Mayday! မေဒေး

ဆရာ မေဒေး ဆိုတာအရေးပေါ်နေလို့အကူအညီတောင်းတာမဟုတ်လားရှင့် ရုပ်ရှင်ထဲတွေ့ဘူးတာပါ

မေးသင့်မေးထိုက်တယ်။ Labor Day လေဘာဒေးစာထဲမှာ မေးဒေးလို့ပါတယ်။ အဲတာက May Day ဖြစ်တယ်။ အခုမေးတာက Mayday မတူကြပါ။

Mayday မေဒေးဆိုတာ အသံကိုအသုံးပြုတဲ့ ရေဒီယိုဆက်သွယ်ရေးမှာ အရေးပေါ်အကူအညီတောင်းတဲ့ ဝေါဟာရ ဖြစ်သုံးပါတယ်။ Distress signal လို့ခေါ်တယ်။

အသက်အန္တရာယ်ကျရောက်တဲ့အခြေအနေတွေမှာ သုံးတယ်။ တချို့တိုင်းပြည်တွေမှာ မီးလောင်တာ၊ ရဲအလုပ်နဲ့ ပို့ဆောင်ဆက်သွယ်ရေးဌာနတွေမှာလည်း ဒီစာလုံး သုံးကြတယ်။ အဓိကတော့ လေကြောင်းနဲ့ ရေကြောင်းမှာ သုံးကြတယ်။ အမြဲတမ်း "Mayday mayday mayday" လို့သုံးပါတယ်။

သမိုင်းမှာ ၁၉၂၁ ခုနှစ်က လန်ဒန်မြို့တော် Croydon Airport လေဆိပ်မှာ အထက်တန်း ဆက်သွယ်ရေးအရာရှိ Frederick Stanley Mockford က စတင်သုံးခဲ့တယ်လို့ ဆိုပါတယ်။ ဒီစကားလုံးက ပြင်သစ်လို m'aider (help me) ကနေလာပါသတဲ့။

ဒီစကားလုံးအရင်က SOS စာလုံးကို Morse code မော့စ်ကုဒ်မှာ သုံးပါတယ်။ မေဒေးအသုံးကို ၁၉၂၇ ခုနှစ် ဝါရှင်တန် နိုင်ငံတကာ ရေဒီယိုတယ်လီဂရပ် ကွန်ဗင်းရှင်းမှာ အတည်ပြုခဲ့ပါတယ်။

ဒေါက်တာတင့်ဆွေ

၂၉-၈-၂၀၁၉

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog