တောတွေ တောင်တွေ ပန်းတွေ လှခဲ့စဉ်က သတ်ပုံလည်း လှတယ်။
(၁)
တောင်တောရယ်သာ၊ မာလာကငုံဖူး။
တပင်ကိုနှစ်ပင်ယှက်တယ်၊ ကျေးငှက်ကမြူး။
အသုံးချ မြန်မာစာ စာပေဆောင်းပါးများ (တက္ကသိုလ် မောင်မောင်ကြီး)
ရန်ကုန်တက္ကသိုလ် မြန်မာစာဌာန မြန်မာစာပါမောက္ခ တက္ကသိုလ်မောင်မောင်ကြီးက မြန်မာစာအကြောင်း ရေးသားတာမှာ သူ့ကျောင်းသူကျောင်းသားတွေကို သမီး သမီး သား သားနဲ့ မခေါ်ပါ။ သူ့ကိုယ်သူလည်း ဆရာကြီးလို့ မသုံးပါ။
တဝမ်းပူတွေကိုလည်း မလိုအပ်ဘဲ စမသတ်ပါ။
(၂)
တောင်တောရယ်သာ၊ မာလာကငုံဖူး။
တပင်ကိုနှစ်ပင်ယှက်တယ်၊ ကြေးငှက်ကမြူး။
ကြေးငှက်လို့ကတော့ အဲဒိ သူငယ်တန်းစာအုပ်တခုတည်းမှာသာ ပါတယ်။ မြန်မာအဘိဓာန်တွေမှာ ကျေးငှက်လို့သာ ရေးပါတယ်။
တပင်ကိုနှစ်ပင်ရှက်တယ်ကို မှန်အောင်မရေးတတ်သူများ သူငယ်တန်းစာ ပြန်ဖတ်ပါ။
ကျေးငှက် နဲ့ ကြေးငှက် မူကွဲရှိတယ်။
တပင်ကို 'တစ်'ပင် လို့ရေးတာက မူလွဲ။
ကျွန်တော်တို့ငယ်ငယ်ကတည်းက ရွတ်ဆိုကျက်မှတ်ခဲ့ကြရတဲ့ မြန်မာ့ယဉ်ကျေးမှုသရုပ်ကို ရိုးစင်းပေါ်လွင်အောင် ရေးစပ်ထားတဲ့ကဗျာတွေကို နောက်ပေါ်အမိန့်ရသတ်ပုံတွေနဲ့ ပြောင်းရေးပြီး ပြဋ္ဌာန်းစာအုပ်ထဲမှာ ထည့်သွင်းလာတယ်။
ပြင်ရေးထားတဲ့ တစ်ပင်ကို နှစ်ပင်ယှက်တယ်ကို အသံထွက်မှန်အတိုင်း ရွတ်ဆိုကြည့်ပါ။ ဘယ်လိုမှ ကဗျာဟန် စာဟန် မမြောက်တော့ပါ။ တစ်သံကို တသံအဖြစ် ရေးတော့အမှန် ဖတ်တော့အသံလို့ ဇွတ်ပြောရင် မှားပါတယ်။ တစ်တစ်ခွခွသာ ထွက်ဖတ်ရလိမ့်မယ်။ တပင်ကို ဒဘင်သံ ထွက်စေတာကသာ ရေးတော့အမှန် ဖတ်တော့အသံ မှန်ပါတယ်။
ကွန်မင့် (၁) တပင်ကို တပင်ယှက်တယ်က အမှန်ထင်တယ် ဆရာရှင့်။ တပင်ကို နှစ်ပင်ယှက်ရင် အားလုံးပေါင်း သုံးပင် ဖြစ်သွားလိမ့်မယ်။
ကွန်မင့် (၂) နှစ်ပင်ယှက်တယ်က မှားနေသလားလို့
ကျွန်တော် သတ်ပုံအကြောင်း ရေးရင် မူရင်းစာကိုသာ ပုံနဲ့သက်သေတင်ပြပါတယ်။ ကိုယ်ထင်မြင်တာကို လိုက်မပြင်ပါ။
တပင်ပေါ် နှစ်ပင်ယှက်၊
တပူပေါ် နှစ်ပူဆင့်၊
တလိမ် နှစ်လိမ် မုန့်ကြိုးလိမ်၊
တကောင် တမြီး၊
တကြော့နှစ်ကြော့ တေးကိုသီ၊ ငှက်ကျားနှုတ်ပလီ၊
တယောက် တလက် တအား၊
တနှစ်တခါ ပေါ်လို့လာ ငါသာမင်းလောင်း ထီးဖြူဆောင်း
ပျိုလေးတို့အိမ်ဦး ဆပ်သွားဖူးတဲ့ တရုံနှစ်ရုံ၊ ကျေးတွေကအုံ၊
ကြူကြူသင်းတဲ့ ပန်းဝတ်လွှာ တချပ်နှစ်ချပ်အာ။
၁။ မာမာအေး- 'တစ်'ပင်ကို'တစ်'ပင်ယှက် - မာမာအေးသာ မြင်မိသွားရင်တော့ ရင်နာလိမ့်မယ်။
၂။ Traveller Chan - တစ်ပင်ကိုတစ်ပင်ယှက် - မှား မမှန် လွဲ။
ဒေါက်တာတင့်ဆွေ
Comments
Post a Comment