တို့စာ တို့စကား တို့တိုင်းပြည်

ဦးကြီး၏ မြောက်ဘက်သံလွမ်းချင်းများ တင်ပေးပါဆရာရှင့် ရွှေဘိုမြို့မြောက်ဘက် ကျေးလက်တောရွာများမှ စတင်ပေါ်ပေါက်လာသောကြောင့် "မြောက်ဘက်သံ" ဟုသာခေါ်တွင်ခဲ့သည်။ နောက်ပိုင်းတွင်မှ တဖြည်းဖြည်း "လွမ်းချင်း" ဟုခေါ်တွင်လာသည်။ ကျော်ကြားသည့် လွမ်းချင်းစာဆိုများမှာ မဟာအတုလမင်းကြီးဦးဆောင်း၊ ဦးကြီး၊ ဦးကြင်ဥ တို့ဖြစ်သည်။  (၁) ယဉ်ပေ့တောသူ  လေပြည်ငယ်သုတ်ပါလို့ ရွှေဘုတ်ကယ်အိုးအီ အုံမှိုင်းငယ်ရီ နေမီအောင် တခိုလှမ်းခဲ့ရ ကောက်ငန်းက သူ့ပြန်ပုံမှာ ခတ္တာငုံ ပန်းနှစ်ဆင့်ငယ်နှင့် ပန်းဝင့်လို့ ရွာကိုဝင် အမြင်ဆန်းပါဘိတယ်လေး။ ။ ညဉ့်ချမ်းရယ်နေရီ ချိန်တော်မီ ကေသီပန်းနှင့် ရေခပ်လမ်းမှာ စခန်းသင့်လို့ ထက်ဆင့်နီရောင် ချည်စိမ်းပေါင်နှင့် ယဉ်အောင်တောသူ သနပ်ခါး ကွက်ပါးမှာကူလို့ အမူကြီးကမ်းကုန်ကို ဘယ်မြို့ပုံ သာချင်သောရယ်လို့ ပြောကြမယ်လေး။ ။ စာဆို - ဦးကြီး (၂) ဆယ်အိမ်မင့် စည်းစိမ်  စည်းစိမ်ကြီးပါဘိ ရုတ်သီးတောင့်ကိုင် နှစ်ယောက်ကယ်ထိုင် ယှဉ်လက်ပြိုင် ကျယ်စပျစ်ကယ်နှင့် ဖွယ်သစ်မြေအင်ရံလို့ ဇွန်းမတန် ကန်ယောက်သွားငယ်နှင့် ကြွက်နဖား ပုန်းရည်ကျိုသည် အလိုဗျာ စားပုံတင့်ပါဘိ ခေါင်းမင့်ဆယ်အိမ်ပေမို့ အခြေကြီးလှတောင်းကို...

မန်းရွှေပြည် စံဦးက၊ ဘန်ဖူးတဲ့ ဇာတ်ပုံ၊ ပြည်ဖုံးနှင့် ညကုန်တယ်၊ ဖွဥုံငယ် ပြန်လဲ။ ကန္တာရ လမ်းနယ်ကို၊ စခန်းကျယ် ဆိုင်းလို့ရက်ဆွဲ။ ။ ဘယ်တော့မှ နတ်နွယ်ငယ်၊ ဇာတ်လည်မယ် သိဘဲ၊ သောင်းဇမ္ဗူ ပြည်ထဲမှာ၊ သည်ပွဲသို့ ရှုတ်ပွေ။ တသက်ပန် မကြုံဘူး၊ ထုံကူးတဲ့ နိပါတ်တော်ပေ။ ။ ဝဋ်ဝဲဝှေ့ သံသာရှေကို၊ ဘန်တရာတေ မတပ်ကောင်းပါဘု၊ ဇာတ်ပေါင်း ဒဏ္ဍာရီ၊ ဆုံးသင့်ပါပြီ…။ ရဲကြလျှင့် နှင်းဆီငယ်၊ မလင်းမီ သိမ်းပါစို့လေး။ ။ (ဦးပုည) #ရှေးစာကဗျာများ ကျေးဇူး။ ဒေါက်တာတင့်ဆွေ

တင်ထားတာတခု = ငါးထောပါတ်။ ထောပတ်လို့ ရေးရ။ ထောပနာ – န /ထောပနာ/ ထောမနာ – န၊ ရှ။ “ပရိသတ်ကြီးမှာ အထူးဆူညံလျက် ကောင်းချီးဩဘာ ထောပနာ ပြုကြလေသည်။” မြန်ချွန်။ ၂၁၄။ [ပါ] – ကြိ /ထောပနာ/ ထောမနာ – ကြိ၊ ရှ။ “သောင်းပြောင်းထွေလာ ပရိသတ် ထောပနာ အောင် ဟောကာပြောကာနှင့်။” ကိုးဆူ။ ၁၉၃။ [ပါ] ထောပေး – န /ထောပေး/ နို့မဲးကို ဒလက်တံနှင့် လှည့်၍ အထက်သို့ တက်လာသော အဆီခဲ။ ဆီဦး။ မလှိုင်။ “နွားနို့ ဃနာ၊ သကာဖျော်မွှေး၊ ထောပေး ထောပတ်၊ နှမ်းချွတ်ဆီကြည်၊ ဆုံငယ်ရည်နှင့်။” ကိုး* ၁၇ဂ။ ထောပတ် – န /ထောပတ်/ ထောပေးကိုချက်၍ ရေနှင့် ဒိန်ခဲတို့ အောက်၌ထိုင်သောအခါ အထက်တွင် တည်ရသော အဆီ။ ထောပတ်ပဲ – န /ထောပတ်ပဲ/ ပဲကြီးစေ့ထက် အနည်းငယ် ကြီးသော ပဲစေ့ခြောက် အဖြူတမျိုး။ ထောပတ်သီး¹ – န /ထောပတ်သီး/ မှည့်သောအခါ အပြင်ခွံအညိုရောင်ရှိ၍ အတွင်းသား ထောပတ်အသွင်ရှိသည့် စားရသော အသီးတမျိုး။ ထောမနာ – န /ထောမနာ/ ချီးမွမ်းခြင်း။ (ထောပနာ ဟုလည်း တွေ့ရသည်။) “နားဝယ်ချမ်းချမ်း၊ ချီးမွမ်း ထောမနာ။” ကိုး* ၆။ – ကြိ /ထောမနာ/ ချီးမွမ်းသည်။ “ဝမ်းလည်းရွှင်စွာ၊ ထောမနာ၏။” သီလဝ* ၃။ [ပါ] ပတ် ကမ္ပတ်အိမ်၊ ကြိုးနဲ့ပတ်၊ ကွေ့လည်ကြောင်ပတ်၊ ခရုပတ်၊ ခုနစ်ရက်တပတ် (မြန်မာစာရေးထုံး...

(လူသားနှင့်ဝန်းကျင် ကဗျာများ) ရပ်ဝေးမှာနေ၊ အဖိုးအေက၊ အမွေညီမျှ၊ ဝေမျှကြရန်၊ ရွှေစငွေသား၊ ကြေးခဲပြားကို၊ မြေးများထံသို့၊ ပို့လိုက်၏။ ရွှေငွေကြေးခဲ၊ ညီမျှတွဲ၍၊ ဝေခွဲယူပါ၊ ဖိုး အမျှအတိုင်း၊ တဓူဝတည်းနေ၊ တရေတည်းသောက်၊ ခြောက်ယောက်နောင်ညီ၊ ဆုံကြပြီတည်း။ သို့သော် နောင်ကြီး၊ ရွာဦးစီးနှင့်၊ ထိပ်သီး ခေါ်ဆို၊ ချို့အစ်ကိုတို့၊ လိုတူကြံဆိုး၊ တိုင်ပင်ခိုးကာ၊ ရွှေမျိုးငွေစ၊ ကောင်းသမျှကို၊ ထိပ်ကရွေးယူ၊ ထားနှင့်ပြီ။ သုတ်မလို၊ စွန်ပစ်ပိုသည့်၊ ကြေးညိုခဲပြား၊ အညံ့များမှ၊ ထားရာမှာနေ၊ စေရာကိုလုပ်၊ ညီအုပ်သို့မျှ၊ မဲဝေချသည်၊ လောကကျွက်စိ၊ ဆူညံပြီ။ သည်အတိုင်းဆို၊ ဖိုးမြင်လိုသည့်၊ ထိုရွှေသာရေး၊ ကြာလေဝေးလိမ့်၊ မြေးဆိုးတသိုက်၊ ရိုက်သင့်ရိုက်၍၊ ထိုက်သင့်ရာရာ၊ ဆုံးမပါမှ၊ သာယာမူမျိုး၊ ရေနယ်တိုးကာ၊ ဖိုးရည်မှန်းချက်၊ အောင်ပါမည်။ ဒေါက်တာတင့်ဆွေ

(၁) လာရောက်ခိုနားသူ မရှိ လာရောက်ပြောကြားသူ မရှိ လာပြီးနားထောင်သူ မရှိ။ (၂) ဟိုတချိန်က နားလို လဲလျောင်းသူတွေ ရှိခဲ့ကြောင်းကို ယိုင်နေတဲ့တိုင်တွေကနေ ပြောပြပါသည်။ အသိသုတ ရှာမှီးလိုသူတွေ လာရောက်မေးသူတွေနဲ့ မေးသမျှ ဖြေသူတွေရှိခဲ့ကြောင်းကို ကျိုးတိုးကျဲတဲ ကြမ်းခင်းတွေက ပြောပြနေပါသည်။ ထိုသမိုင်းကို မန်ကျည်းပင်အိုကြီးက ကောင်းကောင်းသိသည်။ (၃) ယခုသော်ကား  အင်တာနက်အဝေးပြေးလမ်းကြီးပေါ်မှာ တိုးလို့မပေါက် ထိုသူတို့သည်ကား ဘာမဆိုသိကြသူများ မသိသော်လည်း ဖြေကြသူများ ဘယ်လိုဖြေဖြေ မချွင်းမချန်ယုံကြများ လိုက်၊ ဖေါ်လို၊ ရှယ်၊ သာဓုခေါ်ကြသူများဖြစ်ကြ၏။ (၄) အင်တာနက်အဝေးပြေးလမ်းကြီးပေါ်မှာ  မန်ကျည်းပင်အို၊  ကွပ်ပျစ်အို မရှိသောကြောင့်တည်း။ ဒေါက်တာတင့်ဆွေ

တင်ထားတာတခု = မစားရကြာလေပြီ နှစ်ငါးဆယ်ကျော် ရာသီ ချာပါတီ တဲ့။ တယောက်က တင်ထားတယ်။ ကျွန်တော်က စာလုံးပေါင်းကို မျက်လုံးပြူးကြည့်တဲ့လူစား။ ချာပါတီ။ အိန္ဒိယအစာ Chapati ကို ကျွန်တော်တို့က ချပါတီလည်းခေါ်၊ ချာပါတီလည်းခေါ်ကြတယ်။ ချာပါတီကို ချာသောပါတီလို့ အဓိပ္ပါယ်ဖွင့်နိုင်တယ်။ နှစ် ၅၀ မှာ ချာတဲ့ပါတီတွေက များတယ်။ မချာတဲ့ပါတီက အလွန့်အလွန် ရှားတယ်။ မစားရကြာပြီဆိုတာ ဟုတ်မှာပဲ။ မမြင်ရကြာတာတော့ မဟုတ်နိုင်။ Smile! ချာပါတီ ဘာနဲ့စားမှာလဲ။ အာလူးပေးတဲ့ပါတီတွေက အများကြီး။ No Smile! ဟိုခေတ်ကတည်း အခုခေတ်အထိ နိုင်ငံရေးပါတီတွေထဲမှာ ချာပါတီတွေ ရှိတယ်။ ဘာသာစကားမတူတာတွေကနေ အသံထွက်ယူပြီး မြန်မာလိုရေးတိုင်းမှာ အတိအကျ မရတတ်တာက များတယ်။ ကွဲလွဲရင်လည်း အခုလို ချာ လို့ ရေးရင်  ချာတူးလန် လို့ အထင်မှားစေနိုင်တယ်။ AI ကို ပုံပို့ပြီး စသားတောင်းတော့ ချာတူးလန်း တဲ့။ လန် နဲ့ လန်း ကလည်း အတော်ကို မတူပါ။ လန် အိမ်ခေါင်မိုးလန်။ လန်ချား။ လန်ကျ။ လန်လဲ။ ဝယ်သူလန်။ ဆက်ဆံရေးလန်။ လန်ပြေး။ လန်ဘား။ လန်း။ ။ လန်းသည်။ ရွှင်လန်းသည်။ လန်းလန်းရွှင်ရွှင်။ စိမ်းလန်းစိုပြေ။ ပွင့်လန်းသာကြည်။ တန်းလန်းဖြစ်နေသည်။ တမလန်းပင်။ ဒေါင်းလန်း။ လန်းလန်းလတ်လ...

 ပဲလွန်းဖြူ (နတ်တော်ပဲ) ထောပတ်ပဲ ပုဂံပဲ ပဲကြီး မတ်ပဲ ပဲဒီစိမ်း (ပဲနောက်စိမ်း) ပဲစဉ်းငုံ ပဲနီလုံး ပဲနီလုံးကြား မြေထောက်ပဲ (ဗိုလ်စားပဲ) ပဲယင်းဝါ Bamboo beans green Black Eye beans / ပဲလွန်းဖြူ (ပဲဖြူလေး) ဒေါက်တာတင့်ဆွေ 

tay သေ tat သတ် တွေကို မြန်မာလိုမှန်အောင်ရေးသင့်ကြောင်းစာအောက်နေ - လူတိုင်းနားလည်တယ် - ဘယ်လိုရေးရေး - ဖေ့စ်ဘွတ်ကဘာ - ဖေ့စ်ဘွတ်ကညာ - ဖေ့စ်ဘွတ်က ဘလာဘလာ စတဲ့ ကွန်မင့်ရေးသူတွေကို Block လုပ်ပါတယ်။ အလားတူတွေလာရင်လည်း လုပ်ဦးမယ်။ စာကိုမှန်အောင်မရေးသူတွေ၊ မှန်အောင်မရေးတတ်သူတွေဘက်ကနေ - - ရှေ့နေတွေ - နောက်တော်ပါတွေ - အလိမ်ခံနေမှန်းမသိကြသူတွေ လာသမျှကို ဘလော့တယ်။ ဖေါ်လိုဝါနည်းတာထက် အဲလိုလူမျိုးတွေနည်းတာ ပိုကောင်းတယ်။ ဒေါက်တာတင့်ဆွေ 

(က) မျက်မှန်တပ်သူထား၏ ဥဒါန်းကျုးစကား - သြကာသလောကကြီးသည် စိုပြေစိမ်းလန်း အေးချမ်းလှပေ၏။ အရာရာသည် မြအရောင်၊ ကျောက်စိမ်းရောင်သာ တသားတည်းဖြစ်နေကြတော့၏။ (ခ) အမေမွေးစဉ်ကပါတဲ့ မျက်စိနဲ့သာကြည့်ရသူ၏ ဘဝနဲ့ ပတ်ဝန်းကျင်အမြင် ခြောက်သယောင်းနေသော ကျတ်တီးမြေ၊ လွင်တီးခေါင်ခေါင် မိုးထဲ၊ လေထဲ၊ မုန်တိုင်းထဲ၊  တောထဲတောင်ထဲ ပုန်းနေကြရသူတွေ၊ ပြေးလွှားနေကြရသူတွေ ပေတရာပေါ်မှာ မြင်ယောင်နေသော သွေးကွက်များ ဝမ်းစာရှာရ ချွေးဒီးဒီးကျ ပန်ကာအောက်မှာ၊ အေစီခန်းမှာ ခေါင်မိုးမလုံတဲ့အိမ်မှာ မီးမလာ၊ ရေတစက်တစက် လမ်းဘေးဈေး၊ ငါးရက်တဈေး၊ ကုန်တိုက်ကြီး လှည်းနဲ့၊ စက်ဘီးနဲ့၊ ကားနဲ့၊ လေယာဉ်နဲ့ ပလ္လင်ပါ်ကမဆင်းသူ၊ ပလ္လင်ရှေ့မှာ ဒူးထောက်နေကြသူ လွှတ်တော်တက်နေသူ၊ တိုင်းတပါးမှာ အလုပ်လုပ်နေကြရသူ စင်ပေါ်ကနေ ဖြေဖျော်နေကြသူတွေ၊ အောက်ကနေ သြဘာလက်ခုပ်တီးနေကြသူတွေ အသုဘ လိုက်ပို့နေသူတွေ၊ လိုက်ပို့မှာကို ရက်၊ လ၊ နှစ် စောင့်နေကြသူတွေ ဒုက္ခပင်လယ်၊ မီးပင်လယ်၊ ဘတ်ငွေပင်လယ်၊ ဒေါ်လာငွေပင်လယ် ခြစား၊ မှိုတက်နေသည့် အမှန်အတိုင်းရေးထာတဲ့ စာအုပ်၊  ရောင်းကောင်းလှသည့် ပြင်ထုတ် လုပ်ဇာတ်စာအုပ် စာရေးဆရာ လက်မှတ်ထိုးပေးသည့် ပေါ်လစီသတ်ပုံနဲ့ရေးထားသော ဘက်ဆဲလာ...

ဘာသာရေး တင်ပြတာ မဟုတ်ပါ။ မြန်မာစာသတ်ပုံ။ အရ-ဟံ တတိယ နည်းကတော့ အရ-နှင့် ဟံ ပါဘဲ။ အရ-ဆိုတာက ဘာတုန်း ဆိုလျှင် သံသရာစက်၏ ဒေါက်အကန့်တွေပါဘဲ။ သံသရာစက် ဆိုတာဟာ အနမတဂ္ဂဘဝသံသရာမှာ တဘဝ ဖြစ်လိုက် သေလိုက်၊ တဘဝ ဖြစ်လိုက် သေလိုက်နဲ့ အဲဒီလို ဘဝတွေ ဆက်လက်ပြီး မပြတ် ဖြစ်နေတဲ့ ရုပ်နာမ်အစဉ်ကို သံသရာလို့ ခေါ်ပါတယ်။ သတ္တဝါတခုမှာ သံသရာတခု၊ သတ္တဝါတခုမှာ သံသရာတခု-အဲဒီလို ကိုယ့်ဘဝစက်နှင့် ကိုယ် အသီးအသီး သံသရာ ဘဝစက် တခုစီ ရှိနေပါတယ်။ တဦးသောပုဂ္ဂိုလ်၏ ဘဝစက်က အခြား တဦးသော ပုဂ္ဂိုလ်နှင့် ဘာမျှ မဆိုင်ပါ။ တဦး တဦးမှာ အသီး အသီး ဘဝစက် တခုစီ ရှိနေပါတယ်။ ဒေါက်တာတင့်ဆွေ

Cattleya Orchid ကတ်တလီယာ သစ်ခွပန်း ပန်းအမည်မှန် မြန်မာလိုရေးတာတခု တွေ့လိုက်တယ်။ ဒီပန်းအမည်ထဲက တဝမ်းပူကို စသတ်ချင်သူ ရှိသလားတော့ မပြောတတ်။ Cattleya Orchid ကတ်တလီယာ သစ်ခွပန်း သပြေဘူတ ခေါ် တပေဘူတ ခေါ် Tabebuia aurea ထပ်တရာပန်း  တမာပန်း တရုပ်စကား (တရုတ်စံကား) ပန်း တတိုင်းမွှေးပန်း တဝမ်းပူရေးပြီးတာနဲ့ စသတ်ခိုင်းတဲ့ မြန်မာစာအဓိပတိတွေရဲ့ အာဏာစက်က ထက်ပါဘိသနဲ့။ တပွင့်ပန်းဝတ္ထုလည်း ပျက်ရရှာပြီ။ ဒေါက်တာတင့်ဆွေ

ဆံပင်တိုတိုလေးညုပ်ချင်တယ် ညုပ်ရမလား..လို့..မညုပ်ရမလား ဝေခွဲမရ မှား​နေတယ်ထင်တယ် ဆရာ မြန်မာစာမှာ ညုပ် မရှိပါ။ ညှပ် = ညှပ်၍ကိုင်တွယ်ရသောကိရိယာ။ ညှပ် ညှပ် – ကြိ/ညှတ်/ ၁၊ အချောင်းအတံ နှစ်ခုဖြင့် ဖိကိုင်သည်။ “ဇုဏှီလည်း....ဥဗျိုင်း၏လည်ပင်းကို ညှပ်၍လိုက်ရာ။” တံပု။ ၉၁။ ၂၊ တဖက်ထက်ပိုသော အရပ်မျက်နှာတို့မှ အတွင်းသို့ တွန်းဖိသည်။ ၃၊ အကြားအလပ်တွင် ကျပ်တည်းစွာ တည်ရှိအောင်လုပ်သည်။ ချုပ်သည်။ “ဓားမတို ခါးမှာညှပ်ပါလို့။” ကော။ ၂၇။ ၄၊ အရာဝတ္ထုတခုခုကို ဘေးတဖက် တချက်မှာရံ၍ တည်ရှိသည်။ “လက်ကတီးတွင် လက်ဝဲလက်ယာ ညှပ်၍ပေါက်သော်” လောဟီ။ ၂၇၃။ ၅၊ (ကွမ်းညှပ်၊ ကတ်ကြေးစသည်တို့ဖြင့်) ကိုက်ဖြတ်သည်။ “ဆေးထိုးမည့်နေရာမှ အမွေးများကို ကတ်ကြေးဖြင့်ညှပ်ပြီးလျှင် ပေါင်းချွေးရည်ဖြင့် ဆေးကြောရမည်။” ကူးစက်။ ၆၄။ ၆၊ တပါတည်း ဖြစ်စေသည်။ ပူးတွဲပါဝင်စေသည်။ “လိမ္မော်သီးလုံး၊ သွေးများကို ညှပ်ရောင်းလိုက်ပါ။” – န/ညှတ်/ ၁၊ တစုံတခုကို ကိုင်တွယ်ရန် မောင်းတံအစုံကို ပူးတွဲထားသောကိရိယာ။ “ဒေါက်တာသက်ဝေသည် ကလေးအား ညှပ်ဖြင့်ဆွဲထုတ်ရန် ဆုံးဖြတ်ချက်ချလိုက်သည်။” မယ်ကျေး၊ ဒု။ ၂၆။ ၂၊ (ကျွဲ၊ နွား၊ ဆင်၊ မြင်းတို့ကို) မလှုပ်နိုင်အောင် လက်ဝဲလက်ယာမှ ချုပ်ကိုင်ထာ...

အတူလျှောက် ဘယ်သူအရင်ရောက်မလဲ အရင်ရောက်သူ ဆုယူရန်မဟုတ် တာတိုမဟုတ် တာလတ်မဟုတ် ကျန်ရစ်သူ ဆက်လျှောက်ရမည်ဟုတ်သော်လည်း အရင်ရောက်သူနှင့် ကွာမည်မဟုတ် အတူတူ မနက် နေ့ ညစာစား အတူတူ မြူ မိုး နှင်းတွေကြား အတူတူ လေမတူ မြေမတူ ရေမတူ နိုင်ငံတွေများ အတူတူ အယူကိုးကွယ်ရာတရား အတူတူ အလှူပေးကမ်းစရာ စေတနာထား အတူတူ ဘယ်နှစ်ဆူဘုရား ဆုပန်မနား အတူတူနား သည်စာအဆုံးသတ်ဖို့ တယောက်ချန်ကာသွား သံသရာဟူသည် လူတိုင်းအတွက် အတူတူပါတကား။ (ကဗျာ မဟုတ်ပါ။) ပုံ ၂၀၁၈ ခုနှစ် မေလ ၄ ရက်နေ့ မန္တလေး မဟာမုနိဘုရားမှာ။ ဒေါက်တာတင့်ဆွေ ၃၁-၇-၂၀၁၈

(တိုင်းပြည်ထွက်ပြေး နိုင်ငံရေးလုပ်သူတယောက် ဟိုရောက်ဒီရောက် ကွန်မင့်တခု = မြန်မာပဲရာဇာ တူသော ပဲချောဆိုပြီး အရောင်တူ ပုံစံတူ ပဲနီချော ထွက်နေတော့ မှားတတ်၊ ပဲနီချော တော်တော်နဲ့မကျက် အရသာလဲမကောင်း ဟုတ်။  အဲဒီပဲကိုတော့ မသိပါ။ အခေါ်အမည်တွေက တယောက်တမျိုး၊ တရပ်နှစ်မျိုး။  ကျွန်တော်တို့ ၁၉၉၀ ခုနှစ် ဒီဇင်ဘာလထဲမှာ တိုင်းပြည်ကနေထွက်ပြေးရတော့ ချင်းတောင်တန်းကို ဖြစ်ရတယ်။ ၆ ရက်နဲ့ ၅ ည။ တခါတခါ ရွာတွေ၊ တခါခါလယ်တဲလေးတွေမှာ အိပ်စက်ကြရတယ်။ အေးလိုက်တာကလည်း မပြောပါနဲ့တော့။ တဲထဲကမြေကလည်း မိုးကြောင့် စိုထိုင်းနေတယ်။ ပလပ်စတစ်ကကလည်း ၂ ခုလားပါတယ်။ လယ်တဲတခုမှာ အိပ်ကြရစဉ်က စားစရာကလည်းရှား။ လယ်တဲ့လေးမှာ စနစ်ကျ သပ်သပ်ရပ်ရပ်နဲ့ထားတဲ့ ပဲအိုးတလုံးထဲက ပဲနည်းနည်ယူပြီး ပြုတ်ကြတယ်။ ပါးစပ်ကနေ ခွင့်တောင်းပါသေးတယ်။ ကျေးဇူး God bless you! အညာသားတွေက ဘာပဲလည်း မသိ။ ချင်းပဲလို့သာ ခေါ်တတ်တယ်။ သန်းကောင်လည်း ပဲကမကျက်သေး။ ဆာလွန်းလို့စာချိန်မှာလည်းမကျက်။ မနက်ခရီးဆက်တဲ့အချိန်ထိ ပဲအိုးက မကျက်ပါ။  ပဲပြုတ်နည်း မသိကြတာဖြစ်ပါမယ်။ အခုလောက်ဆို ချင်းပဲပြုတ် ကျက်လောက်ပြီ။ ဒေါက်တာတင့်ဆွေ 

(တိုင်းပြည်ထွက်ပြေး နိုင်ငံရေးလုပ်သူတယောက် ဟိုရောက်ဒီရောက်) ၁၀ နှစ်တိတိကစာ မေးခွန်း = မင်္ဂလာပါ ဝန်ကြီးခင်ဗျာ။ အလုပ်တွေအရမ်းများလို့ကျန်းမာရေးကို ဂရုစိုက်စေချင်ပါတယ်ခင်ဗျာ။ ဝန်ကြီးရဲ့ စာဖတ် ပရိတ်သတ်ပါခင်ဗျ။ ဟုတ်။ ဝန်ကြီးတော့ မဟုတ်ပါ။  မေးခွန်း = အရင်က NCGUB မှာ ဝန်ကြီးတာဝန်ယူဖူးတယ်လို့သိရလို့ပါခင်ဗျ။ ဆေးပညာကော မြန်မာစာအရေးအသား သတ်ပုံပါ လေ့လာခွင့်ရလို့လူငယ်တွေကိုယ်စား ကျေးဇူးတင်ပါတယ်ခင်ဗျ မေးခွန်း = အော် ဟုတ်တယ်။ ကြာပြီပေါ့။ ကျွန်တော် University စတက်ကတည်းက သတင်းမှာ ပုံကိုခဏခဏ မြင်ဖူးပါတယ်ခင်ဗျ။ ကျွန်တော်တို့လူငယ်တွေ အနာဂတ်မြန်မာပြည်အတွက် ဆောင်ရွက်သင့်တာကိုလည်း လမ်းညွှန်စကားများ ပြောကြားပေးစေလိုပါတယ်ခင်ဗျ။ ကျွန်တော့်အသက်က ၂၄ နှစ်။ ရဲအရာရှိပါခင်ဗျ။ အမည်က့ လို့ ခေါ်ပါတယ်ခင်ဗျ။  ပြန်စာ • ဝန်ကြီးဆိုပြီး အကြာကြီးအခေါ်ခံရဘူးတယ်။  • လုပ်ခဲ့ရတာတွေကတော့ ပလေကပ်ကိုင်ပြီး လမ်းတွေပေါ်မှာထိုင်ရတယ်။  • ဒို့အရေး၊ ဒို့အရေး အော်အော်ပေးရတယ်။  • အစည်းအဝေးတွေမှာ ဆွေးနွေးရတယ်။  • ဟိုနေရာသည်နေရာမှာ မိန့်ခွန်းဆိုတာခြွေရတယ်။  • အခြေအနေထူးရင် အင်တာဗျူးပေးရတယ်။  • စာတိုပေစ ရေ...

မနေ့က ဒုတိယ ဝါဆိုလပြည့် ဥပုသ်ကျောင်းသွား သီလယူခဲ့သည်။ ဒီနေ့ အမေရိကန်-မြန်မာမိသားစု ယဉ်ကျေးမှုအခမ်းအနားနဲ့ မယ်ရွေးပွဲမှာ လူကြီးစကားနည်းနည်းပြောရသည်။ နက်ဖြန် နာရေးတခု လိုက်ပို့ရပါမည်။ လူတိုင်းမှာ သုံးပန်လှဘဝ ကိုယ်စီရှိကြပါသည်။ Tri-Color Flowers ဆန်းကြယ်သော သုံးရောင်စပ် ပန်းပွင့်များ ဂျွန်နီ ဂျမ့်အပ် / သုံးရောင်စပ် ပန်းသေး (Johnny Jump Up - Viola tricolor) — ပန့်စီ (Pansy) ပန်းနှင့် ဆင်တူသည့် သေးငယ်သော အပွင့်လေးများ ဖြစ်ကြပြီး၊ အထက်ပွင့်ချပ်များတွင် ခရမ်းရင့်ရောင်၊ အလယ်ပွင့်ချပ်များတွင် ခရမ်းနု သို့မဟုတ် အဝါရောင်နှင့် အောက်ခြေအလယ်ဗဟိုတွင် အဝါရင့်ရောင်တို့ ပါဝင်စပ်ယှက်နေကြပါသည်။ သုံးရောင်စပ် ဂိလိယာပန်း (Tricolor Gilia - Gilia tricolor) — ခေါင်းလောင်းပုံသဏ္ဌာန် သိမ်မွေ့လှပသော အဖြူရောင် ပန်းပွင့်လေးများ ဖြစ်ကြပြီး၊ အနားသတ်များတွင် အပြာ သို့မဟုတ် ခရမ်းပြာရောင် ပါရှိကာ အလယ်ဗဟိုတွင် ရောင်စဉ်ပြိုင် အغمရောင်အဝိုင်းလေးဖြင့် တင့်တယ်နေပါသည်။ ဟာလီကွင်း သုံးရောင်စပ်ပန်း (Harlequin Flower - Sparaxis tricolor) — အနီ၊ အန်းအနု သို့မဟုတ် လိမ္မော်ရောင် ကြယ်ပုံသဏ္ဌာန် တောက်ပသော ပန်းပွင့်ချပ်များ ပါရှိပြီး၊ အ...

၁။ ပတ်တီး စီးထားရင်သက်သာပေမဲ့ ခြေဖဝါးနဲ့အဆစ်တွေရောင်လာတယ်။ ဘိုလုပ်ရင် အဆင်ပြေနိင်မလဲ ပြောပြပေးပါရှင်။ ပြန်စာ စာရိုက်လွဲတာတော့ မဟုတ်နိုင်။ ဘယ်လိုလုပ်ရင်ကို မသိသူဖြစ်မယ်။ ဗိုလ်ကျောင်းထွက်လား ဘိုကျောင်းထွက်လား မပြောတတ်။ ရွှေဘိုသူတော့ မဟုတ်လောက်။ ၂။ သွေးဆေးသောက်တာ ၃ ပတ်လောက်သွေးဆင်းနေတယ် ဘိုလုပ်ရမလဲဆရာ ဖြေကြားပေးစေချင်ပါတယ်ခင်ဗျ ပြန်စာ ဖြစ်တဲ့သူ အသက်-ကျား-မ မသိပါ။ ဘာဖြစ်နေသလဲ မသိပါ။ ဘိုလိုရော ဗမာလိုပါ ပြန်ဖြေလို့မရပါ။ ဆောရီး။ [ ဗိုလ် - ဘိုး - ဘိုး ]  (၂၆၅) ဘုဉ်း ။ ။ «ဘုဉ်းပေးသုံးဆောင်သည်။ ဘုဉ်းပေးတော်မူပါ။ ဆွမ်းဘုဉ်းပေးသည်။» ဘုန်း ။ ။ «ဘုန်းတော်ကြီး။ ဘုန်းကြီးသောသူ။ ဘုန်းတန်ခိုး။ ဘုန်းတော်ရှိန်။ ဘုန်းတော်ဘွဲ။ ဘုန်းသမ္ဘာ။ ဘုန်းပေါင်းကြက်သရေ။ (ဘုန်းတော်တောက်ရွှန်း၊ ဘုန်းတော်ထွန်း၍၊ ဘုန်းပန်းပွင့်လှိုင်၊ ဘုန်းနံ့ကြိုင်က၊ ဘုန်းပြိုင်မထိုင်၊ ဘုန်းထွတ်တင်ကား၊ ဘုန်းရှင်သမ္ဘာ၊ ဘုန်းမကြောမြင့်၊ ဘုန်းအာနုဘော်၊ ဘုန်းမြတ်ကျော်သည် ။ ဘုန်းတော်ကြီးလှ ဘုန်းကြောင့်သော) = [ရှင်မဟာရဋ္ဌသာရ]။» «ဘုန်းညွန့်မပွင့် = (ကောင်းမှုကုသိုလ်မပွင့်) = [ပျို့သုံ]။» [ ဗိုလ် - ဘို - ဘိုး ] ဗိုလ် ။ ။ «ဗိုလ်ခြေ။ ဗိုလ်စားပဲ...

တသင်း ဆိုသည်မှာ အုပ်စုတခု၊ အဖွဲ့တခု သို့မဟုတ် အသင်းတသင်း ဟု အဓိပ္ပာယ်ရပါသည်။ ဘောလုံးတသင်း ပျိုမေတသင်း ကောက်စိုက်ဆင်း (ကဝိဓဇသတ်ပုံကျမ်း) တလင်း = (ညီညွတ်ပျံ့ပြူးသောမြေအပြင်)။ တလည်လည် = (အဖန်ဖန် အလဲလဲ)။ တလုံးလုံးလင်း = တလံးလံး = (အကြိမ်ကြိမ် အဖန်ဖန်) = [ပေါ]။ တလွှား = (အရပ်ရပ်အနှံ့အပြား)။ တသမတ် = (ပိုင်းခြားရပိတုံခြင်းမရှိ - တခါထည်းပြုလုပ်သည်)။ တသီးတခြား။ တသူကျော်မျှ = (လူတယောကျော်မျှ)။ တသက်လျာ = (အစိုးတပိုင်-တဧကာ)။ တသင်း = (အပေါင်းများစွာ)။ တသုန်း = (တစုတရုံး)။ တသွန် = (အကြွင်းမရှိအကုန်အစင်)။ တသွေ.ယောင်းယောင်း = (သွေခြောက်သည်)။ တအောက်လုံးလင်း = (အကြိမ်ကြိမ်အဖန်ဖန်) = [ပေါ]။ တအင်မချို့ = (တခုမျှချို့ယွင်းခြင်းမရှိ) = [ပေါ]။ ကောင်းပေစတကား။ တကယ်အမှန်။ တကဲ့မဟုတ်။ တစတစ။ တစာစာ။ တစီမှတ်ငှက်။ တခီခီ-တချီချီရယ်သည်။ တချက်ထည်း။ တဇင်းဇင်း။ တစိတ်တဒေသ။ တဇိုးတဇိ။ တဇိမ့်ဇိမ့်။ တဆိတ်စာ။ တပို့တွဲလ။ တပေါင်းလ။ တပေါင်းတစည်းထည်း။ တဖက်သတ်။ တဖက်သား။ တရံတဖန်း။ တရားတဘောင်။ တမုဟုတ်ခြင်း။ တရားခံ။ တရားလို။ တရှောင်ရှောင်။ တရုပ်တရက်။ တရုပ်စကားပင်။ တမ်းအတည်း။ တနေ့တထူး။ တရွှေ့ရွှေ့။ တသွေ့သွေ့။ တစိတလျဉ်။ တရင်းသံ။ တအောက်မေ...

- မြန်မာကျောင်းသားတစ်ချို့ လေဆိပ်တွေမှာ ဖမ်းခံရ - မြန်မာကျောင်းသားတချို့ လေဆိပ်တွေမှာ ဖမ်းခံရ အဖမ်းခံရခြင်းကတော့ မှန်ပါ၏။ ကိုယ်ရေးတာသာ မှန်၏ဟု ဆိုကြသည်။ ထို့ကြောင့် မြန်မာစာသည်  နေပြည်တော်မှာဖြစ်စေ  နယူးယော့မှာဖြစ်စေ အဖမ်းခံရမည်။ တခန်းရပ်ပြဇာတ် — န / တခန်းယတ်ပျာ့ဇာတ် / ဇာတ်ခန်း တခန်းသာ ပါဝင်သော ပြဇာတ်တို။ တချော့ — န / တချော့ / ရွက်အိုးခြောက်လုံးစာ ထန်းရည်ထည့် ကျို၍ရသော ထန်းလျက်ပမာဏ။ “တချော့ဆိုသည် တအိုး၊ တဖွယ်ကျိုကို ခေါ်၏။” စာဗိမာန်၊ ၃၊ ၁၁၊ ၄၇။ တချို့ — န / တချို့ / တစိတ်တဒေသ။ အနည်းငယ်။ “တထွေ ရုပ်ဆင်း၊ အကင်းစိစို့၊ ညှို့ရို့လျှင်၊ တချို့ရင့်၍” သစ္စာ * ၆၂။ တချို့တလေ — န / တချို့တလေ / တစိတ် တဒေသခန့်။ အနည်းငယ်မျှ။ “တချို့တလေ အနည်းငယ်မျှ ကံကျန်ကြလျှင်” နိရို ပ။ ၅၄။ တချိုးတည်း — ကြိဝိ / တချိုးပဲ / တချိုးစီး / တမျိုးအစားတည်း။ တပုံတည်း။ တချက်တည်း — ကြိဝိ / တချက်ထဲ / တပြိုင်နက်။ အတူတကွ။ “နဂါးတို့ကိုမြင်၍ တပြိုင်နက် တချက်တည်း ကြွေးကြော် ငိုမြည်တမ်းကြကုန်၏။” ဘူဓာတ်။ ၁၄။ တချက်လွှတ် — ကြိဝိ / တချက်လွှတ် / ပြန်လည် ရုပ်သိမ်းခြင်း၊ ပြင်ဆင် ပြောင်းလဲခြင်း မရှိဘဲ။ “ရှင်ဘုရင် ဆိုတာမျိုးဟာ တချက်...

(သေဆုံး ကွယ်လွန် ဘဝတပါးပြောင်း) နှလုံးအထူးကုဆရာဝန်တဦး နာရေးသတင်းကို ဖတ်ရတယ်။ tay ဆုံး တဲ့။ နာရေးသတင်းကို အထောက်အထားပြုခြင်းဟာ မြန်မာ့ယဉ်ကျေးမှုနဲ့ မညီပါ။ ကနေတော့။ ပုံကို မသုံးတော့ပါ။ သေဆုံးလို့ မရေးတတ်တာလား။  ကီးဘုတ်က သေ စာလုံးရေးမရတာလား။  သေ၊ သတ် စာလုံးတွေ အလုံးတသိန်းရေးလို့ ဖေ့စ်ဘွတ်မှာ ဘာမှမဖြစ်ပါကြောင်း အခါ ၁၀၀ (တရာ) တင်ပြထားပါတယ်။ AI ထောက်ပြချက်က အလွန်မှ ထိမိပြီး ခေတ်စာပေ အခြေအနေကို မီးမောင်းထိုးပြနေပါတယ်။ ပုံပါ စာသားတွင် “သေဆုံး” ဟု ရေးရမည့်အစား “thay ဆုံး” ဟု မြန်မာစာနှင့် အင်္ဂလိပ် အက္ခရာပေါင်း၍ ကမောက်ကမ ရေးသားထားသည်ကို တွေ့ရပါသည်။ ဖေ့စ်ဘုက် ပလပ်ဖောင်း၏ စည်းမျဉ်းများတွင် အကြမ်းဖက်မှုနှင့် သွေးထွက်သံယိုဖြစ်ရပ်များကို ကန့်သတ်သည့် Algorithms များရှိသည်ဟု အယူမှားကာ “သေ”၊ “သတ်”၊ “သွေး” စသည့် စကားလုံးများကို တိုက်ရိုက်မရေးရဲဘဲ အင်္ဂလိပ်လို ပြောင်းရေးခြင်း သို့မဟုတ် သတ်ပုံဖျက်ရေးခြင်းများ ပြုလုပ်လေ့ရှိကြသည်။ သို့သော် သတင်းနှင့် သာမန် စာရေးသားမှုများတွင် “သေဆုံး” ဟု ရေးသားခြင်းကြောင့် အကောင့်ကျခြင်း သို့မဟုတ် Reach လျော့နည်းခြင်းများ မဖြစ်ပေါ်ကြောင်း ခိုင်မာစွာ တင်ပြထားပြီးဖြစ...

ကွန်မင့်တခု = Medical နဲ့ chef ပညာ ၂မျိုးတတ်လို့ဂုဏ်ယူပါသည်ဆရာ။ ပြန်စာ အထင်တော်မကြီးပါနဲ့။ ကိုယ်သိတာက နည်းနည်းသာ။ ရှာဖွေ လေ့လာ၊ စုဆောင်း တင်ပြတာက များပါသည်။ တရားစာဆို ဆရာတော်တွေကို လျှောက်ထားမေးမြန်းရတယ်။ သတ်ပုံစာဆို အဘိဓာန်တွေနဲ့ သတ်ပုံကျမ်းတွေ လှန်ရတယ်။ တခါတခါ ရှာရာလွယ်ပြီး တခါတခါအင်မတန်ခက်တယ်။ AI ကိုလည်း မေးတယ်။ သူ့မေးရင်တော့ လွှတ်မထားနဲ့ စိစစ် ပြုပြင်ပေတော့။ နေ့တိုင်း။ မေးခွန်းတိုင်း။ သုတစာတွေလည်း ရေးဖြစ်တာ မနည်းတော့ပါ။ ကျွန်တော်က နေရာတိုင်းကို ရောက်ဘူးသူမဟုတ်။ လိုက်မေးရတယ်။ ရခိုဆို ရခိုင်၊ မွန်ဆို မွန်၊ ကရင်ဆို ကရင်။ မိတ်ဆွေတွေပေါတယ်။ ကူညီဖြေပေးကြတယ်။ ကျေးဇူး။ တွေ့တဲ့သူ လူတိုင်းကို မေးရင်တော့ လွဲမယ်။ အခုခေတ်မှာ သုတနဲ့ ပညာ ဘယ်မှာ၊ ဘယ်လိုရှာမလဲက အရေးကြီးတယ်။ တွေ့ကရာ မယုံလေနဲ့။ နာမည်ကြီးလည်း ဟုတ်ချင်မှ ဟုတ်။ ရောင်းကောင်းတဲ့စာအုပ် မှန်ချင်မှမှန်။ နိုင်ငံတော်မူ မမှန်တာများတယ်။ ဆုရ၊ ဂုဏ်ထူးရ၊ ရာထူးရ၊ ဆရာလုပ် ဟုတ်ချင်မှ ဟုတ်တယ်။ စာမတတ် အင်တာနက်လမ်းမှာ ဖတ်။ ဖတ်ပြီး ကိုယ်ပိုင် တွေးတောဆင်ခြင်မှု မပါလို့မရ။ ခေတ်ကတော့ ပျက်နေပြီ။ ဘယ်သူက ဘာတဲ့ဆို အဟုတ်မှတ်။ အထောက်အထားအခိုင်အမာတွေနဲ့ အခါခါတင်ပြလ...

သက်သေခံပုံတွေက များလွန်းလို့ ၃ ခုတည်းသာ တင်ပြပါမယ်။ 1. "တထောင်တန် ပုံပြင် (၃)" ဖလင်စတား ၁။ ထို-နောက်တနေ့ရောက်ပြန်လျှင်လည်း ပြည်ရှင်မင်းကြီးလည်း သူဌေးတူကိုခေါ်၍ ရှေးနည်းအတူ မေးတော်မူ၏။ သူဌေးတူလည်း - အသပြာကထောင်ကို စုပုံစေပြီးမှ “အရှင်မင်းကြီး ဒိငယ်နန်းကို အဆန်းတကျယ် ပွတ်သတည်း” ဆိုသောစကားကို ကြားဖူးပါ၏လောဟု လျှောက်ပြီး ဆက်လက်၍ပြောပြလေသည်။ 2. ကျွဲမသီချင်းကို နန်းတော်ရှေ့ဆရာတင်ကရေးပြီး မကြည်အောင်က စတင်ဆိုခဲ့ပါတယ်။ ဗိုလ်ကေတထောင်မှာ တယောက်လောက်တော့စွဲကောင်းပါရဲ့ ကျွဲမ ကျွဲမ ကျွဲမ အသားညို - 3. ကိုကိုးကျွန်းမှာ ညပေါင်းတထောင် ဂုဏ်ရောင်အသင်္ချေ (ခင်မောင်အေး ချောက်) 4. ခြေရာတထောင် မောင်မဲခေါင် 5. စာတစောင် ထောင်နှစ်ဆယ့်တနှစ် (ဌေးဝင်း) 6. ဆားပုလင်းနှင်းမောင်နှင့် မ တထောင် တကောင်ဘွား 7. ဆူးတထောင်ထောင်နဲ့ ဖြူကောင်ကို ဘယ်လိုဖက်ရပါ့ မောင်ရဲ မြန်မာပြန် 8. တထောင် (ဂဏန်းရေးနည်း) 9. တထောင့်ကိုးရာ တဆဲ့ငါး (အောင်ဆန်းဇာနည်) 10. တထောင့်ကိုရာလေးဆဲ့ခွန် (အောင်ဆန်းဇာနည်) 11. တထောင့်တည (သခင်ဘသောင်း) 12. နေပြည်တော်က နဂါးရုံဘုရားတထောင်ဥယျာဉ်တော် (News Watch Photo news) 13. ဗိုလ်ကေ...

ကွန်မင့်တခု = (ဘို) ဤစကားလုံး များစွာသောမြန်မာစာအဘိဓာန်ထဲမှာ ခုချိန်ထိရှာမတွေ့ရှိခဲ့သေးပါ မှတ်ချက် ဘိုမ (လူအမည်)၊  ဦဘို (လူအမည်)၊ ဘိုဆန်၊  ဘိုမရုပ်၊  ဘိုထိုင်အိမ်သာ (ကန်တော့)၊  ဘိုဆံတောက်၊  ဇင်းမယ် ဘိုဆန်သောချည်၊  ဘိုဆန်တဲ့အရောင်၊  ဘိုဆန်တဲ့ပါတိတ်၊ ဘိုဆံတောက် (ဝတ္ထတို) နုနုရည်(အင်းဝ)  ဘိုဆံတောက်ဆိုသည်မှာ ရှေးခေတ်မြန်မာနိုင်ငံတွင် အနောက်တိုင်းသားများကဲ့သို့ ဆံပင်တိုတိုညှပ်ကာ သျှောင်မထုံးဘဲ ဖော်ထားသော ဆံပင်ပုံစံ နှင့် ထိုဆံပင်ပုံစံကို နှစ်သက်သူများကို ခေါ်ဆိုခြင်း ဖြစ်သည်။ မုန်း၍မဟူ(ဂျာနယ်ကျော် မမလေး) ... ဘိုဆံတောက်ကို ပြောင်နေအောင် ဖြီးတတ်တာပဲ။ နောက်ပိုင်းမှ ကတုံးဆံတောက်ညှပ်၊ ပင်နီ ... မုန်း၍မဟူ - အပိုင်း (၂) ဘိုဆံတောက်တွင် ပတ်ပေါင်းလျက် ・ ဘိုဆံတောက် ဖော်လျက် ・ ဟာကိုယ် စိတ်ချထားသည်။ ဆံတောက် ဆံပင်များ ငြိမ်းကျော် - ကိုငှက်ရိုးနှင့် ... ဘိုဆံတောက်နဲ့ ရိုးရာမဟုတ်တာ တော့ အားမပေးဘူးဗျာ”. “မင်းမလဲ ဟိုလူ ဟိုလိုဖြစ်စေချင် ... မြန်မာစာရေးထုံးကျမ်း (သတ်ပုံသတ်ညွှန်းကျမ်း) (ဦးသာမြတ်) ဘုမ် — ဘုမ္မစိုး၊ ဘုမ္မရာဇာ၊ ဘုမ္မတီးငှက်၊ ဘုမ္မသိန်ပရုတ် (ဗုမ္မသိန်)။ ဘုံ — ...

တင်ထားတဲ့စာ = ရက်ပေါင်း တထောင် ကွန်မင့်တခု = ရေးတော့ အမှန် ဖတ်တော့ အသံရက် ပေါင်း တစ် ထောင်။ စကားအဖြစ် ရေးထားတဲ့ စာဆိုရင် စကားလိုပဲဖတ်တယ်ရေးတယ် နေရာမတူသလို ကိုမြင်တာကိုလဲ အမှန်လို့ မပြောလိုပါ။ မှတ်ချက် အဲလို ထင်ခြင်းသည် ရေးတော့အမှား၊ ဖတ်ကားတလွဲတည်း။  လူ ၁၀၀ (တရာ) လောက် အဲလိုလာလာရေးကြတယ်။  အခါ ၁၀၀ (တရာ) တင်ပြထားပြီး။ အမှန်သက်သေ ဘယ်လိုပြပြ မရတဲ့သူတွေ များလှ၏။ အဲလိုလူတွေများလေ ခိုင်းကောင်းလေ။ လုပ်ချင်ရာလုပ်လို့ လွယ်ကူလေ။ မြက်ခြောက်တွေလို့ အခါခါပြောလည်းမရ။ မြက်စိုဟုသာ တွင်တွင်ငြင်းကြကုန်၏။ မြန်မာစာ "ပေါ်လစီအဘိဓာန်သစ်" သည်ကား မျက်မှန်စိမ်းတည်း။ "ကိုယ်မြင်တာ"လို့ရေးရ။ "ကိုမြင်တာ" ဆိုရင် လူအမည်။ ဆိုရင် လူအမည်။ "ကိုမြင်တာ" ကြီးလာတဲ့အခါ "ဦးမြင်တာ" လို့ ခေါ်ရပါမယ်။ ဒေါက်တာတင့်ဆွေ

မေးခွန်းတခု = နိစ္စဓူဝ ကို ​နေ့တဒူဝ လို့ထွက်တာက​တော့ လုံးဝမှား​နေတယ်လို့ထင်မြင်မိပါတယ်ခင်ဗျာ ပြန်စာ နိစ္စဓူဝ အသံထွက် နေ့သဒူဝါ့ နိစ် နိစ် – န / နိတ် / [ဗေဒင်] အနိမ့်ဆုံးနေရာသို့ ရောက်နေသော ဂြိုဟ်။ [ပါ] နိစ္စဓူဝ – ကြိဝိ / နေ့သဒူဝါ့ / အမြဲမပြတ်။ ထာဝရစဉ်။ “ကြွက် သတ္တဝါသည် နိစ္စဓူဝပျက်စီး၏။” ငါးရာ့ငါးဆယ်။ ၃ဂ။ [ပါ] နိစ္စဘတ်ဆွမ်း – န / နိတ်ဇဗတ်ဆွန်း / အမြဲမပြတ် လှူသော ဆွမ်း။ “မထေရ်အား၊ နေ့စဉ်မပြတ်၊ နိစ္စဘတ်ဆွမ်း၊ လှူပေး ကမ်း၏။” ဥပမာ၊ ဒု၊ ၂၄၄။ နိစ္စဘတ်ဝတ် – န / နိတ်ဇဗတ်ဝတ် / အမြဲပြုသော အကျင့်။ “ဘုရားအား၎င်း၊ မယ်တော်အား၎င်း၊ ရွာတည်ထောင်၍၊ နိစ္စဘတ်ဝတ်ကို မင်းက ဖြစ်စေ၏။” သမန်း၊ ဒု။ ၃၁၂။ နိစ္စသီလ – န / နိတ်စာသီလာ / အမြဲ စောင့်ထိန်း အပ်သော သီလ။ “ငါးပါးသီလသည်လည်း နိစ္စသီလမျိုးတည်း။” ဝိသီ။ ၂ဂ။ [ပါ] ဒေါက်တာတင့်ဆွေ

စာမျက်နှာ - ၁၈ "ကြိယာ" "ကြိယာဝိသေသန" ဆုံး တဆုံး [ပြော] ပြေး တဆင့် [ပြေး] ဆင့် တပြေး (ညီ) ပြိုင် တပြိုင် (ထဲ) စသည်ဖြင့် ဖြစ်ပေသည်။ ဤတွင် အချို့သောကြိယာဝိသေသနတွင် (တ) သာမက နောက်မှ (တည်း) ကိုဆက်၍ တညီတည်း၊ တဖြူးတည်း၊ တပြေးတည်း၊ တပြိုင်တည်း၊ ဟူ၍လည်း ပြောဆိုသုံးနှုန်းတတ်ကြပေသည်။ သို့ရာတွင်- အခြားတည်း၊ တဆန်းတည်း၊ တဆုံးတည်း၊ တဆင့်တည်း၊ ဟူ၍ ကြိယာဝိသေသနအဖြစ် သုံးနှုန်းခြင်း မရှိပေ။ အဘယ်ကြောင့်ဆိုသော် (တ) မှာ (အာရုံ) အဖြစ် သုံးသော (ဝါ) အသံ ရွတ်ဆို၍ ကောင်းအောင် တသံအစား နှစ်သံဖြစ်စေ၍ ကြိုတင် အားယူသော အဖြည့်စကားလုံးသံ အဖြစ် အဓိပ္ပါယ်မဲ့ သုံးသော (တ) သံနှင့် (တစ်) အရေ အတွက်ကို ကိုယ်စားပြု၍ (သင်္ချာ) အဖြစ်သုံးသော (ထ) ဟူ၍ နှစ်မျိုးရှိသည့်အနက် (တည်း) ကို သင်္ချာ (တ) နှင့်သာ တွဲစပ် သုံးစွဲရိုး ရှိသောကြောင့် ဖြစ်ပေသည်။ (တည်း) သည် မလိုမလွန် ကန့်သတ်သည့် အဓိပ္ပါယ်ရှိပေသည်။ စာမျက်နှာ - ၁၉ တခြား၊ တဆန်း၊ တဆုံး၊ တဆင့်၊ တို့တွင် တွဲစပ်သော (တ) မှာ အာရုံ (တ) ပင် ဖြစ်ပေသည်။ တစ်သင်္ချာကို ရည်ညွှန်းခြင်း မဟုတ်ပေ၊ ကြိယာဝိသေသန ဖြစ်ရုံ စကားလုံးချောမွေ့၍ ဖြည့်ခြင်း အားယူရန် အသံတခုခန့် အသံနှစ်လ...

စောစာက ကွန်မင့်တခုတွေ့လိုက်တယ်။ ပြန်ရှာလို့မရပါ။ မရမ်းသီးလို့ထင်နေတာ အခုမှ မရန်းသီးလို့သိပါတယ်တဲ့။ ဟုတ်တယ်။ အများစုက ခရမ်းသီး၊ မရမ်းသီးလို့သာ သိကြတယ်။ ပုံနှိပ် မူရင်း ၃ ခုကို သက်သေအဖြစ် တင်ပြပါမယ်။ "တိမ်ပန်းချီ" တိမ်ညိုမိလ္လာ၊ တိမ်စူကာနှင့်၊ တိမ်ပြာရောယှက်၊ မရန်းဖက်၍ တိမ်သက်တန့်ရောင်၊ အဝါပေါင်ဝယ် မှောင်ခဲ့တခါ၊ ပြာခဲ့တချို့ ညို့ခဲ့တလီ၊ နီခဲ့တဖုံ မှုန်ခဲ့တချက် ယုဇန်ထက်က၊ လေးဖက်လုံးခြုံ တိမ်ဂဠုန်လည်း၊ နားရုံကြွေ့ ရန်ချင်းတွေ့သော် ခိုငွေ့ထွက်ပြိုင်၊ ဂုဏ်ချင်းဆိုင်၏။ တောလား - ရှင်ဥတ္တမကျော် မှတ်ရန်များ မရန်းဖက်၍ မှောင်ခဲ့တခါ၊  ပြာခဲ့တချို့ ညို့ခဲ့တလီ၊  နီခဲ့တဖုံ မှုန်ခဲ့တချက် သတ်ပုံကျမ်း ၂ ခုကိုလည်း သက်သေအဖြစ် တင်ပြပါမယ်။ ကဝိဓဇသတ်ပုံကျမ်း  မရန်း။ မြန်မာအဘိဓာန် အကျဉ်းချုပ် (၁၉၇၉) မရန်းစေ့ရောင် မရန်းပင် မရန်းပြား ဒေါက်တာတင့်ဆွေ