တို့စာ တို့စကား တို့တိုင်းပြည်

(၁) လက်ရေတပြင်စီး(နေသည်)။ ။ "တစီး ပွားတည်း၊ တအိမ်ထောင်တည်းနေသည်။" ။ ရှေးက ထမင်း စားသောအခါ အိမ်ထောင်စုသားအားလုံးသည် ပန်းကန်ကိုယ်စီ မယူဘဲ ဗျပ်ခေါ် ယွန်းပန်းကန်ပြားကြီးထဲတွင် ကိုယ့်ထမင်းပုံနှင့်ကိုယ် ဝိုင်းဆုံစားသောက်ကြရာ တဖက်က ဆမ်းသော ဟင်းရည်တို့သည် တခြားတဖက်က ဆမ်းသော ဟင်းရည်တို့နှင့် တပြင်တည်း စီးဆုံ ပေါင်းစပ် သွားတတ်လေသည်။ ထို့သို့ လက်ရေ၊ ဟင်းရေ(ရည်) တပြင်တည်း စီးအောင် စားသောက် နေထိုင်ကြသည်ကို တင်စား၍ အိမ်ထောင်စု မခွဲမခြား၊ မောင်ဖွားတို့ စုပေါင်း၊ နေထိုင်လုပ်ကိုင် စားသောက်သည်ကို တင်စား၍ ဆိုသည်။ ဆိပ်ခဲတလင်း(ဖြစ်သည်။) ။ "ကတ္တပလတ်ဖော်မှ လေလွင့်သော မျောက်သည် လိပ်၏ပါးစပ်သို့ မိမိ တန်းဆာကို သွင်းရာမှ လိပ်က (စာမျက်နှာ ဆက်ရန်) (၂) လက်ရည်တပြင်တည်း - ကြိဝိ / လက်ယေ တဗျင်ဒီး / ဆိုးတူ ကောင်းဖက်အားဖြင့်။ သာအတူနာအတူ အညီအမျှအားဖြင့်။ လက်ရည်တူ - နဝိ / လက်ယေဒူ / လက်စွမ်းလက်စ အရည်အချင်း ချင်းချင်း တူညီသော။ - န / လက်ယေဒူ / လက်စွမ်းလက်စချင်း တူညီသူ။ လက်ရန်း - န / လက်ယန်း / အပြင်သို့ မကျူးမရောက်စေရန် လက်ကိုင်ရန် ပြုလုပ်ထားသော အကာတန်း။ (သင်္ဘော လက်ရန်း၊ လှေကားလက်ရန်း၊ တံတားလက်ရန်း၊ လှည်း လက်ရန...

၁။ ဆရာခင်ဗျား။ မကျန်ဘဲနဲ့ လို့ရေးတာမို့လားဆရာဗျ ၂။ မ နောက်မှာ ဘဲ ရေးရတာလားခင်ဗျ ၃။ မကျန်ပဲ က မမှားဘူးလား။ မကျန်ဘဲ ဖြစ်ရမှာ မဟုတ်ဘူးလားခင်ဗျ။ ၄။ မကျန်ပဲနဲ့ မကျန်ဘဲနဲ့  မြန်မာစာပေါ်ကတည်းက ပုံသေနည်း မရှိခဲ့ပါ။ ဖေါ်မြူလာ ၁ = ရေတွက်လို့ရရင် တစ် - မမှန်ပါ။ ပိုက်ဆံ တပြား၊ တကျပ်၊ တမတ်၊ တဆယ်၊ တရာတန်တွေ တရားဝင်ထုတ်ခဲ့တယ်။ ဖေါ်မြူလာ ၂ = ခငဂဒေပဝ မောက်ချပါ။  ခင်-ငူ-ဂေါ-ဒေါ-ပုံ-ဝ ဝိုက်ချမသုံးရလို့အထိကတော့ မှန်သေးတယ်။ ကျန်တာတွေကို မောက်ချနဲ့ မရေးရသလို ထင်ပြီး မှားနေကြတယ်။  - ကာတွန်း၊ သတင်းခေါင်းစဉ်နဲ့ ကျောက်ပြားစာတွေမှာ အဆင်သင့်တဲ့ ရေးချကို သုံးပါတယ်။ - အဲဒီ (၆) လုံးထဲမှာ (ဓ) မပါ။ နောက်ထုတ် သတ်ပုံစာအုပ်သစ်တွေမှာ (ဓာ) လို့သာရေးခိုင်းတယ်။ မမှန်ပါ။ ဓါတ်ပုံလို့ ရေးလည်း မှန်တယ်။ ဓါ နဲ့ ဓာ မူကွဲသာဖြစ်တယ်။ 'ဓာ' မဟုတ်ဘဲ 'ဓါ' လို့ရေးလည်း မှားသလိုလို။ 'ဖော်' မဟုတ်ဘဲ 'ဖေါ်' လို့ရေးရင် မှားသလိုလို။ ဓါတုဗေဒ မကြားဘူးသူတွေ။ 'ဓါးပြ' ရေးရင် 'ဖရင်း' လိုလို။ ရည်းစားဓါးပြ မကြည့်ဘူးသူတွေ။ နတ်သုဓါကို သတ်ပုံမှားရေးတာတွေ အမျိုးမျိုးတွေ့တယ်။ နတ်သုဒ္ဓာ မှားတယ်။ နတ်သုဓ္ဒာ မှားတယ်...

စီစီရီရီ / ရွှေမန်းဆီသို့ မှန်လားဆရာ စီ - ကြိ / စီ / ၁။ တယောက်နှင့် တယောက်၊ တကောင်နှင့် တကောင်၊ တခုနှင့်တခု၊ အစဉ်အလိုက် တည်ရှိသည်။ ယင်းသို့ တည်ရှိစေသည်။ "အောက်အပြင်၌ကား၊ ပတ္တမြားဖြင့် ပြီးသော အိုင့်ကို စီ၏။" နရ၊ ၂၇၇။ ၂။ အက္ခရာစာလုံးများကို နေရာတကျရှိအောင် ရေးသားသည်။ "စာချုပ်မှာလည်း မြန်မာကို အလျင်စရီ စီသည်။" လန်ဒန်၊ ဒု၊ ၄၂၇။ ၃။ ပုံနှိပ်ခဲစာလုံးကို လက်ဖြင့်ဖြစ်စေ၊ စက်ဖြင့်ဖြစ်စေ နေရာတကျ ထည့်သွင်းထားရှိသည်။ ၄။ အဆက်မပြတ် စုဝေးဖြစ်ပေါ်သည်။ "ပါးစောင်က အမြှုပ်စီအောင်၊ ဖွာလီစကား ပြောဟော၍။" ပုညဝတ်၊ ၂၀၂။ စီ - စည်း / စီ / တခုထက်ပိုသော အရာဌာနတို့တွင် စေ့စေ့မျှမျှတကျရှိသည်ကို ပြသော စကားလုံး။ "အစေ့အိမ်ကလေးများ တတန်းစီ ရှိသည်။" မြေဆီ၊ ၃၃။ စီကာပတ်ကုံး - ကြိဝိ / စီဂါပတ်ကုန်း / ပွဲ့ပွဲ့နွဲ့နွဲ့။ "ကုန်ပစ္စည်း၏ ဈေးသက်သာပုံကို စီကာပတ်ကုံး ပြောပြရမည်။" ကုန်စုံ၊ ၂၉။ စီကုံး - ကြိ / စီဂုန်း / သင့်လျော်ရာ ယှဉ်ဖက်ဖွဲ့နွဲ့ ရေးသားစပ်ဆိုသည်။ "ကုန်စင်ထင်ရှား၊ စကားပြေ စီကုံးပေအံ့။" တေ၊ ၃။ စီခြယ် - ကြိ / စီချယ် / (ကျောက်မျက်တို့ ကို) သင့်လျော်အောင် ဖက်တွဲတပ်...

တင်ထားတဲ့စာ = တို့ဟူးနွေး ကွန်မင့်တခု = အရမ်းကြိုက်သောပါဒေါက်တာ ဟုတ်။ အစားကောင်းကို လူတိုင်းကြိုက်နှစ်ကြပါတယ်။ အရေးအသားကောင်းကိုတော့ ခေတ်လူအများစုက မကြိုက်ကြပါ။ နမူနာတခုအဖြစ် ထောက်ပြဦးမယ်။ ချစ်သော နေ့တိုင်းလိုလို တွေ့နေရတဲ့စာလုံး။ အလယ်တန်းကျောင်းသားဆိုရင် ဝါစင်္က သင်ရကြရပြီ။ ၁။ နာမ် ၂။ နာမ်စား ၃။ နာမဝိသေသန ၄။ ကြိယာ ၅။ ကြိယာဝိသေသန ၆။ ဝိဘတ် ၇။ သမ္ဗန္ဓ ၈။ အာမေဍိတ် ၉။ ပစ္စည်း (နောက်မှ တိုးတာ) နာမဝိသေသန = ချစ်သော၊ မုန်းသော၊ ပူသော၊ အေးသော၊ ကောင်းသော၊ ဆိုးသော၊ တိုသော၊ ရှည်သော စသည်။ နာမဝိသေသနတိုင်းနောက်မှာ နာမ်ပါရတယ်။ ဥပမာ ပူသောမီး အေးသောရေ ကောင်းသောထမင်း ဆိုးသောထမင်း တိုသောသစ်ပင် ရှည်သောသစ်ပင် စသည်။ အင်္ဂလိပ်စာမှာလည်း A lovely kid ချစ်စရာကောင်းသော ကလေးငယ်။ ချစ်သောမောင်မောင် ရုပ်ရှင် ချစ်သောသူတယောက် သီချင်း ကွန်မင့်အရဆိုရင် ချစ်သော(ကြိုက်သော)တို့ဟူးနွေး။ စားစရာကို ချစ်တယ်(ကြိုက်သော)ပြောတာ သိပ်မကြားဘူးသေးပါ။ တို့ဟူးနွေးရောင်သူကိုလား၊ တို့ဟူးနွေးလက်ဆောင်ပေးသူကိုလား စဉ်းစားရပြီ။ Smile! "အရမ်းကြိုက်ပါတယ်" သို့မဟုတ်  "အရမ်းကြိုက်တဲ့ အစားအစာပါ" ချစ်သောဆိုသူတွေက လူတွေ။ လူတကာကိုချစ...

အဆင်းလှခြင်း၊ အပြင်ပန်း အလှအပနှင့် သပ္ပါယ်မှုကိုသာ အဓိကထား၍ အလေးပေး ရွေးချယ်မိသဖြင့် ရောက်ရာအရပ် သို့မဟုတ် လက်တွေ့ဘဝတွင် စားဝတ်နေရေးနှင့် အခက်အခဲ ရေရှည်ဒုက္ခနှင့် ကြုံတွေ့ရခြင်းကို ညွှန်းဆိုသော စကားပုံ ဖြစ်ပါသည်။ အထူးသဖြင့် အိမ်ထောင်ဖက် ရွေးချယ်ရာတွင် ရုပ်ရည်လှပမှုကိုသာ မက်မော၍ ရွေးချယ်လိုက်ပါက နောက်ပိုင်းတွင် စားဝတ်နေရေးနှင့် အိမ်ထောင်ရေး သာယာဝပြောမှုအတွက် ခက်ခဲတတ်ကြောင်း ဆုံးမလိုသည့်အခါ အသုံးများပါသည်။ အလားတူ အင်္ဂလိပ် ဆိုစကားနှင့် အသုံးအနှုန်းများ Beauty is only skin-deep (အလှအပဆိုသည်မှာ အရေပြားမျှသာ ဖြစ်သည်) — အပြင်ပန်း အလှအပသည် ရေရှည်အတွက် အနှစ်သာရ မရှိဘဲ စိတ်ဓာတ်နှင့် အကျင့်စာရိတ္တကသာ အဓိက ကျကြောင်း ထောက်ပြသော အသုံးအများဆုံး အင်္ဂလိပ် ဆိုစကား ဖြစ်ပါသည်။ Beauty will not boil the pot (အလှအပသည် ဟင်းအိုးကို ပွက်မလာစေနိုင်ပါ) — အပြင်ပန်း အလှအပတခုတည်းဖြင့် ဝမ်းရေးကို မဖြေရှင်းနိုင်၊ စားစရာ မဖြစ်နိုင်ဟု တိုက်ရိုက် ခိုင်းနှိုင်းထားသဖြင့် "လှတာမက်တော့ ညစာခက်" ဆိုသည့် သဘောနှင့် အနီးစပ်ဆုံး တူညီပါသည်။ All that glitters is not gold (ပြောင်သမျှ ရွှေမဟုတ်) — အပြင်ပန်း ကြည့်ကောင်းရုံ၊...

ဂျပန်နိုင်ငံတွင် (Cup Noodle) ရေအေးဖြင့် ပြုလုပ်နိုင်သော ခေါက်ဆွဲခြောက်ကို ထုတ်လုပ်လိုက်ပြီ  (၁) ရေနွေးဆူဆူ လိုအပ်ချက်ကို လျှော့ချပေးလိုက်သော (Hiyashi Cup Noodle) သစ်ကို စမ်းသပ်ကြည့်ခဲ့ကြပါသည်။ ယခုနှစ်သည် ဂျပန် ခေါက်ဆွဲထုတ်လုပ်ရေး (Nissin) ကုမ္ပဏီအတွက် သမိုင်းဝင်နှစ်တနှစ် ဖြစ်လာဖွယ် ရှိပါသည်။ နိစ်ဆင်း၏ ၅၅ နှစ်မြောက် နှစ်ပတ်လည်နေ့ ဖြစ်ရုံမျှမက၊ ကုမ္ပဏီ၏ ပထမဦးဆုံးသော ခပ်နူးဒယ်အေးကို စတင် ထုတ်လုပ်လိုက်သောကြောင့် ဖြစ်ပါသည်။ ခေါက်ဆွဲပျော့သွားစေရန် ရေနွေးဆူဆူ လိုအပ်သည့် ပုံမှန် ကပ်နူးဒယ်များနှင့် မတူဘဲ၊ ယခု ကပ်နူးဒယ်အေး ("Hiyashi" ဆိုသည်မှာ "အေးခဲထားသော" ဟု အဓိပ္ပါယ်ရပါသည်) သည် ရေအေးဖြင့် ပျော့သွားစေသည့် နည်းပညာသစ် (Cold Rehydration Method) ဟု ခေါ်သော မူပိုင်ခွင့်ရ ထုတ်လုပ်မှုနည်းစဉ်ကြောင့် ရေအေးတမျိုးတည်းကိုသာ လိုအပ်ပါတော့သည်။ ကပ်နူးဒယ် စားသောက်ရန်အတွက် ရေနွေးအိုး တည်လေ့ရှိကြသော ခေါက်ဆွဲခြောက် နှစ်သက်သူများအတွက် ရေအေးတမျိုးတည်း သုံးရသည့် နည်းလမ်းမှာ မျက်လှည့်ပြသကဲ့သို့ ထင်မှတ်စရာ ဖြစ်သော်လည်း၊ ပူပြင်းသော နွေရာသီလများတွင် ခေါက်ဆွဲဆာလောင်မှုကို ဖြည့်ဆည်းပေးနိုင်မည့် ကြိုဆိ...

ဒီနေ့ လက်ဖက်ရည်ဆိုင်မှာ လူသစ်တယောက်တွေ့တယ်။ သူကစကားနည်းတယ်။ အတော်လေးကြာမှ  "ဆရာ့ဆီမှာ စာအုပ်တွေရှိလား"  "ရှိတယ်။ စာဖတ်သလား။" "ဖတ်တယ်။" "ဘယ်လိုအကြောင်းအရာကို စိတ်ဝင်စားသလဲ" "သုတ" "ကောင်းတယ်" "ဆရာ့သားတယောက်ဆီမှာ စာအုပ်တွေ ပိုများတယ်။" လက်ဖက်ရည်ဆိုင်ကနေ အိမ်ပြန်ရောက်တော့ အဲဒီသားတယောက် ရောက်လာပြီးပြောတယ်။ သူငယ်ချင်းတယောက် သူ့သူငယ်ချင်းဆီမှာ စာအုပ်တွေရှိတယ်။ နေရာပြောင်းရမှာမို့ စာအုပ်တွေကို စာကြည့်တိုက်ခုကို လှူမလို့တဲ့။  သတင်းပေးတဲ့သူငယ်ချင်းဆိုသူက ဆက်ပေးတာနဲ့ စာအုပ်တွေ ရတော့မယ်တဲ့။ အရေအတွက် မနည်းဘူး။ မြန်မာလိုစာအုပ်တွေတဲ့။ စာဖတ်သူတွေဟာ ထိုင်ပြီးစာဖတ်နေရင်း "ဂျော့ချ်အိုဝဲလ်" နဲ့တွေ့မယ်။ "မောင်ထင်" နဲ့တွေ့မယ်။ "တဂိုး" နဲ့ တွေ့မယ်။ "ဇော်ဂျီ" နဲ့တွေ့မယ်။ စာဖတ်ချင်သူက တိုင်းရင်းသားတဦး။ ပုံ = နယူးဒေလီ ကျွန်တော့ရုံးက စာအုပ်စင်။ ဒေါက်တာတင့်ဆွေ

ကွန်မင့်တခု = စလောင်းက ပူနေရပြီ ဆရာရေ့ အိုး = ဟင်းချက်ရာ အဓိကပစ္စည်း စလောင်း = အိုးကို ဖုံးထားသည့် အဖုံး အိုးမပူသေးပဲ စလောင်းပူနေသည် ဆိုသည်မှာ သဘာဝအရ မဖြစ်နိုင်သကဲ့သို့ မသင့်တော်သော အခြေအနေကို ရည်ညွှန်းပါသည်။ အဓိကပုဂ္ဂိုလ် သို့မဟုတ် အဓိကအကြောင်းအရာက မတုံ့ပြန်သေးဘဲ၊ ဆက်နွယ်သူ သို့မဟုတ် အောက်လူက ပိုမို တုန့်ပြန်ခြင်း၊ ပိုမို စိတ်လှုပ်ရှားခြင်း၊ ပိုမို ဒေါသထွက်ခြင်း ကို ဆိုလိုပါသည်။ တနည်းအားဖြင့် – အဓိကမဖြစ်သေးဘဲ အနောက်ကလူက အလွန်အမင်း လှုပ်ရှားနေခြင်း ဟူ၍ သုံးကြသည်။ အဓိကပုဂ္ဂိုလ် သို့မဟုတ် အဓိကအရာ မတုံ့ပြန်သေးဘဲ ဆက်စပ်သူက ပိုမို တုံ့ပြန်ခြင်းကို ဆိုလိုသော စကားပုံ ဖြစ်ပါသည်။ မီးနှင့်တိုက်ရိုက်ထိတွေ့ရသော အိုးကမပူဘဲ မီးနှင့်မထိတွေ့ရသော စလောင်းကပူသကဲ့သို့ ကာယ ကံရှင်က မခံမရပ်နိုင် မဖြစ်ရဘဲ ဘေးလူကဝင်၍ မခံမရပ်နိုင် ဖြစ်သည်။ အိုးက မပူ၊ ဖုံးဖွက်ပူ - နှင့် အတူတူ။ ဥပမာ (၁) အီရန်နဲ့ အမေရိကန်စစ်ဖြစ်နေတာကို အမေရိကားမှာနေတဲ့ အမျိုးတွေအတွက် ပြည်တွင်းကနေ စိုးရိမ်ပူပန်နေကြသည်။ ဥပမာ (၂) More Catholic than the Pope (ပုပ်ရဟန်းမင်းကြီးထက် ပို၍ ကက်သလစ်ဆန်နေသည်) — အဓိက သက်ဆိုင်သူထက် ဘေးကလူက ပို၍ စိတ်ထက်သန်နေခြင်...

အစဉ်အဆက် ရေးလာခဲ့ကြတုဲ စာလုံးပေါင်း အခု "စင်ကပူ" တဲ့။ ကင်းစီး ခေါ် (-င်္) ရှာမရရင်လည်း "စင်ကာပူ" က တော်သေး။ "အိုးကမပူ စလောင်းပူ" လို့သာ ရှိတယ်။ အစဉ်အဆက် ရေးလာခဲ့ကြတဲ့ "မန္တလေး" ကို "မန်းလေး" တဲ့။ ပျက်ပျက်လာတာတာတွေ များပြီ။ မြို့အမည်တွေ၊ ဘုရားအမည်တွေပါ ပျက်ကုန်တယ်။ မှားရေးနေတဲ့အမည် သက်သေခံတွေ တင်ပြထားပါတယ်။ အများကြီး။ စာပျက်တော့ တွေးတောဆင်ခြင်မှု ပျက်တယ်။ မှန်အောင်မရေးတတ်သူတွေဘက်ကနေ ဆင်ခြေပေးသူတွေ၊ ရှေ့နေလိုက်ပေးသူတွေကလည်း ပေါတယ်။ အရေးထဲ အမှားထောက်ပြသူကို "တရားအတု" လာပြသူတွေကလည်း မနည်း။ တိုင်းပြည်ပျက်တော့မယ်။ ဒေါက်တာတင့်ဆွေ

စာရေးသူတွေ၊ စာဖတ်သူတွေသုံးလေ့ရှိကြတယ်။ လိုင်း။  အင်္ဂလိပ်ဘာသာစကား Line (လိုင်း) ဆိုသည့် စကားလုံးသည် စာပေ၊ ပြဇာတ်နှင့် ကဗျာနယ်ပယ်တို့တွင် မူလအဓိပ္ပါယ်အားဖြင့် "စာတကြောင်း" သို့မဟုတ် "စကားတခွန်း" ကို ညွှန်းဆိုခြင်း ဖြစ်ပါသည်။ ပြဇာတ်အနုပညာတွင် သရုပ်ဆောင်တဦးက စေတနာ၊ စိတ္တဇရုပ်နှင့် အသံနေအသံထား ပါဝင်စွာဖြင့် ပြောဆိုရသော စကားပိုဒ် သို့မဟုတ် စကားစုတခုကို "Line" ဟု ခေါ်ဆိုကြပါသည်။ စာရေးသူများနှင့် စာဖတ်သူများကြားတွင်လည်း စာအုပ်တအုပ် သို့မဟုတ် ပြဇာတ်တပုဒ်မှ အမှတ်တရဖြစ်ဖွယ်၊ လေးနက်ဖွယ် စာကြောင်းများကို ညွှန်းဆိုလိုသည့်အခါ "Iconic lines" သို့မဟုတ် "Famous lines" စသည်ဖြင့် သုံးစွဲလေ့ရှိကြပါသည်။ Lines from Shakespeare ရှိန်းစပီးယား၏ ထင်ရှားသော လိုင်း (စာကြောင်း) များ ဟင်းမလက် ပြဇာတ်မှ (From Hamlet) “To be, or not to be: that is the question.” (ဖြစ်သင့် သို့မဟုတ် မဖြစ်သင့်၊ ဒါဟာ မေးခွန်းတခုဘဲ။) “The lady doth protest too much, methinks.” (ဒီအမျိုးသမီး ငြင်းဆန်တာ ပိုလွန်းနေတယ်လို့ ထင်မိပါတယ်။) “Brevity is the soul of wit.” (တိုတိုတုတ်တုတ် ပြောတတ်ခြင်း...

တသင်းဆိုတာ ဘောလုံးသင်းလား။ တော့တင်ဟမ် ဘောလုံးသင်းကို စပါးလို့ ခေါ်တယ်။ တတင်းဆိုရင်​တော့ ၁၆ ပြည်ရှိတယ်။ တသင်း ဆိုသည်မှာ အုပ်စုတခု၊ အဖွဲ့တခု သို့မဟုတ် အသင်းတသင်း ဟု အဓိပ္ပာယ်ရပါသည်။ ပျိုမေတသင်း ကောက်စိုက်ဆင်း (ကဝိဓဇသတ်ပုံကျမ်း) တလင်း = (ညီညွတ်ပျံ့ပြူးသောမြေအပြင်)။ တလည်လည် = (အဖန်ဖန် အလဲလဲ)။ တလုံးလုံးလင်း = တလံးလံး = (အကြိမ်ကြိမ် အဖန်ဖန်) = [ပေါ]။ တလွှား = (အရပ်ရပ်အနှံ့အပြား)။ တသမတ် = (ပိုင်းခြားရပိတုံခြင်းမရှိ - တခါထည်းပြုလုပ်သည်)။ တသီးတခြား။ တသူကျော်မျှ = (လူတယောကျော်မျှ)။ တသက်လျာ = (အစိုးတပိုင်-တဧကာ)။ တသင်း = (အပေါင်းများစွာ)။ တသုန်း = (တစုတရုံး)။ တသွန် = (အကြွင်းမရှိအကုန်အစင်)။ တသွေ.ယောင်းယောင်း = (သွေခြောက်သည်)။ တအောက်လုံးလင်း = (အကြိမ်ကြိမ်အဖန်ဖန်) = [ပေါ]။ တအင်မချို့ = (တခုမျှချို့ယွင်းခြင်းမရှိ) = [ပေါ]။ ကောင်းပေစတကား။ တကယ်အမှန်။ တကဲ့မဟုတ်။ တစတစ။ တစာစာ။ တစီမှတ်ငှက်။ တခီခီ-တချီချီရယ်သည်။ တချက်ထည်း။ တဇင်းဇင်း။ တစိတ်တဒေသ။ တဇိုးတဇိ။ တဇိမ့်ဇိမ့်။ တဆိတ်စာ။ တပို့တွဲလ။ တပေါင်းလ။ တပေါင်းတစည်းထည်း။ တဖက်သတ်။ တဖက်သား။ တရံတဖန်း။ တရားတဘောင်။ တမုဟုတ်ခြင်း။ တရားခံ။ တရားလို။ တရှောင်ရှောင်။ တရုပ်တရ...

မေးခွန်းတခု = ဆရာ၊ ထိုင်းအစားအစာ Khao Soi (ข้าวซอย) ဆိုတာ ကျနော်တို့မြန်မာ့ အုန်းနို့ခေါက်ဆွဲကို ခိုးချပြီး [ခေါက်ဆွဲ -> Khao Soi] ဆိုလုပ်ထားတာလားဗျ AI ကို အရင်မေးပါမယ်။ Khao Soi (ข้าวဆอย) ၏ မူရင်းအစမှာ မြန်မာပြည်မှ ဆင်းသက်လာခြင်း ဖြစ်ပါသည်။ ထိုင်းနိုင်ငံမြောက်ပိုင်း (ဇင်းမယ်/ချင်းမိုင်) ၏ ထင်ရှားသော ခေါက်ဆွဲဟင်းလျာတခု ဖြစ်သော်လည်း သမိုင်းကြောင်းအရ မြန်မာ့ အုန်းနို့ခေါက်ဆွဲ နှင့် ရှမ်းခေါက်ဆွဲ တို့မှ အခြေခံကာ ဆင်းသက် ပြန့်ပွားသွားခြင်း ဖြစ်ပါသည်။ ယွန်းရှမ်း နှင့် တရုပ်မူစလင်တို့၏ လက်ရာ - ၁၉ ရာစု (ကုန်းဘောင်ခေတ်နှောင်းပိုင်း) တွင် မြန်မာပြည်မှတဆင့် ထိုင်းနိုင်ငံမြောက်ပိုင်းသို့ ကုန်သွယ်ကူးသန်း သွားလာခဲ့ကြသော ယွန်းရှမ်း (Shan) များနှင့် ကုန်သည် တရုပ်မူစလင် (ဟိုအမျိုးသား/ကွမ်ရှီ) တို့က ခေါက်ဆွဲချက်ပြုတ်နည်းကို သယ်ဆောင်သွားခဲ့ကြခြင်း ဖြစ်ပါသည်။ အုန်းနို့ခေါက်ဆွဲနှင့် ဆက်စပ်မှု - ထိုင်းမြောက်ပိုင်းသို့ ရောက်ရှိသွားသောအခါ မူရင်း အုန်းနို့ခေါက်ဆွဲတွင် ပါဝင်သည့် အုန်းနို့၊ မဆလာအရသာ၊ ကြက်သား/အမဲသား ဟင်းရည်တို့နှင့် ပေါင်းစပ်ကာ ဒေသတွင်းသုံး ခေါက်ဆွဲအဖြစ် ပြုပြင်ချက်ပြုတ်ခဲ့ကြသည်။ "ခေါက်ဆ...

  ကျုံးသွင်း နဲ့ ကြုံးသွင်း လေးလဲရှင်းပေးပါဆရာ။ ကြုံး ကြုံးပ – ကြိ / ကျန်းပ /  ထင်ရှားကျယ်လောင်စွာ ကြွေးကြော် အော်ဟစ်သည်။ “ခြင်္သေ့မင်းကား၊ ထွန်းဆင်းပြောင်ပြောင်၊ ရွှေဂူချောင်မှ၊ အန်ထောင်ကြုံးပ၊ ထွက်လေကလျှင်။” ပါမီ ၄၂။ ကြုံးဝါး – ကြိ / ကျန်းဝါး /  မိမိ၏ ဂုဏ်ကျေးဇူးကို မြှင့်မြှောက် ပြောဆို ကြွေးကြော်သည်။ “နတ်နှင့်လူတွင်၊ မတူမမြင်၊ ငါသာလျှင်ဟု၊ ချစ်ရှင်ဘုရား၊ သံကြုံးဝါးသည်။” ပြာဒိ ၂၀။ ကျုံး ကျုံး¹ – ကြိ / ကျန်း /  သိမ်းရုံး ပေါင်းစုသည်။ “ဆင်ချေး မြင်းချေး ကျုံးစေ။” နူ။ ၇။ “ဤတည်း အစ၊ တွင်မှ အဆုံး၊ ဂဏန်းကျုံးလည်း။” ပါမီ * ၇။ ကျုံး² – န / ကျန်း /  ၁၊ နန်းမြို့ကို ပတ်ရံတူးဖော်ထားသော မြောင်းကြီး။ (ရေကျုံး၊ ညွှန်ကျုံး၊ အခြောက်ကျုံးဟု သုံးမျိုး ပြားသည်။) ၂၊ ဆင်တို့ကို ဖမ်းလှောင်ရသော ကျင်းကြီး မြောင်းကြီး။ ဆင်တို့ကို ဖမ်းလှောင်ရာ သစ်တပ်။ “အောက်မားသွေးဆောင်၊ ကျုံးတွင်းလှောင်၏။” မဃ * ၃၀၀။ ကျုံးသွင်း – ကြိ / ကျန်းသွင်း /  ၁၊ တောဆင်ကို အောင်းဆင်မဖြင့် ဖြားယောင်း၍ ကျုံးတွင်းသို့ ခေါ်ယူသည်။ ၂၊ [ဥပမာ] မိမိလိုရာဘက်သို့ ပါအောင် သွေးဆောင် သိမ်းသွင်းသည်။ ဒေါက်တာတင့်ဆွေ

ဖတ်ကဖောင်း ဟု ရေးသားလေ့ရှိကြသော ထိုင်းဟင်းလျာ၏ မူရင်းသတ်ပုံနှင့် အမည်ရင်းမှာ Pad Kra Pao (ผัดกะเพရာ) ဖြစ်ပါသည်။ Pad (ผัด) - အကြော် / ကြော်ထားသော Kra Pao (กะเพรา) - ပင်စိမ်း (Holy Basil) မြန်မာပြည်တွင် ကြက်သား၊ ဝက်သား သို့မဟုတ် အမဲသားတို့နှင့် တွဲဖက်၍ "ဝက်ပင်စိမ်း"၊ "ကြက်ပင်စိမ်း" ဟု အလွယ်တကူ ခေါ်ဆိုကြပါသည်။ ထိုင်းစတိုင် ဝက်သားပင်စိမ်းကြော် (Pad Kra Pao) ဝက်နုတ်နုတ်စဉ်း၊ ကြက်သွန်ဖြူ၊ ငရုတ်သီး၊ ပင်စိမ်းရွက်တို့ဖြင့် အလွယ်တကူ မြန်မြန်ဆန်ဆန် ကြော်ချက်နိုင်သော အရသာရှိလှသည့် ဟင်းလျာတခွက် ဖြစ်ပါသည်။ ပုံမှန်အားဖြင့် ကြက်ဥကြော်၊ ထမင်းပူပူတို့နှင့် တွဲဖက်သုံးဆောင်လေ့ရှိကြသည်။ ပါဝင်သော ပစ္စည်းများ ဝက်နုတ်နုတ်စဉ်း - ၄၅၀ ဂရမ် (၁ ပေါင်) ပင်စိမ်းရွက် - ၁ ခွက်ခွဲ (ကျပ်ကျပ်သိပ်သိပ်) (ပင်စိမ်းနီ သို့မဟုတ် အခြား ပင်စိမ်းရွက်ဖြင့် အစားထိုးနိုင်သည်) ငရုတ်သီးစိမ်း - ၃ တောင့်မှ ၅ တောင့် (ပါးပါးလှီးထားပါ၊ အစပ်ကြိုက်သလို လိုတိုးပိုလျှော့ လုပ်နိုင်သည်) ကြက်သွန်ဖြူ - ၅ တောင့်မှ ၇ တောင့် (ဓါးပြားရိုက် သို့မဟုတ် ပါးပါးလှီးထားပါ) ကြက်သွန်နီ/နီလေး - ၁ ဥမှ ၂ ဥ (ပါးပါးလှီးထားပါ) ဟင်းသီးဟင်းရွက်ဆီ -...

  သံသရာတကွေ့ဝယ်ကသာ မူရင်းသီချင်းအမည်ဖြစ်ပါတယ်။ ဒေါက်တာတင့်ဆွေ 

ဆရာခင်ဗျား။ ကျုံးနဲ့ကြုံး ကြိမ်းဝါးနဲ့ကြုံးဝါး ဇဝေဇဝါဖြစ်နေရပါတယ်။ ရှင်းပြပေးစေလိုပါတယ်ခင်ဗျား၊ကျေးဇူးပါ။ ကြုံး ကြုံးပ – ကြိ / ကျန်းပ /  ထင်ရှားကျယ်လောင်စွာ ကြွေးကြော် အော်ဟစ်သည်။ “ခြင်္သေ့မင်းကား၊ ထွန်းဆင်းပြောင်ပြောင်၊ ရွှေဂူချောင်မှ၊ အန်ထောင်ကြုံးပ၊ ထွက်လေကလျှင်။” ပါမီ ၄၂။ ကြုံးဝါး – ကြိ / ကျန်းဝါး /  မိမိ၏ ဂုဏ်ကျေးဇူးကို မြှင့်မြှောက် ပြောဆို ကြွေးကြော်သည်။ “နတ်နှင့်လူတွင်၊ မတူမမြင်၊ ငါသာလျှင်ဟု၊ ချစ်ရှင်ဘုရား၊ သံကြုံးဝါးသည်။” ပြာဒိ ၂၀။ ကြိမ်း ကြိမ်း – ကြိ / ကျိန်း / ၁၊ မိမိ၏ဂုဏ်ကို ကျယ်သောအသံဖြင့် ထုတ်ဖော်မြွက်ဟ ပြောဆိုသည်။ စိတ္တနှင့်မာန်နှင့် မြွက်ဟ ပြောဆိုသည်။ “သဗ္ဗညုဘုရားသခင်ကို လွှတ်စေ ပညာအရာ ငါ့ကို တူသည်မရှိဟု ကြိမ်းတော်မူ၏။” ပါရာ၊ ၃၁။ ၂၊ အပြစ်ဆို မြည်တွန်သည်။ ၃၊ ခြိမ်းခြောက်သည်။ ကြိမ်းပ – ကြိ / ကျိန်းပ / မိမိ၏ဂုဏ်ကို အထင်အရှား ချီးမွမ်း ပြောဆိုသည်။ “တိမ်ညိုထစ်သကဲ့သို့ တန်းခိုးအရာ၌ ကြိမ်းပ တတ်သည်ဟု ချီးမွမ်းစရာဖြစ်သတည်း။” ပါရာ၊ ၁၀။ ကြိမ်းမောင်း – ကြိ / ကျိန်းမောင်း / လူတဖက်သား ကြောက်လန့်အောင် အော်ဟစ်ပြောဆိုသည်။ ခြိမ်းခြောက်သည်။ ကြိမ်းဝါး – ကြိ / ကျိန်းဝါး / ၁၊ ခြိမ်း...

Vibe အင်္ဂလိပ်စာလုံး ပေါ်ပြူလာဖြစ်လာတာ မကြာလှသေးပါ။  အရင်က ရှိထားပေမဲ့ အသုံးမများခဲ့ဘူးလို့ ထင်ပါတယ်။ ခေတ်သဘောအရ အဟောင်းတွေကို ပြန်ပြီးဆန်းသစ်တတ်ကြလေ့ရှိပါတယ်။ အခုစာလုံးကို မြန်မာပြည်သားတချို့လည်း သုံးလာကြတယ်။ ဘယ်လိုအဓိပ္ပါယ်ယူပြီး ရေးကြသလဲ မသိပါ။ Vibe စာလုံးမှာ အဓိပ္ပါယ်တွေများတယ်။ အထူးသဖြင့် Vibes (အများဝိဘတ်) ဟု သုံးနှုန်းလေ့ရှိပြီး သက်ရှိတို့ထံမှ ဖြာထွက်လာသော သို့မဟုတ် သက်ရှိတို့ကို တက်ကြွလှုပ်ရှားစေသော စိတ်ဓာတ်/ဝိညာဉ်ရေးရာ စွမ်းအားစု သို့မဟုတ် စိတ္တဇရိုက်ခတ်မှုကို ဆိုလိုသည်။ (ဥပမာ - လူသားတို့၏ စွမ်းအင်ကွင်းပြင်များ (energy fields) နှင့် ထိုမှ ဖြာထွက်လာသော စိတ္တဇရိုက်ခတ်မှုများ (vibes) အကြောင်း စိတ္တဗေဒသိပ္ပံ ပါမောက္ခမတဦး၏ စမ်းသပ်ချက်များ ပါဝင်သည့် စာအုပ်) ဆင်တူယှိုးမှား ပရိယာယ်ပုဒ်များ (Synonyms & Similar Words) Energy - စွမ်းအင် Aura - ကိုယ်ရောင်ကိုယ်ဝါ / ရောဂိစွမ်းအင် Nature - ပင်ကိုယ်သဘာဝ / စရိုက် Vibration(s) - တုန်ခါမှု / စိတ္တဇရိုက်ခတ်မှု Chi / Ki - ဇီဝဓာတ် / စိတ္တစွမ်းအင် (အရှေ့တိုင်းအယူအဆ) Spirit - စိတ်ဓာတ် / ဝိညာဉ် Light / Inner light - အလင်းရောင် / အတွင်းအလင်းဓာတ...

၁။ ဒီလို ဋ ကို ဋ နှစ်လုံးဆင့်တင်တာမမြင်ဖူးလို့ ရှိမရှိသိချင်ပါတယ်ခင်ဗျာ ဆရာအချိန်ရရင် ကျေးဇူးပြုပြီး ဗဟုသုတလေးအဖြစ်ပြောပြပေးပါဦးခင်ဗျ မသိပါ။ ပါဠိစာလုံးတွေ။ ကျွန်တော်က ပါဠိ မသင်ခဲ့ရပါ။  သိလိုတဲ့အခါ ပါဠိ-မြန်မာအဘိဓာန် လှန်ရတယ်။  လိုသေးရင် ဘုန်းတော်ကြီးတပါပါးကို လှမ်းမေးရတယ်။ AI ပုံပါ ပါဠိဂါထာသည် ခုဒ္ဒကနိကာယ၊ ဇာတကပါဠိ (ဇာတ်တော်ကြီး ၅၅၀)၊ မဟာနိပါတ် - သုဝဏ္ဏသာမဇာတ် (ဇာတ်အမှတ် - ၅၄၀) ထဲတွင် ပါရှိသော ဂါထာဖြစ်ပါသည်။ သုဝဏ္ဏသာမမင်းသားကလေးအား မြှားမှန်၍ မေ့မြောနေစဉ် မိဘနှစ်ပါးနှင့် ဗဟူသုန္ဒရီဒေဝီနတ်သမီးတို့က သစ္စာပြု သစ္စာကိရိယာပြုစဉ်အခါတွင် မိခင်ဖြစ်သူ ပါရိကာတာပသီမ က သားဖြစ်သူ သာမကို တွေးတောသနား၍ ရွတ်ဆိုခဲ့သည့် ဂါထာတော်ဖြစ်ပါသည်။ ပါဠိစာသား - ဃဋေသိ ဃဋေသိ၊ ကိံ ကရဏာ ဃဋေသိ။ အဟံ ပိ တံ ဇာနာမိ ဇာနာမိ။ (ပုံထဲတွင် "ဃဋေသိ" ကို အသံထွက်လွယ်စေရန် "ဂတ်ဋေသိ" ဟုလည်းကောင်း၊ "ကိံ" ကို "ကိန်" ဟုလည်းကောင်း အသံထွက်ညွှန်းဆိုပြထားခြင်း ဖြစ်ပါသည်။) ကျေးဇူး။ AI အဖြေစာထဲမှာ မြား နဲ့ မြှား မှားနေပါသည်။ ဟထိုး မပါရပါ။ AI ထောက်ပြပေးသည့်အတွက် ကျေးဇူးတင်ပါသည်။ "မြား" ဟု ရေးသား...

တင်ထားတဲ့စာ = Country That Eats Chickpeas the Most ကုလားပဲ အများဆုံး စားသုံးသော နိုင်ငံ ကွန်မင့်တခု = ကုလားပဲကို နိုင်ငံတကာမှာ ဘလိုနာမည်နဲ့ခေါသလဲဗျ သိလိုရမလား ပြန်စာ (၁) ကုလားပဲအမည် Chickpeas လိုပါရှိ။  Chickpeas ကို မြန်မာလို ဘာ့ကြောင့် "ချစ်ပဲ" လိုမခေါ်ကြသလဲ မသိပါ။ (၂) ဘလို မဟုတ်။ ဘယ်လို လို့ရေးရ။  ဘလို ဆိုတာ အဘလို၊ ဘကြီးလို။  ဘယ်လို၊ ဘယ်ကို၊ ဘယ်သို့ စသည်။ ဘယ်ကျော် ဘယ်ကြောင့် ဘယ်ကလာသလဲ ဘယ်ခြေ ဘယ်ဈေးလဲ ဘယ်ညာ ဘယ်တော့လဲ ဘယ်နံရောအခါ ဘယ်နယ်ကလဲ ဘယ်နှ (နှစ်) ခါရှိပြီလဲ ဘယ်ပြန်ညာပြန် ဘယ်ဘက်မျက်စိ ဘယ်လက် ဘယ်သန် ဘယ်သွားနေတာလဲ ဘယ်သို့ဘယ်ညာ ဘယ်သူဘယ်ဝါ ဘယ်သောအခါမှ အဘယ်ကြောင့် (၃) သူငယ်တန်းဖတ်စာ မေမေ ဘယ်က လာသလဲ။ မေမေ စျေးက လာသည်။ စျေးမှာ ဘာရှိသလဲ။ စျေးမှာ စားစရာ ရှိသည်။ ဘာ စားစရာတွေ ရှိသလဲ။ ဆား ရှိသည်။ သကြား ရှိသည်။ ငါး ရှိသည်။ အသား ရှိသည်။ ဘာတွေ ရှိသေးလဲ။ ဘူးသီး ပဲသီး ခဝဲသီး အာလူးတွေ ရှိသည်။ သခွါးသီးကော မရှိဘူးလား။ သခွါးသီးလဲ ရှိပါသည်။ မေမေ ဘာ ဝယ်ခဲ့သလဲ။ သားတို့ သမီးတို့ စားဘို့ စားစရာတွေ ဝယ်ခဲ့သည်။     ။ (၄) ဘယ် ရှေးဝဋ်ကြွေးတုံ့တင်၊ ချေပြီ ထင်ခဲ့ ခိုမီရာမဲ့၊ ရှုလှဲ့မ...

စောစောက ပိုက်ဆံ အသုံးစကားလုံးဟာ အိန္ဒိယ paisa ကနေလာပါကြောင်း တင်ပြထားတယ်။ အခုတခါ အသပြာ ခေါ် မန်းနီး။ "Money" (ငွေကြေး) ဟူသော အင်္ဂလိပ် စကားလုံး၏ မြစ်ဖျားခံရာသည် ရောမ နတ်သမီး Juno Moneta (ဂျူနို မိုနီတာ) ၏ အမည်မှ ဆင်းသက်လာခြင်း ဖြစ်ပါသည်။ ရောမ သမိုင်းတွင် - Juno Moneta သာသနာ့ကျောင်းတော်: ဘီစီ ၃ ရာစုခန့်တွင် ရောမမြို့ရှိ Juno Moneta နတ်သမီး၏ ကျောင်းတော် အနီး၌ ရောမနိုင်ငံ၏ ပထမဆုံးသော ဒင်္ဂါးပြား သွန်းလုပ်ရာ စက်ရုံ (Mint) ကို တည်ဆောက်ခဲ့ကြပါသည်။ Moneta မှ Money သို့: ထိုကျောင်းတော်တွင် သွန်းလုပ်သော ဒင်္ဂါးပြားများကို နတ်သမီး၏ အမည်ကို အစွဲပြု၍ Latin ဘာသာဖြင့် Moneta ဟု ခေါ်ဆိုခဲ့ကြသည်။ ယင်းမှတဆင့် Old French ဘာသာတွင် Moneie ဟု ပြောင်းလဲခဲ့ပြီး အင်္ဂလိပ်စာပေတွင် Money (ငွေကြေး) နှင့် Mint (ဒင်္ဂါးသွန်းလုပ်ရုံ) ဟူသော ဝေါဟာရများ ဖြစ်ပေါ်လာခဲ့ပါသည်။ Moneta ၏ အဓိပ္ပာယ်: Latin ဘာသာစကား Monere (သတိပေးသည် / အကြံပေးသည်) ဟူသော ကြိယာမှ ဆင်းသက်ခြင်း ဖြစ်သဖြင့် Moneta သည် "သတိပေးသူ / စောင့်ရှောက်သူ" ဟုလည်း အဓိပ္ပာယ် ရရှိပါသည်။ ရှေးဟောင်း သမိုင်းနှင့် ဝေါဟာရ ဆင်းသက်ပုံ (Etymology) ဆို...

သင်၏ အမာရွတ်များသည် သင့် အလှတရားကို မလျော့ပါးစေပါ။  ထိုအရာများသည် သင် ခံနိုင်ရည်ရှိခဲ့ ကြောင်း၊ ပြန်လည် ကျန်းမာ ပျောက်ကင်းခဲ့ကြောင်းနှင့်  ဆက်လက် လျှောက်လှမ်းနိုင်ခဲ့ကြောင်းတို့၏ သက်သေသာ ဖြစ်ပါသည်။  သင့်ကို ကျိုးပဲ့ ကြေကွဲစေခဲ့သည့် အရာသည်ပင် သင့်ကို ပိုမို သန်မာစေသည့် အစိတ်အပိုင်း ဖြစ်လာနိုင်ပါသည်။ ဂျပန်နိုင်ငံတွင် ကျိုးပဲ့သွားသော အရာဝတ္ထုများကို ရွှေဖြင့် ပြန်လည် ပြင်ဆင်လေ့ ရှိကြပါသည်။  ထိုအပြစ်အဆာကို ဝတ္ထုပစ္စည်း၏ သီးခြား လှပသော သမိုင်းကြောင်း အစိတ်အပိုင်းတခုအဖြစ် ရှုမြင်ကြပြီး၊  ယင်းကပင် ထိုအရာ၏ အလှတရားကို ပိုမို တိုးပွားစေပါသည်။ စိတ်ဓာတ် ကျဆင်းကြေကွဲနေသည့်အခါ ဤအချက်ကို စဉ်းစားအောက်မေ့ပါ။ ဒေါက်တာတင့်ဆွေ

ကမ္ဘာပေါ်တွင် ကုလားပဲကို အများဆုံး စားသုံးသော နိုင်ငံမှာ အိန္ဒိယနိုင်ငံ ဖြစ်ပါသည်။ အိန္ဒိယသည် ကမ္ဘာ့ ကုလားပဲ ထုတ်လုပ်မှုနှင့် စားသုံးမှု စုစုပေါင်း၏ ထက်ဝက်ကျော်ကို တနိုင်ငံတည်းတွင် စားသုံးလျက် ရှိပါသည်။ အိန္ဒိယနိုင်ငံ၌ စားသုံးမှု ထိပ်ဆုံးဖြစ်ရသည့် အကြောင်းအရင်း စိုက်ပျိုး ထုတ်လုပ်မှု: အိန္ဒိယနိုင်ငံသည် တနှစ်လျှင် မက်ထရစ်တန် ၁၃ သန်းကျော် စိုက်ပျိုး ထုတ်လုပ်ပြီး ကမ္ဘာ့ ကုလားပဲ သုံးစွဲမှု စုစုပေါင်း၏ ၇၀ ရာခိုင်နှုန်းခန့်ကို စားသုံးပါသည်။ အဓိက အစားအစာ: အမျိုးအစားနှင့် ချက်ပြုတ်ပုံအပေါ် မူတည်၍ Chana၊ Chhole သို့မဟုတ် Kabuli Chana ဟု ခေါ်ဆိုကြပြီး နေ့စဉ် မပါမဖြစ် အဓိက အစားအစာ ဖြစ်ပါသည်။ အိန္ဒိယနိုင်ငံတွင် စားသုံးသည့် ပုံစံများ နေ့စဉ် ဟင်းလျာများ: Chana Masala (ကုလားပဲဟင်းစပ်) နှင့် Chole Bhature (ကုလားပဲဟင်းနှင့် ပူရီမုန့်ကြော်) တို့မှာ လူကြိုက်များသော ဟင်းလျာများ ဖြစ်ကြပါသည်။ ကုလားပဲမှုန့် (Besan) အသုံး: ကုလားပဲကို အမှုန့်ကြိတ်၍ ပဲကြော် (Pakoras)၊ အချိုမုန့် (Besan Ladoo) နှင့် အကင်မုန့်များ ပြုလုပ်ကြပါသည်။ ဒေသအလိုက် အသုံး: မြောက်ပိုင်းတွင် ဟင်းချက်ရာ၌ အဓိက သုံး၍၊ အနောက်ပိုင်းတွင် မုန့်နှင့...

ကွန်မင့်တခုက ကမ္ဘာပေါ်မှာ အခက်ဆုံးလို့ အင်္ဂလိပ်ဘာသာနဲ့ ရေးပါတယ်။ သူဆိုလိုတာက မြန်မာစာ။ အခက်ခဲဆုံးဟာ ကိုယ့်မိခင်စာဖြစ်နေတာ ဂုဏ်မယူသင့်ပါလား။ အခက်ခဲဆုံးကို ကျွမ်းကျင်စွာရေးသားနိုင်ခြင်းဟာလည်း ဂုဏ်ယူစရာမဟုတ်ပါလား။ လေ့လာကြည့်တော့ မြန်မာစာက အခက်ခဲဆုံး မဟုတ်ပါတဲ့။ ကမ္ဘာမှာ အခက်ဆုံးစာတွေ စာရင်းရှိတယ်။ Mandarin Chinese မန်ဒရင်း တရုတ်ဘာသာစကား မန်ဒရင်း တရုတ်ဘာသာစကားသည် အသံနိမ့်မြင့်စနစ် (Tonal system) နှင့် ခက်ခဲနက်နဲသော စာလုံးသင်္ကေတ ရေးထုံးများကြောင့် အင်္ဂလိပ်စကားပြောသူများအတွက် ကမ္ဘာပေါ်တွင် သင်ယူရန် အခက်ခဲဆုံး ဘာသာစကားအဖြစ် သတ်မှတ်ခြင်း ခံရပါသည်။ ကျွမ်းကျင်တတ်မြောက်သည့် အဆင့်သို့ ရောက်ရှိရန် လေ့လာချိန် နာရီပေါင်း ၂,၂၀၀ ခန့် လိုအပ်ပါသည်။ မန်ဒရင်း တရုတ်ဘာသာစကား အခက်ခဲဆုံး ဖြစ်ရသည့် အကြောင်းအရင်း အသံနိမ့်မြင့် ထွက်ဆိုမှု: မန်ဒရင်း ဘာသာစကားတွင် အသံနိမ့်မြင့် တိမ်းစောင်းမှု ၄ မျိုး ရှိပြီး စာလုံးတလုံးတည်းပင် အသံနိမ့်မြင့် ထွက်ဆိုပုံ မတူပါက အဓိပ္ပာယ် အမျိုးမျိုး ပြောင်းလဲသွားပါသည်။ စာလုံးသင်္ကေတ ရေးထုံး: စာလုံးပေါင်း ၅၀,၀၀၀ ကျော် ရှိသည့်အနက် အခြေခံ စာရေးစာဖတ် တတ်မြောက်ရန် စာလုံးပေါင်း ၃,၅၀၀ ခန့်...

ကဗျာဝတ္ထု ဒေါင်းနွယ်ဆွေးရေး အခဏ်း-(၁) (အမှာ) တယောက်သောသူက၊ ငါ့ထံမှ၊ အထဲနှလုံးတို့ကို၊ ထုတ်ယူသွားကတည်းက၊ လောကတွင် ရပ်တည်နေနိုင်ရန်မဖြစ်သော်လည်း၊ ကဗျာရေးရန်အတွက်သာ၊ ငါ့မှာ အသက်ရှင်နေရတော့သည် ဟု၊ စကားဆိုလှာတတ်သော ချစ်ညီ.... တဦးသို့ ။ ။ ကဗျာ၃ပုဒ်ကုံး ကဗျာစဉ်(၁) ယာဉ် ကဗျာဒဏ္ဍာရီ [၁] သင့်မယုံလည်း၊ သင်ယုံသောခါ၊ ဤကဗျာသည်၊ စီးလှာမျက်ရည်၊ စမ်းစမ်းစိမ့်လိမ့်တကား။ ။ [၂] သွယ်ခိုင်မြင့်သွန်း၊ ရေတံခွန်လည်း၊ ငွေကွန်ဇာနား၊ လှိုင်းပန်းပွားနှင့်၊ ကျောက်သားတောင်ခြေ၊ ပဲ,ယာ,ခွေတည့်၊ သဲမြေဂွမ်းနု၊ ပုလဲဥလည်း၊ အဖုအထစ်၊ အရစ်ရစ်လျှင်၊ သစ်မြစ်လမ်းလျှောက်၊ ဟောင်းလောင်းပေါက်နှင့်၊ အညှောက်စို့စို့၊ ထွားထွားစို့တည့်။ အို့... ဘယ်သူ့ခြေရာ၊ ဘယ်သူလာ၍၊ ဘယ်မှာသို့လျှင်၊ ခရီးနှင်လိမ့်၊ သမင်ရေသောက်၊ ကျားလည်းဟောက်ပေါ့၊ ရှေ့နောက်ဝန်းချာ၊ မျှော်လေရာကား၊ ကိုင်းဖြာယှက်ကုပ်၊ ကျွန်းအုပ်ညိုညို၊ ဟီးလေးခို၍၊ မယှုနေခြည်၊ နှင်းရည်မခ၊ ဤဒေသသည်၊ ကျောက်ဝကနုတ်၊ ရဲတိုက်တည်း။ ။ [၃] ကျွန်းအုပ်ပိတ်ဖုံး၊ လမ်းအဆုံးကား၊ ပွတ်လုံးကျောက်တိုင်၊ ပန်းခိုင်ပန်းခက်၊ နွှယ်ခြင်းယှက်မျှ၊ စွမ်းထက်ပညာ၊ ဗိသုကာ၏၊ လက်ရာစစ်စစ်၊ အမွေနစ်တည်၊ ခွေရစ်သွယ်အိမ်၊ ကြောင်လိမ...