ကီး မကိုက်လောက်ပါ

ကွန်မင့်တခု = ဆရာ တနေ့လောက် အားတဲ့ရက်ကြ ဆွေးနွေး စကားပြော ချင်ပါဘိ စာပေနဲ့ ဘဝ မြန်မာပြည်ကြီး အကြောင်း။

ဘယ်သူလဲ သိအောင် ရေးတဲ့သူ အကောင့်ကို ရှာတော့ ထိပ်ဆုံးမှာ “ကမ္ဘာတစ်ပတ်” တဲ့။

ကျွန်တော်နဲ့တော့ “ကီး” မကိုက်လောက်ပါ။ အဆင်မချောလောက်ပါ။

ဂီတမှာ Key “ကီး” ဆိုတာ သီချင်းတပုဒ်ရဲ့ သံစဉ်နိမ့်မြင့် Pitch ကို ဆိုလိုပါတယ်။

တီးသူ ကီးနဲ့ ဆိုသူအသံစဉ် မညီဘဲ လွဲချော်နေတာကို "ကီး မကိုက်ဘူး" လို့ သုံးစွဲပါတယ်။

လူစကားပြောဆိုမှု၊ စေတနာ/စိတ်ထားနှင့် စိတ္တဇသဘာဝမှာလည်း ခိုင်းနှိုင်း သုံးစွဲလာကြပါတယ်။

အကြောင်းအရာတခုအပေါ် ဆွေးနွေးရာမှာ အမြင်ချင်း၊ သဘောထားချင်း မတိုက်ဆိုင်ဘဲ စကားပြောရ အဆင်မပြေတာကိုပါ "ကီး မကိုက်ဘူး" လို့ ပြောလေ့ရှိကြတယ်။

ကျွန်တော်က မြန်မာစာအတွက်

- စကားစစ်ထိုးပွဲမှာ မပါ။

- ကျဘမ်းစကားပြောပွဲလည်း မပါ။

- မဲပုံးလည်း မထောင်ပါ။

- လူကြီးမင်းတို့သဘောသာ။

နိုင်ငံရေးလုပ်ခဲ့စဉ်ကတော့ ဆွေးနွေးခန်းတွေမှာ ပါရတယ်။ သဘာမတူသူတွေနဲ့လည်း ထိုင်ပြောခဲ့ရတယ်။

“ဒီဘိတ်” ဆိုမှာလည်း ပါခဲ့ရတယ်။

မြန်မာစာ “ဒီဘိတ်” အတွက် ဒိုင်ခံသူနဲ့ ဒိုင်လူကြီး မမွေးကြသေးပါ။

အနိုင်အရှုံးကတော့ သိနေပြီ။ ဆိုရှယ်မီဒီယာမှာ စာကို မှန်အောင်ရေးသားသူ ၅-၁၀% သာရှိတယ်။

ဇာတ်ဆိုတာ သဘောတူသူတွေနဲ့သာ ကပြအသုံးတော်ခံရတယ်။

ကျွန်တော့်အဆင့်

- တောပွဲ။

- ကြည့်ချင်ပွဲ။

- လူမပြည့်လည်း အရှုံးမရှိ။

ဒေါက်တာတင့်ဆွေ

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog