ဝ-လေးလုံး ဆုမ္မစာလင်္ကာ

မှတ်ပါရစ်စေ၊ မျိုးလေးထွေတို့

မကျေနိုင်ဆုံး၊ ဝ - တလုံးနှင့်

ပွားပြုံးနောက် - ဝ၊

တဝ, နှစ် ဝ၊ အဝဝ တည့်

ရှေ့ ဝ - ခုန်ကျော်၊ နောက် ဝ - မျှော်၍

ဝ - ပေါ် ဝိ - တင်၊ ဝိ - ကိုမြင်သော်

ဝါပင်ကြီးပေါက်၊ သုခရောက်လိမ့်

ရှေ့နောက် နှစ်ဝ၊ ဝ နှင့် ဝ - လျှင်

ဝဝ မကျေ၊ ဝ-လေ ဝ-လွင့်

စွင့်စွင့် ဝ - တွင်၊ ဝိ - မတင်သော်

ဝါပင် မပေါက်၊ ဒုက္ခရောက်လိမ့်

ရှေ့နောက် မြောက်တောင်

ထက်ခေါင်အောက်ရပ်

ခြောက်ထပ်မျက်နှာ

သိကောင်းစွာသည်

လေးဖြာဂေါတ္တ

သုခလိုငြား သကောင့်သားတို့။ ။ (ရှေးဆရာ)

၁။ အသေ ဝနာစ ဗာလာနံ။ <- ရှေ့ - ဝ

၂။ ပဏ္ဍိတာနဉ္စ သေ ဝနာ။ <- နောက် - ဝ

၃။ ဝိနယောစ သုသိက္ခိတော။ <- ဝပေါ် ဝိ တင်။

၄။ သုဘာသိတာစ ယာဝါစာ။ <- ဝါပင်ကြီးပေါက်။

(ရှေးစာကဗျာများ)

ဒေါက်တာတင့်ဆွေ