လက်ထဲမှာ စိုင်းခမ်းလိတ်သီချင်းများစာအုပ် တအုပ်သာရှိတယ်။ အဲဒီစာအုပ်မှာ ၈၅% လောက်ကတော့ မှန်တယ်။
ကျန်တာတွေကို အွန်လိုင်းမှာ လိုက်ရှာရတယ်။
Cherry နဲ့ သီချင်းစာသားတွေက သတ်ပုံတွေ မူရင်းအတိုင်း မှန်တယ်။
Pho Kyaw လည်း မှန်တယ်။
Lyrincs, Smule, YouTube တွေမှာ မှန်တာ ၁၀% လောက်သာတွေ့ရတယ်။
အဆိုတော်အမည်ကိုလည်း မူရင်းအမည်တွေမသုံး၊ မနေ့တနေ့ကမှ သီချင်းတက်ဆိုသူအမည်တွေထည့်။
ကိုယ်တိုင်ရေးတဲ့သီချင်းမဟုတ်ဘဲ သတ်ပုံကို ထင်သလိုပြင်နေကြတယ်။
အဲဒီနေရာတွေက သီချင်းသားတွေရေးကြတာ သင်္ကေတအမျိုးမျိုးကို မျက်စိနောက်နေအောင် ထည့်ထားကြတယ်။
သာယာတဲ့သီချင်း နားထောင်နေစဉ် လင်းကွင်းကြီး လွတ်ကျသလိုဘဲ။ (ခွက်ခွင်းကို လင်းခွင်းဟူ လည်းကောင်း ၊ လင်းကွင်းဟူ လည်းကောင်း ရေးစပ်ခေါ်ဝေါ်ကြ၏။)
"ချစ်တာတခုတည်းသိတယ်"
(စိုင်းခမ်းလိတ်ရဲ့ သီချင်းစာအုပ်ထဲက သတ်ပုံ)
(၁)
ဘာကြောင့်လဲ ဘာအတွက်လဲ ကိုယ်ကချစ်နေမိတာ
မေးရန်လွယ်ပေမယ့် အဖြေခက် သိသလိုမသိသလိုပါပဲ
ပန်ချင်သူမရှိလဲ အချိန်တန်ရင်ပန်းကတော့ ပွင့်နေမှာပဲ
အပိုတွေကိုမဆိုတတ်ဘူး သာမန်လူတယောက်မို့လေ
တကယ်ပါမေရယ် ကိုယ်ကတော့ ချစ်တာတခုတည်းသိတယ်....
(၂)
ဘယ်လောက်လဲ ဘယ်အထိလဲ ကိုယ်က ချစ်နေရတာ
မေးရန်လွယ်ပေမယ့် အဖြေခက် သိသလို မသိသလိုပါပဲ
ပင်လယ်ဘယ်လောက်ကြီးကြီး အိုင်ငယ်ဘယ်လောက်သေးသေး
ရေ....ရေချင်းတော့တူ အပိုတွေကို မဆိုတတ်ဘူး
သာမန်လူတယောက်မို့လေ တကယ်ပါမေရယ်
ကိုယ်ကတော့ ချစ်တာတခုတည်းသိတယ်
(၃)
ဘယ်ကစလဲ ဘယ်မှာဆုံးမလဲ ကိုယ်က ချစ်နေမိတာ
မေးရန်လွယ်ပေမယ့် အဖြေခက် သိသလို မသိသလိုပါပဲ
နေရာဟာ မတည်ငြိမ်ချင်း အချိန်ဆိုတာ မတည်မြဲခြင်းလို့
ယူဆကြရင် အပိုတွေကို မဆိုတတ်ဘူး
သာမန်လူတယောက်မို့လေ
[တကယ်ပါမေရယ် ကိုယ်ကတော့
ချစ်တာတခုတည်းသိတယ်] ၄
မှတ်ချက်
အခုခေတ်မှာ
ချစ်တာတခု မရှိစေရတဲ့။
မုန်းတာတခု မရှိစေရတဲ့။
ကြိုက်တာတခု မရှိစေရတဲ့။
မကြိုက်တာတခု မရှိစေရတဲ့။
တတ်တာတခု မရှိစေရတဲ့။
မတတ်တာတခု မရှိစေရတဲ့။
မှန်အောင်ရေးတတ်တာတခု မရှိစေရတဲ့။
ပုံ သတ်ပုံလွဲအောင်ပြင်အဖွဲ့ကြီး။
ဒေါက်တာတင့်ဆွေ
Comments
Post a Comment