အမှန်ခြစ် အမှားခြစ်တွေကို တသက်လုံးမပို့ပါရန်

အမှားဆို အနီခြစ်၊ အမှန်ဆို အစိမ်းခြစ်

အမှားဆို အစိမ်းခြစ်၊ အမှန်ဆို အစိမ်းခြစ်

လာလာတင်ကြတယ်။

မှန်တာရယ်လို့ တခုတလေမှ မတွေ့ရ။

နောက်တခါလာတင်သူတိုင်းကို ဘလော့ ပါမည်။

ကွန်မင့်မှာ 

ပြုတ်ရည် မှား

ပြုပ်ရည် မှန်လို့ လာတင်သည်။

လူကြီးမင်းတင်တာ မှားပါသည်။

ပြုတ် နဲ့ ပြုပ် အတော်ကို မတူပါ။

ပြုပ် – န / ဗျုတ် / အဖုအပြောက်ငယ်အစု။

ပြုပ်ဆတ်ဆတ် – ကြိဝိ / ဗျုတ်ဆတ်ဆတ် / အဖုအပြုပ်များဖြင့်

    အပြင်ကြမ်းလျက်။ (ပြုပ်ရှုပ်ရှုပ်ဟူ၍လည်း သုံးသည်။)

ပြုပ်ထ – ကြိ / ဗျုတ်ထာ့ / အဖုအပိမ့်များ အစီအရီ စုပြုံ့

    ပေါ်သည်။

ပြုပ်ရှုပ် – ကြိဝိ / ဗျုတ်ယုတ် / အထိအတွေ့ ကြမ်းတမ်း

    ခက်ထန်စွာ။ အဖုအထူးငယ်များ ထိပွတ်လျက်။

ပြုပ္ပဘလဂုဏီနက္ခတ် – န / ဗျုပ္ပဗာ့ဖလဂုနိန်နက်ခတ် / ညောင်

    စောင်း၏ရှေ့ခြေသဏ္ဌာန် ကြယ်နှစ်လုံးပါဝင်သော နက္ခတ်။

    (ဥတ္တရဗလဂုဏီ တွဲလျက် လေးလုံး၊ ညောင်စောင်းသဏ္ဌာန်

    ရှိသည်။ ပြုဗ္ဗာဖလဂုဏီဟူ၍လည်း ရေးသည်။) [သ]

ပြုပ္ပဘဒြဗုဒ်နက္ခတ် – န / ဗျုပ္ပဗာ့ ဗာ့ဒရဗိုက်နက်ခတ် / ညောင်

    စောင်း၏ ရှေ့ခြေသဏ္ဌာန် ကြယ်နှစ်လုံးပါဝင်၍ တော်သလင်း

    လတွင် စန်းယှဉ်ပြည့်သော နက္ခတ်။ (ဥတ္တရဘဒြဗုဒ်နှင့်

    တွဲလျက် လေးလုံး၊ ညောင်စောင်းသဏ္ဌာန် ရှိသည်။ ပြုဗ္ဗာ့

    ဘဒြဗုဒ်ဟူ၍လည်း ရေးသည်။) [သ]

ပြုပ္ပာသဠ်နက္ခတ် – န / ဗျုပ္ဗာသန်နက်ခတ် / ဆင်စွယ်သဏ္ဌာန်

    ကြယ်နှစ်လုံးပါဝင်သော နက္ခတ်။ (ဥတ္တရာသဠ်နှင့်

    တွဲလျက်လေးလုံး၊ ဆင်မခြေလှမ်းဟန်ရှိသည်။ ပြုဗ္ဗာသဠ်၊

    ပြုဗ္ဗာသတ်ဟူ၍လည်း ရေးသည်။) [သ]

ပြုတ်၂ – ကြိ / ပျုတ် / တစုံတရာကို ရေ သို့မဟုတ် အရည်တွင်

    ထည့်၍ မီးအပူတိုက်သည်။။

ပြုတ်၃ – ကြိ / ပျုတ် / အရွယ် အော်ဟစ်သည်။။ “ကြံ့ကဟောက်ရုတ်၊

    ပြုတ်သည်အရွယ်၊ ချေငယ်က ဟောက်။” န ဝ ဒေး ရတု၊

    ၆၇။ ၁။

ပြုတ်ကြော် – န / ပျုတ်ကျော် / ၁၊ ဆီရောရေပါ တပေါင်းတည်း

    ချက်ပြီး ရေခမ်းသည့်အခါ ဆီကျန်နှင့်မွှေထားသောစားဖွယ်။

    ၂၊ ပြုတ်ပြီးနောက် ဆီပူထိုးထားသော စားဖွယ်။ ၃၊ ကြော်

    ပြီးနောက် ရေအတန်ငယ် ထည့်၍ ချက်သော စားဖွယ်။

ပြုတ်ချက် – န / ပျုတ်ချက် / အရည်ရွှမ်းစွာဆီကျန် ရေကျန်

    ချက်ထားသည့်ဟင်း။

စာလုံးတွေမှာ -

- စံကိုက်စာလုံး

- မူကွဲစာလုံးမှန်များ

- မူလွဲများ

- မူပြင်များ နဲ့

- မူမှားတွေလို့ ရှိတယ်။

မြန်မာစာက တခွန်းဆိုင် မဟုတ်ပါ။

ဒေါက်တာတင့်ဆွေ