တို့စာ တို့စကား တို့တိုင်းပြည်

ကျောင်းသုံးသီချင်းပဒေသာစာအုပ် ဆရာတင်နေတဲ့ အရင်ခေတ်ကျောင်းသုံးသီချင်းပဒေသာစာအုပ်က ဘယ်ခုနှစ်ကထုတ်သလဲ သိလိုပါတယ်ခင်ဗျ။ ထင်ရှားသော ကျောင်းသုံးသီချင်းပဒေသာ ထုတ်ဝေခဲ့သည့် ခေတ်ကာလများ ၁၉၅၆ ခုနှစ် (ပညာရေးဌာန ထုတ်ဝေမှု): မူလတန်း ကျောင်းသားများအတွက် "မူလတန်း သီချင်းပဒေသာ" စာအုပ်ကို ပညာရေးဌာန မူလတန်းသင်ရိုးညွှန်းတမ်း အရ စတင် ထုတ်ဝေ ပုံနှိပ်ခဲ့ပါသည်။ (ဆရာကြီး မင်းသုဝဏ် စသည့် ပညာရှင်များ ရေးသားသော ကဗျာ၊ သီချင်းများ ပါဝင်ပါသည်။) ၁၉၆၁ ခုနှစ်: မူလတန်းနှင့် အလယ်တန်းအလိုက် သင်ရိုးသစ် သီချင်းပဒေသာ စာအုပ်များကို မြန်မာနိုင်ငံ စာပေဗိမာန်နှင့် ပညာရေးဌာနတို့ ပူးပေါင်း၍ ပြင်ဆင် ထုတ်ဝေခဲ့ပါသည်။ ၁၉၇၄ - ၁၉၇၅ ခုနှစ် (ကျောင်းသုံးစာအုပ် ကော်မတီ): ပညာရေးဝန်ကြီးဌာန၊ ကျောင်းသုံးစာအုပ် ကော်မတီမှ မူလတန်းပြ ဆရာ၊ ဆရာမများ သုံးစွဲရန်နှင့် ကျောင်းသားများ သင်ယူရန် "သီချင်းပဒေသာ" (အသံသင်္ကေတ / နုတ်သင်္ကေတ ပါဝင်သော စာအုပ်များ) ကို အသစ်ပြင်ဆင် ရိုက်နှိပ်ခဲ့ပါသည်။ သီးခြား ပုံနှိပ်ထုတ်ဝေသည့် ခုနှစ် (သို့မဟုတ်) စာအုပ်၏ မျက်နှာဖုံးတွင် ပါရှိသော စာသား သဲလွန်စ (ဥပမာ - ပဌမတွဲ၊ ဒုတိယတွဲ သို့မဟုတ် ပြဌာန်းသည့် အတန်း) ...

(နွယ်သာကီသံဖြတ်) ရေပြာ ရွှေကြာ ဝေဆာမွေးသပ၊ ရွှေညာကျေးက တက္ကသိုလ်ရှင် ...။ ပုဏ္ဍရိက ဂုဏ်ဝါ စုံစွာကျင်း၊ ဘုံပါလင်းတဲ့ တက္ကသိုလ် ...။ ကမ္ဘောတုန် စာစုံ အညာဂုဏ်ပျံ့တဲ့၊ ရတနာပုံမြို့က တက္ကသိုလ် ...။ နံ့သာမွေးမြ ပန်းတခက်လို၊ အညာကျေးက မန်းတက္ကသိုလ်...။ နေခြည်အစောင်း ... လေပြည်လောင်းတော့ ... ဆွေမဒီအပေါင်းက လမ်းလျှောက်လာ၊ ရေနီမြောင်းက လွမ်းလောက်စရာလှေ့ ...။ တိမ်တန်းဆင်လို့ ရီပြာပြာ၊ စိန်ပန်းပင်တို့ နီတျာတျာ ...။ ကျောင်းအဝင်လမ်းက ကျောက်သစေ့၊ ထနောင်းပင်တန်းက အခက်ဝေရှဉ့် ...။ ရှမ်းရိုးမက မြူခိုးဝေယင်၊ လွမ်းမိုးကျလို့ ပူမျိုးထွေသရှင် ...။ ဆရာတပည့် လက်ညီစွာငယ်၊ ကမ္ဘာသိတဲ့ တက္ကသီလာရယ် ...။ အနုအလှတို့ မက်သကို၏ သုခမြို့ တက္ကသိုလ်လေ ...။ မေခပင်တို့ ဘက်ညီညာ၊ ရွှေခြေကျင်းတို့ တက္ကသီလာတော့ ...။ မေလွမ်းယောင်လို့ တ,တဲ့အခါနော် ရွှေမန်းဆောင်သို့ ကြွခဲ့ပါတော်၊ လောကီအပေါင်းကို ခွဲပါချင်လျှင်၊ ဗောဓိကျောင်းသို့ လာပါရှင် ...။ အလို ... ဖရက်ရှာကလေး ... ရက်ကြာမနှေးစေနှင့်၊ အထက်အညာကျေး တက္ကသိုလ်မကိုဋ်ဆီမှာ ရွှေညာသူ ပျိုဖြူတသိုက်ကွယ်တို့၊ အမျှော်စိုက်ကာ ရွှင်ချိုချိုပ သပြေညို အောင်ညွန့်ပန်းတွေနဲ့၊ လက်ကမ်းကာ ကြိုနှင့်မယ်လ...

မေးခွန်း = မိတ်ဆွေ တစ်ဦးက နေ့လည်စာ ဖိတ်တာပါလား မှားရင် ပြင်ပေးပါ ဆရာ တမြို့ တလှည့် တဦးတည်း တူပါသလားရှင့် မြန်မာစာရေးနည်း ကောင်းကောင်း တတ်ချင်ပါတယ်ရှင့် ပြန်စာ တမြို့ - မှန်။ တလှည့် - မှန်။ တဦးတည်း - မှန်။ နေ့လယ်စာ - မှန်။ Lunch နေ့လယ်စာ https://burmese-spelling.blogspot.com/2024/12/lunch.html (၁) တို့ပြည်ထောင်စုသား (မူရင်း) ​ တေး​ရေး -  စန္ဒရားလှထွတ် တေးဆို - မာမာ​အေးနှင့် ဂီတကောင်စီအဖွဲ့ တဦးပေါ် တဦး… သံသယ ပိုသည်မှာ အလကား တဦးပေါ် တဦး … မှန်သပ ဆိုသည်မှာ ပတ္တမြား … သံသယ ပျောက်ပါစေ အမှန် ဘ၀ ရောက်ပါစေ … (၂) ဘဝချင်းဆုံတွေ့ပါရစေ (ချိုပြုံး) တဦးနဲ့ တဦး ချစ်စေကြောင်း တောင်းဆု ပြုမယ်လေ ဘဝ ဘဝတိုင်း အသင်္ချေ ပုံပမာ နှိုင်း ပြမယ်လေ မောင်ရေ အာကာနန်းဗွေ လျှမ်းပနေ စန်းလသော်တာ မောင်သာဖြစ်လျှင်လေ မေအမြဲ မောင့် အနားဆီကမသွေ တဖဝါးမှ မခွာချင်ပါပေ လေဝယ်ပြေးကစား ငွေကြယ်ကလေးများ ဖြစ်ပါရစေ (၃) တက္ကသိုလ်ကျောင်းသူတဦး (ကိုမင်းနောင်) တက္ကသိုလ်ကျောင်းသူတဦး လှပုံထူးသမျှ တွေ့ရဖူးသည်မှာ ကြည်စွာဘဝင်နှလုံး ရွှင်ပြုံးမြေ့တာ ယနေ့သာတိုင် မေ့ပါနိုင်ရက် တသက်သက်စိတ်ထဲမှာ မျှော်ကာတွေး ငေးမိအခါခါ။ အင်းယားကန်အပါး လျှောက်ကာသွ...

အမေး = ဘယ်နှစ်နှစ်ရှိပြီလဲကို ဘယ်နှနှစ်ရှိပြီလဲဟု ရေးနေပါသည်။ မှားလားဆရာ။ ပြန်စာ = စကားအဖြစ် ဘယ်နှယောက်၊ ဘယ်နှခု၊ ဘယ်နှခါ စသည်ဖြင့် သုံးသည်။ စာကိုတိကျစေအောင်ရေးနည်းမှာတော့ ဘယ်နှစ်ယောက်လို့ ရေးသားကြပါတယ်။ ဘယ် ဘယ် – စည်း / ဗယ် / အမျိုးအမည် မကွဲပြားသော နာမ်တခုခုကို ရွေးထုတ်ရည်ညွှန်း၍ သုံးသော စကားလုံး။ ဘယ်တော့ – စည်း / ဗယ်ဒေါ့ / မည်သည့်အခါ ဟူ၍ အနာဂတ်ကာလကို ရည်ညွှန်းမေးမြန်းသည့် အမေးစကားလုံး။ ဘယ်တုန်းက – စည်း / ဗယ်ဒုန်းဂါ / မည်သည့် အခါကဟူ၍ အတိတ်ကာလကို ရည်ညွှန်း မေးမြန်းသည့် အမေးစကားလုံး။ ဘယ်နံရောအခါ – စည်း / ဗယ်နန်ယောအခါ / အချိန်ကာလ တခုခုကို ရည်ညွှန်းပြောဆိုသည့် စကားလုံး။ ဘယ်နှ – စည်း / ဗယ်နှ / အကြိမ်၊ အရေအတွက် စသည်ကို သိလိုမူ၍ မေးမြန်းသည့် အမေးစကားလုံး။ (ဘယ်နှယောက်၊ ဘယ်နှခု၊ ဘယ်နှခါ စသည်ဖြင့် သုံးသည်။) ဘယ်ယာရင် – န / ဗယ်ယာရင် / ဝင်ရိုးပေါ်၌ ပွတ်လည်သော ပုံတောင်းကို ပွတ်တိုက်အား သက်သာ၍ ချောမွတ်စွာလည်ပတ်စေရန် ဝင်ရိုးနှင့် ပုံတောင်း အကြား၌ ခံသောပစ္စည်း။ (အလုံး၊ ဘောဘယ်ယာရင့်နှင့် ဒလိမ့်၊ ရိုလာ ဘယ်ယာရင့်ဟူ၍ ကွဲပြားသည်။) [လိပ်] ဘယ်သူဘယ်ဝါ – စည်း / ဗယ်သှူဗယ်ဝါ / သိလိုသူ မည်သူ ဖြစ်သည်ကို မေးမြန်းရာ...

ဘယ်နှစ်ခု ဝယ်ခဲ့သလဲ ဘယ်နှစ်ကျပ် ပေးရသလဲ ဘယ်နှစ်မိုင် လမ်းလျှောက်သလဲ ဘယ်နှစ်ယောက် အတူတူလျှောက်သလဲ ဘယ်နှစ်နာရီ ကြာသလဲ ဘယ်နှစ်ပေါင် ကျသလဲ ဘယ်နှစ်ရက် ကြာလျှောက်ကြမှာလဲ ဒေါက်တာတင့်ဆွေ

ကွန်မင့်တခု = မှားနေတဲ့ နေရာလေးပဲ ဝိုင်းပြသင့်တယ် အတွဲလိုက်ကျတော့ ထင်ယောင်ထင်မှားဖြစ်စေပါတယ် ပြန်စာ အဝိုင်းမဟုတ်။ လေးဒေါင့်။ အရောင်နဲ့ပြထားတယ်မဟုတ်ပါလား။ Squircle (စကွက်ကယ်လ်) ဆိုသည်မှာ လေးထောင့်စတုဂံနှင့် စက်ဝိုင်းတို့ကြားရှိ အလယ်အလတ် ပုံသဏ္ဌာန်တခု ဖြစ်သည်။  "Squircle" ၏ အဓိပ္ပာယ်ဖွင့်ဆိုချက် အနည်းဆုံး နှစ်မျိုးရှိပြီး တခုမှာ Superellipse ပေါ်တွင် အခြေခံထားပြီး  အခြားတခုမှာ အလင်းဆိုင်ရာရူပဗေဒ (Optics) လေ့လာမှုများမှ ပေါ်ထွက်လာခြင်းဖြစ်သည်။  "Squircle" ဟူသော စကားလုံးသည် "Square" (စတုဂံ) နှင့် "Circle" (စက်ဝိုင်း) ဟူသော စကားလုံးနှစ်ခုကို ပေါင်းစပ်ဖန်တီးထားသည့် စကားလုံးသစ်ဖြစ်သည်။  Squircle ပုံသဏ္ဌာန်များကို ဒီဇိုင်းပိုင်းနှင့် အလင်းဆိုင်ရာရူပဗေဒနယ်ပယ်တို့တွင် အသုံးပြုကြသည်။ အဲလိုဘဲ တချို့ကွန်မင့်တွေက ဂွကျတယ်။ တင်ထားတဲ့စာထဲမှာ အမှန်စာလုံးပါနေတာကို ဘယ်ဟာအမှန်လဲ မေးကြတယ်။ မူကွဲဆိုလည်း မူကွဲလို့ပါပြီးသား။ ဂွကျတယ်။ ဒေါက်တာတင့်ဆွေ

သင်္ချာပုစ္ဆာကို ငေးကြည့်ရင်း စိတ်ပျက်အားလျှော့လာသော ကျောင်းသားတဦးအား ဆရာဆရာမတဦးက လာရောက်လမ်းညွှန်ကာ ရှင်းလင်းသော ရှင်းလင်းချက်နှင့် အားပေးသည့် အမူအရာပြသလိုက်သည့် ခဏကို မြင်ယောင်ကြည့်ပါ။ သင်ယူလိုစိတ် ယုံကြည်ချက်၊ စုစမ်းလိုစိတ်နှင့် ဘဝတလျှောက်လုံးအတွက် အုတ်မြစ်တို့သည် ထိုခဏတည်းမှ စတင်မြစ်ဖျားခံနိုင်ပါသည်။ ဆရာဆရာမများသည် ဗဟုသုတများကို မျှဝေပေးရုံသာမက အနာဂတ်များကို ပုံဖော်ပေးခြင်း၊ မျှော်မှန်းချက်များကို အားပေးခြင်းနှင့် ကြံ့ကြံ့ခံနိုင်စွမ်းများကို ပျိုးထောင်ပေးခြင်းတို့ကိုပါ ပြုလုပ်ပေးကြပါသည်။ ဆရာဆရာမများသည် ကျောင်းသားများ၏ ပညာရေးနှင့် ပုဂ္ဂိုလ်ရေး ဖွံ့ဖြိုးတိုးတက်မှု နှစ်ရပ်လုံးပေါ်တွင် ကြီးမားသော သက်ရောက်မှုများ ရှိကြပါသည်။  (၁) ဆရာဆရာမများသည် အဘယ်ကြောင့် သင်ယူမှု၏ အဓိကအုတ်မြစ် ဖြစ်ရသနည်း အခွင့်အလမ်းများကို ပညာရေးက ဖန်တီးပေးသော်လည်း ထိုတံခါးကို ဖွင့်ပေးသည့် သော့ချက်မှာ ဆရာဆရာမပင် ဖြစ်ပါသည်။ ဆရာဆရာမများသည် ဗဟုသုတကို သာမန်မျှဝေရုံတင် မဟုတ်ဘဲ ကျောင်းသားများကို လေးလေးနက်နက် တွေးခေါ်ရန်၊ လေ့လာရန်နှင့် တိုးတက်စေရန် လှုံ့ဆော်ပေးကြပါသည်။ ဆရာဆရာမများသည် စာသင်ခန်းများကို သင်ယူမှု ပတ်ဝန်းကျင်...

ကွန်မင့်တခု = မန္တလေးသားတွေက မန်းလေးလို့ပြောကြတာ နှုတ်ကျိုးနေတာပါ်ဆရာ၊ ပြန်စာ အဲလို ခြုံပြီးကောက်ချက်ချတာတွေက မမှန်ပါ။ ဝါးလုံးသိမ်းကောက်ချက်လို့ခေါ်တယ်။ - ရန်ကုန်သားတွေ - အညာသားတွေ - တောသားတွေ - တိုင်းရင်းသားတွေ - ယောက်ျားတွေ - မိန်းမတွေ - ခေတ်လူတွေ - ရှေးလူကြီးတွေ စသဖြင့် အားလုံးကိုခြုံပြီး အကောင်း အဆိုး မပြောသင့်ပါ။ ဖြစ်နိုင်ခြေရာခိုင်နှုန်းကို လေ့လာမှုသုတေသနပြုမှသာ အမှန်နဲ့ အနီးစပ်ဆုံးဖြစ်တယ်။ နောက်တချက် စာအရေးအသားနဲ့ ပြောစကားသံ ထပ်တူမကျတတ်ပါ။ ဥပမာ 'ရန်ကုန်' လို့ရေးရပြီး 'ယန်ဂုံ' သံထွက်လေ့ရှိတယ်။ စာနဲ့ရေးရင် 'ရန်ကုန်' လို့သာရေးရတယ်။ 'မန္တလေး' ကို စကားပီးသသူ၊ မပီသသူ၊ စာမတတ်သူတွေက ဘယ်လို့အသံထွက်ထွက် စာနဲ့ရေးရင် 'မန္တလေး' လို့သာ ရေးရတယ်။ ကျွန်တော်က မန္တလေးမှာ ဆေးပညာသင်ခဲ့သူဖြစ်လို့မန္တလေးသားတွေအများကြီးကိုသိတယ်။ သူငယ်ချင်းတွေက စကားလည်းပီတယ်။ စာလည်း မှန်အောင်ရေးကြတယ်။ “ဝါးလုံးသိမ်းကောက်ချက်” အဓိပ္ပာယ် အင်္ဂလိပ်လို "Overgeneralization" သို့မဟုတ် "Sweeping generalization" နဲ့ သဘောသဘာဝချင်း တူညီတယ်။ ဝါးပင်တွေကို ခုတ်ယူရာမှာ အကောင်...

၁။ ဆရာခင်ဗျား ဆက်နွယ် နဲ့ ဆက်နွှယ် ဘယ်ဟာ အမှန်ပါလဲ ၂။ ဒီ ပို့စ်ကိုတော့ဖတ်ပြီးသားပါဆရာရှင့် ရာသီဥတု နှင့် ဆက်နွှယ်သော ဆိုပြီးရေးရင်မှန်လားရှင့် ဒါမှ မဟုတ် ‘ဆက်နွယ်’ ပဲလားရှင့် ၃။ ဒါနဲ့ပတ်သက်ပြီး လမ်းညွှန်/ ရှင်းပြပေးစေလိုပါတယ်ဆရာ ကျေးဇူးတင်ပါတယ်ရှင့်  ၄။ ဆရာခင်ဗျာ ပတ်သက်ဆက်နွယ် နဲ့ ပတ်သက်ဆက်နွှယ် ဘယ်ဟာက အမှန်ပါလဲ ကျေးဇူးပြု၍ ဖြေကြားပေးစေချင်ပါတယ်ခင်ဗျာ။ ဆက်နွှယ် = အဆက်အစပ်ရှိသည်။ တစပ်တည်း ဖြစ်သည်။ (မြန်မာအဘိဓာန် အကျဉ်းချပ် ၁၉၇၉၊ စာမျက်နှာ ၁၆) ဆက်နွယ် = ဆက်စပ်နှီးနွယ်သည်။ နွယ် နွယ် – ကြိ / နွယ် / (ကြိုးနှင့် တူသော အပင်) တနေရာမှ တနေရာသို့ တွယ်ယှက်ကူးစက်ပြန့်ပွားသည်။ "သည်တပင် ကုန်ပြန်လျှင် ဟိုတပင်ကို နွယ်ပြန်၏။" အရိယသစ္စာ။ ၁၀၀။ – န / နွယ် / ၁။ တွယ်ယှက်ရစ်ပတ် ကူးစက်ပြန့်ပွားသော ကြိုးနှင့်တူသည့် အပင်။ "(ပဒုမလတာ) အမည်ရှိသော နွယ်သည် ဖြစ်ပေါ်၍လာ၏။" လင်္ကေ။ ၄၅။ ၂။ ဆွေစဉ်မျိုးဆက်။ အနွယ်။ "နာ၊ နေမင်းနွယ်ရင်း၊ သီဟတ် မင်းသည်၊။ ဇယယော၊ အောင်လေပြီ။" ကဝိမင်္ဂ။ ပ။ ၄၇။ နွယ်ကြိုး – န / နွယ်ဂျိုး / ကြိုးသဖွယ်သုံးရသော နွယ်ပင်ပြတ်။ "ရှောက်သီးတွေကို ရသဖြင့် နွယ်ကြိုးနှင့်သီးပ...

၁။ နီပေါ မဟုတ်ဘူးဆရာ နီပါလ် ကအမှန် ၂။ မြန်မာပြည်ပြန်နီပါလီ က ဘာလဲဆရာ ၃။ ကျွန်မတို့အခေါ် ဂေါ်ရခါးလူမျိုးက နေပါရီတွေဘဲလို့ထင်တယ် ဗုဒ္ဓဘာသာ မကိုးကွယ်ပါဘူး သူတို့က အသိအန်ကယ်က သူ့ကနီပေါလူမျိုးလို့ပြောပါတယ်။ ပြန်စာ (၁) မြန်မာ့စွယ်စုံကျမ်းပါ စာလုံးပေါင်းများ နီပေါနိုင်ငံ  တရုပ်နိုင်ငံ ဘူတန် အိန္ဒိယနိုင်ငံ မြန်မာနိုင်ငံ ဗင်္ဂလားပင်လယ်အော် (၂) How to Pronounce Nepal https://www.youtube.com/watch?v=iic5eiVxoZA (၃) Nepal ကို မြန်မာလိုရေးရင် ဘယ်လိုရေးသင့်ပါသလဲ။ AI နီပေါ ဟု ရေးသားခြင်းက မူရင်း အသံထွက်နှင့်ရော၊ မြန်မာစာ ပညာရှင်များ ခေတ်အဆက်ဆက် သုံးစွဲလာခဲ့သည့် စံကိုက်သတ်ပုံနှင့်ပါ အကိုက်ညီဆုံး ဖြစ်ပါသည်။ နီပေါ - ပါဠိ/သက္ကတ အခြေခံနှင့် အင်္ဂလိပ်အသံထွက် (Nepal) တို့ကို မူတည်၍ မြန်မာစာပေတွင် ရှေးကတည်းက "နီပေါ" ဟု သဝေထိုး နငယ် လုံးကြီးတင်၊ ပစောက် ရေးချ အသတ်ဖြင့် စံပြု ရေးသားခဲ့ကြပါသည်။ နိပေါ / နိေပါလ - ရှေးဟောင်း ပိဋကတ် သမိုင်းဝင် စာပေအချို့တွင် "နိပေါလတိုင်း" ဟု သုံးနှုန်းခဲ့သည်များ ရှိသော်လည်း ခေတ်သုံး တိုင်းပြည်အမည်အဖြစ် "နီပေါ" ဟုသာ အများအားဖြင့် တိကျစွာ သုံးစွဲကြပါသည်။...

ယုန်သည် ပြေး၏။ ခွေးသည် လိုက်၏။ လူသည် ရံဖန်ရံခါ ယုန်ကဲ့သို့လည်း ပြေး၏။ ရံဖန်ရံခါ ခွေးကဲ့သို့လည်း လိုက်၏။ ထို့ကြောင့် ယုန်နှင့်အတူ ပြေး၊ ခွေးနှင့်အတူ လိုက် (မောင်သာရ) လူတစုသည် ရှေ့က ပြေး၏။ လူတစုသည် နောက်က လိုက်၏။ ပြေးသည့် လူစုထဲမှ ခြေကုန်သူတချို့သည် လိုက်သည့် လူစုနှင့် ရောထွေး၏။ ထို့ကြောင့် ယုန်နှင့်အတူပြေး၊ ခွေးနှင့် အတူလိုက် (မောင်သာရ) ဒေါက်တာတင့်ဆွေ

ရေး - မြို့မငြိမ်း မူရင်းအဆို - ကိုဘစိန် (မြို့မ) ပြန်ဆိုပဌမ - ဝင်းဦး မြစ်ယံသဲနုကမ်းစ ချစ်သံတေးမြကြည်ကြည် ငှက်ကလေးငွေစင်ရော် ပျံကာမြူးကာသီ သူ့ကိုခေါ်ပါဘဲနဲ့ ခွန်းခြွေနှုတ်ဆက်ဖေါ်ရွေမည် မောင်နဲ့တူမစုံ တကိုယ်ရေတည်းတူညီ အစားအစာ တောင်းသလား သနားချစ်စရာ့ စင်ရော်ညီ အကိုအလိုမပြည့်တဲ့တောင် မောင့်အလိုဖြည့်မည် ချစ်ဖော်နဲ့ပင် ကမ်းစပ်၌ တူယှဉ်မှီ မောင်မယ်မုန့်ကလေးဖဲ့ကာ ဖဲ့ကာ ကျွေးလိုက်ချင်သည် မြစ်ယံသဲနုကမ်းစ ချစ်သံတေးမြကြည်ကြည် ငှက်ကလေးငွေစင်ရော် ပျံကာမြူးကာသီ သူ့ကိုခေါ်ပါဘဲနဲ့ ခွန်းခြွေနှုတ်ဆက်ဖေါ်ရွေမည် မောင်နဲ့တူမစုံ တကိုယ်ရေတည်းတူညီ သို့ပေမဲ့ဝဲလက် ကိုယ့်ကိုယ်ကိုရည် ယာလက်ချစ်သူကိုယ်စားတည် ရည်ရွယ်ကျွေးလိုက်မည် စိတ်ရှိတိုင်းစားလို့ခွင့်လွှတ်သာကြည် ကိုယ်စားပေါ့မောင့်သူနဲ့ပင် ဒီအချိန်ဝေးနေသည်… အစားအစာ တောင်းသလား သနားချစ်စရာ့ စင်ရော်ညီ အကိုအလိုမပြည့်တဲ့တောင် မောင့်အလိုဖြည့်မည် ချစ်ဖော်နဲ့ပင် ကမ်းစပ်၌ တူယှဉ်မှီ မောင်မယ်မုန့်ကလေးဖဲ့ကာ ဖဲ့ကာ ကျွေးလိုက်ချင်သည် သို့ပေမဲ့ဝဲလက် ကိုယ့်ကိုယ်ကိုရည် ယာလက်ချစ်သူကိုယ်စားတည် ရည်ရွယ်ကျွေးလိုက်မည် စိတ်ရှိတိုင်းစားလို့ခွင့်လွှတ်သာကြည် ကိုယ်စားပေါ့မောင့်သူနဲ့ပင် ဒီအချ...

မေးခွန်းတခု = နှစ်ကို စသတ်ထည့်ပြီး တစ် ကို စသတ်ဘာလို့ဖြုတ်ရပါသလဲခင်ဗျ မသိ၍မေးခြင်းဖြစ်ပါသည်။ AI ကို အရင်မေးပါဦးမယ်။ မေးခွန်းကို ကူညီဖြေကြားပေးပါရန်။  AI စသတ် (စ်) ပါဝင်သည့် "နှစ်" စာလုံးတွင် စသတ် မဖြုတ်ဘဲ၊ "တ" (တစ်) တွင် စသတ်ဖြုတ်ရခြင်းနှင့် ပတ်သက်သည့် စာပေ၊ သဒ္ဒါနှင့် သမိုင်းကြောင်းဆိုင်ရာ အကြောင်းရင်းများကို အောက်ပါအတိုင်း ရှင်းလင်းတင်ပြအပ်ပါသည်။ ၁။ "နှစ်" စာလုံးတွင် စသတ် (စ်) ကျန်ရှိနေရသည့် အကြောင်းအရင်း အနက်အဓိပ္ပာယ်၏ အခြေခံမူလ - "နှစ်" ဆိုသည်မှာ ကာလပရိစ္ဆေဒ (Year) သို့မဟုတ် ဂဏန်းသင်္ချာ (Two) ကို ရည်ညွှန်းသည့် ပင်မ နမ် (Noun) သို့မဟုတ် ဂဏန်း (Number) စာလုံးဖြစ်သည်။ အသံထွက်နှင့် အက္ခရာရင်းမြစ် - ပုဂံခေတ် ကျောက်စာများမှစ၍ "နှစ်" ဟု စသတ်ဖြင့် ရေးသားလာခဲ့ရာတွင် ၎င်း၏ မူလ ပင်မအသံနှင့် အဓိပ္ပာယ်သည် "စသတ်" ပေါ်တွင် အပြည့်အဝ အမှီပြုနေသည်။ စသတ်ကို ဖြုတ်လိုက်ပါက မူလအနက်အဓိပ္ပာယ် ကင်းမဲ့သွားမည်ဖြစ်သည်။ ၂။ "တ" (တစ်) တွင် စသတ်ဖြုတ်၍ ရေးသားကြသည့် အကြောင်းအရင်း ရှေးသုံးနှင့် ခေတ်သုံး သတ်ပုံအယူအဆ - pre-1986 စံကိုက်သတ်ပုံနှင့် ရ...

ကွန်မင့်တခု = ဇင်ယော် ကြက်ခြေအမှား။ စင်ရော် ကြက်ခြေအမှန်။ ပြန်စာ စင်ယော်၊ ဇင်ယော်၊ စင်ရော် မူကွဲစာလုံးတွေဖြစ်ပါတယ်။ အဲလို အမှန်ခြစ် အမှားခြစ်တွေနဲ့ စာလုံးပေါင်းရွေးပြကြတာတွေ တင်ကြတယ်။ ကွန်မင့်ကနေလာကြတယ်။ မှန်တာရယ်လို့ ရှားတယ်။  မြန်မာစာမှာ အမှန်၊ အမှားနဲ့ မူကွဲစာလုံးရယ်လို့ရှိတယ်။ တရားသေအမှန် အမှား ပြောလို့မရတာမျိုးတွေ။ သတ်ပုံအမှန်အမှားရွေးပေး၊ သင်ပေးနေတဲ့ ဆရာ ဆရာမတွေက မှားနေကြတာမျိုး မကြာခဏတွေ့ရတယ်။ မြန်မာအဘိဓာန် အကျဉ်းချုပ် စင်ရော် – န / ဇင်ယော် / ၁။ ပင်လယ်ဝ မြစ်ဝတို့တွင် သွားလာ ကျက်စားသော ရေငှက်။ (မြစ်တွေးနှင့် သဏ္ဌာန်တူသည်။) ၂။ မြစ်ကြီးများနှင့် မြစ်လက်တက်ကြီးများတွင် သွားလာ ကျက်စားသော ရေငှက်။ မြစ်တွေးငှက်။ "ဟင်္သာ ဝမ်းပဲ၊ နွဲကာပျံဝေး၊ ပဲထွေးဇင်ရော်၊ ငှက်တော်ဗျိုင်းဖြူ။" သစ္စာ * ၅၄။ စင်ရော်မွေး – န / ဇင်ယော်မွေး / စင်ရော်ငှက်၏ အရောင်နှင့် တူသော ဖြူညိုရောင်ရှိသော အမွေး။ "အကွက်ရွှေသွေး၊ ဇင်ရော်မွေးနှင့်၊ တသွေးနှုတ်အား၊ ငှက်ကြီးကြားသို့၊ စိမ်းပြာ ကွဲလွဲ၊ စေခွဲတတ်စေ။" ကုသ * ၂၂၁။ ကဝိဓဇသတ်ပုံကျမ်း [ ဇင်-ဇဉ်-ချင် ] ဇင်။ ။ဇင်ရွေးပင်။ ဇင်အရက်။ သဇင်ပန်း=(သစင်ပန်း)။ ဇင်မင်...

ပို့ပေးသူ ကျေးဇူး။ တပြိုင်နက်တည်းမှာ ထိုင်းနိုင်ငံမှာ မြန်မာလိုရေးထားတဲ့ ကြော်ငြာအမှားတခုကို တယောက်က ပို့တယ်။ အဲလိုဟာတွေကတော့ လိုက်ရှာစရာမလိုပါ။  ထိုင်နေရင်းခလုတ်တိုက်တယ်။ နားလေး၊ ဆားများတဲ့မြို့က MBA သင်ပေးသူတွေက မြန်မာစာနဲ့ အသိပညာသင်ပေးတာ မှန် မမှန်မသိ။ ခုခေတ်မှာ အရာရာ - မှန်တာ ရှား။ မမှန်ရင် ဆုရ။ လွဲရင် ဘွဲ့ရ။ အထူးအဆန်းတွေဖြေရင် ဂုဏ်ထူးရ။ လိမ်ရင် ပိုက်ဆံရ။ မြန်မာလို မှန်အောင်မရေးတတ်လည်း သူများနိုင်ငံတွေမှာ ဆိုင်းဘုတ်ရေးအလုပ်ရတယ်။ ဒေါက်တာတင့်ဆွေ

Buddha image coins in Nepal နီပေါနိုင်ငံရှိ ဗုဒ္ဓရုပ်ပွားတော်ပါ ဒင်္ဂါးပြားများသည် နေ့စဉ်သုံးရန်အတွက်လား  သို့မဟုတ် အရေးကြီးသော အထိမ်းအမှတ်ပွဲများအတွက်လား နီပေါနိုင်ငံရှိ ဗုဒ္ဓရုပ်ပွားတော်ပါ ဒင်္ဂါးပြားများသည် နေ့စဉ်ငွေကြေးအဖြစ် သုံးစွဲရန်မဟုတ်ဘဲ အဓိကအားဖြင့် အထိမ်းအမှတ်နှင့် သင်္ကေတအဖြစ် ပြုလုပ်ထားခြင်းဖြစ်သည်။ ယင်းတို့ကို မြတ်စွာဘုရားဖွားမြင်တော်မူခြင်း သို့မဟုတ် ဗုဒ္ဓ၏တရားတော်များကဲ့သို့ ဗုဒ္ဓဘာသာသမိုင်းတွင် အရေးပါသော အဖြစ်အပျက်များကို ဂုဏ်ပြုရန် ထုတ်ဝေခြင်းဖြစ်ပြီး "Buddha Series V" ကဲ့သို့ အထူးအစဉ်လိုက် ထုတ်ဝေမှုများတွင် သွန်းလောင်းလေ့ရှိသည်။ ဥပမာအားဖြင့်၊ ၂၀၀၁ ခုနှစ်တွင် ဘုရင် ဂျာနိန္ဒြာ ဗီးရ် ဗိကြမ် ရှာဟ် (Gyanendra Bir Bikram Shah) သည် ဗောဓိပင်အောက်တွင် မြတ်စွာဘုရား တပည့်သာဝကများကို တရားဟောကြားနေပုံ ပါရှိသည့် နော်ဒစ်ရွှေရောင် (Nordic gold) ရူပီး ၁၀၀ တန် ဒင်္ဂါးပြားကို စင်ကာပူအက္ခရာသွန်းစက်ရုံမှ ထုတ်လုပ်ရန် ခွင့်ပြုခဲ့သည်။ ထို့အတူ ၁၉၉၇ ခုနှစ်တွင်လည်း နီပေါနိုင်ငံသည် မြတ်စွာဘုရား ဖွားမြင်တော်မူစဉ် မက္ကရာ ခုနစ်လှမ်း လျှောက်လှမ်းပုံနှင့် အလှမ်းတိုင်းတွင် ကြာပန်းများ ပွင့်...

  ၁။ မနေ့ညကတင်ခဲ့တဲ့ သင်သေသွားသော်အဆက် စာထဲမှာ သော် နဲ့ တော် မှားနေခဲ့တယ်။  ယဉ်ယဉ်ကျေးကျေးထောက်ပြသူအမျိုးအစားနဲ့ ခပ်ရိုင်းရိုင်းထောက်ပြသူအမျိုးအစား တွေ့ရတယ်။ တခါတခါ AI အကူအညီကြောင့် သွက်သွက်ခါ မှားတတ်တယ်။ ယဉ်ယဉ်ကျေးကျေးထောက်ပြသူတွေ ကျေးဇူး။ ၂။ တ နဲ့ တစ် အကြောင်းက မတင်ရတဲ့နေ့ မရှိ။ ယဉ်ယဉ်ကျေးကျေးထောက်ပြသူအမျိုးအစားနဲ့ ခပ်ရိုင်းရိုင်းထောက်ပြသူအမျိုးအစား တွေ့ရတယ်။ ဘလော့ ရတာ မများလှပါ။ ၂ ယောက်သာ။ - တကိုယ်ရသန့်ရှင်းရေး - ပတ်ဝန်းကျင်သန့်ရှင်းရေး - ကိုယ်တင်တဲ့စာသန့်ရှင်းရေး သန့်ရှင်းရေးဆိုတာ နေ့တိုင်းလုပ်ရတယ်။ ဒေါက်တာတင့်ဆွေ

တခါတည်း၊ တခါထဲ ဘယ်ဟာအမှန်လဲဆရာ သတ်ပုံသဘောအရ "တည်း (တယောက်တည်း)" က မှန်ပေမဲ့ "ထဲ" လို့လည်း အရင်ကတည်းက ရေးတာတွေ ရှိခဲ့တယ်။ စကားပြောသလိုစာရေးနည်းကြောင့် ရောထွေးလာတာဖြစ်တယ်။  ပုံနှိပ်မူတချို့မှာလည်း မူကွဲတွေ တွေ့ရတယ်။ ကာတွန်းတွေမှာ "ထဲ" ကိုပိုသုံးတာတွေ့ရတယ်။ မူရင်းစာရေးသူက "ထဲ" လို့ရေးထားခဲ့တာကို "တည်း" လို့ မပြင်သင့်။  မြို့မငြိမ်းရေးပြီး မာမာအေးဆိုတဲ့သီချင်းကို နှစ်ယောက်တည်းလို့ ရေးပါတယ်။ နှစ်ယောက်တည်း သီချင်း နှစ်ယောက်ထဲနေချင်တယ် ရုပ်ရှင် မောင်နဲ့တူမစုံ တကိုယ်ရေထဲတူညီ (ငွေဇင်ယော်သို့) - တသွေးတသားတည်းဟူသော (လွတ်လပ်ရေးကြေညာစာတမ်း) - သူတည်းတယောက် ကောင်းဘို့ရောက်မူ၊ တယောက်သူမှာ ပျက်လင့်ကာသာ ဓမ္မတာတည်း။ (အနန္တသူရိယအမတ်) တည်း နဲ့ ထဲ ရောထွေး ရေးခဲ့ကြပါတယ်။ အခုနောက်ပိုင်းမှာ ခွဲခြားရေးလာတယ်။  အိပ်ထဲမှာ တယောက်တည်းရှိသည်။ အရင်က ရေးထားခဲ့တာတွေကိုတော့ မပြင်သင့်ပါ။ သူတည်းတယောက်၊ ကောင်းဘို့ရောက်မူ၊ နှစ်ယောက်ထဲနေချင်တယ် "တချစ်တည်းချစ်" တချစ်တည်း ချစ်တာ ဘာကြောင့် ဆိုသည် ဟိုယခင် ဗြဟ္မာကအတည် ကမ္ဘာစသည် မြေဆီမြေလွှာ သင်းရနံ့ အရသာ ဗြဟ္မာကြီးတွေဟာ က...

၁။ ဆရာ စောင့်ထိန်း/ စောင့်ထိမ်း ထိန်းသိမ်း/ ထိမ်းသိန်း ပြုပြင်စောင့်ထိန်း/ သီလစောင့်ထိမ်း အမှန်သိပါရစေဆရာ ၂။ ဆရာခင်ဗျား သိမ်းငှက်က သိမ်းလား၊ သိန်းလားခင်ဗျ။ မသိန်းသည် ကလေးထိန်းတယောက်ဖြစ်၏ မွေးနေ့အထိမ်းအမှတ်ပေးသော ပန်းပွင့်ကို သိမ်းထား၏။ သိမ်းငှက်ကို မသိန်းရှင်ဆီ ပို့ပေးပါက ပိုက်ဆံတသိန်းပေးမည်။ သိမ်း သိန်း ခပ်သိမ်းကုန်သော စွမ်းစွန်ရဲ ထိန်းသိမ်း ပစ္စည်းသိမ်း ရုပ်သိမ်း သိန်းခွန်မင်း သိန်းဃိုကျွန်း သိန်းငှက် = သေန သိန်းထီပေါက် သိန်းသန်းကုဋေ သိန်းအမတ် သိမ်းကျုံးယူငင် သိမ်းကျားငှက် သိမ်းငှက် သိမ်းဆည်း သိမ်းထုပ်သေချာ သိမ်းပြည်း = အရှက်ရသည်။ ရွံရှာသည် သိမ်းမြန်းစိုးစံသည် သိမ်းရုံး သိန္နီမြို့ အမှိုက်သိမ်း ဦးသိမ်းမောင် ငွေတသိန်း မောင်သိန်း  မယားဝတ္တရား ငါးပါး = အိမ်တွင်းမှုလုပ်၊ သိမ်းထုပ်သေချာ၊ မိစ္ဆာကြဉ်ရှောင်၊ လျော်အောင်ဖြန့်ချိ၊ ပျင်းရိမမူ၊ ဝတ်ငါးဆူ၊ အိမ်သူကျင့်အပ်ရာ။ (သင်္ဂဇာဆရာတော်) ထိမ်း ထိန်း ဆရာ ယာဥ်ထိမ်း နဲ့ ယာဥ်ထိန်း ဘယ်ဟာ အမှန်ပါလဲခဗျ ထိမ်း စည်သံထိမ်းထိမ်း ထိမ်းမြားမင်္ဂလာ ထိမ်းမှန်းသည် ပန်းထိမ်းမြို့ မဖဲမထိမ်း သစ်ထိမ်းဝါးထိမ်း (ခုတ်ဖြတ်သည်) အထိမ်းအမှတ် ထိန်း ကလေးထိန်း တရားစောင့်ထ...

(ပုံအတွက် ကန်တော့) ၁။ သန့်သန့်စင်စင်၊ ကြည်စင်သော၊ ဖြူစင်သော ကောင်လေးကို ငမ်းတယ်လို့ ပြောရာမှာ အဆင်လေး ငမ်းတယ်လို့ ရေးရင် မှားမနေဘူးလားဆရာ၊ ပြန်စာ “အစင်” ဟု သီးခြား သဘောဆောင်သော နာမ်ပုဒ်အဖြစ် သတ်ပုံကျမ်းများနှင့် စာပေအစဉ်အလာ၌ မရှိပါ။ ဒါပေမဲ့ လူကြီးမင်းသဘောပါ။ ၂။ အစင်လေးလို့ ပြောမှမှန်မှာပါ။ သန့်စင်တဲ့ စကားရဲ့ နောက်က စင် ကို ဖဲ့ထုတ်ပြီး ခေါ်တဲ့ ဗန်းစကားပါ။ ဗန်းစကားဆိုတော့ ဗန်းစကားလိုပဲ တွေးတာ ရေးတာ ပိုကောင်းမယ်လို့ ထင်ပါတယ်။ ပြန်စာ “သန့်စင်” ဆိုတာ “သန့်စင်ခန်း” ဟု အသုံးများသောခေတ် ဖြစ်ပါသည်။ “ကြည်စင်” ဟူသော အသုံး မရှိပါ။ “ဖြူစင်” ဟူ၍ ရှိပါသည်။ “ဖြူစင်” ရှိသော်လည်း “အစင်လေး” ဖြစ်ဖြစ်၊ “အဖြူလေး” ဖြစ်ဖြစ် ရေးရိုးခေါ်ရိုး ထုံးစံမရှိပါ။ ဒါပေမဲ့ ခေတ်ကတော့ အတည့်အတန့်၊ အစဉ်အလာ အသုံးစကားဆိုရင် မကြိုက်သူကသာ များပါသည်။ မှန်အောင်ရေး၊ မှန်အောင်ပြောလျှင် လူကြိုက်နည်းပါသည်။ ငမ်းသည့်သူ လိုချင်တာ မရတာလည်း ဖြစ်နိုင်ပါသည်။  ကောင်လေးကို “ငမ်းတယ်” ဆိုတာလည်း ယခုခေတ်မှ ပေါ်လာခြင်းဖြစ်မည် ထင်ပါသည်။ အရင်ကတော့ ရုပ်ရှင်မင်းသားကိုသာ ငမ်းလေ့ရှိကြပါသည်။ ဝေါဟာရနှင့် စာပေဆိုင်ရာ သုံးသပ်ချက် • ဗန်းစကား၏ အမြစ် (Sla...

(ဆရာဇော်ဂျီ ကဗျာကိုဖတ်ပြီး ရေးပါတယ်။ ကန်တော့။) သင်သေသွားသော် သင်၏စည်းစိမ် အိုးအိမ်ကျွဲနွား စပါးထွက်လယ် ဂျုံနယ်တလင်း ပျိုးခင်းတောင်ယာ နောင်လာမျိုးဆက် ဆထက်တိုးပွါး ကြိုးစားကြပေမည်။ သင်ဦးချ၍၊ အမျှဝေရာ စေတီသာမှာ ဇရပ်ဒကာ ကျောင်းဒကာကမ္ဗည်း ရေးထိုးပြီးလျှင် မြင်သူသာဓု ခေါ်စေသတည်း။ သင်ပြုကုသိုလ် ထိုထိုထွေပြား ကောင်းကားကောင်း၏ နှောင်းလူ အသိ ပညာရှိအောင် ကြံဆောင်ချက်ဟာ မပါသေးတကား။ ပေစာ၊ ကျမ်းထုပ် စာအုပ်စာစောင် နောက်လာလူရွယ် အငယ်အကြီး ဆည်းပူးစေငှာ ရွာစာကြည့်တိုက် ဆောက်လိုက်စေချင် နေမဝင်သေးပါခင်ဗျား။ (မြန်မာပြည်သား ငွေကြေးတတ်နိုင်ကြသူများသို့) ဒေါက်တာတင့်ဆွေ

ခု မိန်းကလေးတွေကြား ခေတ်စားနေတဲ့ အစင်လေး ငမ်း နဲ့ အဆင် လေးငမ်း၊ ဘယ်ဟာက မှန်သလဲဆရာ။ အစင် မရှိ။ အစင်း ရှိ။ အဆင် ရှိ။ အစဉ်¹ – န /အစင်/ ၁၊ ရှေ့နောက်နိမ့်မြင့်စသည် စီတန်းလျက် တည်ရှိခြင်း။ အစီအစဉ်။ “အမည်ကိုးပါး၊ အစဉ်အားဖြင့်။” ဓမ္မ*၁၀၁။ ၂၊ ပြုမြဲဖြစ်သော အစဉ်အလာ။ ထုံးစံ။ “ဤကားတောသွား၊ ခွေးကိုက်သားထိုး၊ မုတ်ဆိုးတို့၊ စုစားရသော အစဉ်ဖြစ်သည်။” နု။ ၃၅၅။ အစဉ်² – ကြိဝိ /အစင်/ ထာဝရ။ အမြဲ။ “ကိုယ်တော်မြတ်တွင် မပြတ်ဆင်း၊ အစဉ် သုံးဆောင်တော်မူပါ။” ဝိဇယ။ ၅၈။ အစဉ်တစိုက် – ကြိဝိ /အစင်ဒဇိုက်/ ၁၊ ရှေ့နောက်၊ ကြီးငယ်စသည်အစဉ်ကိုလိုက်၍။ အစီအစဉ်အတိုင်း။ “အင်္ဂါ ဗုဒ္ဓဟူး စသည်ဖြင့် အစဉ်တစိုက် ၁၆ – ခု စေ့အောင်ရေတွက်သွားသော။” လား။ ၅ဂ။ ၂၊ တဆက်တည်း။ တောက်လျှောက်။ မရပ်မနား။ “ဧရာမြို့တော်သို့ အရောက် အစဉ်တစိုက် တရှိန်ထိုး ချီတက်တိုက်ခိုက်သွားပါက။” စစ်သား၊ ဒု။ ၁၅။ ၃၊ ထက်ကြပ်မကွာ။ “သင်အဘယ်ကိုအလိုရှိ၍ ရထား နောက်စွန်းကို ကိုင်လျက် အစဉ်တစိုက် လိုက်ဘိသနည်း။” မဟော၊ ပ။ ၃၃။ ၄၊ အစဉ်² – ကြိဝိ၊ နှင့် အတူတူ။ အဆင် – န /အဆင်/ ၁၊ အဝတ်အထည်စသည်တွင် ဖော်ထားသော ပန်းပွင့်၊ အကွက်စသည်။ “လုံချည်ကို ကိုင်ပြီးလျှင် တယ်အဆင်ကောင်းပါလား....ဟု ဆိုရာ။” မ...

ဆည်းဆာချိန် တိမ်သဘင် ရှုမငြီးသော်လည်း သည်ခရီး ဘယ်ဆီ ယွန်းပေလိမ့် ကွန်းခိုရာ ဘယ်မှာညွှန်းမည်မို့ လွမ်းတတ်အောင်ဘဲ။ ကျော်ကျော်ဝင်း (တောင်တံခါး) ဆေးကျောင်းကတည်းက ခင်မင်ရင်းနှီးတဲ့သူငယ်ချင်း ဖြစ်ပါတယ်။ သက်တူရွယ်တူ။ သူ အခုကဗျာနဲ့အတူ ဖေ့စ်ဘွတ်ကနေ နားတော့မယ်လို့ဆိုပါတယ်။ သူ့ဆုံးဖြတ်ကြောင့် ကိုယ့်အတွက်လည်း ထည့်စဉ်းစားရပြီ။ အတန်းတူ အမျိုးသမီးဆရာဝန်တဦးက အဲလိုဆုံးဖြတ်ချက်နဲ့အတူ ဖေ့စ်ဘွတ်မှာ စာတွေမတင်တော့တာ ငါးနှစ် ခြောက်နှစ် မကတော့ပါ။ ဆရာဝန်ဖြစ်ဖြစ် တခြားအသက်မွေးမှုက ပုဂ္ဂိုလ်တွေဖြစ်ဖြစ် တူတဲ့အရာတွေမှာ တူညီကြပါသည်။  လူတိုင်းရဲ့သက်တမ်းကတော့ အများကြီး ကွာခြားခြင်း မရှိလှပါ။ ဖြစ်ရိုးဖြစ်စဉ်မဟုတ်တဲ့ ကိုဗစ်ဘေး၊ ငလျင်ဘေး စတာတွေကလည်း လူမရွေးပါ။  အရွယ် မရွေးပါ။ နေထိုင်ရာတိုင်းပြည် မရွေးပါ။ ကျွန်တော်က ဆရာဝန်အဖြစ်ကနေ နိုင်ငံရေးထဲမှာလည်း ပါတယ်။  ကျွန်တော်တို့ ၁၉၉၀ ထက် ဝါကြီးကြတဲ့ ၁၉၈၈ အစုကြီးထဲကသူတွေ မရေမတွက်နိုင်အောင် ခွဲခွါသွားကြပါပြီ။ ၁၉၉၀ ထဲကနည်း နည်းနည်းလာပြီ။ ၁၉၆၅-၁၉၇၂ ဆေး/မန်း အစုထဲကလည်း ခွဲခွဲသွားကြပြီ။ နှုတ်မဆက်အားသူတွေကလည်း ဒုနဲ့ဒေး။ ဆည်းဆာချိန် နှစ်မျိုးရှိပါသည်။ အနောက်ဂေါယာ = မြင်းမ...

ကွန်မင့်တခု = ပဲ နှင့် ဘဲ သတ်သတ်မှတ်မှတ် ခွဲထား မရှိခင်က ကိုယ်သန်ရာ၊ ကိုယ့်စိတ်ကြိုက်အမျိုးမျိုး ရေးခဲ့ကြ တာ အမှန်ပါ။ သတ်သတ်မှတ်မှတ် ခွဲထား ရှိပြီးတဲ့အခါ (ငြင်းဆိုစရာအကြောင်း တိတိကျကျ ခိုင်ခိုင်မာမာလည်း မရှိဘူး ဆို) ခွဲထားအတိုင်း အများ တညီတညွတ်တည်း ရေးကြ တာ (တယောက်တပေါက် ရေးချင်သလို ရေးနေကြ တာနဲ့ စာ) ပို ကောင်းတယ်၊ ပိုသင့်လျော်တယ် ထင်ပါတယ်။ ရှေးစာများကို သူ့မူရင်းအတိုင်း မဟုတ်ဘဲ (ကိုယ့်သဘောနဲ့ ကိုယ်) နောက်မူနဲ့ ပြင် ပြန်ဖော်ပြကြ တာမျိုးက တော့ နှောင်းလူက ရှေးလူကို မလေးစားရာ၊ မထီမဲ့မြင်ပြုရာ ရောက်တာမို့ ဆင်ခြင်သင့်ကြပါတယ်။ ပြန်စာ စာလုံးပေါင်း သတ်ပုံခွဲထားများဆိုတာ ခေတ်ကာလအစောကြီးကတည်းက ရှိခဲ့ပါတယ်။ ဥပမာ ၁။ ရွှေနားတော်သွင်း ခွဲထား ဆရာတော်ဦးဗုဓ် စသော ရှေးဆရာတို့ အထူးကိုးကားသော ကျမ်းဖြစ်ပါသည်။ နန်းရွှေတောင်၌၊            ထွန်းပြောင်သုံးလ ယောက်ဖမင်းမြှောက်၊   ရာမမျောက်လျှင် တစီးရှင်၏၊                  သက်တင်ပိုက်ဖြား သမီးသားတွင်၊              ရှေ့ဖျားအကြီး ဘိုးတော်ကြီးထုံး၊...

မင်း ငါ ဆရာဝန် မင်းလည်း ကျုံးရေသောက် ငါလည်း ခြင်မကြောက် လက်ဖက်ရည် အတူသောက် နောက် မင်းက တနယ်မှာ ငါက တရွာပြီး တရွာ ဖျားလူနာ ခွဲစိတ်လူနာ နောက် မင်းဘယ်ရောက်သွားတာ ငါမသိ မင်းလည်း ငါ့နေရာ မသိ နှစ်သုံးလေးဆယ်ရှိ အခုတော့ သိလာ မင်းက ပင်စင်နာ ငါက ဇာတာနဲ့ ဇရာ ဒို့ မကင်းကွာတော့ပြီ သူငယ်ချင်း။ ဒေါက်တာတင့်ဆွေ