ဝသန်ကာလ၊ မိုးကျတည့်လျှင်
ပျော်ပျော်ပါးပါး၊ မယားနှင့် ဆွေငယ်လင်
လက်တွဲငယ် ခြေငင်၊ ကိုယ်တွင်အဝတ်
ပုဆိုးအင်္ကျီ စုတ်ပြဲပြီ
ချည်နီဗောင်း တွတ်တွတ် ကယ်နှင့်လေး။ ။
မိုးရေစွတ်လို့၊ အဝတ်ကယ်မပါ
သားသမီးကို၊ ကိုယ်ထီးပွေ့လို့သာ
ဆေးတံတထွာ ကိုက်ကာထွန်ရင်း
လယ်ကွက်ကယ်တခွင် ထွန်ရေးငင်သည်
ရေဝင်ပုဇွန်တွင်းငယ်နှင့်လေး။ ။
ဖားပေါင်စင်းငယ်၊ ခြင်းပလိုင်းဝယ်
ခရုပီလော၊ ရောနှော၍သာလွယ်
ဟင်းရွက်ကယ်နုနယ်၊ တသွယ်ကန်စွန်း
ဆူးပုပ်ကယ်ကင်းပုံ အလုံးစုံ
ဖူးငုံသာရော၍ ပြွမ်းသည်နှင့်လေး။ ။
ချိုလည်ူချိုလွန်း၊ ရည်ရွှမ်းများစွာ
ကြံဟင်းကြွက်နပေါင်း၊ သောင်းပြောင်းရော၍သာ
အိမ်သို့ရောက်ခါ၊ လျင်စွာချက်ပြုတ်
ထမင်းကပူ ဟင်းကပူ
ရှူရှူသာ ရှမ်းငရုတ်ကယ်နှင့်လေး။ ။
အလုတ်ကယ်ဧရာသာ၊ ငုံ့ကာလွေးတော့သည်။ ။
သားမြေးငယ်မာချာ၊ ဘယ်ညာထွေးတော့သည်။ ။
ဒေါက်တာတင့်ဆွေ
Comments
Post a Comment