မှုန်ဝါးဝါးလမ်းစ ပေါ်လာခြင်း

တယောက်က ကွန်မင့်ကနေ ပူးတွဲပါ ပုံကို တင်ပါတယ်။
ဟုတ်။
ဒီအဆင့်ထိရောက်လာအောင် ၁၀ နှစ်ကြိုးစားခဲ့ရတယ်။ ကျွန်တော်တဦးတည်းတော့ မဟုတ်ပါ။
အရင်ကတော့ တစ် လို့ မရေးဘဲ တ လို့ရေးတာကိုသာ မှားတယ်လို့သာ တွင်တွင်ပြောနေခဲ့ကြပါတယ်။
တ န့ တစ် ဟာ ပြဿနာလို့တော့ သိလာကြပြီ။ တိုးတက်မှု ဖြစ်ပါတယ်။
ပြောဆိုဆက်သွယ်လို့ရရင် ပြီးတာဘဲကတော့ မမှန်ပါ။ လောကကြီးမှာ ဆိုရှယ်မီဒီယာတခုတည်းသာ အသက်ရှိတာ မဟုတ်ပါ။
ဆရာဝန်ကိုမေးတဲ့မေးခွန်း မှန်အောင်မရေးရင် ရောဂါအမည်လွဲနိုင်တယ်။ ဆေးကုသနည်းနဲ့ ကာကွယ်နည်းတွေပါ လွဲစေနိုင်ပါတယ်။
တ ကနေ တစ် ရေးစေအမိန့်ကို ဘယ်တုန်းက၊ ဘယ်သူတွေက ထုတ်သလဲ သမိုင်းကြောင်းကိုလည်း တင်ပြထားပါတယ်။
တ နဲ့ တစ် ကို ပေါ်လစီအရပြောင်းတာကနေဆက်ပြီး၊ မြန်မာစာပုံသေနည်းတွေ လုပ်တဲ့အကြောင်းကိုလည်း တင်ပြထားပြီးပြီ။
ယနေ့ခေတ် မြန်မာစာပြသနာဟာ တ နဲ့ တစ် သာမဟုတ်တော့ပါ။
မူရင်းစာတွေကို ပြင်ပြီးအသုံးပြုနေခြင်း၊ ကျောင်းတွေမှာ သင်ပေးနေခြင်း၊ မူရင်းစာအုပ်တွေကို ပြင်ပြီးပြန်လည်ထုတ်ဝေနေခြင်း စတာတွေစာ ပညာပိုင်းဆိုင်ရာမူပိုင်ခွင့်ကို နိုင်ငံတော်အဆင့်က ချိုးဖေါက်နေတာဖြစ်ပါတယ်။
နိုင်ငံတော်အဆင့်က အဲလိုချိုးဖေါက်နေကြတဲ့အတွက် ဘယ်သူမဆို စာပြင်တာ၊ စာခိုးတာ တရားဝင်သလိုဖြစ်လာတယ်။
စာအမှားတွေကို လူအများက အမှန်ထင်စေအောင်လုပ်ခြင်းဟာ လူအများစုရဲ့ အသိပညာ၊ အတွေးအမြင်ကိုပါ ပျက်စီးစေပါတယ်။ တိုင်းပြည် ပျက်စီးလာရခြင်းအကြောင်းတပါးလည်း ဖြစ်ပါတယ်။
အခုတော့ လမ်းစကလေး ခပ်ရေးရေး ခပ်ဝါးဝါး ပေါ်လာပါပြီ။
နည်းနည်းလေးတော့ သဘောပေါက်လာကြပြီ။ ဆက်ကြရပါဦးမည်။
ဒေါက်တာတင့်ဆွေ

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog