Career Education ကျောင်းသင်ဘာသာရပ်များ

ကျွန်တော် သူငယ်တန်းတက်တော့ ၁၉၅၄-၅၅ ခုနှစ်။ ဆယ်တန်းရောက်တော့ ၁၉၆၄-၆၅ ခုနှစ်။ အခုဆို နှစ်တွေ ကြာလှပြီ။ ကျောင်းမှာသင်ပေးတဲ့ ဘာသာရပ်တွေက ဟိုအရင်ကအတိုင်း။ မြန်မာစာ၊ အင်္ဂလိပ်စာ၊ သင်္ချာ၊ ပထဝီ၊ သမိုင်း။ စိတ်ကြိုက်မြန်မာစာ၊ ပန်းချီ စသည်။ ဝိဇ္ဇာဘာသာတွဲနဲ့ သိပ္ပံဘာသာတွဲက ဆယ်တန်းလောက်ရောက်မှ ဖြစ်လာတယ်။ အိန္ဒိယမှာနေခဲ့ရစဉ်က မြန်မာပြည်က ကျောင်းတွေမှာ သင်ပေးတာနဲ့ မတူတာတွေ တွေ့ခဲ့ရတယ်။ ယူအက်စ်အေ ရောက်ပြန်တော့ အတော်ကို မတူတာတွေ တွေ့ရပြန်တယ်။

ယူအက်စ်အေကျောင်းများ

Grade 5 ၅ တန်း

1. Art အနုပညာ 

2. English Language Arts အင်္ဂလိပ်စာ 

3. Health and Life Skills ကျန်းမာရေး4. Mathematics သင်္ချာ

5. Music ဂီတ

6. Physical Education အားကစား 

7. Science and Social Studies သိပ္ပံ နှင့် ဆိုရှယ်ဘာသာရပ်

8. additional optional subjects အပိုဆောင်းဘာသာရပ်

Social studies ဆိုရှယ်ဘာသာရပ် ထဲမှာ primarily history သမိုင်း၊ geography ပထဝီ၊ civics စီးဗစ်၊ economics စီးပွါးရေးနဲ့ sociology ဆိုရှယ်ဗေဒတွေပါတယ်။

Grade 10 Courses Summary ၁၀ တန်း

1. English Language Arts အင်္ဂလိပ်စာ၊

2. Social Studies ဆိုရှယ်ဘာသာရပ်

3. Mathematics သင်္ချာ

4. Science သိပ္ပံ

5. Physical Education အားကစား

6. Career Life Education ဘဝရှေ့ရေး

7. Fine Arts and/or an Applied Skills အနုပညာ 

8. One elective စိတ်ကြိုက်ဘာသာရပ်

Career Education ဆိုတာ ကျောင်းသားတွေကို အောင်မြင်၊ ပညာတတ်တဲ့ နိုင်ငံသားဖြစ်လာစေရေဒအတွက် သင်ပေးတာ။ ဘဝခရီးမှာ ကိုယ်နှစ်သက်ရာ ဖြစ်နိုင်တဲ့ ပန်းတိုင်ဆီကို စီမံလျှောက်လှမ်းနိုင်ကြစေဘို့ဖြစ်တယ်။ တဦးချင်း စိတ်ဝင်စားမှု၊ စာနာစိတ်၊ ပြည့်ဝခြင်းတွေပါတယ်။

Basic 12th Grade Curriculum ၁၂ တန်း

1. English အင်္ဂလိပ်စာ 

2. Mathematics သင်္ချာ

3. Science Physics or Science Elective ရူပဗေဒ သို့မဟုတ် ရွေးချယ်သိပ္ပံဘာသာရပ်

4. Social Studies (Economics) ဆိုရှယ်ဘာသာရပ် (စီးပွါးရေး)

5. General Elective  (Fine Arts/Music Technology/Computer Science/Physical Education) ရွေးချယ်ဘာသာရပ် (အနုပညာ/ဂီတ၊ နည်းပညာ/ကွန်ပြူတာ၊ သိပ္ပံ/အားကစား

6. Foreign Language (Spanish or French) နိုင်ငံခြားဘာသာစကား (စပိန် သို့မဟုတ် ပြင်သစ်)

General Electives ရွေးချယ်ဘာသာရပ်များ

1. Art Science & Health အနုပညာသိပ္ပံ နှင့် ကျန်းမာရေး

2. Criminal Justice ရာဇဝတ်တရားမျှတမှု

3. Business & Entrepreneurship စီးပွါးရေး နှင့် စွန့်ဦးစီးပွါးရေးလုပ်ငန်း

4. Internet Technologies & New Media အင်တာနက်နည်းပညာ နှင့် မီဒီယာသစ်

5. Health Sciences ကျန်းမာရေးသိပ္ပံ

ပညာရေးမှာ တာဝန်ရှိသူတွေ၊ ကျောင်းသားမိဘတွေနဲ့ ကျောင်းသူကျောင်းသာတွေ စဉ်းစားနိုင်ကြစေဘို့ တင်ပြပါတယ်။ တိုင်းသူပြည်သားတွေဟာ ပညာတွေ တစတစပိုပြီး တတ်မြောက်လာကြရပါမယ်။ ကနေ့လူငယ် နောင်ဝယ်လူကြီးဆိုတာ မပြောလည်း ကြီးပြင်းလာကြတာပါပဲ။ အနာဂတ်သည် လူငယ်တွေလက်ထဲမှာရှိသည်ဆိုတာလည်း မပြောလည်း ဖြစ်မှာ။ ဖြစ်သင့်တာက ပိုပြီးတတ်မြောက်သူတွေ၊ ပိုပြီးတော်တဲ့သူတွေ။ 

ကျွန်တော့်ဘဝခရီး ရှည်လှပြီ။ နောက်လူတွေက ပိုတော်လာကြသလား ခဏခဏစဉ်းစားမိတယ်။ ကောက်ချက် မချနိုင်ပါ။ 

လူတွေကို သိလိုရင် တိုင်းပြည်ကိုကြည့်။ လွတ်လပ်ရေးရပြီးတဲ့နောက်မှာ မြန်မာပြည် ပိုပြီးတိုးတက်လာပါသလား။ အဲတာ ပညာနဲ့ဆိုင်တယ်။ ပညာကောင်းတွေ ပညာစစ်တွေ တတ်မြောက်တဲ့ မျိုးဆက်တွေ မွေးထုတ်နိုင်ကြပါစေသတည်း။

မဖြစ်သေးတာက ပညာရေးဌာနတခုတည်းနဲ့ မဆိုင်ပါ။ တိုင်းသူပြည်သား အားလုံးနဲ့ဆိုင်တယ်။

ဒေါက်တာတင့်ဆွေ

၂၉-၂-၂၀၂၀