အခမဲ့ရှေ့နေ

ကွန်မင့်တခု = မန္တလေးကို မန်းလေး လို့ရေးရတဲ့ အကြောင်းရင်းကလဲ ဖုန်းကီးဘုတ် တခုနဲ့တခု မတူကြပါဘူး စာလုံးဆင့်တွေ စာရိုက်ရတဲ့အခါ သုံးနေကြကီးဘုတ် မဟုတ်ရင် အခက်ခဲရှိပါတယ် ဒါကြောင့် မန္တလေး လို့သိပေမယ့် မန်းလေး လို့ပဲ အလွယ်တကူ ရေးလိုက်တယ်ပဲထင်ပါတယ်

ပြန်စာ

ဟုတ်။

အဲလိုအကြောင်းပြချက်မျိုးတွေကို အခါ ၂၀ လောက်ရပါတယ်။

ထပ်ပြောပါရစေ။

၁။ မန္တလေး လို့ရေးချင်ရင် ၅ ချက်တိတိလှုပ်ရှားရတယ်။

၂။ မန်းလေး လို့ရေးချင်ရင် ၇ ချက်။

၁။ စာလုံးရိုက်ချက် အရေအတွက် နှိုင်းယှဉ်ချက်

မန္တလေး (၅ ချက်လှုပ်ရှားရုံဖြင့် ရနိုင်ပါသည်)

၁။ မ

၂။ န္ (နသတ်ကို ပါဌ်ဆင့်ရန် shift သို့မဟုတ် ဆင့်ခလုတ် နှိပ်ခြင်း)

၃။ တ

၄။ လေ (ေ + လ)

၅။ း (ဝစ္စပေါက်)

မန်းလေး (၇ ချက်အထိ လှုပ်ရှားရပါသည်)

၁။ မ

၂။ န

၃။ ် (အသတ်)

၄။ း (ဝစ္စပေါက်)

၅။ ေ

၆။ လ

၇။ း (ဝစ္စပေါက်)

ထို့ကြောင့် လွယ်အောက်၊ လွယ်လို့ မဟုတ်။

၃။

(က) ဖုန်းညံ့သလား၊

(ခ) မြန်မာဖေါင့်ညံ့တာလား၊

(ဂ) လူညံ့တာလား မသိပါ။

၄။ အမှား၊ အလွဲ၊ အပျက် နဲ့ အခက်အခဲတွေဘက်ကနေ အခမဲ့ရှေ့နေပေါင်း ၁၀၀ (တရာ) လောက်ဆီကစာတွေ ဖတ်ရပါတယ်။

၅။ ဖေ့စ်ဘွတ်မှာ သေ၊ သတ် စာလုံးမရေးရဘက်ကနေ ရှေ့နေလိုက်ပေးသူကတော့ ၂၀၀ လောက်ရှိတယ်။ အားလုံးကို ဘလော့ပါတယ်။

ဖေ့စ်ဘွတ်မှာ သေ၊ သတ်၊ ဗုံး၊ ဒရုန်း ရေးလို့ရပါတယ်။

၆။ လူတွေသာမကပါ AI ကလည်း အသတ်နဲ့ ကင်းစီး မှားတယ်။

မနေ့ညက သင်္ကြန် စာလုံးကို မှားဖြေတယ်။ အရင်က ယောက်ျား ကို ကင်းစီးတင်ဖြေတယ်။

ဒေါက်တာတင့်ဆွေ

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog