ဟက်ပီးနယူးယီးယား လုပ်ကြတယ်

အိမ်ပြင်မှာ နှစ်ကူးသွားပြီ။ တီဗွီထဲမှာလည်း နှစ်ကူးသွားပြီ။ နာရီတွေမှာလည်း နှစ်သစ်ရောက်ပြီ။

ဒေါ်မြမြအေးကတော့ ဘုရားစင်ရှေ့မှာ မိသားစုတခုလုံးအတွက် ဆုတောင်းပြီးပြီတဲ့။

လာနိုင်သမျှ မိသားစုအကုန် အိမ်လာညစာစားကြတယ်။ သမီးက မနေ့ကတည်းက စီမံနေတာ။

ငယ်စဉ်ကတော့ ဒီဇင်ဘာ ၃၁ ရက်ညဆိုပြီး ထူးခြားမှုကို သတိမထားခဲ့ပါ။ ဆေးကျောင်းရောက်တော့ တနှစ်တလေ သိတယ်။ တောမှာဆရာဝန်လုပ်စဉ်ကတော့ ဂရုမစိုက်အားပါ။ နှစ်ဆန်းတရက်မှာ လာတဲ့ရောဂါ နှစ်ပေါက်လာမှာကိုတော့ စိုးရိမ်တတ်ခဲ့ပါတယ်။ ဆရာဝန်လည်း အယူသီးတာဘဲ။ နယူးဒေလီမှာတော့ သားဖွားလူနာစောင့်ရင်း နှစ်ကူးတာမျိုးရှိခဲ့သေးတယ်။

စောစောက ကလေးတွေ အိမ်ပြင်မှာ ဗျောက်ဖောက်နေကြတာကို တံခါးချပ် အသာလှပ်ကြည့်လိုက်တယ်။ အပြင်မှာ အတော်ကိုအေးတော့ မထွက်ရဲပါ။ ၃၂ အက်ဖ်။ ရေခဲအမှတ်။

၂၀၂၃ ခုနှစ်အတွက် နောက်ဆုံးရတဲ့ မေးခွန်း

၁။ ဆရာ မင်္ဂလာပါရှင့် သမီးလေး gall stone in gall bladder 12.7mm ရှိပါတယ်ရှင့် ခွဲစိတ်ရန် လိုမလိုနှင့် ခွဲစိတ်ပြီးနောက်လိုက်နာရမည့် အချက်များကို မေးမြန်ချင်လို့ပါရှင့်

ဖြေလိုက်ပြီ။

၂။ ဟဲလို ဆရာ သွားဖုံးကင်ဆာက ဘယ်လို လက်ခနာတွေပြလဲရှင့်

ဘလော့မှာ ဖတ်နိုင်။

မေးတဲ့သူ (ဖြစ်တဲ့သူ) ကလေး-လူကြီး-အသက်-ကျား-မ အချက်အလက်နဲ့ မမေးရင် အဲလိုသာ ဖြေပါတော့တယ်။

၂၀၂၄ အတွက် ပဌမဆုံးမေးခွန်း ဘာဖြစ်မလဲ။

ကျွန်တော် ရေးလက်စ စာလေးတပုဒ် ဆက်ရေးနေချိန်မှာ နေ့ကူး၊ လကူး၊ နှစ်ကူးသွားပါတယ်။

လာကြတဲ့ကလေးတိုင်းက အပြန်မှာ ဟက်ပီးနယူးယီးယား လုပ်ကြတယ်။

ဒေါက်တာတင့်ဆွေ

Comments

ပဲ နဲ့ ဘဲ ဋီကာ

၁။ ပဲမှန်သမျှ ဘဲလား ဆရာခင်ဗျ အငြင်းအနေနဲ့မှ ဘဲ သုံးရတာလားဗျ ခွဲခြားမသိလို့ပါဆရာ ၂။ ဆရာခင်ဗျာ 'ပန်းပန်လျက်ပဲ' မှားတယ်ဆိုတော့ ပဲနဲ့ဘဲ အသုံးလေးရှင်းပြစေလိုပါတယ်ခင်ဗျာ ၃။ ပဲ နဲ့ ဘဲ သုံးတာ ပုံထဲကအတိုင်း မှန်လား မှားလား ဆိုတာ သိချင်ပါတယ် ဆရာ။ ၄။ ချောင်းအစွယ်လား ချောင်းအဆွယ်လားဆရာ မူကွဲတွေကလည်း ကွဲဘဲကွဲနိုင်လွန်း ၅။ မနက်စာ စားပဲဖြစ်ဖြစ် အဆာပြေလေးဖဲဖြစ်ဖြစ် - ဖဲဆိုတာ ဖဲရိုက်တာ။ ၆။ အထင်ကရအစားအစာ တစ်ခုဖဲလေနော် - တခုပဲ (ဘဲ) လေနော်လို့ ရေးရ။ ‘တစ်ခု’ ဆိုရင် မျိုမကျတဲ့အစားအစာ။ ဖဲဆိုတာ ဖဲရိုက်တာ။ ၇။ ငါပဲလုပ်မယ်လားဗျ ပဲ လား ဘဲ လား ဇဝေဇဝါဗျ ၈။ ပဲနဲ့ဘဲကို အမြဲမှားပါတယ် ဒါပဲလို့ပြောယင် အမှားပါလားရှင် - ပန်းပန်လျက်ပဲ မှားတယ်။ ဆိတ်အုပ်ကဗျာ။ - သူငယ်ချင်းလို့ပဲ ဆက်၍ခေါ်မည်ခိုင် မှားတယ်။ သူငယ်ချင်းလို့ပဲ ဆက်၍ခေါ်မည် ဆိတ်မ။ ဗေဒါလမ်း ညိုပြာပြာ လတာပြင်ခြေရင်း လှိုင်းတက်ရာ ဗေဒါတက်၊ လှိုင်းသက်ရာဆင်း။ ဆင်းရလဲ မသက်သာ အုန်းလက်ကြွေရေပေါလော၊ မျောစုန်လို့လာ အဆင်းနဲ့အလာ၊ ဗေဒါမ အထွေး အုန်းလက်ကြွေ သူ့နံဘေး၊ ဆောင့်ခဲ့ရသေး။ ဆောင့်ခဲ့လဲ မသက်သာ နောက်တချီ ဒီတလုံးက၊ ဖုံးလိုက်ပြန်ပါ မြုပ်လေပေါ့ ပေါ်မလာ၊ မဗေဒါအလှ တလံကွာ လှ...

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

ဂဏန်းရေးနည်း သင်ပုန်းကြီး

တရာ မှာ တယောက်လား တစ်ရာ မှာ တစ်ယောက် လား ဆရာ ပို့စ် တင်ပါမည်။ ၅-၁၀ ကြိမ်လောက်တော့ တင်ပြထားပြီး။ ဂဏန်းရေးနည်း ဘတ်နည်း ပုံစံ တစ် ၁ နှစ် ၂ သုံး ၃ လေး ၄ ငါး ၅ ခြောက် ၆ ခုနစ် ၇ ရှစ် ၈ ရှစ်ကိုး ၉ တဆယ် ၁၀ Numbers မှား မမှန် လွဲ လျှာရှည် https://burmese-spelling.blogspot.com/2023/06/numbers.html Numbers ဂဏန်းရေးနည်း (၂) https://burmese-spelling.blogspot.com/2022/08/numbers.html Numbers ဂဏန်းရေးနည်း (၃) https://burmese-spelling.blogspot.com/2024/01/numbers.html ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog