မြို့လယ်ခေါင်။
ရေလယ်ခေါင် နဲ့ ရေလယ်ကောင် နှစ်မျိုးလုံးတွေ့ရတယ်။ ရေလယ်ခေါင် ပိုပြီးမှန်မယ်ထင်ပါတယ်။
(၁)
ကျူပင်
ဟိုဘက်ရွာ ဓနိတန်းနဲ့
တို့ကမ်းက အုန်းညီနောင်
ချောင်းရေက ဖောင်။
ရေလယ်ခေါင် သောင်ပေါ်လို့ထွန်း။ (ဇော်ဂျီ )
(၂)
ဗုဒ္ဓဟူး စနေ
ဆန်းတုံပေမူ
တောင်လေ သုတ်ဖြူး
တဟူးဟူးနှင့်
မိုးဦးလည်း ခေါင်
မိုးလယ် ရှောင်ကွင်း
မိုးနှောင်း ဖျင်းအံ။ (ရှားပါးတာကို ဆိုလိုတယ်။)
(၃)
ရေလယ်ကောင်သောင်ထွန်း၊ နတ်သမီးနေတဲ့ကျွန်း = ကျောက်ပျဉ်
(၄)
ရေလယ်ကောင်တွင် ဖောင်စီးနေရင်း ရေငတ်နေသည်။
(၅)
ရွှေရိုး
ပုဆိုးပြာတောင်ရှည်ချလို့၊
ကတော့မည့်မေလေးမောင်၊
ဒိုးပတ်သံပြောင်။
ဗေတိုပတ် ဗူတယ်ပြောင်၊
လူလယ်ခေါင် က,ပွဲ။
နှုတ်ခမ်းမွေး ကြင်စွယ်စုံနဲ့ ၊
ပြင်ဆင်ပုံ အမြင်ကပ်တယ်၊
ဖြဲစပ်စပ်ကဲ။
ဝိုင်းတော်မောင်အသော့တီး၊
ပုသိမ်ထီးနဲ့ ယိမ်းကာယိုင်၊
ရွှေရိုး က,မြိုင်။
ဘယ်ကိုင်းလို့ ညာကိုယိုင်၊
တူနိုင်ပေ့ ဖေ့သား။
ကွမ်းတောင်ကိုင် မမများရယ်၊
မွှေးကြစေသား။
သို့ကလို အစတိုးတော့၊
ရှက်စနိုးနဲ့ မလေးမေ၊
ပုန်းလို့ ကွယ်နေ။
ပုန်းပါနဲ့အေ၊
အမောပြေ ရေစင်အေးနဲ့၊
ဆီးပက်ကွဲ့လေး။ (တက္ကသိုလ်-လှဖုန်းမို)
ရှုမဝမဂ္ဂဇင်း၊ ၁၉၅၇ မေလ၊ အတွဲ-၁၀ အမှတ်-၁၂၀
(၆)
လှခေါင်တကိုယ်လုံးကြွယ် (အဆင့်မြင့်တာကို ဆိုလိုတယ်။)
ဒေါက်တာတင့်ဆွေ
Comments
Post a Comment