A Story of Enlightenment ဗုဒ္ဓ၏ဉာဏ်အလင်း

ဒီစာအုပ် အခန်း ၁ ကို တင်ပြစဉ်က ဆက်ရေးပါလို့ ကွန်မင့်တခုလာပါတယ်။ ဆက်မရေးဖြစ်သေးပါ။ အခုတော့ စာအုပ် ‘ရီဗျူး’ ကိုသာ ဘာသာပြန်တင်ပြပါမယ်။

The Legacy of the Buddha အခန်း (၇) ဗုဒ္ဓ၏ အမွေအနှစ်

Conclusion and Reflection နိဂုံးနှင့် ရောင်ပြန်ဟပ်မှု

သိဒ္ဓတ္ထ ဂေါတမ မြတ်စွာဘုရားအား ကြည်ညိုလေးစားသော အကျိုးတရားသည်၊ သူ့တသက်တာထက် ကျော်လွန်ပြီး ရာစုနှစ်များစွာ၊ လူ့ယဉ်ကျေးမှုများစွာ ဆက်လက် ရှိနေပါသည်။ မြတ်စွာဘုရား၏ ဆုံးမ သြဝါဒတော်များသည် ကမ္ဘာ့အဓိကဘာသာတရားတခုကို တည်ထောင်ပေးသည်သာမက ခေတ်သစ်တွင်ပါ ခံနိုင်ရည်ရှိသော လေးနက်သည့် အတွေးအခေါ်ဘောင်တခုကိုပါ ထူထောင်ပေးခဲ့ခြင်းဖြစ်ပေသည်။

ဘုရား ချမှတ်ခဲ့သော အခြေခံမူများမှာ အရိယာသစ္စာလေးပါးနှင့် မဂ္ဂင်ရှစ်ပါးတရားအပေါ် ဗဟိုပြုပါသည်။ ဉာဏ်ပညာ၊ ကရုဏာနှင့် အတွင်းငြိမ်းချမ်းမှုရရှိစေရန်ဖြစ်သည်။

ဗုဒ္ဓဘာသာသည် အာရှတလွှားသို့ ပြန့်နှံ့သွားခဲ့သည်။ ကမ္ဘာ့ဇာတ်ခုံတွင် လိုက်လျောညီထွေရှိမှုနှင့် စကြဝဠာဆိုင်ရာ တောင့်တချက်တခုဖြစ်သည်။ အိန္ဒိယလို နိုင်ငံမျိုးမှသည် ထိုင်း၊ ဂျပန်၊ တရုတ်နှင့် အခြား နိုင်ငံတွေမှာ အနုပညာ၊ ယဉ်ကျေးမှု၊ လူမှုရေးတန်ဖိုးများ ဘဝ၏ ရှုထောင့်အမျိုးမျိုးကို လွှမ်းခြုံပါသည်။ (စာထဲမှာ မြန်မာပြည်အမည်မပါ။)

အတွေးအမြင်မျိုးစုံသော ထေရဝါဒ၊ မဟာယာန၊ ဇင်အထိတို့သည် ဗုဒ္ဓဘာသာကို ပြရုပ်များဖြစ်ပေသည်။ အဓိပ္ပါယ်ဖွင့်ဆိုချက်များနှင့် အလေ့အကျင့်များ ကြွယ်ဝသော အနုပညာမြောက် ရောယှက်မှုများဖြင့် တခုစီတိုင်းမှာ ဗုဒ္ဓ၏မူလဉာဏ်အလင်းရမှုကို ထိန်းသိမ်းထားရှိမှုတခုစီ ပါရှိကြပေသည်။

မြတ်စွာဘုရား၏ဘဝကို လေ့လာပါက ပုဂ္ဂိုလ်ရေးဆိုင်ရာ ပြုပြင်ပြောင်းလဲမှုနှင့် ဝိညာဉ်ရေးတိုးတက်မှုအတွက် ဆွဲဆောင်မှုရှိသော စံနမူနာကို ရှာတွေ့ရှိရပါမည်။

သိဒ္ဓတ္ထမင်းသား၏ ခရီးလမ်းမှာ နန်းတော်ထဲကမင်းသားအဖြစ်မှ ဉာဏ်အလင်းရှိသောသမားတဦး ဖြစ်လာခြင်းမှာ လူသားများအတွက်လည်း ဇွဲလုံ့လ၊ စူးစမ်းလေ့လာခြင်းနှင့် ဆင်းရဲဒုက္ခ ပြွမ်းသည့် သဘောသဘာဝကို နားလည်ရန် အလားအလာရှိသည့် လေးနက်သော ဥပမာပေးပါသည်။

ဗုဒ္ဓက အစွန်းရောက်ဝါဒနှစ်မျိုးကို ငြင်းပယ်ခဲ့ပြီး၊ ဟန်ချက်ညီသော အလယ်အလတ်လမ်းစဉ် ချဉ်းကပ်ခြင်း နမူနာမှာ ခေတ်ပြိုင်လူ့အဖွဲ့အစည်းနှင့် သက်ဆိုင်သော ချဉ်းကပ်မှု ဖြစ်ပေသည်။

ယနေ့ကမ္ဘာကြီးတွင် ဗုဒ္ဓမြတ်စွာ၏ တရားဒေသနာတော်သည် ဆက်စပ်မှုကို လျှော့မတွက်သင့်ပါ။ ရုပ်ဝတ္ထုပိုလျှံမှု၊ လူမှုရေး၊ နိုင်ငံရေးမငြိမ်မသက်မှုများနှင့် စိတ်ပိုင်းဆိုင်ရာ ဖိစီးမှုတွေများလှတဲ့ ယနေ့ကမ္ဘာကြီးမှာ ဗုဒ္ဓ၏သွန်သင်ချက်များထဲက စိတ်ကို သတိရှိစွာနေတတ်မှု၊ ကျင့်ဝတ်သီလတွေနှင့် သက်ရှိအရာတို့သည် တခုနှင့်တခု ဆက်စပ်နေကြောင်း သွန်သင်မှုများမှာ သတ္တဝါတို့၏ ကိုယ်ရေးကိုယ်တာ ဒုက္ခအပေါင်းတို့မှ သက်သာရာရရန် လမ်းကြောင်းကို တင်ပြပါသည်။

ဗုဒဘာသာ၏အခြေခံသည့် ကမ္ဘာ့သတိပဋ္ဌာန်လှုပ်ရှားမှုသည် အားကိုးထိုက်သော ဉာဏ်အလင်း ကိုလည်းကောင်း စိတ်ကျန်းမာရေးကိုလည်းကောင်း၊ စိတ်လှုပ်ရှားမှုများကို ထိန်းသိမ်းရေးအလို့ငှာ မီးမောင်း ထိုးပြနေဆဲဖြစ်ပါသည်။

ထို့ပြင် မြတ်စွာဘုရားသည် ကရုဏာတရားနှင့် အဟိံသ အကြမ်းမဖက်ရေး အလေးပေးထားသည်။

ယနေ့ထိတိုင် မရေမတွက်နိုင်သော လူတဦးချင်းစီနှင့် လှုပ်ရှားမှုများကို ဆက်လက်လှုံ့ဆော်ပေးနေသည်။

လူမှုတရားမျှတမှု၊ သဘာဝပတ်ဝန်းကျင်ထိန်းသိမ်းရေးနှင့် လူသားချင်းစာနာမှုဆိုင်ရာ ကြိုးပမ်းမှုများ။ ဗုဒ္ဓ၏ဘဝနှင့် သွန်သင်ဆုံးမမှုများသည် ကျင့်ဝတ်နှင့်ညီသော လူနေမှုပုံစံကို လေးစားလိုက်နာရေးနှင့်

သဟဇာတဖြစ်မှုနှင့် အခြားသူများအပေါ် စာနာမှုဖြစ်စေရန် လှုံ့ဆော်ပေးပါသည်။

နိဂုံးချုပ်အားဖြင့် မြတ်စွာဘုရား၏ အမွေအနှစ်သည် တာရှည်ခံလေးနက်လှပါသည်။ နိစ္စဓူဝ၊ သဘောသဘာဝကို ထိုးထွင်းသိမြင်စေသည်။ ဖြစ်တည်မှုနှင့် ဉာဏ်အလင်းသို့ သွားရာလမ်းသို့ မီးရှူးတန်ဆောင် ပေးသည်။ ကမ္ဘာမှာ မျှော်လင့်ချက်နဲ့ လမ်းညွှန်မှုတွေ ပြည့်နှက်နေတတ်ပါသည်။

မသေချာမရေရာမှုတွေ၊ ကိုယ်ရေးကိုယ်တာ အသွင်ကူးပြောင်းရေး စံပြအဖြစ် ဝိညာဏပညာ၏ ရင်းမြစ်ဖြစ်သော ဗုဒ္ဓ၏ အဆုံးအမဖြစ်သည်။ အနှစ်နှစ်ထောင်ကျော်ရှိပြီဖြစ်သော်လည်း ယနေ့တိုင် ဆက်နွယ်မှု ရှိနေပါသည်။

"Buddha: A Story of Enlightenment" by Deepak Chopra

https://cdn.bookey.app/files/pdf/book/en/buddha.pdf

ဒေါက်တာတင့်ဆွေ