ကျဲ နှင့် ကြဲ ချင်း နှင့် ခြင်း

ဆရာကျန်းမာသက်ရှည်ပါစေ။ နိုင်ငံခြားဆိုတော့ ဘေးရန်ကင်းတာပေါ့။ ကျမတို့ပြည်သူတွေတော့ဆရာ အိပ်ကောင်းချင်း(ခြင်း)လဲ မအိပ်ရပါဘူး။ လေယာဥ်တွေက အုပ်လိုက်လာကျဲ(ကြဲ)နေတာ။

(၁)

ကျဲ နှင့် ကြဲ

ကျဲ

စိတ်သည်၏ ဆန့်ကျင်ဘက်။ (ဥပမာ - မုန့်ဟင်းခါးရည် ကျဲသည်၊ ဆံပင် ကျဲသည်၊ လူစု ကျဲသွားသည်)

မစိပ်မပျစ်၊ ခပ်ခွာခွာဖြစ်သော အခြေအနေတွင် သုံးပါသည်။

ကြဲ (ရရစ်)

ကြဲဖြန့်သည်၊ မျိုးစေ့ ကြဲသည်၊ ပစ္စည်းများ ကြဲပက်သည်၊ စစ် ကြဲသည် (တိုက်ခိုက်သည်)။

အစေ့၊ အမှုန့် သို့မဟုတ် အရာဝတ္ထုများကို ပက်ဖြန့်သည့် ပြုလုပ်ဆောင်ရွက်မှု (ကြိယာ) တွင် သုံးပါသည်။

ဗုံးကြဲသည် ဟု သုံးရပါမည်။ (ရရစ် ကြဲ ဖြစ်ပါသည်။)

အရာဝတ္ထု သို့မဟုတ် အရာဝတ္ထုများကို အထက်မှ အောက်သို့ ဖြန့်ကျက်ပစ်ချခြင်း၊ ဖြန့်ဖြူးခြင်း ပြုလုပ်ဆောင်ရွက်မှု ဖြစ်သောကြောင့် ရရစ် “ကြဲ” ဖြင့် ရေးသားရခြင်း ဖြစ်ပါသည်။

ဥပမာ -

လေယာဉ်ပေါ်မှ ဗုံးကြဲသည်။

ဗုံးကြဲလေယာဉ်။

(၂)

ချင်း နှင့် ခြင်း

ချင်း

အပင်/အစာ: ချင်းစိမ်း၊ ချင်းတက် (အစပ်ကင်းသော အမြစ်ဥ)၊ ချင်းသုတ်။

တိုင်းရင်းသား: ချင်းပြည်နယ်၊ ချင်းတိုင်းရင်းသား။

တဦးနှင့်တဦး / အချင်းချင်း: သူချင်း၊ ငါချင်း၊ မိတ်ဆွေချင်း၊ သူငယ်ချင်း။

သီချင်း: သီချင်းဆိုသည်၊ တေးသီချင်း။

အချင်း: စက်ဝိုင်း၏ အချင်း (Diameter)။

ခြင်း

အသုံးအဆောင်: စာပစ်ခြင်း၊ ဈေးခြင်း၊ ခြင်းတောင်း၊ ခြင်းလုံး။

ကြိယာ၏ အမည်ပုဒ်ဖြစ်စေသော စကားလုံး (Suffix): သွားခြင်း၊ လာခြင်း၊ စားခြင်း၊ ပြုလုပ်ခြင်း၊ ပြောဆိုခြင်း။

အကြောင်း/ကိစ္စ: ဤသို့ဖြစ်ရခြင်းမှာ၊ ထိုသို့ပြုရခြင်း။

(၃)

ဗုံးကြဲခံနေရသူတွေအတွက် သတ်ပုံပြင်ပေးတာသာ တတ်နိုင်တယ်။

ဒေါက်တာတင့်ဆွေ

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog