တို့စာ တို့စကား တို့တိုင်းပြည်

(၁) ဆောင်းဘွဲ့ လေးဆစ်  သဉ္စာလီ ဗွေပြဒု မှာဖြင့် ခင်သာကီ တမေပု ကိုလ ဖေယခု ပိုက်လှဲ့ဆို။ ။ မလုံသေး နိုင်ဘု တုန်အေးရှာ တင်တမေ ငဲ့ ရင်ရွှေကို လေပြေခ တယ် သဲကြွစိမ့်ဖို။ ။ တသန်းတန် ရတီဖို့ သော်လဲ ကြငှန်းပျံ ကတီမို့ မှာတော့ မဒီပျို့ ဆောင်းရိပ်ခို ငယ် အချမ်းပို ပါလို့ ငိုချင်ဆဲ။ ။ ငွေနှင်း ငယ် ထန် ချွေညှင်း တညံညံ နှင့် ရေကင်းသံ တဖန်ကြား ရင်လ လွမ်းအားတော် ပွေဗျာလှိုင် လို့ ကေညာခိုင် စုခင်လေး မှာ (ကိုယ်တော်ရေ) မှေးစက်နိုင်ဘဲ။ ။ (အချုပ်တန်း ဆရာဖေ) (၂) တရားသိထင် ပြွမ်းပြွမ်းတည်း။ ။ မြုတေရောင်ဖိတ် ရွှမ်းရွှမ်းတည်း။ ။ ကြောင်းခြာ စွဲစွဲ လမ်းလမ်းတည်း။ ။ နဂိုရ် ချိုင့်ချိုင့် ဝှမ်းဝှမ်းတည်း။ ။ ဝှန်တက် ပြည့်ပြည့် လျှမ်းလျှမ်းတည်း။ ။ ကျယ်ဝန်း ခွဲခွဲ ခြမ်းခြမ်းတည်း။ ။ စုံပေါင်း ကြင်ကြင် ကျွမ်းကျွမ်းတည်း။ ။ တသ န္ဓေဓေ တပေ လျဉ်းလျဉ်း တညှင်း ဆိုးဆိုး တညှိး လျလျ တတ လွမ်းလွမ်း တသမ်း ဟယ်ဟယ် တတွယ် တာတာ တဟာ လှိုက်လှိုက် တရှိုက် ငင်ငင် တပင် ပန်းပန်း တဝန်း လျားလျား ရဟတ်ချားသို့… ရွှေစည် တီးတီး ရွှေထီး ဆောင်းဆောင်း ရွှေဗောင်း သွယ်သွယ် ရွှေစလွယ်နှင့် လူဝယ် လူထွက်… (ကိုးခန်းပျို့) ရှေးစာကဗျာများ ကျေးဇူး။ ဒေါက်တာတင်...

အာရုံမိုးသောက် အာရုံမိုးသောက် ယခုရောက်ပြီ၊ မဆိုင်းမတွ ထပငါ့ညီ၊ ကောင်းမှုတခု ပြုဘို့ကြံစည်၊ အချည်းနှီး မရှိငြားရာပြီ။ နေထန်းတဖျား မမြင့်ငြားခင် အပျင်းအားကိုး မေုာင်မနိုးလျှင်၊ ကိုယ်ကြီးပွားမှု မောင်မပြုလျှင် လူဖြစ်ကျိုး ဖွံ့ဖြိုးဘို့မမြင်။ ကိုယ်ကြီးပွားရန် ကြံစည်ကာလေ သူကြီးပွားမှု ပြုပမသွေ၊ ယောကျ်ားဘသား ပီပြားကာလေ ကမ္ဘာသီး ကြီးပွားမှုပါဖွေ။ ရေတက်ရေကျ မှန်လှမသွေ ဘယ်သူတဦး မစောင့်ဘူးချေ၊ အချိန်မှာလည်း ထိုနည်းတူပေ သွားမြဲသွား ရှိသားညီမောင်ရေ။ ထို့ကြောင့်ညီလှ အမြန်ထလော့၊ အချိန်ဆံ့စ ရှေ့ကဆွဲလော့၊ အချိန်ရှိခိုက် လုံ့လစိုက်လော့၊ လူဖြစ်ကျိုး ဖွံ့ဖြိုးစေဦးလော့။ (ဒေါက်တာမောင်ဖြူး) (၁၉၃၇) #ရှေးစာကဗျာများ ကျေးဇူး။ ဒေါက်တာတင့်ဆွေ

- ၁၈၃ စာပေသမိုင်း တလျှောက် ထင်ရှားသော မြို့စား-ရွာစား စာဆိုအချို့မှာ အောက်ပါအတိုင်း ဖြစ်ပါသည်။ ဥက္ကာပျံ.... စိန်တင်ရွာစား။ ပဒေသရာဇာ.... မန်ကျည်းရုံရွာ၊ စုဂွမ်းမြို့။ နဝဒေး-မင်းရာဇာ.... မြင်းခွာရွာစား။ ဒု-နဝဒေး.... ရွာဝေးရွာ၊ ဝက်မစွတ်မြို့။ စိန္တကျော်သူကျော်ထင်.... ယင်းတော်မြို့။ ဦးဖျော်.... ပုလိပ်ရွာ၊ ကျောက်ရင်း၊ တောင်သာမြို့။ ဦးပေါ်ဦး.... ယောမြို့၊ ဆောမြို့။ ဓမ္မသီရိကျော်ထင်.... ချောင်းဦး ၁၀ ရွာစား။ ဦးစ.... မြဝတီမြို့စား။ ဦးသာအောင်.... တောင်ခွင်မြို့စား။ မောင်နဂါး.... ပြင်စည်မြို့။ ဦးခိုင်.... ရွှေကျင်မြို့စား။ ဖိုးသူတော်ဦးမင်း.... စာမုန်းကြီးရွာ။ မောင်ဘဲကြီး.... မြန်အောင်မြို့၊ ပုသိမ်မြို့။ လူဦးမင်း.... ကန်ပြင်ရွာ။ ဦးရွှန်း.... ဆီးမီးခုံရွာ၊ သာထွန်းရွာ၊ ငနန်းရွာ၊ မြစ်ကိုင်းရွာ။ ဦးရွှေခြည်.... ဇလွန်မြို့၊ မဲဇလီရွာ။ ၁၈၄ ရှေးဟောင်းစာပေသုတေသီဦး၏ ဦးပုည.... ရွာစည်ရွာ။ ဦးယမ်.... မကွေးမြို့။ ဦးကောင်း.... သပြေငါးရွာ။ ဦးလှိုင်.... ယင်းတော်မြို့။ ဦးစိ.... စဉ့်ကူးမြို့၊ ဆောမြို့။ ဦးချိမ့်... မြှောင်လှမြို့။ .... .... .... ထင်ရှားသော ဘွဲ့ရစာဆိုအချို့မှာ အောက်ပါအတိုင်းပင် ဖြစ်ပါသည်။ အနန္တသူရိယ.......

အချစ်   လန့်ကြောက်မိ၍ ချစ်မည့် အရာ ငါ မတွေးခဲ့။    ။ ရွံ့ရှာမိ၍ ချစ်သည့် စာလုံး ငါ မကုံးခဲ့။    ။ ချစ်ဆုံးဘယ်မှာ၊  မမျှော်ပါလည်း ခုခါတခြား၊  ငါ့သည်းကြား၌ တအားစူးနှစ်၊  သတိလစ်သည် သည်ချစ် ငါရှောင်  မလွတ်တကား။    ။ (ငွေတာရီ) #ရှေးစာကဗျာများ ကျေးဇူး။ ဒေါက်တာတင့်ဆွေ

ကွန်မင့်တခု = ပါရီးစ့် (ပါရီးစ့် စန့်ဂျာမွန်း) လို့ အနီးစပ်ဆုံး ခေါ်ပါတယ်၊ ပဲရစ် မဟုတ်ပါ။ ပြန်စာ ဘာသာစကားမတူတာတွေကနေ ရယူတဲ့အခါ မူရင်းအသံထွက်အတိုင်းရခဲ့ပါကြောင်းကို မကြာခဏတင်ပြထားတယ်။ သက်သေခံနမူနာတွေလည်း များလှပြီ။ ပြင်သစ်နဲ့ ပဲရစ် ကို အသုံးများနေတယ်။ ကင်းဝန်မင်းကြီးစာအုပ်မှာ Paris ပါရစ် လို့ ဘာသာပြန်တယ်။ စာရေးဆရာ ၃ ဦးက - ၁။ ဝိုးတဝါးပါရီနှင့် ငြိမ်းချမ်းရေး ခရီးသည် (သိန်းဖေမြင့်) ၂။ ကိုကိုမောင်က ပါရီတွင် သောင်တင်ခဲ့စဉ်ကလို့ ရေးတယ်။ ၃။ ပါရီရုပ်ပုံလွှာ (ကျော်အောင်) ကွန်မင့်တခု =China ကို တရုတ်လို့ ခေါ်ပြီး French ကို ပြင်သစ် လို့ ဘာကြောင့် ခေါ်တာလဲ ဆရာ။ တရုပ်-မြန်မာ နယ်နိမိတ်စာချုပ် (၂၈-၁-၁၉၆၀) အရ တရုပ် စာလုံးပေါင်းမှန်။ ကွန်မင့်တခု =France နိုင်ငံကို ဘာလို့ ပြင်သစ်လို့ခေါ်ကြတာလဲ ဆရာ ခင်ဗျ ကင်းဝန်မင်းကြီးရေးတဲ့ လန်ဒန်သွား နေ့စဉ်မှတ်တမ်း (ဦးဘေမောင်တင် တည်းပြဋ်ပြင်ဆင်သည်)၊ ၁၉၅၄ ခုနှစ်ထုတ်မှာ France ပရံစေ France ပြင်သစ် Paris ပါရစ် Portugal ပူတကေ မြန်မာ့စွယ်စုံကျမ်းမှာလည်း ပြင်သစ်လို့ရေးပါတယ်။ ဖရင့်စ် နိုင်ငံသုံး ဖရင့်ချ် ဘာသာစကား အသံထွက်က အင်္ဂလိပ်နဲ့ မတူတာတွေ များတယ်။ ကျွန်တော်တို့ နှုတ်ကျ...

"သက်ဝေ" တကိုယ်လုံး (ဆရာဝန်များ စကားပြောကြခြင်း) (၁) Tin Hlaing သီဟဒီပ ဂီတရိပ်မြုံ ဇူလိုင်(၂၀)ရက်၂၀၂၆ မြို့မ ဆရာငြိမ်း၏ သက်ဝေ မြန်မာ့ဂန္တဝင်ဂီတလောကမှာ အထူးလူကြိုက်များခဲ့တဲ့ တေးအမည် သက်ဝေ တေးပြုစာဆို မြို့မငြိမ်း မူလ အဆို ပြည်လှဖေ + မေရှင် ယခုပြန်ဆို U Tin Hlaing အဆိုတော်သုမောင်နှင့် မြို့မ ဝင်းဝင်းေအာင်တို့ရဲ့ ကာရာအိုကေ မှာဝင်ဆိုထားခြင်းဖြစ်ပါတယ် တေးနှင့်သက်ဆိုင်ရာ ပညာရှင်များကို လေးစားစွာ ဂါရဝပြု အပ်ပါတယ်ခင်ဗျား(cr မထိအောင်) ဒေါက်တာလှဘူးရဲ့ စာတန်းထိုးများကိုလဲ ရောနှောသုံးစွဲ ထားပါတယ်ခင်ဗျား (၂) Tint Swe မြို့မငြိမ်းက တကိုယ်လုံး လို့သာရေးပါသည်။ (၃) U Tin Hlaing ဆရာလှဘူးလက်ရာ(တ) ကျုပ်ကတော့ တကိုယ်လုံးပါ (၄) Hla Bu ကျနော်က "တကိုယ်လုံး" လို့ရေးတာပါဆရာ သူတို့ဖာသာ အကူးမှားတာဖြစ်မှာပါ "တကိုယ်လုံး" လို့ ရေးဖို့ အိပ်မက်တောင် မမက်မိပါဘူး ဆရာရေ (၅) ဟုတ်။ ကျေးဇူး။ (၆) "သက်ဝေ" တေးရေး - မြို့မငြိမ်း ဆို ပြည်လှဖေ၊ မေရှင် သစ္စာမဏ္လိုင် မြဲခိုင်ခဲ့ပေ မေတ္ထာမိုးတွေ သွန်းဖြိုးရွာစေ အသဲမှာ စွဲမက် အသက်ကို ပုံတယ်လေ တကိုယ်လုံး သိမ်းကျူး လိုရာသုံး သက်ဝေ အပြုံးမပျက်ပေါင်...

မေးခွန်းတခု = တခါတလေလား နှစ်ခါ နှစ်လေလား ကျွန်တော် သူငယ်တန်းကနေ ဆေးကျောင်းပြီးတဲ့အထိ 'တခါတလေ' ကို 'တခါတလေ' လို့သာ ရေးပါတယ်။ မူရင်းစာလုံးပေါင်း = တခါတလေ မူသစ်တမျိုး = တစ်ခါတစ်လေ။ မူသစ်တမျိုး = တစ်ခါတလေ။ မူသစ်တမျိုး = တခါတစ်လေ။ ၁။ တကျွန်း တကျွန်း - န / တဂျွန်း / ၁၊ ပင်လယ်ရပ်ခြား တိုင်းတပါး။ ၂၊ တသက်တာ ထောင်ဒဏ်ခံရသူတို့ကို ထားရာအရပ်။ ၂။ တခဏချင်း တခဏချင်း - န / တခနဂျင်း / အလွန်တိုတောင်းသောကာလ အတွင်း။ "လူသည် လေကို မရှူရှိုက်ရလျှင် တခဏချင်းပင် သေလိမ့်မည်။" မောင်မေ။ ၂။ ၃။ တခါ တခါ - ကြိဝိ / တခါ / အကြိမ်အလှည့်အားဖြင့်။ "အကြွေးမြို့ ဆိုတဲ့ ပြည်သို့ တခါဝိုင်းရပြန်တော့။" မျောက်ငို။ ၇ဂ။ တခါ - န / တခါ / တခုသော အချိန်အခါ။ "သဘာဝဓမ္မပါရဂူ တယောက် တခါက ပြောဖူးဖူးလေသည်။" ငှက်။ ၂၅။ ၄။ တခါတခါ တခါတခါ - ကြိဝိ / တခါတခါ / အမြဲမဟုတ်။ အခန့်သင့်သည့်အခါ။ တခါတရံ။ တခါတလေ။ "တခါတခါရွှေထွက်သည်။" ကိပုံ။ ၇၂။ ၅။ တခါတရံ တခါတရံ - ကြိဝိ / တခါတယန် / တခါတခါ-ကြိဝိနှင့်အတူတူ။ "တခါတရံ လက်မ ၃၀၀ အထိ ရှည်သွန်း လေသည်။" မြန်သွေး။ ၂၆။ ၆။ တခါတလေ တခါတလေ - ကြိဝိ / တခါတလေ / တခ...

ကွန်မင့်တခု = ဟုပ်ကဲ့ပါရှင် ဟုတ်ကဲ့ လို့ ရေးရ။ ကွန်မင့်တခု =ဆရာက ဆရာကြီးမဟာဆွေဝတ္တုထဲက ဒေါက်တာတင့်ဆွေမဟုပ်လား စောရဗလလေ ပြန်စာ ကျွန်တော့အကြောင်း စာထဲ ထည့်ရေးတာ မရှိပါ။ မဟုတ်လား လို့ ရေးရပါသည်။ ၁။ ဟုတ် ဟုတ်¹ - ကြိ / ဟုတ် / ၁၊ အမှန်တကယ်ဖြစ်သည်။ "သူသည် ပညာရှိဟုတ်၏။" ၂၊ ဖြစ်မြောက်အောင်မြင်သည်။ "သံကြီး စာကို ဖတ်တတ်သောသူသည် အတော် ဟုတ်သောသူ။" ကမ္ဗ၊ ဂ၇။ ဟုတ် - နဝိ / ဟုတ် / မှန်ကန်သော၊ အတည်ဖြစ်သော၊ အမှန်တကယ်ဖြစ်သော။ "ပွဲသဘင်အလယ်၌ ဟုတ်သည့်အတိုင်း မိန့်တော်မူသည်။" နူ၊ ၁၅၂-၃။ "ကျွန်ုပ်လည်းမဟုတ်၊ သဘော ဟုတ် လျှက်၊ ကုတ်ကုတ်ကြီးဆုံး။" ဓမ္မ*၊ ၂၁။ ၂။ ဟုတ် ဟုတ်² - ကြိ / ဟုတ် / [ပေါ်] လေခတ်သည်။ "မကြာလျှင် ခုတ်၊ လေပြင်းဟုတ်က၊ တိမ်အုပ်ခဲထွေး။" နဒီ*၊ ၁၀။ "ဟုတ်သော ဂျွမ်းပုံကဲ့သို့။" အဋ္ဌ၊ ဒု၊ ၃၅။ "မှန်တိုင်းကဟုတ်၊ ဝဲကစုပ်သော်။" ဇပျို့*၊ ၂၃။ ၃။ ဟုတ်ခနဲ ဟုတ်ခနဲ - ကြိဝိ / ဟုတ်ခနဲ / ရုတ်တရက် လေမှုတ်ချက်နှင့်အမျှ လျှင်မြန်စွာ။ "ဖယောင်းတိုင် မီးတောက် ကလေးများ ဟုတ်ခနဲ၊ ဟုတ်ခနဲ ငြိမ်းပျောက် သွားသကဲ့သို့ လည်းကောင်း။" ဝိပဿနာ၊ ဒု၊ ၁၂၇။ ၄။ ဟုတ...

၁။ ဆရာရှင့် စောင်ကားသီးလား စောင်းခါးသီးလား သိချင်လို့ပါရှင့်။ ၂။ ဇောင်းလျားသီး ဟုပ်ဘူးလား။ စောင်းလျားသီးလို့ ရေးရတယ်။ ဟုတ်လို့ ရေးရတယ်။ စောင်း တိမ်းစောင်းသည် မြင်းစောင်း ရှားစောင်းပင် စောင်းကန်းစောင်းကန်း စောင်းချိတ်ပြောသည် စောင်းငဲ့ကြည့်သည် စောင်းစလွယ် ခြင်းခတ်နည်း စောင်းဆရာ စောင်းတန်း စောင်းတီးသည် စောင်းပါးရိပ်ခြည် စောင်းငြင်း စောင်းရွဲ့နေသည် စောင်းလျားသီး စောင်းကောက် စောင်းမြောင်းသည် စောင်းမြောင်းပြောဆိုသည် အာထွာစောင်း မှားတယ်။ အာထွာဆောင်းလို့ ရေးရတယ်။ စဉ်း စဉ်းငယ်၊ စဉ်းချိန်ခွင်၊ ဓားဖြင့်စဉ်း၊ စဉ်းနှီးတုံး။ စိုင် စိုင်သတ္တဝါ၊ စိုင်သရက်၊ အစိုင်အခဲ၊ မြေစိုင်ခဲ။ စိုင်း မြင်းစိုင်းသည်၊ စိုင်းနှင့်၊ စိုင်းပြင်း၊ မြင်းစိုင်းမြို့။ စဇင် (စဇင်/စစင်) စဇင်ခြမ်းကွဲ၊ စဇင်ခြုံသည်၊ စဇင်မ၊ စဇင်ရန်း၊ စဇင်ချမ်းပင်၊ စဇင်ရမ်းစဇင်ကာ။ စောင့် စေင့်လျှောက်၊ စောင့်စည်း၊ စောင့်စား၊ စောင့်ဆိုင်း။ စဇင်း စောင်းလျားပင်၊ တီးစရာစောင်း၊ ငဲ့စောင်း၊ စေယင်းမြောင်း၊ ရှားစောင်းပင်၊ မြင်းစောင်း၊ တိမ်းစောင်း။ စစ် စစ်ဆေးသည်၊ ရေစစ်၊ စစ်ဆင်း၊ စစ်တိုင်၊ စစ်ဘုရင်ထိုးသည်၊ စစ်စစ်မြည်သံ၊ စစ်စသည်၊ စစ်ကြောမေးမြန်း၊ စစ်ငုပ်သည်၊ စစ...

ကူးယူတင်ပြပါသည်။ လှတောရွာထိပ်တွင် ဆိုင်းဘုတ် စိုက်ထူဖို့ အလုပ်ရှုပ်နေကြသည်။ ဆိုင်းဘုတ်က.. "တဧက စပါးတင်းတရာ အထက် ထွက်ရမည်" တဲ့ .. ။ လှတောရွာမှ လူအများ လာကြည့်ကြရင်း လှတောသားတယောက်က ဤသို့ဆို၏။ "ဆရာတို့ .. ခင်ဗျားတို့ဆိုင်းဘုတ်က စာတလုံး လိုနေတယ်ဗျ" "မလိုပါဘူးကွာ အတိအကျ ရေးထားတာပါ ဘာလိုလို့လဲ" "လိုတာပေါ့ဆရာရယ် .. ရှေ့ဆုံးမှာ “ဥုံ” ဆိုတာလေး ရေးဖို့ ကျန်ခဲ့တယ်" ကျေးဇူး။ “ဥုံ” တဧက တင်းတရာ တောသားတယောက် မှန်အောင် ရေးတတ်ကြပါစေသတည်း။ ဒေါက်တာတင့်ဆွေ

ဆရာရှင့် (လည်းနဲ့လဲ) (ဘဲ နဲ့ ပဲ) သုံးပုံလေးရှင်းပြပေးပါ။ လည်း နဲ့ လဲ၊ ပဲ နဲ့ ဘဲ အခါ ၂၀ လောက်တော့ရှိပြီ။ ထပ်တင်ရင် တချို့က အမြင်ကပ်ကြတယ်။  အခါ ၂၀ ရှိလည်း ပိုမှန်လာသူ ၂ ယောက်မပြည့်။ လဲ နဲ့ လည်း https://burmese-spelling.blogspot.com/2026/02/blog-post_192.html လဲ နှင့် လည်း (၃) https://burmese-spelling.blogspot.com/2024/11/blog-post_947.html လဲ နှင့် လည်း (၂) https://burmese-spelling.blogspot.com/2022/11/blog-post_387.html လဲ နဲ့ လည်း မုံ့ နဲ့ မုန့် ကွန်မင့်များအား ဖြေကြားခြင်း https://burmese-spelling.blogspot.com/2023/08/blog-post_488.html လဲ နှင့် လည်း https://burmese-spelling.blogspot.com/2023/05/blog-post_613.html လည်းကောင်း နဲ့ ၎င်း https://burmese-spelling.blogspot.com/2023/09/blog-post_6.html 'ပဲ' နဲ့ 'ဘဲ' ကို တရားသေမှတ်ယူလို့ မရပါ https://burmese-spelling.blogspot.com/2026/03/blog-post_84.html မြန်မာစာမှာ ဓါတုဗေဒလို ဖေါ်မြူလာတွေထုတ်တာ မမှန်ပါ https://burmese-spelling.blogspot.com/2025/01/blog-post_332.html ပဲ နဲ့ ဘဲ ဋီကာ အဆက် https://burmese-spelling.blogspot.com/2...

ကာတွန်းကတော့ ပြုံးစရာအဖြစ် တင်ပြထားပါတယ်။ လက်တွေ့လည်း ရှိတယ်။ ဆေးရုံကြီးတွေရှေ့ နောက်နားမှာ လူနာအတွက် စားစရာ၊ သုံးစွဲစရာတွေ ရောင်းကြလေ့ရှိတယ်။ ဝယ်တဲ့သူတွေလည်း လွယ်လို့ ဝယ်ကြရတယ်။ ရောင်းကုန်တွေကတော့ အရည်အသွေး မကောင်းပါ။ ဈေးကွက်တွက် ရောင်းကြတာ။ ညလုံးပေါက်ဖွင့်တဲ့ လက်ဖက်ရည်ဆိုင်တွေမှာလည်း လက်ဖက်ရည် ညံ့လေ့ရှိတယ်။ မန္တလေးဆေးကျောင်းသားဘဝ အတွေ့အကြုံအရ တင်ပြတာ။ အခုတော့ မားကက်တင်းပညာရပ်ပေါ်လာပြီ။ ဈေးဝယ်သူတွေရဲ့ အားနည်းချက်တွေကို သုတေသနလုပ်ပြီး ပို့ချပေးကြတယ်။ သုတေသနဆိုတာ တချို့ကလည်း ပိုက်ဆဲရှာနည်းအတွက် သုံးကြပါတယ်။ ဆေးသုတေသနသစ်တခုပေါ်ရင် မီလီယန်နာ ဖြစ်တယ်။ ဆေးသစ်အမည်တွေ တင်ပြထားပါတယ်။ နောက်တမျိုး ဆိုရှယ်မီဒီယာမှာ လူတွေရဲ့ အားနည်းချက်တွေကို မေးနေစရာမလို ရက်ရောရော လူပုံတွေ၊ ဖုန်းနံပတ်တွေနဲ့ အားနည်းချက်ရှိသူတွေက အခမဲ့ ကြော်ငြာနေကြတယ်။ ဟိုင်း လိုက်ရင် သူတို့က အဟုတ်မှတ်ပြီးသကာလ ပျော်နေကြတယ်။ ရောင်းချင်တာ ရောင်း၊ တောင်းချင်တာ တောင်းပေတော့။ အထူးသဖြင့် မြန်မာလို စာရေးနေသူတွေပေါ့။ ဒေါက်တာတင့်ဆွေ

ကွန်မင့်တခု = သထုံဘက်ကသူတွေက မလုပ်တတ်ဘူးပြောချင်တာကို၊ လုပ်မတတ်ဘူးလို့ပဲပြောကြတာ သတိထားမိတယ် ဆရာ။  ဟုတ်။ တခြားမြို့အမည်တွေကိုလည်း အဲလိုပြောကြတယ်လို့ ရေးလာကြပါတယ်။ မှတ်ရန် ဒေသိယ ခေါ် ဒေသအလိုက်အသုံးစကားတွေ ရှိတယ်။ ပြောစကား ဆိုတာ စာလုံးပေါင်းသတ်ပုံစာရင်းထဲ မထည့်ရပါ။ ခေတ်သုံးစကားလည်း စာလုံးပေါင်းသတ်ပုံစာရင်းထဲ မထည့်ရပါ။ ခေတ်ပျက်အသုံးတွေကိုလည်း စာလုံးပေါင်းသတ်ပုံစာရင်းထဲ မထည့်ရပါ။ ဘန်းစကားတွေပါ စာလုံးပေါင်းသတ်ပုံစာရင်းထဲ မထည့်ရပါ။ ဒေသိယအသုံးများအကြောင်းလို့ သီးသန့်ဖေါ်ပြနိုင်ပါတယ်။ ခေတ်သုံးစကားလို့ သီးသန့်ဖေါ်ပြနိုင်ပါတယ်။ ခေတ်ပျက်အသုံးတွေလို့ သီးသန့်ဖေါ်ပြနိုင်ပါတယ်။ ဘန်းစကားတွေလို့ သီးသန့်ဖေါ်ပြနိုင်ပါတယ်။ ဥပမာ လှသမိန်ရေးတဲ့ ဘန်းစကားများစာအုပ်။ အညာဒေသတချို့မှာ ၇ အသံထွက် ခွင်၊ လွင် အသံထွက် လွန်။ ယောစကားတွေကို ယောစကားများလို့သာ စုစည်းထားသင့်တယ်။ မှတ်သားစရာတွေ အများကြီး။ ကုန်သည် = ကုန်သယ် (ယောသံ အောက်သံ တူညီပါသည်) စည်ကား = စယ်ကား (ယောသံ “ယ”သတ်ဖြင့် ဖလှယ်၍ပြောပါသည်) ထင်းစည်း = ထင်းစဲ (ယောသံက နောက်ပစ်သံဖြင့် ဖလှယ်၍ပြောပါသည်) မလုပ်ချည်နဲ့ = မလုပ်ချေန (သဝေထိုးသံဖြင့် ပြောပါသည်။ မင်းကောင်မလေး...

ရေး ဦးဘသိန်း ( မန္တလေး) ဆို မစိမ်းစိမ်း ရွှေမန်း ဆီ...သို့ တခါတခေါက်ဖြင့် ရောက်စေချင်သည် ကျုံးတော်ပတ်လည် မြမြို့ရိုး ပြအိုးပစ္စင် ကာရံကာအတည် မြန်မာစံဌာနီ သာယာပါပေ့သည် ရေရိပ်ရေအောက်ဆီ နေခြည်ဟပ်ကာ အလွန်ပနံရလှသည် ရှုဖွယ်စုံညီ ရွှေနန်းတော်အရှေ့ဆီ မြရည်ညိုညို တောင်တန်းတွေကမှုန်ရီ ငရံ့မင်းစေတီ တောင်တော်ထူး အောင်ပင်လယ် ယာပြင်ဦးက ဖူးနိုင်ပါသည် အထူးဘဲ အစဉ်ဖိတ်ခေါ်ပါသည် ဟိုမှသည် အရောက်သွားလို့ မန္တလေးတောင်တော်ဆီ တထောက်နားမည် မြင်ကွင်းကျယ်ကျယ်ပတ်ဝန်းကျင်ဝယ် မှန်းလို့ရှုရမည် ဟိုမှသည် အရောက်သွားလို့ မန္တလေးတောင်တော်ဆီ တထောက်နားမည် မြင်ကွင်းကျယ်ကျယ်ပတ်ဝန်းကျင်ဝယ် မှန်းလို့ရှုရမည် မှုန်ရီမှေး ဟိုအဝေးကစေတီ သခင်မတောင်တော်မဟီရှင့် အနောက်မြောက်ယွန်းတော့ မင်းကွန်းထိုစေတီ ဖူးတွေ့ရမည် ဧရာဝတီမြစ်ကြောင်းဆက်ကာ အနောက်ဘက်မှာ ရှုကြည့်ပါ ပုထိုးစေတီအထူး ဦးချီ စစ်ကိုင်းမင်းဝံဆီ စစ်ကိုင်းတောင်တော်နားဆီ ဇေယျာရွှေပြည် ညိုမှိုင်းလျက်အတည် ဒီမှာဘက်ကမ်း ကြက်ညီနောင် စံမြန်းတဲ့စေတီ မြူခြေတွေထဲ မသဲမကွဲ ဖူးတွေ့နိုင်သည် ဒါတွေစုံပါပြီ မြို့တွင်းကိုလှည့်မည် ဝေယံဘုံပမာနန်းဆောင်တမျှ သိင်္ဂါရွှေရောင် ထိန်ဝါဝေပြောင် အလျှံကိုဆောင် မြိ...

ကွန်မင့်တခု = တကယ်ကို (တစ်ကယ်)လို့ ရေးကြတဲ့သူတွေက ဘလူးမတ်တွေနဲ့..ရှက်စရာကြီး ဟုတ်။ အဲလိုမှတ်ချက်မျိုး မကြခဏရပါတယ်။ ကျွန်တော့ကိုလည်း ဘလူးမတ် လျှောက်ပါလာလို့လည်း အကြံပေးကြတယ်။ နည်းပညာတတ်သူတယောက်က ၂-၃ နာရီလောက်အချိန်ကုန်ခံပြီး ကြိုးစားပေးတယ်။ မရပါ။ တယောက်က အကြံပေးပါတယ်။ တလ ၁၅ ကျပ်။ မတတ်နိုင်ပါ။ အပြာရောင်အလံတော်ကြီးနဲ့အတူ တင်ထားတဲ့စာတွေ၊ ပုံတွေ၊ သတင်းတွေ၊ အတင်းအဖျင်းတွေအရေအတွက် အလံတော်မပါသူတေတွနဲ့ ထပ်တူထပ်မျှ များတယ်။ ထို့ကြောင့် ဘလူးမတ် သည်  အချက်အလက် အမှန်အမှားနှင့်သော်လည်းကောင်း၊  သတ်ပုံ အမှန်အမှားနှင့်သော်လည်းကောင်း၊  အတု အစစ်နှင့်သော်လည်းကောင်း၊ ယဉ်ကျေးမှုနှင့်သော်လည်းကောင်း သက်ဆိုင်ခြင်းမရှိ။ သို့သော် အထင်ကြီးကြကုန်၏။ ဒေါက်တာတင့်ဆွေ

ကွန်မင့်တခု = ဆရာ တချို့ကတကယ်မသိတာလား၊ လူကြည့်များအောင်တမင်မှားရေးပြနေတာလား ပြန်စာ စာကိုဘာ့ကြောင့် မှန်အောင်မရေးကြသနည်း လေ့လာချက်စာ တင်ပြထားပါတယ်။ (၁) တကယ်မသိခြင်းနမူနာအချို့ တတ် နဲ့ တက် ဖတ် နဲ့ ဖက် ထုတ် နဲ့ ထုပ် စာ နဲ့ ဆာ စွဲ နဲ့ ဆွဲ  စသည်။ (၂) လူအထင်ကြီးလေမလားလို့ ရေးခြင်းနမူတာအချို့ မလုပ်ကသေးဘူး ရန်ကုန်မာနေတယ် ကျိပါအုံး ရပါပီ HIV ဖစ်နေလို့ အဲလိုရေးရင် အထင်တော်ကြီးသူတွေကလည်းများတယ်။ ဒေါက်တာတင့်ဆွေ

ဆရာ စနဲ့ဆ ဘယ်လို အသံထွက်ခွဲတယ် ဆိုတာလေးလည်း အားတဲ့အခါ ပြောပြပေးပါ။ အသံထွက်တူကို အက္ခရာ၂လုံးရှိတာ ဘာကြောင့်ဆိုတာ နားမလည်နိုင်လို့ပါ။ စ နဲ့ ဆ အသံထွက် မတူပါ။ အသုံး မတူပါ။ ဆိုလိုချက် မတူပါ။ သူ့ကို သွားမစနဲ့။ ဆရာမကို တိုင်လိမ့်မယ်။ အစကတော့ဖြူဖြူ ညိုသွားပြီ၊ အသားလေးညိုသွားပြီ။ စကားကောင်းကောင်းပြောပါ။  ဆလတ်ရွက်စားမလား။ အစကောင်းမှ အနှောင်းသေချာ။ ဆနွင်းမကင်း စားမလား။ ခေတ်ကတော့ ဆရာဝန် ကို စရာဝန်၊ ကင်ဆာ ကင်စာ လို့ခေါ်နေကြတဲ့ခေတ်။ စရာမ ကလည်း အောင်မှတ်ပေးတာကိုး။ စရာဝန်က စေးကုပေးတာကိုး။ (အောက်က ကူးယူတင်ပြစာကို AI ကိုအကူအညီတောင်းတော့ အမှားတွေပါနေခဲ့တယ်။ တယောက်က ထောက်ပြမှသာ လိုက်ပြင်ရပါတယ်။ ကျေးဇူး။ အခုလည်း ကျန်ဦးမလား မသိ။) စ - န / စာ့ / ဗျည်း သုံးဆယ့်သုံးလုံးတွင် ခြောက်လုံးမြောက် အက္ခရာ။ စလုံးဟု ခေါ်သည်။ ၂။ စ စ - ကြိ / စာ့ / အဦးပြုသည်။ ပထမနေရာတွင် တည်ရှိသည်။ "ထိုစောင်းသမားသည် ဇိဂ္ဂဝါတို့ကို ယူ၍ ရာတံခါးမှ စ၍ စုံစမ်းလျှက်။" ငါး၊ ၃၆၀၊ ၄၉။ စ - န / စာ့ / အဦး။ အစ။ "အန္တရာယ်တွေကို သေချာ ကျနစွာ စ လယ် ဆုံး ပေါင်းရုံးစစ်ဆေး ထောက်တွေးကြည့်ရှု သတိပြုကြ။" ဟံ၊ ၁၊ ၁၆။ ၃။ စ စ - ကြိ / စာ့ / ၁၊ ကျီ...

တင်ထားတဲ့စာ = မ ကိုနေရာထားလွဲရေးခြင်း။ ကွန်မင့်တခု = လုပ်မတတ်။ လုပ်တော့မလိုလို။ ဟုတ်တယ်။ မတတ်ဆိုတာ မလုပ်တတ်၊ မကိုင်တတ်သူမက တခြားအဓိပ္ပါယ်လည်း သက်ရောက်စေနိုင်တယ်။ မလုပ်တတ် (ကျွမ်းကျင်မှု/အသိပညာ မရှိခြင်း) — လုပ်ဆောင်နည်းကို မသိတာ၊ အတတ်ပညာ မရှိတာကို ရည်ညွှန်းတာပါ။ လုပ်တော့မလိုလို/မပြတ်သားခြင်း (တကယ် မလုပ်ချင်/မလုပ်ရဲခြင်း) — "လုပ်မတတ်၊ မကိုင်တတ်" ဆိုတာမျိုးက တစ်ခါတလေ ကျွမ်းကျင်မှုကို ရည်ညွှန်းတာ မဟုတ်ဘဲ လုပ်ဆောင်ပုံ လုပ်ဆောင်နည်း ချီတုံကျတုံ ဖြစ်နေတာ၊ သတ္တိမရှိတာ ဒါမှမဟုတ် တိတိကျကျ ဆုံးဖြတ်ချက် မချနိုင်ဘဲ ယောင်ဝါးဝါး ဖြစ်နေတာကိုလည်း သက်ရောက်သွားစေပါတယ်။ စားမတတ် ဝါးမတတ်။ အစိမ်းလိုက် ဝါးစားမတတ် ဒေါသထွက်ခဲ့ဖူးတဲ့ အသက် အာမခံ စက္ကန့်လေးတွေလဲဝါးစားမတတ်  အလုပ်ထဲမှာဆို သံချောင်းတွေဝါးစားမတတ်ပဲ  စားမတတ်ဝါးမတတ်ကြည့်နေတဲ့ဘဲကြီး အကြည့်ကြီးကကွာစားမတတ်ဝါးမတတ် စကားပြောတာ အသံထွက်ပြီးရောသမားတွေ များတယ်။ ခေတ် စာရေးတာ ကကြီး၊ ခခွေးပါပြီးရောသမားတွေလည်း များတယ်။ ဘယ်လိုပြောပြော ဝယ်ချင်သူတွေကများတာကိုး။ လယ်လိုရေးရေး အောင်မှတ်ပေးဆဲ့ဆရာဆရာတွေက များတာကိုး။ ဘယ်လောက်မှားမှား တပည့်ခံချင်သူတွေက များတဲ့ခေတ်။ ...

ကွန်မင့်တခု = ‏မဆလ ခေတ်တုန်းက မူဆယ်ကို မူစယ်လို့ ရေးတယ်ဆရာ ဟုတ်။ စ နဲ့ ဆ ကတော့ မကွဲသူတွေများတယ်။ လေ့လာကြည့်ဦးမယ်။ 1. 'မူစယ်”။ မြန်မာအများစုက 'မူဆယ်'ဟုခေါ်ကြသည်။ အင်္ဂလိပ်က Muse ဟုစာလုံးပေါင်းသည်။ မြို့အဝင်တွင် ရေးထားသည့်တရားဝင်ဆိုင်းဘုတ်တွင်မူ 'မူစယ်'ဟုရေးထားသည်ကို တွေ့ရလေသည်။ 2. နီနီလေးတွေနဲ့ရှယ်လှနေသော မူစယ်သူလေး .. 3. Sunday မနက်ပိုင်း မူစယ်-စယ်လန့် ... 4. မူစယ် - နမ့်ခမ်းကားလမ်း Archives 5. မူစယ် သျှမ်း နှစ်သစ်ကူးပွဲ နောက်ဆုံးနေ့ 6. မူစယ်၏ အဓိပ္ပာယ်မှ “မူ” ဆိုသည်မှာ ရှမ်းဘာသာစကားဖြစ်ပြီး မြန်မာလို အဓိပ္ပာယ်မှာ စည်ကားသောစုဝေးသော “စယ်” ဆိုသည်မှာမြို့၊ “မူစယ်” စည်ကားသောမြို့ ဟူ၍ ဖြစ်ပါသည်။ 7. ဗီဒီယိုတွင် ၆ လှံင့်အရွယ်အစားနှင့် ဆက်စပ်သည့် မူစယ်များကို ဖော်ပြထားပြီး သီးသန့် မူစကူဒူး၊ အသံဖိုင်နှင့် စာအုပ်ဆိုင်ရာ ရွေးချယ်စရာများကို တင်ပြထားသည်။ 8. သျှမ်းပြည်မြောက်ပိုင်း မန္တလေး - လားရှိုး - မူစယ် ကားလမ်းတွင် မိုးတိတ်သွားသည့်နောက်ပိုင်း လမ်းပြန်ပွင့်သွားပြီဟု ဆိုသော်လည်း 9. နယ်စပ်မြို့တော် မူစယ်မြို့သည် စီးပွားရေးမြို့ဖြစ်သည့်အားလျော်စွာ 10. ပလှံင်မူ...

ကျွန်တော်တို့နိုင်ငံရဲ့ လွန်ခဲ့တဲ့ နှစ်ပေါင်း ၇၀ ကျော်ကို ကိုယ်တိုင်ဖြတ်သန်းခဲ့ရပါတယ်။ စာအုပ်တွေဖတ်လို့ သိတာလည်းပါတယ်။ ကိုယ်တိုင်ကြုံခဲ့တာတွေလည်းပါတယ်။ လွတ်လပ်ရေးမရခင်ကတည်းက စစ်အေးကာလကြီးအတွင်းမှာ လက်ဝဲယိမ်းသူအုပ်စုနဲ့ လက်ယာယိမ်းသူအုပ်စုကြီး နှစ်ခုရှိခဲ့တယ်။ လက်ဝဲယိမ်းက သိသိသာသာ အသာစီးရတယ်။ စာတွေ၊ ကဗျာတွေ၊ ဘာသာပြန်တွေ၊ မိန့်ခွန်းတွေ၊ ပြောစကားတွေမှာ လက်ဝဲ လက်ဝဲ လက်ဝဲ။ လက်ဝဲကလည်း တမျိုးတည်း မဟုတ်။ ဆိုဗီယက်၊ ယူဂိုဆရာဗီးယား၊ တရုပ်။ တရုပ်မှာလည်း မော်စီတုန်းကစပြီး နောက် နောက် နောက်။ အယူအဆ ခေါ် အိုင်ဒီယော်လော်ဂျီတွေကလည်း ကွဲသေးတာ။ ဟိုချီမင်းကို သခင်ကိုယ်တော်မှိုင်းထက် ကြည်ညိုသူတွေရှိတယ်။ ချေဂွေဗားရားကို ဆရာစံထက် အားကျသူတွေရှိတယ်။ ဗေါ်ရဂါဖြစ်ရေကို ဧရာဝတီဖြစ်ရေထက် နှစ်သက်သူတွေ ရှိတယ်။ ယန်စီမြစ်ကို ချင်းတွင်းမြစ်ထက် ချစ်တဲ့သူတွေ ရှိတယ်။ လက်ယာသမားတွေကတော့ လူမသိသူမသိ ချမ်းသာကြတယ်။ ခေတ်က ပြောင်းလာတယ်။ လူမြင် အဘခေါ်ကြတော့ အဖွားတွေ ကာတွန်းထဲကလို ဖြစ်ကုန်ရော။ ကိုယ့်ကိုယ်ကို သားတဲ့။ သမီးတဲ့။ လူပျိုကြီး၊ အပျိုကြီးတွေကို အထင်မှားကုန်ကြရော။ ခေတ်က ပြောင်းလာတယ်။ လူမမြင်ရတဲ့ ဆိုရှယ်မီဒီယာပေါ်မှာ အဘတဲ့၊ သားတဲ...

လှောင်ပြောင်စရာအဖြစ်  တခြားစာလုံးတွေကိုတော့ တမင်တကာ ပြင်ရေးပေမဲ့ တ ကိုတော့ မပြင်ပါ။ တ ကို ရယ်စရာ လှောင်စရာအဖြစ် ၁၉၈၆ ခုနှစ်ကစပြီး တဝမ်းပူ ၇၀% လောက်ကို စသတ်ကြစေရုံးမိန့် ထုတ်ပါတယ်။ ၂၀၂၆ ခုနှစ်ရောက်တော့ တဝမ်းပူ ၉၀% ကို စသတ်နဲ့ ရေးနေကြပြီ။ ရာနှုန်းမပြည့်သေးပါ။ တော်သေးတယ်။ ဒေါက်တာတင့်ဆွေ

၁၉၅၆ နောက် ၁၉၈၀ ခုနှစ်လောက်အထိ ထုတ်ဝေခဲ့တဲ့ ၁၀ ပြားတန်၊ တမတ်တန်နဲ့ ၁ ကျပ်တန်  ကာတွန်းစာအုပ်တွေရဲ့ အမည်တွေ သိလို။  AI က မသိ။ ရမ်းဖြေ။ ကျွန်တော်တို့နိုင်ငံမှာ ဘယ်အကြောင်းဖြစ်ဖြစ် သုသေနလုပ်စရာ အကိုးအကား၊ အထောက်အထားရှာရတာ အလွန်ခက်ပါတယ်။ အဲလိုဖြစ်နေတာ မကောင်းပါ။ ဘယ်အကြောင်းအရာ၊ ဘယ်ဘာသာရပ်တွေကိုမဆို စနစ်ကျ၊ ထိန်းသိမ်း၊ စုဆောင်းထားကြရပါမယ်။ အချက်အလက်မှန် မရှိရင် ရမ်းပြော၊ ရမ်းရေးတာတွေက မှားနိုင်တယ်။ ကျန်းမာရေးကအစ ရောဂါဖြစ်နှုန်း၊ သေနှုန်း၊ အဖြစ်များရာဒေသ၊ ခုနှစ်တွေ စနစ်တကျမရှိပါ။ ကာကွယ်ရေးမှာ လွဲချော်စေနိုင်တယ်။ AI ကလည်း မြန်မာလိုရေးထားသမျှ ဒေတာတွေကိုသာ ကိုးကားနေရလို့ အမှားတွေ ပါပါလာတယ်။ ကျွန်တော်တို့ရဲ့ ပြဿနာက တ နဲ့ တစ် သာ မဟုတ်ပါ။ စာလုံးပေါင်းသတ်ပုံသာ မဟုတ်ပါ။ မြန်မာစာသာ မဟုတ်ပါ။ ပညာရေးသာ မဟုတ်ပါ။ အရာရာ။ အခြေမခိုင်တာတိုင်းက ယိုင်လဲပြိုကျတတ်တယ်။ ဒေါက်တာတင့်ဆွေ

အိမ်လခက၊ မည်မျှမည်ရွှေ့။ ကြွေးဗလပွ၊ မည်မျှဆပ်မည်။ ဆီဘိုးဆန်ဘိုး၊ ခြိုးခြံတချို့။ ဪ ... အသက်ရှူပင် မဝ ... တလတလ၊ စာရင်းချ၍ ဘောဂဗေဒ၊ တွက်ချက်ရနှင့် ဘဝထွေထွေ၊ စားဝတ်နေရေး အဖြေတွေးထုတ်၊ ဦးနှောက်ရှုပ်ရင်း ကျွန်ုပ်ရူးသွပ်သွားပြီတည်း။ ရည်ညွှန်း လျှို့ဝှက်သဲဖို ၁၉၆၉ ဖေဖေါ်ဝါရီ Listener's Heaven Audiobooks - အသံစာအုပ် ကျေးဇူး။ ဒေါက်တာတင့်ဆွေ

ကွန်မင့်တခု = ရွှေသွေးနဲ့ တေဇရုပ်စုံဟာ ခလေးထဲကအဖေါ်ပါ ဟုတ်။ ကျွန်တော်တို့ကတော့ ဘာမားစတား၊ တပတ်တကြိမ် စနေ့နေ့တိုင်းထုတ်၊ တစောင် ၁၀ ပြားကနေ စတင်ပါတယ်။ နောက် တမျိုးလည်း ၁၀ ပြားတန်ပေါ်တယ်။ အမည်ကိုမေ့နေသေးတယ်။ ခဏနေ ပြန်ပေါ်မယ်။ နောက် တစောင် ၂၅ ပြား မော်ဒန်ကာတွန်း။ နောက် တစောင် ၁ ကျပ်၊ လုံးချင်းကာတွန်း။ နောက် တအုပ်တကျပ် စံရွှေမြင့်ကာတွန်း။ ဖဆပလ ခေတ်မှာ အဝါ နဲ့ အနီ ပါတီတွေရဲ့ ဝါဒဖြန့် လုံးချင်းကာတွန်းတွေ ထွက်တယ်။ အကုန် သတ်ပုံ မှန်တယ်။ သောကြာစာစောင် ဘကလေး (ရွှေတလေး) ဘထွေး (ကာတွန်း) ဦးဘဂျမ်း ဦးဟိန်းစွန်း ဦးအောင်ရှိန်  ဦးသန်းကြွယ် မောင်စိန်  ဖေသိန်း  ငွေကြည်  တင်အောင်နီ  ရွှေမင်းသား  ဝင်းမောင်  သော်က  မဆလ ခေတ်မှာ ရွှေသွေး တို့ကျောင်းသား တေဇ ရုပ်စုံ စတာတွေထွက်တယ်။ မဆလ ခေတ် မကုန်ခင်အထိ သတ်ပုံတွေ မှန်တယ်။ နောက်တော့ ကာတွန်းတွေလည်း တရားစာအုပ်တွေ ရသစာအုပ်တွေ ကဗျာစာအုပ်တွေ ဘာသာပြန်တွေ သတင်းစာတွေ ဂျာနယ်တွေအကုန်  သတ်ပုံတွေပျက်ကုန်တာ အခုထိ။ ဒေါက်တာတင့်ဆွေ

ရွှေသွေးဂျာနယ် ရွှေသွေးဂျာနယ်က ဘယ်ခုနှစ်ကစပြီးအင်္ဂလိပ်စာထည့်ရေးတာလဲဆရာ ရွှေသွေးဂျာနယ်ဖတ်ပြီး ကျွန်တော် ဗမာစကားပြောကျွမ်းလာတာလေ ကျွန်တော်ကရှမ်းတိုင်းသားပါ ရွှေသွေးဂျာနယ်တွင် အင်္ဂလိပ်စာကို ၁၉၇၉ ခုနှစ်၊ အောက်တိုဘာလမှ စတင်၍ မြန်မာ-အင်္ဂလိပ် နှစ်ဘာသာ (Bilingual) အဖြစ် ပူးတွဲထည့်သွင်း ရေးသားထုတ်ဝေခဲ့ခြင်း ဖြစ်ပါသည်။ ရွှေသွေးဂျာနယ်ဆိုင်ရာ အချက်အလက်အကျဉ်း စတင်ထုတ်ဝေသည့်ရက် – ၁၉၆၉ ခုနှစ်၊ ဇန်နဝါရီလ ၄ ရက် အင်္ဂလိပ်စာ စတင်ပါဝင်သည့်ကာလ – ၁၉၇၉ ခုနှစ်၊ အောက်တိုဘာလ ထုတ်ဝေသည့်အဖွဲ့အစည်း – ပြန်ကြားရေးဝန်ကြီးဌာန၊ ပုံနှိပ်ရေးနှင့် ထုတ်ဝေရေးဦးစီးဌာန (စာပေဗိမာန်) ကလေးများ အင်္ဂလိပ်စာစကားပြောနှင့် ရေးထုံးများ လွယ်ကူစွာ လေ့လာနိုင်ရန် ရည်ရွယ်၍ မြန်မာစာနှင့်အတူ အင်္ဂလိပ်ဘာသာပြန်များကို ယှဉ်တွဲထည့်သွင်းပေးခဲ့ခြင်း ဖြစ်ပါသည်ခင်ဗျာ။ ရွှေသွေးဂျာနယ် အတွဲ ၁ အမှတ် ၁ မှ ၂၆၊ ၁၉၆၉ ခုနှစ် Shwe Thway Vol. 01, 01-26, 1969 https://drive.google.com/open?id=1it9tz0nUMDGDb6onYsF1D5KO2pAjF3lB https://www.mediafire.com/file/a3x9ylchuiwfm8m/Shwe_Thway_01A_1969.pdf/file ရွှေသွေးဂျာနယ် အတွဲ ၁ အမှတ် ၂၇ မှ ၅၂ ၊ ၁၉၆၉ ခုနှစ် Shwe Thw...

တကျိက်တည်းတကြံတည်း တကျိက်တည်းတဉာဏ်တည်း တကျယ်ပကတ်ပင် တကြော (ဇမ္ဗူ ....) တကြော်ကြော် (.... အော် –) တကြိုးတည်း (.... ပြေး –) တကြောင်းဆွဲပန်းချီ တကြုတ်ကြုတ် (အူ.... မြည် –) တကြွကြွတရွရွ တခဏချင်း တခဏပန်း တခါတရံ တခါတည်း တခုလပ် တခေါ် တမျှော် တခန်းရပ် – တခမ်းတနား တချက်စည်း တချက်တည်း တချက်လွှတ်အမိန့် တချောင်းပုဒ် တခြမ်းပဲ့ ညာဘက်ကော်လံ တခြိမ့်ခြိမ့် (ဆိုင်း .... တီး –) တချွင်ချွင် (ချူ .... မြည် –) တချွတ်ချွတ် (မြည်သံ) တစပြင် တစုတရုံး တစုတလုံး တစုတအုပ် တစေ့တစောင်း တစိးတစိ တစည်တည်း တစည်းတပေါင်း တစည်းတရုံး တစည်းတလုံး တစည်းတဝေး တစိတ်တဒေသ တစိတ်တဝမ်းတည်း တစိန်းစိန်း (.... ကြည့် –) တစပ်တည်း တစိပ်စိပ် (မိုး .... ရွာ –) တစိမ့်စိမ့် (မိုး .... ရွာ –) တဇုံ (သက်န်း ....) တဇွတ်ဇွတ် (ထမင်း.... စား –) တဇွန်းတစိ (.... ကြား –) ဒေါက်တာတင့်ဆွေ 

 (၁) ကမ္ဘာဘောလုံးပြိုင်ပွဲကြီး ပြီးပြီ။ ပွဲမစခင်ကတည်းက သတင်းတွေ၊ ခန့်မှန်းချက်တွေ နေ့တိုင်းတွေ့ရသည်။ ပွဲကြီးပြီးခါနီးလေ အင်္ဂလိပ်လို၊ မြန်မာလို အကောင်းအဆိုးရေးတာတွေ များလေ၊ ပြင်းထန်လေ။ ခါးသီးတာတွေကိုလည်း ဖတ်ရသည်။ အီဂျစ်နဲ့ အာဂျင်တီးနားပွဲအပြီး အများဆုံးလား မသိ။ အကုန်လည်း မဖတ်မိ။ ဒိုင်ဟု ထောက်ပြသူတွေ များခဲ့တာတော့ သိပါသည်။ ပွဲကြီး ပြီးသွားပြီ။ ဖါရိုဘုရင်ကြီး ပြုံးနေသလား မသိ။ (၂) ရှေးဟောင်းအီဂျစ်ကို အုပ်စိုးခဲ့ကြသော မင်းဆက်များကို ဖာရို (Pharaoh) ဟု ခေါ်ဆိုကြပါသည်။ ဤဘွဲ့အမည်သည် "ကြီးမြတ်သော အိမ်တော်" ဟု အဓိပ္ပာယ်ရပြီး မူလက နန်းတော်ကြီးကို ရည်ညွှန်းသော အီဂျစ်စကားလုံး "per-ao" မှ ဆင်းသက်လာခြင်း ဖြစ်သည်။ နှစ်ပေါင်း ၃,၀၀၀ မျှ ရှည်လျားသော ရှေးဟောင်းအီဂျစ်သမိုင်းတလျှောက် မင်းဆက်အားလုံးကို "ဖာရို" ဟု နောက်ပိုင်းမှ တပေါင်းတည်း ခေါ်ဝေါ်သုံးစွဲခဲ့ကြသော်လည်း၊ ထိုခေတ်က ဘုရင်များတွင် တရားဝင် ဘွဲ့အမည် ၅ မျိုးပါဝင်သော ရှုပ်ထွေးဆန်းပြားသည့် စနစ်တခု ရှိခဲ့ကြပါသည်။ ဤမတူညီသော မင်းမြတ်အမည်များသည် ၎င်းတို့၏ နိုင်ငံရေးခေါင်းဆောင်မှုနှင့် နတ်ဘုရားတို့၏ ကြားခံကိုယ်စားလှယ် အဆင့်အတန်...

(၁) တရားသခင် ဗုဒ္ဓရှင် ရွီးဖွဲ့ - ညီမောင် (သာကေတ) ဆို - မိုင် * မြတ်ဇိန အရဟံထွဋ်ရှာ ပူဇော်သက္ကာရကို ခံယူတော်မူကာ ကိလေသာကို ပယ်တော်မူကာ ကိုယ်တော်တိုင် သိမြင်လို့ရာ သမ္မာသမ္ဗုဒ္ဓ မြတ်ဘုရားရှင်တော်ပါ … * ဝိဇ္စာစရဏ သမ္ပန္နဂုဏ် ပြီးပြည့်စုံထင်ရှားလို့ ဝပ်တွားကြည်ညိုကာ ကောင်းခြင်းစကား မြတ်တရားကိုရာ ဟုတ်တိုင်းမှန်ရာ ဟောကြားလို့ သုဂတောဂုဏ်နဲ့ ပြည့်စုံလို့ရာ လောကသုံးပါး မြတ်သားထင်စွာ သိမြင်တော်မူရာ လောကဝိဒူဂုဏ်ပါ ပြိုင်သူ အထီးဆုတ် အနုတ္တရောဂုဏ်ပါ မတုနိုင်စရာ မတုနိုင်စရာ လူနတ်ဗြဟ္မာ ပူဇော်ရာ တာဆူဆရာ သတ္ထာဒေဝ မနုဿာနဂုဏ်တော် မဟာ * သုံးလူ့ခွင် တုမမြင်ဘုန်းရှင် အနန္တ မေတ္တာ စကြဝဠာမှာ သစ္စာလေးပါး မြတ်တရားကိုရာ ကိုယ်တော်တိုင် သိမြင်လို့ရာ သတ္တဝါများရဲ့ကို ဟောကြားလို့ ရွတ်တော်မူရာ မြတ်ဗုဒ္ဓ အရှင်မြတ်ရတနာ ဘုန်းခြောက်ဖြာ ထွန်းလျက် ညီညာ ပါရမီအရင်း ပွင့်တော်မူရာ အရှင်မြတ်ပုရမေ ဘဂဝါ … (၂) မွီးရပ်မြိသို့ တေးပဏ္ဏာ ရွီးဖွဲ့ - လွမ်းဝေ(သံတွဲ) ဆို - သိန်းစံ * ဇာတ်ချက်ကြွီ မွီးရပ်မြီက ခွဲခွာလာခရ ကိုယ့်ဘဝအခြေအနေ ကိုယ့်ရွာကိုယ့်ဌာနီ သာယာပါလီစ အဝီးရောက် ရခိုင်သားက မှုန်းဆ တမ်းတရရေ တခေါက်တခါ လာချင်ဝေလေ့ဝေ … တာဝန် အသွယ...

  - ဦးပုည သည်မြိုင်ချောင် ဇောတမောင် ပျော်စံပယ်တဲ့ ယာကိုးပယ် ခင်း။ ။ ရဲစိတ်ကယ်ဝင် ဗိုလ်ထောင်တင် ရွှေလေးနှင့် ရန်ဘေး ကုန်အောင်ထွင်ချည့် ဆဒ္ဒန်ဆင် ရန်သူထွက်စေတော့ မြားစက်နှင့် ခွင်း။   ။ အိုဟဲ့ ဟရို…  ခွေးနီပါးနဲ့ ရဲကျားရို့ ကြန်စုံမရို့ ဂုတ်မရို့ ……! နင်တို့သခင်၊              ဇေတမည်ရှိ စွမ်းသတ္တိနှင့်၊             လေးကြီးရှင်မှာ ခုပင် ယနေ့၊               အခင်းတွေ့ပြီ။   ။ ရှေ့တပ်ဦးခင်း၊          တင်းတင်းမာခေါင် စွယ်ရောင်ဖွေးဖွေး၊    လျှမ်းလျှမ်းပြေးသော ခွေးနီပါးနှင့်               ခွေးအောင်နက်တို့က (ရှေ့တပ်ဦးက၊ မင်းရဲလှနှင့် ကုပ်ကျားမ,သမက်၊ ခွေးအောင်နက်တို့က- မူကွဲ) မကန်းကွက် စစ်ဆင်လို့ တပ်လုလင် ခွေးမိုးမှောင်က တကောင်နဲ့တကောင်ကို နံဘေးချင်း မြှောင်လို့ မို့ အယ်အောင်ကြီး မပူးမကပ်စေနှင့် တပ်ဦးက ချီတက်စေ။   ။ တောခွေးနှင့် သားကျသည့် မိကြောင်မတူ ခွေးလက်ဖြူနဲ့ အရေတူရွေး၍ ဗိ...

၁။ ယတိဘေဒ ဆိုတာဘာကိုပြောတာလဲခင်ဗျ (တကယ်မသိလို့ပါ) ယုတ္တိဗေဒ လားခင်ဗျ ယတိ (မြန်မာ) = ပြောဆို ရေးသား ရွတ်ဖတ်ရာ၌ စကားအားလျော်စွာ ရပ်တန့် ခြားဖြတ်ရသောအပိုင်းအခြား။ ယတိဘေဒ (ပုဒ်ဖြတ်, ပုဒ်ရပ်) စသည်။ ယတိဘေဒ ခေါ် မြန်မာစာရေးနည်း မြန်မာစာရေးနည်း အကျဉ်းမှတ်ဖွယ် သံခိပ် နိယံ (၁) ကွက်လပ် ( ) ဝိဘတ်တလုံး၊ ဆုံးခဲ့တုံမှတ်၊ ပုဒ်နောက်ရပ်၊ 'ကွက်လပ်' ခြားရမည်။ ၄၁။ သင်္ချာကိန်းများ၊ သုံးလိုငြားက၊ ငါးလုံးတဖြာ၊ သုံးလုံးမှာ၊ ထားပါ 'ပုဒ်  ယတိ – န / ယဒီ / ပြောဆိုရေးသား ရွတ်ဖတ်ရာ၌ စကားအားလျော်စွာ တန့်ရပ်ခြားဖြတ်ရသော အပိုင်းအခွား။ “လင်္ကာ ယတိ၊ စောင်းသို့ ညှိ။” ဘူလင်* ၄၄၅။ [ပါ] ယတိပြတ် – ကြိဝိ / ယဒီဗျတ် / အပြီးအပိုင် ပိုင်းခြားသတ်မှတ်လျက်။ ပြီးပြတ်စေလျက်။ “တခုခုကို ယတိပြတ် ဆုံးဖြတ်ထားပြီး။” မြတ်နိုး။ ၃၁၅။ ယတိမှတ် – န / ယဒီမှတ် / ယတိကို သိသာထင်ရှားစေသည့် အရေး သို့မဟုတ် ပုံနှိပ်အမှတ်အသား။ (အပြောက်စက် . ၊ တုံးတို – ၊ ခရေပွင့်* စသည်ကို ဖြစ်စေ၊ ပုဒ်အဆုံး၌ နေရာလပ်ခြားခွာ၍ဖြစ်စေ ဖော်ပြလေ့ရှိသည်။) ၂။ ဆရာခင်ဗျ။ တစ်ခု(တခု)လောက် မေးချင်လို့ပါ။ ဝတ္ထုရေးသားတဲ့အခါမှာ ကျနော်တို့ စာရေးသူတွေက စကားပြောကို ".......