တိုးတက်ပြောင်းလဲခြင်းဟူသည်

(တောလည်းကျ ခေတ်ကလည်းနောက်ကျသူ)

ငယ်ငယ်က မှတ်သားသင်ယူခဲ့ရသည် -

အတိုင်းအတာကို တထွာ၊ တထောင် စသည်။

အလေးချိန်မှာ အစိတ်သား၊ ငါးဆယ်သား၊ တပိဿာ စသည်။

အကွာအဝေးဆို တတိုင်၊ ခရီးတသောင်း စသည်။

မြို့သွား ကျောင်းနေ သင်္ချာသင်ရသည်။

၁၂ လက္မ ၁ ပေ၊ ၃ ပေ ၁ ကိုက်၊

၈ ဖါလုံ ၁ မိုင်

၁၆ အောင်စ ၁ ပေါင်၊ ၂၈ ပေါင် ၁ ကွာတ။

ဆေးကျောင်းရောက်တော့ -

မီလီဂရမ်၊ ဂရမ်၊

မီလီလီတာ၊ လီတာ စသည်။

အိန္ဒိယရောက်တော့ -

ကီလို

လီတာ

ယူအက်အေရောက်တော့ -

မိုင်

ပေါင်

ဆေးပညာမှာ

အလေးချိန်နှင့် ထုထည် တိုင်းတာမှုများအတွက် မက်ထရစ်စနစ် (Metric system) ကို အသုံးပြုကြပါသည်။ ဒသမကိန်းအခြေခံ တွက်ချက်မှုများကို တိကျစွာ ပြုလုပ်နိုင်သောကြောင့် ဖြစ်ပါသည်။ အခဲပုံစံ ဆေးဝါးပမာဏများကို အလေးချိန် (ဒြပ်ထု) ဖြင့် တိုင်းတာပြီး အရည်ပုံစံ ဆေးဝါးများနှင့် သွေးပြန်ကြောသွင်း ဆေးရည်များကို ထုထည်ဖြင့် တိုင်းတာကြပါသည်။

ကီလိုဂရမ် (Kilogram - kg) - ခန္ဓာကိုယ်အလေးချိန်နှင့် အလေးချိန်ပေါ် မူတည်၍ ဆေးပမာဏ တွက်ချက်ရာတွင် အသုံးပြုပါသည်။ (၁ ကီလိုဂရမ် = ၂.၂ ပေါင်)

ဂရမ် (Gram - g) - ပမာဏများသော ဆေးဝါးများ သို့မဟုတ် လိမ်းဆေးဆီများအတွက် အသုံးပြုပါသည်။ (၁ ဂရမ် = ၁,၀၀၀ မီလီဂရမ်)

မီလီဂရမ် (Milligram - mg) - ဆေးပြားနှင့် ဆေးတောင့်များ၏ သတ္တိပမာဏ ပုံသေတိုင်းတာရာတွင် အသုံးအများဆုံး ယူနစ်ဖြစ်ပါသည်။ (၁ မီလီဂရမ် = ၁,၀၀၀ မိုက်ခရိုဂရမ်)

မိုက်ခရိုဂရမ် (Microgram - mcg သို့မဟုတ် µg) - ဟော်မုန်းများ သို့မဟုတ် သွေးကျဲဆေး အချို့ကဲ့သို့ အာနိသင် အလွန်ထက်သော ဆေးဝါးများအတွက် အသုံးပြုပါသည်။ (၁ မီလီဂရမ် = ၁,၀၀၀ မိုက်ခရိုဂရမ်)

လီတာ (Liter - L) - သွေးပြန်ကြောသွင်း ပုလင်း/အိတ်များ (IV drip bags) နှင့် ခန္ဓာကိုယ်မှ ထွက်ရှိသော အရည်ပမာဏကဲ့သို့ အရည်ပမာဏ အမြောက်အမြားအတွက် အသုံးပြုပါသည်။ (၁ လီတာ = ၁,၀၀၀ မီလီလီတာ)

မီလီလီတာ (Milliliter - mL) - ဆေးထိုးပြွန်များ၊ သောက်ဆေးခွက်များနှင့် သွေးပြန်ကြောသွင်း ဆေးစီးနှုန်းများအတွက် အရည်ပုံစံ ဆေးဝါးများတွင် အသုံးပြုပါသည်။ (၁ မီလီလီတာသည် ၁ စီစီ / cc နှင့် ညီမျှပါသည်။)

ဆေးပညာတိုးတက်လာပါသည်။ 

အတိုင်းအတာ ယူနစ် ခေါ် တန်ဖိုးတွေ အသေးစိတ်လာသည်။

မိုက်ခရိုနှင့် နာနို တိုင်းတာမှုများ

မိုက်ခရို တိုင်းတာမှုများ (10^(-6))

မိုက်ခရိုယူနစ်တခုသည် မူလယူနစ်တခု၏ သန်းပေါင်းတသန်းပုံ တပုံကို ကိုယ်စားပြုပါသည်။ ၎င်းကို ဂရိအက္ခရာ မူ (μ) ဖြင့် အမှတ်အသားပြုလေ့ရှိသော်လည်း၊ လက်ရေးဆိုးရွားမှုကြောင့် ဖြစ်ပေါ်လာနိုင်သည့် အန္တရာယ်ရှိသော ဆေးဝါးအမှားအယွင်းများကို ရှောင်ရှားရန် ဆေးရုံ/ဆေးခန်းများတွင် "mc" ဟု အသုံးပြုကြပါသည်။

မိုက်ခရိုဂရမ် (μ"g"  သို့မဟုတ် "mcg" ) - ဖင်တနီးလ် (Fentanyl)၊ လီဗိုသိုင်းရောက်ဆင်း (Levothyroxine) သို့မဟုတ် အက်ပီနက်ဖရင် (Epinephrine) ကဲ့သို့ အာနိသင် အလွန်ထက်သော ဆေးဝါးများအတွက် စံယူနစ်ဖြစ်ပါသည်။

မိုက်ခရိုလီတာ (μ"L"  သို့မဟုတ် "mcL" ) - ဓာတ်ခွဲခန်း သွေးစစ်ဆေးမှုများတွင် သွေးရည်ကြည် ပမာဏအနည်းငယ်ကို တိုင်းတာရန် အသုံးပြုပါသည်။

မိုက်ခရိုမီတာ / မိုက်ခရွန် (μ"m" ) - ဆဲလ်အရွယ်အစားများ (ဥပမာ - သွေးနီဥတဥ၏ အကျယ်သည် ၇ မိုက်ခရိုမီတာ ခန့်ရှိသည်) နှင့် ဗက်တီးရီးယားများ၏ အရွယ်အစားကို တိုင်းတာပါသည်။

မိုက်ခရိုအီကွိဗာလန့် (μ"Eq"  သို့မဟုတ် "mcEq" ) - သွေးနမူနာငယ်များအတွင်းရှိ သီးခြား အီလက်ထရိုလိုုက် (Electrolytes) များ၏ ဓာတုလုပ်ဆောင်မှုစွမ်းအားကို တိုင်းတာပါသည်။

နာနို တိုင်းတာမှုများ (10^(-9))

နာနိုယူနစ်တခုသည် မူလယူနစ်တခု၏ သန်းပေါင်းတထောင်ပုံ တပုံကို ကိုယ်စားပြုပြီး အက္ခရာ "n" ဖြင့် အမှတ်အသားပြုပါသည်။ ဤယူနစ်များသည် မော်လီကျူးများ၊ ဒီအန်အေ (DNA) နှင့် ဟော်မုန်းပမာဏများကို တိုင်းတာပါသည်။

နာနိုဂရမ် ("ng" ) - ဟော်မုန်းပမာဏများ (တက်စတိုစတီရုန်း၊ သိုင်းရွိုက်ဟော်မုန်း) နှင့် ကင်ဆာရောဂါ အမှတ်အသားများ (PSA) ကဲ့သို့ သွေးတွင်း ပါဝင်မှုပမာဏများကို တိကျစွာ တိုင်းတာပါသည်။

နာနိုမီတာ ("nm" ) - ဒီအန်အေ၏ အကျယ် (၂ နာနိုမီတာ)၊ ဗိုင်းရပ်စ်များ (၂၀–၄၀၀ နာနိုမီတာ) နှင့် ဆေးဘက်ဆိုင်ရာ လေဆာများတွင် သုံးသော အလင်းလှိုင်းအလျားများ အပါအဝင် မော်လီကျူးအဆင့် တည်ဆောက်ပုံများကို တိုင်းတာပါသည်။

နာနိုမိုးလ် ("nmol" ) - သွေးနမူနာအတွင်းရှိ မော်လီကျူး အရေအတွက် အမှန်ကို တိုင်းတာပြီး ဟော်မုန်း သို့မဟုတ် ဇီဝရုပ်ဖြစ်ပျက်မှုဆိုင်ရာ စစ်ဆေးမှုများတွင် မကြာခဏ အသုံးပြုပါသည်။

နာနိုလီတာ ("nl" ) - အဆင့်မြင့် ဓာတ်ခွဲခန်း စက်အလိုအလျောက်စနစ်များနှင့် အသေးစား အရည်စီးဆင်းမှုစနစ်သုံး ရောဂါရှာဖွေရေး ကိရိယာများတွင် အသုံးပြုပါသည်။

"ကောက်ချက်"

(၁)

ယူနစ် ခေါ် တန်ဖိုးတွေဟာ မူကွဲသဘောဖြစ်ပါတယ်။

တပိဿာ = 1.6329 kg = 3.6 lb = 100 ticals (local Burmese unit)

၁ မိုင် = 1.6 kilometers (1,609.3 meters)

၁ ဂါလံ (US liquid gallon) = 3.785 litres

(၂)

တိုးတက်ပြောင်းလဲခြင်းဟူသည်

ပိုပြီး တိကျလာရတယ်။

ပိုမို ကောင်းမွန်လာရတယ်။

ပိုပြီး မြန်ဆက်စေရမယ်။

အဓိက ပိုမှန်ရမယ်။

(၃)

အလားတူ မြန်မာစာမှာ

- စံကိုက်စာလုံးပေါင်းသတ်ပုံတွေရှိတယ်။

- မူကွဲစာလုံးပေါင်းသတ်ပုံတွေရှိတယ်။

- မူပြင်စာလုံးတွေရှိတယ်။

- မူပျက်စာလုံးတွေရှိတယ်။

- မူမှားတွေရှိတယ်။

အဲလိုဟာတွေကတော့ -

အလေးခိုးထားလို့ အလေးချိန်မပြည့်တာနဲ့ တူတယ်။ (ကန်တော့)

ဒေါက်တာတင့်ဆွေ