရှိုက်သွင်းသည်။

မုန့်ဟင်းခါးစားကြွပါ လို့ အရပ်စကားရှိတယ်။ မိတ်ဆွေ သူငယ်ချင်းတွေကို အိမ်မိုး၊ အိမ်ရွှေ့ အကူအညီတောင်းရာမှာ သုံးတဲ့စကား။ အခကြေးငွေ မပေး၊ မုန့်ဟင်ခါးကျွေးတယ်။

မုန့်ဟင်းခါးစားတယ်။ ဟင်းရည်သောက်တယ် လို့ပြောဆိုတာကသာ နားထဲအဆင်ပြေပါတယ်။

ဆေးပြားကိုရော ဆေးရည်ကိုပါ ဆေးသောက်ပါလို့လည်း ပြောကြပါတယ်။

သောက်ဆမ်းဟင်း စားကြည့်ပါဦး စသည်။

မုန့်ဟင်းခါးဆိုတာမှာ နှစ်မျိုးရှိတယ်။ အသုပ်နဲ့ အရည်ဖျော်။ အရည်ပါတာကိုသာ မုန့်ဟင်းခါးလို့ပြောလေ့ရှိပြီး၊ သုပ်တာကို မုန့်ဟင်းခါးလက်သုပ်။ အသုပ်ကိုစားပြီး၊ ဟင်းရည်ကို ပန်းကန်သီးခြားနဲ့ သောက်ရတယ်။

မုန့်ဟင်းခါးအတွက် နန်းသေးကိုသာ သုံးကြတယ်။ နန်းလတ်နဲ့ နန်းကြီးဆိုရင် မုန့်တီ။

ကောက်ချက်ချရရင် -

သူ့အရပ်နဲ့ သူ့ဇာတ်အတိုင်းပြောမှသာ အဆင်ပြေလောက်ပါတယ်။

အရင်က မြန်မာ့စွယ်စုံကျမ်းအထိ မုံ့ လို့သာ ရေးပါတယ်။

version လို့တော့ မခေါ်ပါ။ အပြင်အဆင်မတူဘူးလို့ ပြောကြပါတယ်။ ဗားရှင်းဆိုတာက ရန်ကုန်ပြင်ဆင်နည်း၊ အညာဒေသပြင်ဆင်နည်း စတာကိုသာ ခေါ်တယ်။ ဥပမာ အညာမှာ မု့န်ဟင်းခါးထဲ ပဲသီးမထည့်ကြပါ။ မွန်ဒေသနဲ့ ထိုင်းနယ်စပ်မှာသာ ထည့်ကြတယ်။ သုံးတဲ့ ဆန်မှုန့်၊ ပဲအမျိုးအစား၊ ငါးအမျိုးအစားလည်း မတူကြပါ။ အဲလိုမတူတာကိုသာ ဗားရှင်း ခေါ် လက်ရာ မတူဘူးလို့ ပြောကြပါတယ်။

စုံတော့ မစုံသေး။ စာရေးတာနဲ့ ဆာလာပြီ။

ဒါပေမဲ့ လူကြီးမင်းသဘော။ စားလို့ကစား၊ သောက်လိုက်သောက်။ မှောက်လိုမှောက်၊ လှန်လိုလှန်။

ကျွန်တော်တို့တိုင်းပြည်က နိုင်ငံရေးသာမလွတ်လပ်တာ၊ ကျန်တာထင်သလို ကိုယ့်သဘော။

မှားလေးလေး လူကြိုက်များလေလေ။ လိမ်လေလေ ဖေါက်သည်များလေလေ။ ညာလေလေ ဖေါ်လိုဝါများလေလေ။ စာနဲ့ အချက်အလက် မှားရေးတာများသူ အင်ဖလူယင်စာ။

5,900+ Woman Eating Soup Stock Photos, Pictures & Royalty-Free Images - iStock

ပုံထဲက အမျိုးသမီး "ဆုပ်" "အိတင်း" တဲ့။

လူကြီးမင်း အားဆေး၊ ဆီးချိုဆေး၊ ကိုလက်စထောဆေး၊ သွေးကျဆေး၊ သွေးကျဲဆေး ဆေးသောက်ပြီးပြီလား။

ဒေါက်တာတင့်ဆွေ