ရေး ကိုသက်မှုး
ဆို လားရှိုးသိန်းအောင်
တောင်ကြီးမြို့ကို
အလည်တခေါက် ကိုယ်ရောက်တယ်
ဆွေသစ်မိတ်သစ် စုံလို့ပါပဲကွယ်
ဖော်ရွေလာ သူတွေများထဲမယ်
ပါးချိုင့်ကလေးခွက်လို့ သူပြုံးပြနေတယ်
ချောတယ် ယဉ်တယ် အသက်လည်း ခက်ငယ်ငယ်
တကယ်ပါပဲ မောအလှပျိုနှမရယ်
စေတနာတွေ ပိုရှာလွန်းလှတယ်
ဒါကြောင့်လည်းဘဲ တို့ရင်းနှီးကာရယ်
ကိုယ်လည်းမင်းလိုပါဘဲ ရင်ထဲမယ်
စကားလက်စ ဆုံစည်းလာတော့ကွယ်
အကြင်နာတွေ ပိုကာတိုးလို့ရယ်
မမျှော်လင့်ဘဲနဲ့ ချစ်မေတ္တာတွေ ဖလှယ်
ခုတိုင်မပြယ်နိုင် စိတ်ထဲစွဲကာရယ်
အမူအရာလေး မခို့တရို့ ချစ်ပါသတဲ့ကွယ်
ရင်ဝယ်အို ဘယ်လိုမှန်း မသိတယ်
တမျိုးကြီးဘဲ ခံစားရတယ်ကွယ်
သူကလေး တက္ကသိုလ် ပြန်သွားပါရမယ်
အချစ်ကလေး သွားနှင့်စိတ်အားမငယ်နဲ့ကွယ်
မကြာမကြာ စာမှန်မှန်ရေးကြမယ်
ပညာရေး စနစ်သစ် မွန်မြတ်လှပေတယ်
မင်းလို မကြာခင် ငါလည်းမြို့ပြန်မယ်
စာမျှော်ရင်း လွမ်းစိတ်ဖြေဖို့ရွယ်
ငိုမယောင်ယောင် သူလေးသနားစရာ့ကွယ်
လက်ကလေးဝှေ့လို့ သူနူတ်ခွန်းဆက်ရှာတယ်။ ။
ဒီနေ့တောင်ကြီးစျေးနေ့ (J BOX)
ဒေါက်တာတင့်ဆွေ
Comments
Post a Comment