ဝိပဿနာရှုနည်းကျမ်း

မဟာစည်ဆရာတော်ဘုရားကြီး

၂၀၁၄ (ပြန်ထုတ်)

ပထမတွဲ၊ စာမျက်နှာ ၁၃၇

စိတ္တဝိသုဒ္ဓိ ၁၃၇

- သိနားလည်ပြီး၍။ သအတ္ထပသုတော၊ ကိုယ့်ကိစ္စကိုသာ အားထုတ်သည်။ သိယာ၊ ဖြစ်ရာ၏။

အဓိပ္ပာယ်ကား။ ။ လောကီ ဘက်က ဆိုလျှင် သူတပါးအား တရာတန်၊ တထောင်တန်၊ အကျိုးကို ဆောင်ရွက်ပေးစေနိုင်ကာမူ ကိုယ့်အကျိုးမှ တကျပ်တန် တပဲတန်မျှကို သော်လည်း ဆုံးရှုံးစေ၍ မဆောင်ရွက်အပ်။ တရားဘက်ကဆိုလျှင် သူတပါးအား အရဟတ္တဖိုလ်တိုင်အောင် အကျိုးများစေနိုင်ကာမူ ကိုယ့်အကျိုးကိစ္စမှ သောတာပန် ဖြစ်စေနိုင်ရုံမျှ ကိစ္စကိုသော်လည်း မဆုံးရှုံးစေအပ်။ အဘယ်ကြောင့်နည်းဟူမူ — သူတပါး၏အကျိုး များစွာသည် မိမိအား အနည်းငယ်မျှ ချမ်းသာမစေနိုင်သည်မဟုတ်၊ မိမိ၏ အကျိုးသည်သာလျှင် သေးငယ်သော်လည်း မိမိအား အထိုက်အလျောက် ချမ်းသာစေနိုင်သောကြောင့် ပေတည်း။ သို့ဖြစ်၍၊ ကိုယ့်အကျိုးကိစ္စကို သိနားလည်ပြီးလျှင် ကိုယ့်ကိစ္စကိုသာ မပြတ် အားထုတ်ရမည်ဟူလို။ ကိုယ့်ကိစ္စချင်းပင် ဖြစ်သော်လည်း မြင့်မြတ်သောကိစ္စကိုအားထုတ်နေဆဲ၌ ယင်းကိစ္စကိုဖျက်၍ ယုတ်ညံ့သော ကိစ္စကို အားမထုတ်အပ်ပြီ။ ဥပမာ — တနေ့လျှင် ငွေတရာရသော လုပ်ငန်းကို လုပ်ကိုင်နေသောသူသည် ယင်းအလုပ်ကို စွန့်လွှတ်၍ တနေ့လျှင် ငွေတကျပ်သာ ရသောအလုပ်ကို မလုပ်သင့်သကဲ့သို့ ပေတည်း။ ထို့ကြောင့်၊ အဋ္ဌကထာ၌ ဤသို့မိန့်ဆို၏။

အတ္တဒတ္ထံ န ဟာပေယျတိ ဘိက္ခုနာ နာမ သံဃဿ ဥဗ္ဘန္တ စေတိယ-ပုဂ္ဂိသရီရကာဒိ ကိစ္စံ ဝါ၊ ဥပဇ္ဈာယာဒိ ဝတ္တံ ဝါ၊ န ဟာပေတဗ္ဗံ။ အာဘိသမာစာရိကဝတ္တံ ပူရေန္တေနေဝ အရိယဖလာဘိနိ သတ္ထံ ကရောတိ။ တသ္မာ အယမ္ပိ အတ္တဒတ္ထော ယေဝ။ ယော ပန အတ္တရတ္ထံ ဝိပဿကော အတ္ထ ဝါ၊ သုခေ ဝါ၊

မှတ်ရန်

သူတပါးအား

တရာတန် တထောင်တန်

တကျပ်တန်

တပဲတန်မျှကို

သူတပါးအား

သူတပါးကို

သူတပါး၏အကျိုး

တနေ့လျှင် ငွေတရာရသော

တနေ့လျှင် ငွေတကျပ်သာ

ပထမဆုံးကျမ်းကို ၁၃၀၅ (၁၉၄၃) ခုနှစ်မှာ စတင်ထုတ်ဝေပါတယ်။

မူရင်းကျမ်း နှစ်တွဲလုံး စာလုံးပေါင်းသတ်ပုံတွေ မှန်တယ်။

ပြန်ထုတ် တချို့မှန်။ ပြန်ထုတ် အများစုက မှားတယ်။

အခုခေတ်မှာ

- သတ်ပုံမှားသောတရား၊

- သတ်ပုံမှားသော ရသစာ၊ သုတစာ၊ ဘာသာပြန်စာ၊

- သတ်ပုံမှားသောကဗျာ၊ သတ်ပုံမှားသောမြန်မာစာ ကိုသာ သင်ကြား၊ ထုတ်ဝေ၊ ရေးသား၊ ဖတ်ရှုနေကြရပါတော့တယ်။

"တရား" စာလုံးကိုပင် မှန်အောင်မရေးတတ်သူတွေက တရားစာမျက်နှာတွေဖွင့်ထားကြတယ်။

 တရားစာတွေ တင်နေကြတယ်။ ဘုရားပုံတွေရောင်စုံနဲ့။

"တစ်ရားတော်" သာဝကတွေကလည်း ထောင်သောင်း။

ဒေါက်တာတင့်ဆွေ