လျှပ်တပြက် လို့ ရေးရသည်

လျှပ်တပြတ် မှားသည်။

လျှပ်တစ်ပြက် သတင်းဂျာနယ် မှားသည်။

လျှပ်တပြက်ကို မှန်အောင်ရေးတတ်သူတွေလည်း ရှိပါသည်။

လျှပ်တပြက်တံဆိပ်တုံး

လျှပ်တပြက်ကလော

လျှပ်တပြက်ကျိုက်ထီးရိုး

နိုင်ငံတကာ လျှပ်တပြက် ဝတ္ထုတိုများ - မိုးသက်ဟန် - ပထမအကြိမ် (မေ၊ ၂၀၁၄)၊ မေဃဝတီစာပေ၊

လျှပ်တပြက်မိုး တေးရေး ဝိုင်းမင်း တေးဆို ဝနမိုး

လျှပ်တပြက်ကျန်းမာရေး အပိုင်း(၁၂) နားအူခြင်း (Tinnitus of ear)

ကိုယ့်ကိုယ်ကို ကာကွယ်ဖို့ လျှပ်တပြက် တိုက်ကွက် ၅ ကွက်

ရန်ကုန်လျှပ်တပြက်ဆန္ဒပြပွဲ

လျှပ်တပြက်မိုးကြီး ရေတက်လာမှုကြောင့် ပုန်းထွန်စာသင်ကျောင်းတံတိုင်း ပြိုကျ

နီလန်း လျှပ်တပြက်အနမ်း ကြောင့် ရှက်ခဲ့ရတဲ့ ရွှေလရောင်

အရင်က မြန်မာစာကို သတ်ပုံမှန်နဲ့သာရေးတဲ့ခေတ်မှာ လျှပ်တပြက်လို့သာရေးပါတယ်။

ခုခေတ်မှာ 'လျှပ်တစ်ပြက်' လို့ ရေးတဲ့လူကရေး၊ အမှန်အတိုင်း ရေးတာတွေလည်းရှိတယ်။

ကိုယ်ထင်ရာရေးကြတာကို မြန်မာစာဟုခေါ်ပါသည်။

မြန်မာစကားထဲမှာ ‘လျှပ်တပြက်သာကြာတယ်’ ဆိုတဲ့အသုံး ရှိတယ်။ ဘယ်လောက်ကြာပါသလဲ။

မိုးကောင်းကင်မှာ လျှပ်စီးလင်းလက်တာကို လူတိုင်း မြင်ဖူးကြတယ်။ သိပ္ပံမှာ Lightning flashes လျှပ်စီးကြောင်းတွေလို့ ခေါ်တယ်။

အမြင်အာရုံမှာထင်နေတဲ့ အချိန်ကာလထက် တကယ်လင်းလက်သွားခဲ့တာက တိုတောင်းတယ်။ လျှပ်စီးလက်မှုအလင်းတခုရဲ့ အလုံးစုံကြာချိန်ဟာ 0.2 စက္ကန့်ခန့်ထက် နည်းနည်းလေးသာပိုရှည်ပါတယ်။

ကမ္ဘာလုံးဆိုင်ရာ စောင့်ကြည့်လေ့လာချက်တွေအရ ကမ္ဘာမြေပေါ်ရှိ မိုးကြိုးများဟာ ၁ စက္ကန့်မှာ ပျမ်းမျှအကြိမ်ရေ ၄၄ (± ၅) ကြိမ်ရှိတယ်။ တနှစ်မှာ အလင်းတန်း ၁.၄ ဘီလီယံနီးပါးနဲ့ ညီမျှပါသတဲ့။ ပျမ်းမျှကြာချိန် 60 မှ 70 microseconds ခန့်ရှိတဲ့ ပိုတိုတဲ့ flashes (strokes) တွေကတော့ 0.52 စက္ကန့်ဖြစ်တယ်။

၁၉၈၆ ခုနှစ်နောက်ပိုင်းကစပြီး မြန်မာလိုစာရေးသူတချို့က ‘လျှပ်တပြက်’ ကို မှန်အောင်မရေးတတ်ကြတော့ပါ။

‘လျှပ်တစ်ပြက်’ ကနေ ‘လျှပ်စစ်ပျက်’ နဲ့ ‘လျှပ်တစ်ပျက်’ ဖြစ်လာပြီ။

ဒေါက်တာတင့်ဆွေ