စိတ်မရှည်

ကျွန်တော်က တခါတခါ အတော်ကို စိတ်ရှည်ပြီး၊

တခါတခါ စိတ်မရှည်ပါ။

စိတ်မရှည်ချိန်မှာလာတဲ့ ကွန်မင့်တချို့ကို ဟိုဒ်၊ ဒီလိဒ် နဲ့ ဘလော့လုပ်ပါတယ်။

ကွန်မင့်တွေကလည်း အမျိုးမျိုး

တချို့က ကျွန်တော့ကို အကောင်းပြောကြပြီး တချို့ အဆိုးဆိုကြတယ်။

အဆိုးထဲမှာ ဆဲရေးတိုင်းထွာတာတွေလည်း ပါတယ်။

ဆဲတာတွေ့တိုင်း ဘလော့တယ်။ သူ့နေရာနဲ့သူတော့ ဆရာကြီး၊ ဆရာမကြီးတွေ ဖြစ်နိုင်တယ်။

အကောင်းကလည်း တခါတခါလွန်ကဲတယ်။

တော်၊ တတ် သာမက ပြည့်ဝ၊ သီလ စတာတွေအထိ ပါတယ်။

အမှန်က ကျွန်တော်က ခြောက်ပြစ်ကင်း သဲလဲစင် မဟုတ်ပါ။

အမှားမပါ ဒေါက်တာတင့်ဆွေမဟုတ်လို့ကလည်း အခါ ၂၀ လောက်ရှိပြီ။

ကောက်ချက်

ဘယ်သူ့ကိုမဆို အကဲဖြတ်တာ မစောသင့်၊ မလွန်ကဲသင့်ပါ။

လူတိုင်းဟာ အခုမိနစ်ပိုင်းမှာ စိတ်ကောင်းဝင်နေပေမဲ့ နောက်တနာရီ ပြောမရ။

စကားတခွန်းတည်း

စာတကြောင်းတည်း

တခါမြင်တာနဲ့

တနှစ်လောက်သိတာနဲ့

ဆယ်နှစ် အနှစ်ဆယ်လောက်သိတာနဲ့တော့

ဘယ်သူ့ကို ဘယ်သူကမှ အကုန်မသိနိုင်ကြပါ။

ဒီနေ့တဝက်မှာ ၂ ယောက်လောက်ကို ဘလော့လိုက်ပါတယ်။

ကွန်မင့်တွေများတဲ့ ပို့စ် တပုဒ်ကို အမှိုက်ပုံးထဲ ထည့်လိုက်ရတယ်။

လူများပြီဆိုရင် သတိသာထားပေတော့။

တချို့က လူများတာကို အကောင်းမှတ်နေကြတယ်။

စိတ်ရိုင်းရှိသူတွေ များလာသလား မသိ။

စာကိုမှန်အောင်မရေးတတ်သူတွေများလာချိန်နဲ့ ထပ်တူကျတယ်။

ဒေါက်တာတင့်ဆွေ

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog