ပေ့ချ် နေရာက ကွန်မင့် တခု
မြန်မာစာမှာ စာလုံးခွဲပြီးမှ ရေးရတာကို မှတ်သားမိပါတယ်ဗျ။ဒါပေမဲ့ ဆရာကြီး ရေးတဲ့စာတွေမှာ မြန်မာစာပေအရ စာလုံးခွဲတာကို သိပ် မတွေ့ရလို့ပါ။
ခု ပိုစ့် အရ ဆိုရင်
• ကိုဗစ်ဆိုရင် ဆေးသုတေသနမလုပ်တာတွေ တော်မေးကြတယ်။ မြန်မာပြည်မှာဖြစ်နေတာကလည်း တယောက်တမျိုး။
ဆိုတဲ့ အနေအထားမှာ ဆေးသုတေသန နဲ့ မလုပ်တာတွေ ရဲ့ ကြားမှာ စာလုံး ခြားရမယ်လို့ ယူဆ မိတာဘဲဗျ။(မြန်မာစာပေရဲ့ အစဉ်အလာ အရပေါ့)
စာလုံးပေါင်းက ဘဲ အရေးကြီးတာလား။
တော် မေးကြတယ် ဆိုတာက အမှန်လား တော်တော် မေးကြတယ်ဆိုတာက အမှန်လားဗျ။ပြီးတော့ ပုဒ်ဖြတ် တွေကကော အရေးမကြီးဘူးလို့ ဆရာကြီးက ယူဆ ထားတာလားဗျ
Edit လုပ်ပြီးတော့ မပြင်နဲ့နော်။ကျွန်တော် Screenshot ရိုက်ထားပါတယ် ခင်ဗျ
Maung Zwe လူကြီးမင်းသဘော။ စာရိုက်ကျတာ၊ လွဲတာ တွေ့တိုင်း စည်းနဲ့ကမ်းနဲ့၊ စေတနာနဲ့ ပြင်ပေးနေသူတွေ ရှိတယ်။ သူတို့က ထောက်ပြ ပြင်ပေးကြရင် ပြန်ပြင်တယ်။ သူတို့က ပုံရိုက်ထားပြီး အပုပ်မချကြပါ။ ပြင်စရာနေရာကလည်း ၄ နေရာ။
၁။ ရိုးရိုး ဖေ့စ်ဘွတ်၊
၂။ ပေ့ချ်၊
၃။ တယ်လီဂရမ်နဲ့
၄။ ဘလော့ခ်။
ကျွန်တော်က ပြင်ပြီးတာနဲ့ သူတို့ရေးတာကို ဖျက်သွားကြတယ်။ ပြင်ပေးကြတာကလည်း အများအားဖြင့် မက်စင်ဂျာက။
လက်ပ်တော့ကနေ လုပ်လိုက်ရ၊ ဖုန်းကနေ လုပ်လိုက်ရ။ ဖုန်းပေါက်စလေးကလည်း ခက်တယ်။
ဖေါင့်ပြင်နေရတာကလည်း တမှောင့်။
မှားတာကို သတိရပြီး ပြင်နေတုန်း အမှားစောင့်၊ အငိုက်ဖမ်းသူတွေက ထောက်ပြနေကြပြီ။ နောက်ကျသွားပြီ။ လက်ကလည်း စက်မဟုတ်။
ဟိုအရင် ၁၀ နှစ်လောက်က ရေးခဲ့တာတွေမှာ ပြင်စရာတွေ ပိုများခဲ့တယ်။ အမှားမပါ ဒေါက်တာတင့်ဆွေ မဟုတ်လို့ ခဏခဏတင်ပြရသေးတာ။
ယတိဘေဒ ခေါ် ပန်ကျူယေးရှင်းစာ ၃ ခုလောက် တင်ထားတယ်။
ဒေါက်တာတင့်ဆွေ
Comments
Post a Comment