တဖြည်းဖြည်း ဆုတ်ယုတ်

မေးခွန်းတခု = တဖြည်းဖြည်းဆုတ်ယုတ်နေတယ်လို့ရေးရင်သတ်ပုံမှန်ပါသလား

ပြန်စာ

"တဖြည်းဖြည်းဆုတ်ယုတ်နေတယ်" လို့ ရေးသားခြင်းဟာ သတ်ပုံမှန်ကန်ပါတယ်။

ဆုတ်ယုတ် — အင်အား၊ အခြေအနေ စသည်တို့ လျော့ပါးကျဆင်းသွားခြင်းကို ဆိုလိုသည့်အတွက် စောက်ထိုးအဓိပ္ပာယ်ဆောင်သော "ဆုတ်" (ဆုတ်ကပ်၊ ဆုတ်ယုတ်) ကို "စ" လုံး၊ "ဟု" ထိုး၊ "တ" သတ် ဖြင့် မှန်ကန်စွာ သုံးစွဲထားပါသည်။ (ရှေ့သို့တိုးခြင်း၊ နောက်သို့ဆုတ်ခြင်းတွင် သုံးသည့် "ဆုတ်" ဖြစ်ပါသည်။)

ယုတ် — အရည်အချင်း သို့မဟုတ် တန်ဖိုး နိမ့်ကျသွားခြင်း ဖြစ်သဖြင့် "ယ" ပက်လက်၊ "ု" "တစ်"ချောင်းငင်၊ "တ" သတ် ဖြင့် စာလုံးပေါင်း မှန်ကန်ပါသည်။

တဖြည်းဖြည်းကို မှန်အောင်မရေးတတ်ကြာသူများ (နမူနာမျှသာ)

- "တစ်"ဖြည်းဖြည်း အချိုးတွေပြောင်းလာတယ် 

- "တစ်"နေ့ထက် "တစ်"နေ့ / "တစ်"ဖြည်းဖြည်းချင်း အင်္ဂလိပ်လိုဘယ်လိုပြောရလဲ

- "တစ်"ဖြည်းဖြည်း အားနာလာတယ် သူ့အတွက် ဘာမှ မဟုတ်တာလေးတွေက ကျွန်တော့် အတွက် ဘဝဖြစ်နေတဲ့ အခါ

- "တစ်"ဖြည်းဖြည်း အချိုးတွေ ပြောင်းလာတယ်.. "တစ်"မျိုးပြီ "တစ်"မျိုးနင်အကြောင့်ပြ

- "တစ်"ဖြည်းဖြည်းနဲ့ ကိုကြီး အရွယ်ကနေ ...

- "တစ်"ဖြည်းဖြည်းနဲ့ သွေးအေးသွားမှာပါ ...

ကောက်ချက်

•  တဖြည်းဖြည်း ("တစ်ဖြည်းဖြည်း" မဟုတ်)

•  တနေ့ထက်တနေ့ ("တစ်နေ့ထက်တစ်နေ့" မဟုတ်)

•  တမျိုးပြီးတမျိုး ("တစ်မျိုးပြီးတစ်မျိုး" မဟုတ်)

မြန်မာစာအရေးအသားနှင့် အပြောအဆိုသည် တဖြည်းဖြည်းမဟုတ်၊ လျင်မြန်စွာ ဆုတ်ယုတ်လာနေပါသည်။

ဒေါက်တာတင့်ဆွေ