ရှိရိုး အနိုင်နိုင်ငံမှာ။ ။
သို့သော် ကိုယ့်ပြည်၊ ကောင်းကျိုးစည်ဘို့
စွမ်းရည်ရှိမျှ၊ သင်ငါစ၍
ဝိုင်းမ ထူထောင် ရပါမည်။ ။
နိုင်ငံဘေးဆိုး၊ ရန်မျိုးမျိုးကို
ရိုးကြေ ရေခန်း၊ မလွတ်တန်းဖြင့်
ဖမ်းဆီး ချေမှုန်း ရပါမည်။ ။
ပြည်သူ့ကောင်းကျိုး၊ သည်ပိုးဆောင်ရွက်
တိုးတက်သမျှ၊ အဝဝကို
အားရ ကြည်နူး တတ်ရမည်။ ။
သို့တစေမူ၊ ပြည်သူတို့တွက်
တဖက်ဖက်တွင်၊ ယွင်းကွက်အမှား
တွေ့လေငြားသော်၊ ကျော်လွှားဟန်ဆောင်
မမြင်ယောင်တည့်၊ ကောင်းအောင်မလို
ရေသာခိုလျက်၊ သင့်ကို ငါရွံ့
ငါ သင့်ရွံ့နှင့်၊ မဝံ့စကား
နှုတ်ပိတ်ထားကာ၊ မှားမှန်းသိလျက်
လက်ခုပ်မြောက်တီး၊ ကိုယ်ကျိုးပြီးဖို့
ရီးလေးလိုက်ကာ၊ ဝိုင်းဝန်းညာသော်
ငါနှင့် သင့်ထက်၊ ပြည်ကျိုးဖျက်သည့်
ရှက်ဖွယ် ဘယ်သူ ရှိချေလိမ့်။ ။ (မျိုးမြင့်ဆွေ)
#ရှေးစာကဗျာများ ကျေးဇူး။
ဒေါက်တာတင့်ဆွေ
Comments
Post a Comment