လင်္ကာနဘေ အသစ်ဖွေ၍

၁။ ဆရာခင်ဗျား နံဘေထပ်နဲ့ နဘေထပ် ဘယ်စာလုံးမှန်ပါသလဲဗျ

နဘေ လို့ ရေးရ။

နဘေထပ်စပ်နည်း

သူဇာ၊ မူယာ၊ ရူပါ၊ ယူကွာ။

ရိုးသား၊ ကြိုးစား၊ တိုးပွား၊ ကျိုးများ။

ပြောင်းလဲ၊ မောင်းလှဲ၊ တောင်းဆွဲ။

တမ်းတဆွေး၊ မှန်းဆငေး၊ လွမ်းရတေး။

ပျိုလေးမေ၊ ဆိုတေးခြွေ၊ ငိုကြွေးနေ။

တွဲခိုလေညှင်း၊ ရွှဲစိုဝေနှင်း၊ ဝဲပြိုခြွေဆင်း၊

နှစ်ကြာကြိတ်ပုန်း၊ ချစ်လာပိတ်ဖုံး၊ ပစ်ခွါဆိတ်သုဉ်း။

ပေါင်းသင်ပျိုးနှုတ်၊ လောင်းပင်ချိုးထုတ်၊ နှောင်းစဉ်ကြိုးကုတ်။

စိုးရှက်ကလိမုန်း၊ ခိုးဝှက်အကြည့်ပုန်း၊ ညှိုးလျက်မချိနုံး။

အပျိုဖြူရှင်ရာ၊ မငြိုငြူလျှင်ကွာ၊ နှစ်ကိုယ်တူယှဉ်ကာ။

ကျွန်တော်စပ်တာ မဟုတ်ပါ။ ကူးယူတင်ပြတာဖြစ်ပါတယ်။ ကျေးဇူး။

၂။ ဆရာ နပေထပ် ကဗျာ စပ်နည်းလေးတွေပေးပါလား

ကျွန်တော်က ကဗျာ မစပ်တတ်ပါ။ ကဗျာသမားတွေက တင်ထားကြတယ်။

ဖြည့်လိုသောဆန္ဒ

ဘဝသံသရာ၊ ဆက်တိုင်းမှာလျှင်

လင်္ကာနဘေ၊ အသစ်ဖွေ၍

စာပေရေးပြု၊ စာအနုဖြင့်

ပြည်မှု ပြည်တာ၊ ရွက်လိုပါ၏ (ဗန်းမော်ညိုနွဲ့)

ခေတ်စမ်းစာပေအရေးသားသစ်ဟာ တာရှည်ခံတယ်။ ကနေ့ပြန်ကြည့်ရင် ဂန္ထဝင်မြောက် နဘေ၊ ကာရန်၊ အလင်္ကာနဲ့ ရေးတဲ့ စာတွေနောက် စကားပြေခေတ်မှာ ခေတ်စမ်းစာတွေက သမိုင်းဝင် နေရာရခဲ့ပါတယ်။

အဲဒီနောက်မှ မြန်မာစာပေဟာ မုန်တိုင်းတိုက်ခတ်ဖျက်ဆီးခံရလိုက်ရတယ်။ လူလုပ် မုန်တိုင်း။

နဘေ၊ ကာရန်၊ အလင်္ကာမြောက်တဲ့ ကဗျာတွေနောက်မှာ ကာရန်မဲ့ကဗျာ ပေါ်လာတယ်။ အဲဒါလည်း တာရှည်ခံခဲ့သေးပါတယ်။ ဒါပေမဲ့ လူလုပ် မုန်တိုင်းကြောင့် ကနေ့တော့ စာလုံးပေါင်းသတ်ပုံမဲ့ကဗျာတွေ နေရာရလာတယ်။

ရသစာတွေလည်း တာရှည်ခံခဲ့ပါတယ်။ ဒါပေမဲ့ လူလုပ် မုန်တိုင်းကြောင့် ကနေ့တော့ မှန်ခဲ့တာတွေကို မှားအောင်ပြင်ထုတ်ခြင်းက ပိုက်ဆံတွေ၊ လိုက်တွေ၊ ဖေါ်လိုတွေ၊ ပေ့ချ်တွေ ရနေပြီ။ ခေတ်ရမ်းစာပေဟု ခေါ်ပါမည်။

ဒေါက်တာတင့်ဆွေ

Comments

ဝိဘတ်များ

ရေး မြို့ကကြိုဆိုပါ၏ နဲ့ ရေးမြို့မှ ကြိုဆိုပါ၏ ဘယ်ဟာအမှန်လဲဆရာ ရန်ကုန်မြို့က ကြိုဆိုပါ၏စာကို တင်တယ်။ ကွန်မင့်တွေလည်း များတယ်။ မက်စင်ဂျာကနေလည်း လာတယ်။ တချို့က နားမလည်။ အမှားကိုသာ မှန်တယ်ထင်ပြီး ရေးကြတယ်။ မတတ်နိုင်။ မှ နဲ့ က ကို ၂၀၁၇ ကတည်းက တင်ပြထားပြီးပါပြီ။ ကို နဲ့ အား လည်းရေးထားတယ်။ ရ နဲ့ က မှားနေကြပြန်တယ်။ နာမ်၊ နာမ်စားတို့၏ နောက်၌တည်၍ ၄င်းတို့သည် ကတ္တားဖြစ်သည်၊ ကံဖြစ်သည် စသည်ကိုလည်းကောင်း၊ ကြိယာ၏ နောက်၌တည်၍ ၄င်းကြိယာ၏ ကာလနှင့် အမျိုးအစားကို လည်းကောင်း ဝေဖန်ပိုင်းခြားပြသော စကားလုံးကို ဝိဘတ်ဟု ခေါ်သည်။ ဝိဘတ် (၂) မျိုး ရှိသည်။ ၁။ နာမ်ဝိဘတ် ၂။ ကြိယာဝိဘတ် နာမ်ဝိဘတ် နာမ်၊ နာမ်စားတို့၏ နောက်၌တည်၍ ၄င်းတို့သည် ကတ္တားဖြစ်သည်၊ ကံဖြစ်သည် စသည် ဝေဖန်ပိုင်းခြားပြသော ဝိဘတ်ကို နာမ်ဝိဘတ်ဟု ခေါ်သည်။ နာမ်ဝိဘတ် (၁၇) မျိုး ရှိသည်။ 1. ကတ္တားဝိဘတ် 2. ကံဝိဘတ် 3. ထွက်ခွာရာပြဝိဘတ် 4. ရှေးရှုရာပြဝိဘတ် 5. ဆိုက်ရောက်ပြဝိဘတ် 6. အသုံးခံပြဝိဘတ် 7. အကြောင်းပြဝိဘတ် 8. လက်ခံပြဝိဘတ် 9. နေရာပြဝိဘတ် 10. အချိန်ပြဝိဘတ် 11. ပိုင်ဆိုင်ခြင်းပြဝိဘတ် 12. လိုက်လျောပြဝိဘတ် 13. ယှဉ်တွဲပြဝိဘတ် 14. ခွဲထုတ်ရာပြဝိဘတ် 15. ရည်စူးချက်ပ

ပဲ နဲ့ ဘဲ ဋီကာ

၁။ ပဲမှန်သမျှ ဘဲလား ဆရာခင်ဗျ အငြင်းအနေနဲ့မှ ဘဲ သုံးရတာလားဗျ ခွဲခြားမသိလို့ပါဆရာ ၂။ ဆရာခင်ဗျာ 'ပန်းပန်လျက်ပဲ' မှားတယ်ဆိုတော့ ပဲနဲ့ဘဲ အသုံးလေးရှင်းပြစေလိုပါတယ်ခင်ဗျာ ၃။ ပဲ နဲ့ ဘဲ သုံးတာ ပုံထဲကအတိုင်း မှန်လား မှားလား ဆိုတာ သိချင်ပါတယ် ဆရာ။ ၄။ ချောင်းအစွယ်လား ချောင်းအဆွယ်လားဆရာ မူကွဲတွေကလည်း ကွဲဘဲကွဲနိုင်လွန်း ၅။ မနက်စာ စားပဲဖြစ်ဖြစ် အဆာပြေလေးဖဲဖြစ်ဖြစ် - ဖဲဆိုတာ ဖဲရိုက်တာ။ ၆။ အထင်ကရအစားအစာ တစ်ခုဖဲလေနော် - တခုပဲ (ဘဲ) လေနော်လို့ ရေးရ။ ‘တစ်ခု’ ဆိုရင် မျိုမကျတဲ့အစားအစာ။ ဖဲဆိုတာ ဖဲရိုက်တာ။ ၇။ ငါပဲလုပ်မယ်လားဗျ ပဲ လား ဘဲ လား ဇဝေဇဝါဗျ ၈။ ပဲနဲ့ဘဲကို အမြဲမှားပါတယ် ဒါပဲလို့ပြောယင် အမှားပါလားရှင် - ပန်းပန်လျက်ပဲ မှားတယ်။ ဆိတ်အုပ်ကဗျာ။ - သူငယ်ချင်းလို့ပဲ ဆက်၍ခေါ်မည်ခိုင် မှားတယ်။ သူငယ်ချင်းလို့ပဲ ဆက်၍ခေါ်မည် ဆိတ်မ။ ဗေဒါလမ်း ညိုပြာပြာ လတာပြင်ခြေရင်း လှိုင်းတက်ရာ ဗေဒါတက်၊ လှိုင်းသက်ရာဆင်း။ ဆင်းရလဲ မသက်သာ အုန်းလက်ကြွေရေပေါလော၊ မျောစုန်လို့လာ အဆင်းနဲ့အလာ၊ ဗေဒါမ အထွေး အုန်းလက်ကြွေ သူ့နံဘေး၊ ဆောင့်ခဲ့ရသေး။ ဆောင့်ခဲ့လဲ မသက်သာ နောက်တချီ ဒီတလုံးက၊ ဖုံးလိုက်ပြန်ပါ မြုပ်လေပေါ့ ပေါ်မလာ၊ မဗေဒါအလှ တလံကွာ လှ

အဘရောဂါ ကျဆုံးပါစေ

ဒီစာကို ခေါင်းစဉ်အမျိုးမျိုးနဲ့ အခါတရာလောက်တင်ပြီးသား။ စစ်ယူနီဖေါင်းနဲ့လူတွေ့တိုင်း အဘခေါ်ခိုင်းတာ နဝတ ခေတ်ကစတယ်။ နောက်တော့ လူတွေ့တိုင်း အဘဖြစ်လာတယ်။ ကိုယ့်အဖွားမှာ အိမ်ထောင်ဘက်တွေ များရော။ မလုပ်ကောင်းပါ။ ကန်တော့။ မြန်မာစာမှာပါ အဘရောဂါ ကူးစက်လာတယ်။ အခုဘဲ တယောက်က အဘ။ အဘအသုံးဟာ ယဉ်ကျေးမှု စသဖြင့် အရင်လူတွေရေးသလို ရေးလာပြန်တယ်။ အဘအသုံး နည်းလာပြီ။ အသစ်က Hi နဲ့ နော်။ စောစောက ထပ်မံတင်ပြသေးတယ်။ သားနဲ့ သမီး။ ကျွန်တော်၊ ကျနော်၊ ကျမ၊ ဗျ၊ ခင်ဗျ၊ ခင်ဗျာ၊ ရှင်၊ ရှင့် အသုံးတွေ ပျောက်ကွယ်လာလာတာအတွက် အင်မတန် နှမြောပါတယ်။ အဘမခေါ်ရမနေနိုင်သူတွေ ကျွန်တော့ဆီတော့ စာမရေးသားကြစေလိုပါ။ အခေါ်ခံချင်သူတွေ အများကြီး။ သူများကိုအဘခေါ်သူတွေ ကြီးလာရင် အဘလိုလုပ်ကြလိမ့်မယ်။ အဘရောဂါ ပျောက်ပါစေသတည်း။ အဘခေတ် ကျဆုံးပါစေသတည်း။ ယဉ်ကျေးမှုဖြစ်တယ်၊ ဘာဖြစ်တယ် ညာဖြစ်တယ် ပြန်မရေးစေလိုပါ။ ဆရာဝန်ကို ဆရာလို့ မခေါ်ချင်သူတွေလည်း မမေးကြစေလိုပါ။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog