- ဆရာလည်း ခံစားချက်ပြင်းတယ်နော် တနဲ့တစ် ကို ပုံစံအမျိုးမျိုးနဲ့ ပြောပြနေတာ တခြားအကြောင်းလည်း ပြောပြပါအုန်း ရေးပါအုန်း ဆရာ
- ကျေးဇူးပါ ဆရာ ဘာလို့ အဲ့လောက် တနဲ့တစ် အလုပ်ရှုပ်နေလည်း(လဲ)ခင်ဗျ
- ဒေါက်တာတဆွေ
- တချို့က ဒေါက်တာတစ်ဆွေတဲ့။
- ဆရာလဲ ဒီအရွယ်ကျမှ တ တစ်လုံးနဲ့ တစ်နေတယ် ဒါနဲ့ဆရာတို့နေတဲ့မြို့မှာ တိုင်းရင်းသားတွေ တော်တော်ပေါတယ်နဲ့တူတယ် တဲ့။
နမူနာ ၄-၅ ခုသာ ထည့်ပါမယ်။ အများကြီး။
လူကြီးမင်းတို့ဟာ အမေနဲ့ သမီး တွဲလျှောက်လာတာကို သမီးကိုသာ မြင်တဲ့သူတွေ များစွာထဲက တယောက်ဖြစ်နေတယ်။
အဲလိုပြောတဲ့သူ တနှစ်မှာ တယောက်နှုန်လောက် လာတယ်။ မြန်မာစာရေးနေတာ ၁၀ နှစ်ဆိုတော့ ၁၀ ယောက်မက ရှိပြီ။ သူတို့က (တ) နဲ့ (တစ်) သာ မြင်ကြတယ်။
ဆိုရှယ်မီဒီယာမှာ စာတွေရေးတာက ၁၅ နှစ်ကျော်ပြီ။ ဖေ့စ်ဘွတ် မမွေးသေးပါ။ နိုင်ငံရေးကို စရေးတယ်။ နောက် ယမုန်နာဆေးခန်းအကြောင်း တင်တယ်။ ယူအက်စ်အေရောက်တော့ နိုင်ငံရေးလည်း လုပ်စရာမလို၊ ဆေးခန်းလည်းမရှိတော့ စာဖတ်အားလာတယ်။ အဲတော့ စာတွေရေးနေကြတာ သောက်သောက်လဲ မှားနေကြို သိလာတာနဲ့ စပြီးထောက်ပြပါတယ်။
မြန်မာစာသတ်ပုံရော သဒ္ဒါပါရေးတယ်။ သတ်ပုံက မျိုးစုံတယ်။ သက် နဲ့ သတ်၊ တတ်နဲ့ တက်၊ ထုပ် နဲ့ ထုတ်၊ အိပ် နဲ့ အိတ်၊ စီး နဲ့ ဆီး၊ ရာ နဲ့ ယာ၊ မှ နဲ့ က၊ ပန်း နဲ့ ပမ်း၊ အများကြီးပဲ။
သတ်ပုံမှားအကြောင်း စာအောက်မှာ ဖြစ်ကတတ်ဆန်း ကွန်မင့်တွေလာလေ့ရှိတယ်။ စသတ်တခုသာ မြင်ကြတယ်။ ဘလော့လိုက်မယ်။
နိုင်ငံရေး ဆက်ရေးတယ်။ ကိုဗစ် မဖြစ်ခင် ကိုရိုနာကတည်းက ရေးတယ်။ မမြင်တဲ့သူတွေက မမြင်ချင်ယောင်ဆောင်ကြတယ်။ ကင်ဆာအကြောင်း မရေးရတဲ့နေ့ မရှိ။ မသိချင်ယောင် ဆောင်ကြတယ်။
စကားလုံး နည်းနည်းပြောင်းလိုက်မယ်။ အမေနဲ့သမီး နှစ်ယောက်တွဲပုံထဲက သမီးကိုသာမြင်တဲ့သူတွေ များတယ်။
နိုင်ငံရေးစာ ရာဂဏန်း မနည်းတော့ပါ။ မြန်မာစာ ရေးတော့ နိုင်ငံရေး ရေးပါဦးတဲ့
ဆေးပညာစာ ထောင်ဂဏန်း မနည်းတော့ပါ။ ကိုယ်ဝန်ဆောင်စာ တအုပ်ထုတ်ထားပြီးပြီ။ ကင်ဆာစာ တရာကျော်ရှိပြီ။ နမူထဲကသူတွေလို လူတွေက ရောဂါတွေများတဲ့ အမေကို ဘေးချိတ်ပြီး သူ့သမီးကိုသာ ရောဂါကင်းတဲ့သူလို့ထင်နေကြတယ်။
သူ့သမီးမှာလည်း ရောဂါတွေနဲ့။
နာတာရှည်ရောဂါရှိသူက မြန်မာစာ။
နိုင်ငံရေးစာအုပ်နဲ့ သတ်ပုံစာအုပ် ထုတ်ပေးရဲသူ မရှိပါ။
ဒေါက်တာတင့်ဆွေ
Comments
Post a Comment