Time and Place နေရာဌာန ဝေးသောကြောင့်

(၁၀ နှစ်တိတိကစာ)

အိမ်ပြင်ထွက်ရတာ ဖေ့စ်ဘွတ်ထဲသွားလာရသလိုပဲ။ တနေ့က ရုံးတခုမှာ မြန်မာပြည်ကရုပ်ရည်နဲ့မို့ နာမည်ပြောပြီး မိတ်ဆက်တယ်။ ကျွန်တော် ဆရာ့ကိုသိပါတယ်တဲ့။ အော် ...
ကနေ့ ကားနဲ့ နှစ်နာရီခရီးဝေးတဲ့မြို့ကိုသွားတယ်။ ဖေ့စ်ဘွတ်ကနေ သိနေတယ်လို့ပြောတဲ့သူ ၄-၅ ယောက်တွေ့ခဲ့တယ်။ ဖေ့စ်ဘွတ်အလုပ်ကိုပါလုပ်ခဲ့ရတတ်တယ်။
ဆီးချိုသမားနဲ့ သွေးတိုးသမားကို အကြံပေးစကား ပြောခဲ့ရတယ်။ ပြည်တွင်းမှာ ဆရာဝန်ကြီးတွေနဲ့ တွေ့ဘို့နဲ့ စကားပြောဘို့ အချိန်ခက်တာလည်းပြောပြကြတယ်။ ပိုက်ဆံကုန်တာလည်း ပြောကြတာပေါ့။ အမေရိကမှာ ကျန်းမာရေးအာမခံမရှိရင် ခက်ကြတာကတော့ နေ့တိုင်း ကြားနေရတယ်။
ကျွန်တော်လည်း အဝေးကလူတွေကိုရော အနီးအနားကလူတွေပါ လေနဲ့သာ ကုပေးနိုင်တော့တယ်။
(၇) နှစ်ကြာသင်ထားရတဲ့ ဆေးပညာကို အသုံးချနိုင်တာ နိုင်ငံရေးထဲဝင်မလုပ်ခင်ကသာ ဆရာဝန်နဲ့တူတန်အောင်လုပ်နိုင်ခဲ့တယ်။ အဲတာ (၁၇) နှစ်သာကြာတယ်။
နောက် (၂၆) နှစ်ကတော့ တမျိုးတမည်။ ကြံဖန်လုပ်ရတယ်။ နေရတဲ့နေရာ အရေးပါတယ်။ အခွင့် ရှိ-မရှိကလည်းရှိသေးတယ်။ ကိုယ့်တိုင်းပြည်မဟုတ်တာက အဆိုးဆုံးပဲ။
ခုနေအခါ ပြည်တွင်းမှာဆိုရင် တရားဝင်ဖြစ်အောင် လုပ်လို့တော့ ရကောင်းရမယ်။ အချိန်ကြာမယ်။ ဇရာက ပိုပြီးအိုစာတော့မယ်။
နေရာဌာန ဝေးသောကြောင့် ...
အချိန်ကာလ ညောင်းသောကြောင့် ...
ဇာတာ ဇရာ အိုသောကြောင့် ...
ဒေါက်တာတင့်ဆွေ
၁၄-၈-၂၀၁၆

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog