“အမှားများတဲ့ အသုံးစကားတခု”

‘အဆာသွတ်’ ကို အတော်မှားနေကြတယ်။

အစားအစာတိုင်းကို ‘စာ’ နဲ့ရေးရတာ မဟုတ်ပါ။

‘အစာ’ အသုံးကို အများအားဖြင့် အကောင်တွေကို ကျွေးစရာအဖြစ် သုံးပါတယ်။

ကြက်စာ

ငှက်စာ

ခိုစာ

ငါးစာ

ခွေးစာ 

ကြောင်စာ စသည်။

အဆာ ဆိုတာလည်း ဆာတာကို မဆိုလို။

အဆာပလာ

အဆင်တန်းဆာ

အဆာကျယ်

အဆာသွတ်

အဆာခံ

ပူဆာ

အဆာ¹ – န /အဆာ/ အစာကို စားလို၍ ဝမ်းတွင်းက ပူဆာ တောင့်တခြင်း။ မွတ်သိပ်ခြင်း။

အဆာ² – န /အဆာ/ ၁။ အဝတ် အထည် စသည်တို့တွင် မရက်ဘဲ ချန်ထားသော ချည်မျှင်။ အစွန်းအမြှော့။ ၂။ မူလ အရောင်ခံဖြစ်သောအရာတွင် ပိုမိုကောင်းမွန်အောင် မွမ်းမံသည့်အနေဖြင့် ထပ်လောင်းရောနှောသောအရာ။ “လဘက်စိုကို ရှေးအထက်ကျော်ကာရီက နှမ်းဆီနှင့် စိမ်ထားပြီး....နှမ်းလှော် ပဲလှော်စသောအဆာများဖြင့်ရောယှက်၍။” ယဉ်ကျေးမှု၊ ၃၊ ၆၊ ၃၂။

အဆာကျယ် – ကြိ /အဆာကျယ်/ ကျေနပ်နိုင်ခဲ့သည်။ စိတ်ဆန္ဒထွေးထွေးများပြားသည်။ ချေးများသည်။ “ကာသိမင်း၏ သက်နှင်းတောင်ညာ သုဘဒ္ဒါဟု အဆာကျယ်လှ ရှင်ဘုရင်မကြီးက။” ပညဝတ်။ ၂၁။

အဆာခံ – ကြိ /အဆာခန်/ ၁။ ဆာလောင် မွတ်သိပ်နေပါလျက် အစာမစားဘဲ နေသည်။ “အကြင်ပုဂ္ဂိုလ်သည် ဆာလောင်မွတ်သိပ်ခြင်း ရှိလျက် အဆာခံတတ်၏။” သာဂရ။ ၂၂။ ၂။ ဆာလောင်မွတ်သိပ်ခြင်းကို ခံနိုင်စွမ်းရှိသည်။ “တနေကုန်အောင် သွားရမှတ၊ အဆာခံအောင် ကောက်ညှင်းပေါင်းစားထားကြပါ။”

အဆာသွတ် – ကြိ /အဆာသွတ်/ ပိုမိုကောင်းမွန်အောင် မွမ်းမံသည့်အနေဖြင့် မူလပင်ရင်းဖြစ်သော စားစရာတခုအတွင်းသို့ စားစရာတခုခုကို ဖြည့်သွင်းသည်။

သွတ် ကို သွပ် လို့ရေးတာလည်း မှားတယ်။ 

သွပ်

ရူးသွပ်

သွပ်ချောင်ချောင်

သွပ်ပြား

သွပ်သတ္တု

သွပ်ဓါတ်

သွတ်

သွတ်ကယ်သွတ်ကယ်

သွတ္တပတ်ပင်

သွတ်သွင်း

သွတ် သွပ် https://burmese-spelling.blogspot.com/2025/02/blog-post_821.html

အဆာသွတ် https://burmese-spelling.blogspot.com/2025/07/blog-post_340.html

အဆာသွတ်လို့ ရေးရတယ် https://burmese-spelling.blogspot.com/2022/09/blog-post_115.html

စာ နဲ့ ဆာ https://burmese-spelling.blogspot.com/2024/05/blog-post_391.html

ဒေါက်တာတင့်ဆွေ