မိုးခါးရေ

ဟုတ်ကဲ့ဆရာ မိုးခါးရေဆိုတာ ရှိလို့လားခင်ဗျ။ မိုးရေခါးတယ်ဆိုတာလည်း တခါမှမကြားဘူးပါခင်ဗျ။ အဲဒါ စကားအဖြစ်သုံးတာလားခင်ဗျ။ မိုးရေဆိုတာ။

အများမိုးခါးရေသောက်လို့ လိုက်မသောက်နဲ့ ဆိုဆုံးမစကားရှိတယ်။ သူများမှားတိုင်း လိုက်မမှားနဲ့။ သူများရူးတိုင်း လိုက်မရူးနဲ့။ သူများမိုက်တိုင်း လိုက်မမိုက်နဲ့လို့ ဆုံးမတာပါ။

မိုးခါးရေလိုက်ရှာတော့ ဒီလိုတွေ တွေ့ပါတယ်။ မိုးခါးရေ ဆောင်းဦးလှိုင်။ မိုးခါးရေ ဖြူဖြူကျော်သိန်း။

ကဗျာတွေလည်း တွေ့ပါတယ်။ ဓားတောင်တန်း ပန်းတခြင်းနဲ ့လမ်းထွင်းသွားကြမတဲ့ တချို့။ သစ္စာတရား မိုးခါးရေမှ မဟုတ်တာပဲ။ (မောင်လွမ်းဏီ)

နောက်တပုဒ်မှာ အများညီ ဤကို ကျွဲလို့ ဖတ်နေကြပြီလား မိုးခါးရေ မသောက်ဘူး ရောမမှာနေပြီး ငါကတော့ မိုးခါးရေ မသောက်နိုင်ဘူး။

နောက်တပုဒ်မှာ ဘယ်လမ်းကိုမှ ကျွန်တော် ရှေ့ဆက်မလှမ်းရဲတော့ဘူး မိုးခါးရေမသောက်ရင် ထမင်းမစားရဘူးလို့ အစ်ကိုကပြောတော့ ကျနော်စိတ်လေး သိမ်ငယ်သွားလိုက်တာ။

စာအုပ်စာရင်းတခုမှာ မြတ်လေးမောင် မိုးခါးရေ နဲ့ မိုးခါးရေ ဓမ္မပါလလို့လည်း တွေ့ပါတယ်။

ဇာတ်ဝတ္ထုတွေလည်း ရှိပါတယ်။ မိုးခါးရေအဆုံးအမဟာ အလွန်ထိရောက်တယ်။ မိုးခါးရေသောက်နေကြသူတွေကို အဝေးကြီး သွားရှာစရာ မလိုဘူး။ ဆောရီး။

အရင်က မိုဃ်းလို့လည်း ရေးပါတယ်။ လွယ်ကူအောင် မိုးလို့ပြောင်းရေးကြတယ်။ ခုခေတ်မှာတော့ ခက်ခဲအောင် တ ကို (တစ်)လို့ ရေးတဲ့ မိုးခါးရေ သောက်သူ များလှတယ်။

မိုးခါးရေ

မော်ဘို့ရာ လမ်းမရှိပါဘူး

မှန်းဂတိ ဆုတ်ကွာ

ဆန်းကလိ ယုဂ်အခါမှာ

မဟုတ်ထာ ပွင့်လင်း။

သဘောဖြောင့် ရေလိုက်ကြံရင်

ငွေပိုက်ဆံ ရှားတဲ့ခေတ်တွင်း။

မုသားကို အပြောသန်သည်

မနောကံ ပျက်ယွင်း။

လောကဓံ စက်တွင်းမှာ

လက်ငင်းပ မသွေ

ပြုမယ်ဆို မကြောက်ငြားပါဘူ့

တယောက်သား လဲလိုသေသေ။

မထောက်ထား ဆိုးဝါးချေသည်

မိုးခါးရေ အကုန်သောက်ထာမို့

ယုံလောက်ဘို့ ဘယ်သူ ဘယ်လူ

လောက မဖြူ။

ကောသလ စက်ပျော်သူရယ်

မက်တော်မူ သည်ကိန်းထင့်လေး။

မှတ်ချက် - အချုပ်တန်းဆရာဖေ (တစ်)ယောက်သားလို့ မရေးပါချေ။

ဒေါက်တာတင့်ဆွေ