"အောက် မဆင်းတတ်ဘူး"

ဆရာ

အောက်ဆင်းမတတ်ဘူးနဲ့

အောက်မဆင်းတတ်ဘူးက

ဘယ်ဝါကျက အမှန်လဲ

"အောက် မဆင်းတတ်ဘူး" (အသုံးအများဆုံးနှင့် အခြေခံအကျဆုံး)

ဒီဝါကျကတော့ ဆရာတို့ နေ့စဉ်သုံးနေကျ အရှင်းဆုံးနဲ့ အရိုးရှင်းဆုံး အငြင်းဝါကျ ဖြစ်ပါတယ်။

"သူက တောင်ပေါ်ကနေ အောက်မဆင်းတတ်ဘူး ဖြစ်နေတယ်။" (ဆင်းရမယ့်လမ်းကို မသိခြင်း)

"ကြောင်လေးက အမိုးပေါ်ရောက်သွားပြီး ပြန် အောက်မဆင်းတတ်ဘူး ဖြစ်နေလို့ ကယ်ပေးကြပါဦး။"

အောက်ဆင်းမတတ်ဘူး

"အောက်ဆင်း" ဆိုသူ (ကျား-မ မသိ) သည်

- စာကို မှန်အောင်မရေးတတ်။

-သစ်ပင် မတတ်ကတတ်။

- ထမင်း မချက်တတ်။

ယခုခေတ်မှာ လူအမည်၊ ကုန်အမည်တွေကို ဆန်းအောင်ပေးလေ့ရှိတယ်။

အရင်တုန်းကတော့ ဆောင်ဆန်း၊ အောင်သန်း စသည်။

'မ' ကိုရောထားလွဲပြီး ပြောနေတာတွေ

- နေ့တိုင်းကြားရတယ်။

- ဖေ့စ်ဘွတ်မှာ နာရီတိုင်း ဖတ်နေရတယ်။

နောက်တချက် မှတ်ရန်

'အောက် မဆင်းတတ်ဘူး' လို့ 'အောက်' နဲ့ 'မဆင်း' ကြား ခြားပြီး အသံထွက်ရမယ်။

'အောက်ဆင်း' လို့ အမည်ပေးထားရင် 'အောက်' နဲ့ 'ဆင်း' ဆက်ပြီး အသံထွက်ရမယ်။

'တတ်' နဲ့ 'တက်' မှားရေးနေကြတာတွေကိုလည်း ဖေ့စ်ဘွတ်မှာ မတွေ့ရတဲ့နေ့ မရှိ။

စာကို မှန်အောင် မရေးတတ်သော်လည်း အတန်းတက်ပေး၊ ဂုဏ်ထူးပေးတဲ့ခေတ်။

ဒေါက်တာတင့်ဆွေ

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog