ဆို မစိမ်းစိမ်း
ရွှေမန်း ဆီ...သို့
တခါတခေါက်ဖြင့် ရောက်စေချင်သည်
ကျုံးတော်ပတ်လည် မြမြို့ရိုး
ပြအိုးပစ္စင်
ကာရံကာအတည် မြန်မာစံဌာနီ
သာယာပါပေ့သည်
ရေရိပ်ရေအောက်ဆီ
နေခြည်ဟပ်ကာ အလွန်ပနံရလှသည်
ရှုဖွယ်စုံညီ ရွှေနန်းတော်အရှေ့ဆီ
မြရည်ညိုညို
တောင်တန်းတွေကမှုန်ရီ
ငရံ့မင်းစေတီ တောင်တော်ထူး
အောင်ပင်လယ် ယာပြင်ဦးက
ဖူးနိုင်ပါသည်
အထူးဘဲ အစဉ်ဖိတ်ခေါ်ပါသည်
ဟိုမှသည် အရောက်သွားလို့
မန္တလေးတောင်တော်ဆီ
တထောက်နားမည်
မြင်ကွင်းကျယ်ကျယ်ပတ်ဝန်းကျင်ဝယ်
မှန်းလို့ရှုရမည်
ဟိုမှသည် အရောက်သွားလို့
မန္တလေးတောင်တော်ဆီ
တထောက်နားမည်
မြင်ကွင်းကျယ်ကျယ်ပတ်ဝန်းကျင်ဝယ်
မှန်းလို့ရှုရမည်
မှုန်ရီမှေး ဟိုအဝေးကစေတီ
သခင်မတောင်တော်မဟီရှင့်
အနောက်မြောက်ယွန်းတော့
မင်းကွန်းထိုစေတီ ဖူးတွေ့ရမည်
ဧရာဝတီမြစ်ကြောင်းဆက်ကာ
အနောက်ဘက်မှာ ရှုကြည့်ပါ
ပုထိုးစေတီအထူး
ဦးချီ စစ်ကိုင်းမင်းဝံဆီ
စစ်ကိုင်းတောင်တော်နားဆီ
ဇေယျာရွှေပြည် ညိုမှိုင်းလျက်အတည်
ဒီမှာဘက်ကမ်း
ကြက်ညီနောင် စံမြန်းတဲ့စေတီ
မြူခြေတွေထဲ မသဲမကွဲ ဖူးတွေ့နိုင်သည်
ဒါတွေစုံပါပြီ မြို့တွင်းကိုလှည့်မည်
ဝေယံဘုံပမာနန်းဆောင်တမျှ
သိင်္ဂါရွှေရောင် ထိန်ဝါဝေပြောင်
အလျှံကိုဆောင် မြို့တောင်ဖျားဆီ
မှန်းရည်
မဟာမြတ်မုနိကိုယ်တော်စံရာကိုပင်
ဖူး..တွေ့နိုင်ပါသည်။ ။
မှတ်ချက်
ဒီသီချင်းစာသားကို တခြားနေရာတွေမှာ မှန်အောင်ရေးတာ မတွေ့သလောက် ရှားပါသည်။
တခါတခေါက် ကို တစ်တွေနဲ့ ရေးထားကြတယ်။
ပြမြို့ရိုးကို မြမြို့ရိုး လုပ်ထားကြတယ်။
တထောက် ကို စသတ်ထားကြတယ်။
သိင်္ဂါ မှားကြတယ်။
ငရံမင်းကို ငါးရံမင်း လုပ်ထားကြတယ်။
ဒါတွေစုံပါပြီ ကို စုံပါပီ တဲ့။
အထူးဘဲ ကို အထူးပဲ လုပ်ထားကြတယ်။
မူရင်းအဆိုတော်အမည်ကိုလည်း နောက်ပေါက်ဆိုသူတွေအမည်သာ ထည့်ထားကြတယ်။
ဒေါက်တာတင့်ဆွေ
Comments
Post a Comment