ခေတ်ကတော့
- အမှား ဖလားပေး၊
- အလွဲ အားပေး၊
- အလိမ် မြိန်ဆေး၊
- အညာ လာခဲ့လာခဲ့၊
- ဆေးအတုပါဆို ဘယ်မှာဝယ်ရသလဲမေးတဲ့ခေတ်။
- ကဗျာစာအုပ် သတ်ပုံပြင်ထုတ်မှ ရသရှိတယ်လို့ဆိုကြတဲ့ခေတ်။
- ဝတ္ထုစာအုပ် သတ်ပုံပြင်ထုတ်မှ ဝယ်ယူအားပေးကြတဲ့ခေတ်။
- ကျောင်းစာအုပ် သတ်ပုံပြင်ထုတ်ပြီး ဂုဏ်ထူးပေးတဲ့ခေတ်။
- တရားစာအုပ် မှားအောင်ပြန်ထုတ်မှ သာဓုများတဲ့ခေတ်။
- မူရင်းပြရင် ဝိုင်းချကြတဲ့ခေတ်။
- စာကို မှန်အောင်ရေး ရှေးတဲ့။
- မှန်ရင် ခံပေတော့။
မြန်မာစာသည် တသက်မှာ နှစ်ဘဝပြောင်းရပါတော့သည်။
ပြောလို့မရသေးတာက "တစ်တစ်သက်တာ" လို့ ရေးကောင်းရေးလာကြလိမ့်မည်။
ကျွန်တော် တိုင်းပြည်ကနေ ထွက်မပြေးရခင်အထိ တိုင်တရာ၊ တသက်တာ၊ ငွေတရာတွေဟာ စသတ်ခံရလိမ့်မည်လို့ မထင်ခဲ့မိပါ။
မြန်မာစာ တသက်မှာ သုံးဘဝလည်းပြောင်းရနိုင်ပါသည်။
(၂)
AI
ဓာတ်ပုံထဲက စာအုပ်ကတော့ ဆရာကြီး သခင်ဘသောင်း ရဲ့ "ဇာတိမာန်ပွားစရာ အတွေးအခေါ်များ" စာအုပ် ဖြစ်ပါတယ်။
ခေတ်အဆက်ဆက် မြန်မာစာ သတ်ပုံစံနစ် ပြောင်းလဲပုံတွေနဲ့ ပတ်သက်လို့ ဆရာ ဒေါက်တာတင့်ဆွေ ရေးသားထားတဲ့ အယူအဆနဲ့ ဝေဖန်ထောက်ပြချက်တွေကို မျှဝေပေးတာ ကျေးဇူးပါ။
ရှေးမူ သတ်ပုံ (ဥပမာ - တသက်တာ၊ တိုင်တရာ၊ ငွေတရာ စသည်ဖြင့် တ ဖြင့် ရေးထုံး) နဲ့ နောက်ပိုင်း ခေတ်သစ် မြန်မာစာအဖွဲ့က ပြင်ဆင်သတ်မှတ်ခဲ့တဲ့ သတ်ပုံ (ဥပမာ - "တစ်" ဖြင့် အပြည့်အဝ ရေးထုံး) တွေကြားက သတ်ပုံအငြင်းပွားမှုဟာ စာပေအသိုင်းအဝိုင်းမှာ အမြဲလိုလို ဆွေးနွေးငြင်းခုံစရာ ဖြစ်နေဆဲ ခေါင်းစဉ်"တစ်"ခုဖြစ်ပါတယ်။
(၃)
ပုံထဲက တသက်တာမှတ်တမ်းနှင့် အတွေးအခေါ်များစာအုပ်ကို ရွှေဥဒေါင်းက ရေးပါတယ်။
သခင်ဘသောင်းက တထောင့်တည ဘာသာပြန်ပါတယ်။
ရွှေဥဒေါင်းနဲ့ သခင်ဘသောင်းတို့ကတော့ တခု ကို တခု လို့သာ ရေးကြပါတယ်။
AI က ခေတ်လူ (စက်)။
(၄)
AI
ထောက်ပြပြင်ဆင်ပေးတာ ကျေးဇူးအများကြီးတင်ပါတယ်ခင်ဗျာ။ ကျွန်တော့်ဘက်က ပုံကို သေချာမကြည့်ဘဲ အမှားအယွင်း ဖတ်ရှုမိသွားတာပါ။
ပုံထဲက စာအုပ်အပေါ်မှာ ရေးထားတဲ့ စာရေးသူက ဆရာကြီး ရွှေဥဒေါင်း ဖြစ်ပြီး၊ စာအုပ်အမည်မှာ "ဘဝတသက်တာမှတ်တမ်းနှင့် အတွေးအခေါ်များ" ဖြစ်ပါတယ်။
ဆရာကြီး ရွှေဥဒေါင်းရော၊ ""တစ်"ထောင့်"တစ်"ည" ကို ဘာသာပြန်ခဲ့တဲ့ ဆရာကြီး သခင်ဘသောင်း တို့ပါ "တခု"၊ "တသက်တာ"၊ "တရာ" စသဖြင့် စသတ် မပါဘဲ 'တ' "တစ်"လုံးတည်းနဲ့သာ ရေးသားခဲ့ကြတာ အမှန်ပဲ ဖြစ်ပါတယ်။
AI ဆိုတဲ့အတိုင်း လက်ရှိခေတ်ပေါ် သတ်ပုံစနစ် နိယာမတွေနဲ့ ဒေတာတွေကိုပဲ အခြေခံမိတာကြောင့် ခေတ်ဟောင်း စာပေပညာရှင်ကြီးတွေရဲ့ မူရင်း ရေးထုံးအလှနဲ့ ရသကို စက်အတိုင်းပဲ အလွယ်တွေးမိသွားခဲ့ပါတယ်။ ခုလို ထောက်ပြပေးမှပဲ စာအုပ်အမှန်နဲ့ မူရင်း မြန်မာစာ ရေးထုံးအကောက်အယူကို မှန်မှန်ကန်ကန် ပြန်လည် မှတ်သားခွင့် ရလိုက်ပါတယ်။
(၅)
ကောက်ချက်
ယခုခေတ်မှာမွေးတဲ့ AI သည်လည်း ၁၉၈၆ နောက်မှ ကကြီး ခခွေးသင်ရတဲ့ မြန်မာလိုစာရေးသူတွေအတိုင်း မတစ်ရ မနေနိုင်။
မြန်မာ့စွယ်စုံကျမ်းအလိုအရ အခမဲ့ကူလီထမ်းခြင်းအကျိုး ရေးသားသူ ပညာဝန် ဦးဖိုးကျားက တိုင်တရာစကောကရင် အလယ်တန်းကျောင်းမှာ စာသင်ယူခဲ့ပါတယ်။ အခုတော့ တိုင်တရာအမည် အပြောင်းခံလိုက်ရပြီ။
လူကြီးမင်းတို့သဘောသာဖြစ်ပါကြောင်း။
ဒေါက်တာတင့်ဆွေ
Comments
Post a Comment