တင်ပေးထားသူ ကျေးဇူး။
ဆရာမောင်သာနိုးထောက်ပြတဲ့ တရားခံတွေကို သိကြစေချင်တယ်။ ဆရာမောင်သာနိုး အရေးအသားနဲ့ စာလုံးပေါင်းသတ်ပုံကိုပါ သတိပြုသင့်ကြတယ်။
ကျွန်တော်ကတော့ မောင်သာနိုးလိုအဆင့်ရှိတဲ့ စာရေးဆရာတွေကနေ စာတင်ခံရလောက်အောင်ထိ မစွမ်းပါ။ နဝတခေတ်က မြက်ခင်းသစ်မှာတော့ ဇာတ်လိုက်။ အဲဒါက လုပ်သားပြည်သူ့နေ့စဉ် နောက်ကျော်ဖုံးမှာ တရားခံပြေးသတင်းကနေ စပါတယ်။ ၁၉၉၀ ခု၊ နိုဝင်ဘာလ ၂၈ ရက်နေ့က။
တိုင်းပြည်ကနေထွက်ပြေး၊ ဒီမိုကရေစီရေး ခေါင်းစဉ်နဲ့ နိုင်ငံရေးဆက်လုပ်တာ အနှစ် ၂၀ ကျော်တယ်။ တခါမှာတော့ ကိုယ့်လူကိုယ်ဖက်သားတွေက စာထုတ်တာခံရတယ်။ သမိုင်းတရားခံတမျိုး။ Written by Roman Brutus in Burmese ကျွန်တော်လည်း ခေသူမဟုတ်။
ကျွန်တော်က မဆလ ပါတီဝင် မဖြစ်ခဲ့ပါ။ မဖြစ်တာက မလျှောက်လို့တော့ မဟုတ်။ ဘယ်အစိုးရဝန်ထမ်းမဆို (၉၉%) ပါတီဝင်မှ ဖြစ်တဲ့ခေတ်။ ကျွန်တော့လျှောက်လွှာ ပျောက်ဆိုလား မသိ။ ၁၅ နှစ် အမှုတော်ထမ်းတဲ့အထိ ပါတီဝင်မဖြစ်ခဲ့ပါ။ ပုလဲမြို့နယ်ဆရာဝန်တာဝန်ကျစဉ်က တပ်တွင်းပညာပေး သွားတက်ရတယ်။ ပါတီဝင်မဟုတ်သူဆိုလို့ ကျွန်တော်သာ ရှိမလားဘဲ။ ပညာပေးသတင်တန်းလည်းပြီးရော မဆလ ပြုတ်ကျပါလေရော။ ကျွန်တော်က ကပ်ပြီး ခေတ်မီလိုက်တာ။
အခုတော့ မောင်သာနိုးစာထဲမှာပါတဲ့ ဆရာမင်းသုဝဏ်ဦးစီးထုတ်ခဲ့တဲ့ မြန်မာအဘိဓာန်အကျဉ်းချုပ် (၁၉၇၈-၇၉-၈၀) ကို လက်ကိုင်ပြုပြီး စာလုံးပေါင်းသတ်ပုံတွေကို ထောက်ပြနေပါတယ်။ မဆလ တင်းပြည့်ပါတီဝင်တွေကတော့ ကျွန်တော့သတ်ပုံစာတွေကို သဘောမကျလောက်ပါ။ ဆောရီး။
ထောက်ပြစရာ ကျန်သေးတယ်။ ဆရာမောင်သာနိုးစာအုပ်ကို ၂၀၁၈ ခုနှစ်မှာထုတ်တယ်။ နဝတ ခန့် စာပေစိစစ်ရေးမရှိတော့ပါ။ နဝတ ခန့် မြန်မာစာအဖွဲ့ကြီးတော့ ရှိတယ်။ တချို့က မြန်မာစာအဖွဲ့ထုတ် ၁၉၉၁ ဘုတ်အုပ်ကြီးအတိုင်းမရေးရင် ထုတ်ဝေခွင့်မရသလိုလို မှားထင်ပြီး၊ မမှန်အောင်ပြောနေကြတယ်။
မြန်မာ့ရာဇဝင်မှာ သမိုင်းတရားခံတွေ များခဲ့တယ်။ တိုးလာနေတယ်။
ဒေါက်တာတင့်ဆွေ
Comments
Post a Comment