တရုပ် ကုလား

(ကန်တော့)

ကွန်မင့်တခု = ခွေးအရုပ်လေးရောင်းနေတာ လိုချင်တာကတရုပ်ထဲ ဈေးမမေးရဲဘူးရောင်းသူကတရုပ်မလေး ခွေးတရုပ်ဘယ်လောက်လဲ သွားမမေးနဲ့

(၁)

ဖလင်စတား ဇွန်လ လ ၁၉၆၀ မှ

ဟာသကမ္ဘာ၊ ဉာဏ်စမ်းကမ္ဘာ

ခွေးတရုပ်

ဘုရားပွဲတခုသို့ရောက်သွားရာ အပ်ရောင်းသောနေရာတခုတွင် ဈေးသည်တဦးနှင့် တရုပ်တယောက် ဒေါသထွက်နေကြပုံကိုတွေ့ရတော့သည်။

ဈေးသည်။ ။ “ခွေးတရုပ် ငါးမူး၊ တရုပ်သည် ဒေါသထွက်သည်ထက် ဒေါသထွက်ရမှ။”

တရုပ်။ ။ “ဟေ့ကောင် မင်းလူပါးမဝနဲ့ သည်တော့မှ ဈေးသည်က။”

ဈေးသည်။ ။ “စိတ်မရှိပါနဲ့ မိတ်ဆွေ ကျွန်တော်က ခွေးချစ်တရုပ်ကို ငါးမူးလို့ အော်တာပါ၊ ခွေးတရုပ်ငါးမူး။”

ဘုရားပွဲတခု

အရုပ်ရောင်းသောနေရာတခု

ဈေးသည်တဦး

တရုပ်တယောက်

ခွေးတရုပ်

ခွေးရုပ်တရုပ်

ခွေးတရုပ်ငါးမူး (ငါးမူးဆိုတာ ပြား ၅၀။ ပြား ၁၀၀ = ၁ ကျပ်)

အဲလိုအဖြစ်မျိုးတွေကြောင့် တရုပ် ကို တရုတ် လို့ ပြောင်းလာတာလား ယူဆရတယ်။

၁၉၆၀ တရုပ်-မြန်မာနယ်နိမိတ် စာချုပ်မှာတော့ တရုပ် လို့ရေးတယ်။

တရုပ်ပြည်ကို မျက်နှာလုပ်ချင်ရာကနေ တရုတ်ဖြစ်လာတယ်။ 

ဥက္ကဌ(ဥက္ကဋ္ဌ)ကြီးကို မျက်နှာလုပ်ချင်ရာကနေ တခု၊ တကောင်၊ တယောက်ကို စသတ်လာကြတယ်။

(၂)

တခါက ဒေါ်မြမြအေး ထိုင်းနိုင်ငံ မြို့တမြို့မှာ ဆေးကုလားမ ရှာပါတယ်။ လိုက်ပို့သူကို အမေးခိုင်းတယ်။ 

ကူညီတဲ့ အမျိုးသမီးက အမည်ထပ်မေးပါတယ် ဆေးကုလားမ ဟုတ်ရဲ့လားအန်တီတဲ့။ 

ဆိုင်ရှင်က မြန်မာပြည်သူ မကုလားမ ဖြစ်နေတာကိုး။

(၃)

မှတ်ချက်

တရုပ်ကိုတော့ တရုတ်လုပ်ထားကြပြီ။ 

ဆေးကုလားမကတော့ နာမည်ပြောင်းကြဦးမလား မသိ။ 

ဆေးကုလားမ ထုတ်လုပ်နိုင်တဲ့ လျှော်ဖြူပင်တွေကို တရုပ်စီးပွားရေးသမားတွေက အညာမှာ မြေနှစ်ရှည်အငှားနဲ့ စိုက်နေကြပြီ။ မြေဆီတွေပျက်ပြီ။

ဆေးတရုတ်မ ဖြစ်တော့မလား။

လူအများစုလည်း မှန်မမှန်၊ ဟုတ်မဟုတ် စိစစ်မနေဘဲ ခိုင်းတာလိုက်နာကြသည်။ မြန်မာပြည်။

ဒေါက်တာတင့်ဆွေ