တို့ဗမာသခင်ဂုဏ်ရည်

မက်ဆေ့ချ်တခု = ​မြန်မာစာ/မြန်မာစကား စိတ်ပျက်စရာကောင်းလောက်အောင်ကို ပျက်စီးနေတာ။ ၉၉%သော ရန်ကုန်နေလူထုက အရှေ့အနောက်မသိ။

ပြန်စာ

အရှေ့အနောက်၊ တောင်မြောက် မသိသူ၊ စာကို မှန်အောင်မရေးတတ်သူ၊ အသံထွက်မှန်အောင်မထွက်တတ်သူတွေ …

နေပြည်တော်ကနေ စပါတယ်။

ပူတာအိုကနေ ကော့သောင်။ ကုလားတန်မြစ်ကနေ ရွှေတရိဂံ။

အလယ်ပိုင်းမှာ အထက်အညာ၊ အောက်အညာ၊ မြေလတ်။

အောက်ပိုင်းမှာ ဧရာဝတီ၊ ပဲခူး။

အနောက်ရိုးမ၊ အလယ်ရိုးမ၊ အရှေ့ရိုးမ။

ပြည်ပနိုင်ငံတွေ …

ဂျပန်ကနေ ဖော့ကလန်ကျွန်း။ အိုက်စလန်ကနေ တက်စ်မေးနီယားကျွန်း။ အရှေ့အလယ်ပိုင်း၊ တောင်နဲ့ မြောက် အမေရိက။ အာဖရိက၊ ဆိုက်ဘေးရီးယား။ အိမ်နီးချင်း ရှိရှိသမျှတိုင်းပြည်တွေမှာ …

မြန်မာစကားပြောသူတွေ မနေတဲ့ တိုင်းပြည် မရှိ။

မြန်မာစာကို မှန်အောင်ရေးတတ်သူ၊ မှန်အောင်ရေးရဲသူနဲ့ မှန်အောင်ရေးခွင့်ရှိသူ အရေအတွက် စာရင်းကောက်ရင် စာမျက်နှာ ၂၀ ပါ ဗလာစာအုပ် တအုပ်စာလာက်သာ ရှိနိုင်တယ်။

သို့သော် …

မြန်မာစာ သေသွားမည်မဟုတ်။ အိုနာကျိုးကန်း။ (ကန်တော့)

မြန်မာစာ ပျောက်လည်းသွားမည်မဟုတ်။ ဆေးရုံမတက်ချင်၊ ကုန်ကျစရိတ်မတတ်နိုင်တဲ့ နာတာရှည်လူနာ။ (ကန်တော့)

သို့သော် …

ပန်းပန်လျက်။ သနပ်ခါးလူမပျက်။ မုန့်ဟင်းခါး စားလျက်။

ပုဆိုးနဲ့ တိုက်ပုံဝတ်ပြီး မောက်မာ၊ ဝါကြွားလျက်။

တို့ဗမာသခင်ဂုဏ်ရည် သီချင်း ဝိုင်အမ်ဘီ သခင်တင် ရေးသားဂုဏ်ပြု၍ ခင်ညွန့်ရည် ပြန်လည်သီဆိုသည်

https://soundcloud.com/dobamaasiayone/dobamathakhin?in=thein-aung-13/sets/tisyhfnduvfn

ဒေါက်တာတင့်ဆွေ