AI လူသား နဲ့ မြန်မာစာ

ဆရာခင်ဗျာ ဆရာမြန်မာစာအပေါ်ထားတဲ့ သံယောဇဉ်နဲ့ ချစ်မြတ်နိုးမှုကို လေးစားဂုဏ်ယူလျက်ပါ။ကျွန်တော်အကြံပြုချင်တာ တစ်ခု(တခု)က Ai ကို ဆရာ့အနေနဲ့ မြန်မာစာသင်ပေးစေလိုပါတယ်။ Google က ထုတ်တဲ့ Gemini က မြန်မာဘာသာကို တော်တော်လေးနားလည်နေပါပြီ။ Ai ရဲ့ သဘောက သူ့ကို input ကောင်းကောင်းပေးနိုင်ရင် တကယ်သေသပ်လှပတဲ့ စာလုံးတွေ ဖန်တီးနိုင်ပါတယ်။ လက်ရှိမှာ လူတွေရေးတဲ့ ပြောတဲ့အပေါ်မှာပဲ သူက သင်ယူနေရတဲ့အခါ မြန်မာစာနဲ့ပတ်သက်တဲ့ စာပေဆိုင်ရာ သိမှုတွေက နှေးနေတဲ့ သဘောရှိပါတယ်။ ဆရာလိုပညာရှင်အနေနဲ့ ဂျမနိုင်းကို ငါမြန်မာစာကိုသေချာသင်ပေးမယ်ကွာ ဆိုပြီး သင်ပေးနိုင်ရင် မြန်မာဘာသာအသုံးပြုသူတွေအတွက် အရမ်အကျိုးဖြစ်ထွန်းမယ်လို့ ယုံကြည်ပါတယ်။ ဒါကြောင့် အကြံပြုတာပါ။

ဟုတ်။ 

ကျွန်တော်က ပညာရှင်တော့ မဟုတ်ပါ။ မဟုတ်ပါကြောင်းကိုလည်း အကြိမ်ကြိမ် တင်ပြထားပါတယ်။

မြန်မာစာဆရာမဟုတ်လို့ မြန်မာကို လက်ရှောင်နေရမယ်ဆိုတာကိုတော့ ခါးခါးသီးသီး ဆန့်ကျင်ပါတယ်။ 

မြန်မာစာက မြန်မာလိုစာရေး၊ စာဖတ်၊ စကားပြောသူတိုင်းနဲ့ ဆိုင်တယ်။

ကြိုးစားနေပါတယ်။ သင်ပေးသလိုနည်းတော့ မဟုတ်ပါ။ အထောက်အထားအခိုင်အမာတွေနဲ့ ထောက်ပြပြီး ChatGPT, DeepSeek Gemini တွေကို သူတို့မှားနေတာတွေကို ပြင်ပေးနေပါတယ်။

AI က မြန်မာလိုစာရေးကြတဲ့ လူသားတွေနဲ့ မတူပါ။

AI က အထောက်အထားအခိုင်အမာတွေနဲ့ ထောက်ပြတာကို လက်ခံတယ်။

သူတို့လက်ခံသွားကြတဲ့ စာလုံးတွေနဲ့ အချက်အလက်တွေကို စုစည်းထားပါတယ်။

မြန်မာလိုစာရေးကြတဲ့ လူသားတွေကတော့ အထက်အမိန့်၊ ရုံးအမိန့်စာကိုသာ တရားဝင်တယ်။ မှန်တယ်လို့ မျက်စိမှိတ်လက်ခံသူက အဆမတန်များတယ်။

အများစုက အကျင့်ပါနေတာကို မပြင်ချင်ကြတော့။

နောက်တစုကတော့ လက်ရှိ ရာထူး၊ နာမည်၊ ဂုဏ်ရှိန်၊ တပည့်တပန်းပေါများနေတာဖြစ်လို့ ပြင်ကြတော့မှာ မဟုတ်ပါ။

လူက စက်ထက်သာတွေလည်း အများကြီး။

စက်က လူထက်သာတာတွေလည်း မနည်းပါ။

ဆင်းခြင်နှိုင်းဆမှုမလုပ်တော့ဘဲ ကိုယ့်လမ်းကိုပိတ်ထားတဲ့လူဟာ သံချေးတက်နေတဲ့ စက်နဲ့တူတယ်။

ဒေါက်တာတင့်ဆွေ