တင်နေကြတဲ့ ပုံများအကြောင်း

၁။ ထမင်းဝိုင်းပုံတွေကို ဘယ်သူကတင်တင် စားပွဲပေါ်က သောက်စရာကဘာလဲကို အရင်ကြည့်မိတယ်။ သူ့အရွယ် သူ့ဝိုင်းနဲ့သူတော့ မတူကြပါ။ တချို့က ကြွားဝါသလိုလိုနဲ့ ငါသောက်နိုင်တယ်၊ ငါစားနိုင်တယ်ဆိုပြီး တင်ကြပေမဲ့ တချို့က အထင်သေးကြလိမ့်မယ်။ ချင့်ချိန်ပါလေ။

၂။ လူတိုင်းမှာ ဘဝအဆစ်အပိုင်း ပြောင်းပါတယ်။ တချိန်မှာ ကိုယ်တင်ခဲ့တဲ့ပုံ၊ ပို့စ်ကို ကိုယ်တိုင် ပြန်ဖျက်လိုစိတ် ပေါ်လာတတ်ပါတယ်။ ကြမ်းကျွံလျှင် နုတ်၍ရသည်၊ စကားလွန်လျှင် နုတ်၍မရ။

၃။ နောက်တခုက လူမုန်းများတဲ့ သူပုံကို ကိုယ်ကလည်း မုန်းတယ်ဆိုပြီး တင်ကြတယ်။ ကျွန်တော့အမြင်မှာ အဲလိုလူမုန်းများသူကို တင်တဲ့သူက ကိုးကွယ်နေသလိုဘဲ။

၄။ နောက်တခုက ဘုရားပုံတွေ၊ ဆရာတော်ကြီးတွေပုံတွေနဲ့ တရားစာတွေရိုက်ပြီးတင်ကြတယ်။ တရားစာက အချက်အလက်နဲ့ သတ်ပုံမှားနေတော့ ဘုရားနဲ့ ဆရာတော်တွေကို ဘွဲ့တော် ဖျက်နေကြသလိုဘဲ။

၅။ ကျွန်တော်လည်း စာတွေ ရေးစမှာ သတ်ပုံအမှားတွေ ပါခဲ့လို့ လိုက်ပြင်နေရတာ မကုန်နိုင်ပါ။ ဆေးပညာစာတွေဆိုရင်လည်း အသစ်အသစ်တွေပေါ်လာတော့ အဟောင်း စစ်ဆေးနည်း၊ ကုသနည်းတွေက မမှန်တော့တာမျိုးလည်း ရှိတယ်။ ဆေးသုတေသနတွေအရ အသစ်ရေးရပါတယ်။

- နည်းပညာနဲ့ ဆေးပညာ သစ်လေကောင်းလေ၊ မှန်လေ။

- မြန်မာစာ ၁၉၈၀ ကျော်ကစပြီး၊ သစ်လေ လွဲလေ၊ မှားလေ။

- ခေတ်သဘောရှိတာ မှန်ပေမဲ့၊ ယဉ်ကျေးမှု သစ်တိုင်း မကောင်းတတ်ပါ။

ဒေါက်တာတင့်ဆွေ

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog