ချင်းတွင်းမြစ်

မုံရွာမြို့ကိုဖြတ်စီးနေတဲ့ ချင်းတွင်းမြစ်မှာ ရေတက်နေသတဲ့။ နှစ်စဉ်ဖြစ်ပါတယ်။ တချို့နှစ်တွေမှာ အရေးပေါ်ကြိုတင်မှုတွေ လုပ်ကြရတယ်။

အနောက်ဖက်ကမ်းမှာ လှမ်းမြင်ရတဲ့ လက်ပန်းတောင်၊ ကြေးစင်တောင်တွေ နိမ့်နိမ့်သွားပေပြီ။

(၁)

"သပြေသီးကောက်" 

ဝါဆိုဝါခေါင် ရေတွေကြီးလို့

သပြေသီးမှဲ့ ကောက်စို့ကွယ်။

ခရာဆူးချုံ ဟိုအထဲက

မျှော့နက်မဲကြီး တွယ်တတ်တယ်။

မျှော့နက်ဆိုတာ ချိုနဲ့လားကွဲ့

မြွေနဂါးတောင် ကြောက်ဘူးကွယ်။

တို့လဲကြောက်ပေါင် အတူသွားစို့

အုန်းလက် နွားလေး ထားခဲ့မယ်။

သွားကွယ် သွားကွယ်။   ။ (မင်းသုဝဏ်)

မူရင်းကဗျာမှာ မဲ လို့သာ  ရေးပါတယ်။

(၂)

ဝါခေါင်လတွင်ရွာသောမိုး

ဝါခေါင်လ၌ အထက်အညာတွင် တခါတရံမှသာ မိုးရွာတတ်သည်။ ရွာသည့်အခါတွင်လည်း ဖွဲဖွဲကလေးသာ ရွာတတ်သည်။ ဒါ့ကြောင့် တောင်သူဦးကြီးများက ဝါခေါင်တကြောင်း ထနောင်းကြောင်ချစ်၊ ဆူးရစ်ပွင့်ကာ၊ မိုးမရွာ၊ ရွာပါသော်လည်း မိုးမသည်းဟု ဆိုကြသည်။ မြန်မာနိုင်ငံ အောက်ပိုင်းဒေသတွင်တော့ မိုးက ဝါဆိုဝါခေါင် ရေဖောင်ဖောင် ဆိုသည့်အတိုင်း ရေတွေကြီးလို့ သပြေသီးတောင် ကောက်ကြနေ တော့သည်။

(၃)

ဝါခေါင်တကြောင်း ထန်နောင်းကြောင်ကျစ်၊ ဆူးရစ်ပွင့်ကာ မိုးမရွာ၊ ရွာပါသော်လည်း မိုးမသည်း။

(၄)

ဝါဆို ဝါခေါင် ပျိုးခင်းထောင်။

(၅)

မြန်မာအဘိဓာန် အကျဉ်းချုပ်

စာလုံးပေါင်း - အသံထွက်

ရေကြောင်း - ယေဂျောင်း

ရေကန် - ယေဂန်

ရေကြက် - ယေဂျက်

ရေကျက်အေး - ယေဂျက်အေး

ရေကြီး - ယေကျီး

ရေစာ - ယေဇာ

ရေစက် - ယေဇက်

ရေစက်ချ - ယေဇက်ချာ့

ဝါဆိုဝါခေါင် ရေဖောင်ဖောင်၊ ရေသာများ၍ ငါးမတွေ့။

ပုံအတွက် ကျေးဇူး။

ဒေါက်တာတင့်ဆွေ