ဆွတ်ချိန်တန်ဆွတ်

သီးချိန်တန်တော့ သီးလာကြတယ်။ အရွက်နုလေးတွေ ခူးပေးမှ နောက်ထပ်အညွှန့်တွေ ထွက်သလို ငရုတ်သီးကိုလည်း ဆွတ်ပေးရသတဲ့။ ခါးမနာအောင် အနေတော်ခုံလေးနဲ့။

နေ့လယ်က တဆုံ၊ အစုံထည့် ထောင်းသေးတယ်။ ငရုတ်သီးကို လှော်ပြီး ကြက်သွန်ဖြူ၊ ပုစွန်ခြောက်နဲ့ ဆား။ လေးငါးနပ်တော့ စားရမယ်။

ဆုံ၊ ကျည်ပွေ့နဲ့ လက်ကို သေချာဆေးရတယ်။ အခုတခါ ကတ်ကြေး။

ငရုတ် ငရုပ် ငြုတ် မူကွဲစာလုံးတွေ ဖြစ်ပါတယ်။၏

အခုခေတ်မှာ "ငရုတ်သီးဆားထောင်း" တဲ့။

ဆားမထည့်ဘဲ ထောင်းတာ နှစ်နေရာမှာ တွေ့ဘူးတယ်။

၁။ မီဇိုလူမျိုးတွေက ဆားထည့်လေ့မရှိ။ ဆားကို သီးသန့် ပုံစားကြတာများတယ်။

၂။ တိဘက်တွေရောင်းတဲ့ မိုမို ဆိုင်တွေက မိုမိုနဲ့တွဲစားရတဲ့ အစပ်ထောင်းမှာ နီရဲနေပေမဲ့ ဆားမပါ။

ခေတ်ကတော့ တယောက်ပြောတာလိုက်ပြော၊ တယောက်ရေးတာလိုက်ရေးကြတယ်။ အဲလိုမှလည်း ရောင်းရတယ်။

မြန်မာပြည်မှာ ငရုတ်သီးထောင်းတိုင်း ဆားပါရတယ်။

အဲဒါကို "ဆားထောင်း" လို့ပြောခြင်းဟာ

"ရေနွေးကြမ်း" ကို "လက်ဖက်ခြောက်ရေနွေးကြမ်း" လို့ပြောတာနဲ့တူနေတယ်။

ဒီနှစ်တော့ ငရုတ် မစိုက်ဖြစ်ပါ။

ဒေါက်တာတင့်ဆွေ

၈-၇-၂၀၁၉

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog