ဈ

ကွန်မင့်တခု = ကို စလုံးယပင့်နဲ့ရေးတာလား၊ ဈ နဲ့ရေးတာလား ဆရာ။ ဆရာရေးတာ မှားလို့ မဟုတ်ပါဘူးဗျ ဆရာရေ အထင်မလွဲပါနဲ့

ကျွန်တော်ကိုယ်တိုင် သိချင်လို့သာ မေးတာ ဖြစ်ပါတယ် ခင်ဗျ

ဈ စာလုံးကို ရေးတိုင်း အမေးခံရတယ်။ ဟုတ်တယ်။ ဈ အစစ်မဟုတ်ပါ။

ကျွန်တော်က ကွန်ပြူတာမှာ ဇော်ဂျီဖါင့်နဲ့အရေင်ရေးပြီး၊ ဖေါင့်ကွန်ဘာတာနဲ့ ပြင်ပြီးမှ တင်ပါတယ်။ ဈ စာလုံးကို ရွေးချိန်မရတတ်ပါ။ အခုတော့ ကြိုးစားနေပါတယ်။

ကွန်မင့်များ

၁။ အစဥ်အမြဲလေးစာလျှက်ပါ

လေးစားလျက်ပါလို့ ရေးရ။

၂။ ကျမကပင်စင်စားဆရာမအိုပါ ကလေးတွေကကျမကို တခုရေးတာမှားနေတယ် စသတ်ကျန်ခဲ့လို့ဆိုတော့ကျမဝမ်းနည်းရုံပါဘဲ ဆရာတို့လို ကလောင်စွမ်းထက်သူတွေရေးလာပြမှ သူတို့ကိုပြပြီး နီးစပ်ရာတွေကိုဆုံးမနေပါတယ်ရှင့်

၃။ တတုံးတခဲ ဆိုတာကို တစ်တုံးတစ်ခဲ လို့ ရေးကြတော့ ဖတ်ရတာ တော်တော် ဆိုးပါတယ် ခင်ဗျာ

၄။ အထူးဘဲကျေးဇူးတင်ပါသည်၊ တန်ဖိုးမဖြတ်နိုင်၊ ဖတ်နိုင်လို့ ဆရာ့အပေါ် ဝမ်းသာမဆုံးပါ။ စစ်ပြေးဘဝနဲ့ စာငတ်ပေငတ်နေစဥ် အခုလို လွယ်လင့်တကူဖတ်နိုင်လို့ ရှေ့ဘဝခရီးတိုးတက်အောင်မြင်ပါစေကြောင်း၊ နောက်နောင်လဲစာကောင်းပေကောင်းဆက်ဆက်ရေးပေးစေလိုကြောင်း၊ ကျန်းမာသန်စွမ်းပါစေ

၆။ မှန်လိုက်တာဆရာရယ် သက်ပုံတခုပြင်မယ်ဆိုရင် အနည်းဆုံးတော့ ဆယ်ယောက်လောက်ခေါင်းချင်းဆိုင်ရမှာပါ အနည်းဆုံးတယောက်လောက်တော့အမှားထောက်ပြနိုင်လောက်တဲ့သူပါမှာပါ ဘာဖြစ်လို့ ပုံမှား သက်ပုံမှားတွေ ပါလာနေရတာလဲ စာမတက်တာလား မစဥ်းစားတက်ကြတာလား ဘာပြောပြောခေါင်းညိတ်တဲ့အဖွဲ့လား

သတ်ပုံလို့ ရေးရ။ စာမတတ်လို့ ရေးရ။

၅။ ဟုတ်တယ် ဒေါက်တာရေ ကျွန်တော်တောင် ရေးရတာကြောင်တောင်တောင် ဖြစ်နေပြီ သူတိူ့ ဆရာ့ဆရာကြီးတွေကဘယ်အချိန်က သတ်ပုံတွေပြင်လိုက်မှန်းမသိအက္ခရာဧတို့ အက္ခရာသြတို့ကိုတောင် မသိကြတော့ဘူးဗျ

ကွန်မင့်တခုက ပြောပါတယ်။ ဆရာမတယောက်က ကလေးတွေကို စာသင်ပေးပါသတဲ့။ သဝေထိုးစလုံးယပင်း ဝစ္စနှစ်လုံးပေါက် ဈေး တဲ့။

ဈ ကို စမျဉ်းဆွဲလို့ မသိတော့ဘူးထင်တယ်။

ဈ

ဈမျဉ်းဆွဲဟု ခေါ်သည်။ ဇာ့မျဉ်းဇွဲ လို့ အသံထွက်ရသည်။

အွန်လိုင်း မြန်မာစာတနေရာမှာ စမျဉ်းဆွဲလို့ ရေးထာတာ မမှန်ပါ။

ပျိုးခင်းတေးသံ (ကလေးကဗျာ တင်မိုး)

=> ဈ -

ဈမြင်ဆွဲကလေး ဈေးကိုဝင်

ဈေးသည်မလေး မြင်

မြင်ပါသော်လဲ မဝယ်ရဲ

တခါတုန်းက ဈမြင်ဆွဲ

ဟော… သည်လိုပဲ။

ကွန်မင့်တခု = ဆရာဈေးအကြောင်းရေးတင်တာတွေ့မှ ကျွန်တော်လက်တွေ့ကြုံတာတစ်ခု(တခု) သတိရသွားတယ်ဗျ ဆရာမ စာသင်နေတာက "သဝေထိုး စလုံးယပ်ပင်း ဝက်စနှစ်လုံးပေါက် ဈေး" တဲ့ဗျ

ဈ = ဗျည်း သုံးဆယ့်သုံးလုံးတွင် ကိုးလုံးမြောက် ဗျည်း။ ဈမျဉ်းဆွဲဟု ခေါ်သည်။

အဲလိုဆရာ ဆရာမတွေ ကကြီးခခွေး ပြန်သင်ယူသင့်။

ဆရာဆရာမတွေကို သင်ပေးကြမဲ့ မြန်မာစာပါမောက္ခတွေက ညတည လသာသာကို ပြန်သင်ယူသင့်။

ဒေါက်တာတင့်ဆွေ