ပုဏ္ဏရိပ် လည်း မဟုတ်ပါ။
ပုဏ္ဏရိတ် လည်း မဟုတ်ပါ။
ပုဏ္ဍရိက်ပန်း ဖြစ်ပါသည်။
ပုဏ္ဍရိက်ပန်း အရောင်အမျိုးမျိုး ရှိပါသတဲ့။
ပုဏ်
ပုဏ္ဍရိက် – န /ပုန္နယိတ်/ သေးငယ်သော အပွင့်ကလေးများ စုပေါင်း၍ အဆုပ်လိုက် ပွင့်သော နွယ်ယောင် ပင်ယောင် တမျိုး။ [ပါ]
ပုဏ္ဍရိက်ကြာ – န /ပုန္နယိတ်ကျာ/ ကြာဖြူ။
ပုဏ္ဍကတိုက် – ကြိ /ပုန္နကာတိုက်/ နေအိမ်များတွင် နှောင့်ယှက်ခြောက်လှန့်စေနိုင်စွမ်းသည်ဟု ယုံကြည်သော ပယောဂ အစီအရင်ကို ပြုလုပ်သည်။
ပုဏ္ဏမာ – န /ပုန္နမာ/ ပြည့်ဝန်းသောလ။ လဝန်းပြည့်စွာထွက်သောနေ့။ လပြည့်နေ့။ [ပါ]
ပုဏ္ဏား – န /ပုန္နား/ အများအားဖြင့် ဗေဒင်ဟောခြင်း၊ အလှူခံခြင်း စသည်ဖြင့် အသက်မွေးလေ့ရှိသော ဗြာဟ္မဏဇာတ်ဝင် လူမျိုးတမျိုး။
ပုဏ္ဏားကွယ် – န /ပုန္နဂွယ်/ အိမ် အဆောက်အအုံများတွင် တံခါးပေါက် ဘေးတဖက်တချက်ရှိသော အကာ။
ပုဏ္ဏားကွယ်ကား – န /ပုန္နဂွယ်ကား/ ဇာတ်ခုံတွင် က ခွင်ဘေးတဖက်တချက်၌ အတွင်းဘေးတွယ်ခန်းကို မမြင်ရ စေရန် အသေချိတ်ဆွဲထားသော ပိတ်ကား။
ပုဏ္ဏားစားရိုန်းခို – န /ပုန္နားစားရိုန်းခို/ ပျော့ပျောင်း နူးညံ့သည့် ရိုန်းခိုတမျိုး။
ပုဏ္ဏားတိုင် – န /ပုန္နဒိုင်/ နှစ်ဦးနှစ်ဖက်က ခုံသဖုတ်ကဲ့သို့ အားကိုးတိုင်တည်ရာ ကြားလူ။ အခြေခံ အားကိုးမှီခိုရာ။
ပုဏ္ဏားတိုင်မေး – န /ပုန္နဒိုင်မေး/ ကစားမည့်သူများအနက် ခေါင်းဆောင်တဦးထား၍ ထိုသူအားမေးလှည့်ကျသူ တဦးက အကြောင်းအရာအလိုက် သစ်သီး၊ ပန်းစသည်တမျိုး၏အမည်ကို ပြောပြထားပြီး ကျန်ပါဝင်သူများက ထိုသူပြောထားခဲ့သော အမည်ကို မှန်း၍ခေါင်းဆောင်ထံ ပြောရသော ကစားနည်းတမျိုး။
ပုဏ္ဏေးမ – န /ပုန္နေးမ/ ပုဏ္ဏား အမျိုးသမီး။
ဒေါက်တာတင့်ဆွေ
Comments
Post a Comment