လယ်တပွဲ လှည်းတစီး နွားတရှဉ်း ကြက်သွန်ဖြူဥတလုံး

- ဆရာ မုန်လာဥ တဥ/တလုံး/တတောင့်/တချောင်း ဘယ်ဟာမှန်ပါလဲရှင့်

မုန်လာဥတဥလို့ ပြောဆိုကြပါတယ်။ မတူကြပါ။ အဘိဓာန်တွေထဲမှာ မတွေ့သေးပါ။

တချောင်းလို့ပြောလည်း မမှားပါ။ ပုံပန်းအရ တလုံးကတော့ မသင့်လောက်လို့ထင်ပါတယ်။ ကြည်ဥတလုံးဆိုရင် မှန်တယ်။ ခိုင်မာတဲ့သက်သေတခုခုတွေ့လာရင် တင်ပြပါမယ်။

ခရီးတကြောင်း

ငှက်ပျောတခိုင်

စကားတခွန်း

စက္ကူတချပ်

စက်ဝိုင်းတကွင်း

စားပွဲတခု

စာတစောင်

စေတီတဆူ

ဆင်တစီး

တခုပြီးတခု

ထင်းတစည်း

နွားတရှဉ်း

ပုခက်တခု

ပုတီးတကုံး

မြင်းတကောင်

မြင်းတစုံ

မြေဖြူတတုံး

မီးရထားတတွဲ

မေတ္တာတပွင့်ပန်း

လက်စွပ်တကွင်း

လယ်တပွဲ

လှည်းတစီး

သင်္ဘောတစင်း

အပ်တချောင်း

အိမ်တဆောင်

ကြက်သွန်ဖြူဥတလုံးကို မှန်အောင်မရေးတတ်တာတခု တွေ့လိုက်တယ်။ ဆေးဖေါ်သူတွေ အချဉ်တည်သူတွေ ဟင်းထဲထည့်သူတွေ ဥတလုံးကို မှန်အောင်ရေးတတ်သူ မနည်းလှပါ။ ကြက်သွန်ဖြူဥတလုံးလို့ ဂူဂယ်မှာ ရိုက်ရှာရင် တမျက်နှာအပြည့်ရတယ်။ ကွန်ဂရက်ကျူလေးရှင်း။

ကျွန်တော်တို့ အလယ်တန်းကျောင်းသားဘဝမှာ မြန်မာ့အသံ နံနက်ပိုင်းအစီအစဉ်ကနေ ကုန်ဈေးနှုန်းသတင်း လွှင့်ပါတယ်။ ကြက်သွန်ဖြူ ဥတလုံးလို့လည်း နောက်နေ့ သတင်းစာတွေမှာ ပါတယ်။

အခုခေတ်တော့ ဘာဥဖြစ်ဖြစ်၊ ဘာအရည်ဖြစ်ဖြစ် မျိုချရင် တစ်နေမှသာ ရောင်းကောင်းပါသတဲ့။

ဒေါက်တာတင့်ဆွေ

Comments

ဒါပေမဲ့

ဒါပေမဲ့ ဒါပေမယ့် ဘယ်ဟာကအမှန်လဲဆရာ - စာဖတ်ကြဖို့ လိုတယ်။ ဒါပေမဲ့ ဘယ်လိုစာအုပ်တွေကို ဘယ်လိုဖတ်ကြမလဲ။ (စာဖတ်တဲ့ အလေ့အထ - လူထုဦးလှ) - တမာရွက် နုချိန်မှာ ဆီးချဉ်သီးကလည်း ပေါ်တယ်။ တမာရွက်က ခါးတော့ အခါးကို အချဉ် ကလေးနဲ့ သတ်ပေးမှ အခါး သက်သာတယ် ဟုတ်လား။ အဲဒါ တခြား အချဉ်နဲ့သတ်ရင် ရတော့ ရတယ်။ ဒါပေမဲ့ ဇီးဆီးသီး ချဉ်ကလေးက ဆီးနံ့လေး မွှေးတယ်လေ။ (အညာနဲ့တမာ လူထုဒေါ်အမာ) - သူက မကစားတာ အနှစ် နှစ်ဆယ် ကျော်ပြီတဲ့၊ ပန်းချီဆရာတဲ့၊ မြနန္ဒာ နာမည်ကြီးလွန်းလို့၊ မြင်ဖူးကြည့်ဖူးချင်လို့ ဖဲဝိုင်းကို လိုက်လာတာဆိုပဲ။ အဖြစ်သည်းလိုက်တာ။ ယောက်ျားများ သည်လိုပဲ။ ဒါပေမဲ့ မြနန္ဒာမှာ သူတကာထက် ဘာများ သာတာရှိလို့လဲကွယ်။ (မောင် ကိုကို နှင့် မြနန္ဒာ၊ ကြည်အေး)) - ဆရာအောင်သင်းရေးတဲ့ မူရင်းစာမှာ ဒါပင်မဲ့ ဟုတ် မဟုတ် မသိပါ။ ဒါပေမဲ့လို့သာ ရေးလေ့ရှိပါတယ်။ ဒါပေမယ့်လို့လည်း ရေးတာရှိပါတယ်။ ခိုင်နှင့် ကျွန်တော် ဘဝမှာမူ နှစ်လွှာပေါင်းမှ တရွက်ဖြစ်ရသည့် စွယ်တော်ရွက်ပမာသာ ဖြစ်ခဲ့ရသည်။ တလွှာကြွေခဲ့လေပြီမင့် တရွက်မမည်လေတော့သော အထီးကျန် ဤဘဝဝယ် (တက္ကသိုလ်ဘုန်းနိုင်) ဒါပေမဲ့ မဲ့ မယ့် https://burmese-spelling.blogspot.com/2024/09/blog-post_6...

အနုပညာအမည် ကလောင်အမည် နှမြော

အနုပညာအမည် ကလောင်အမည် နှမြော မေးခွန်းတခု = အန်တီ မွေးစားစကားလုံးက ဒီလိုရေးလို့ရပါသလားဗျဆရာ ပြန်စာ ( ၁) အန်တီ အင်္ဂလိပ်စာလုံးကနေ ရယူထားတယ်။ အတော်အသားကျနေပြီ Auntie အန်တီ (ဗြိတိသျှ) Aunt အန့် (အမေရိကန်) Aunty မမှန်ပါ။ အဲလိုယူသုံးတဲ့စကားလုံးတွေ အများကြီးရှိတယ်။ ဥပမာ ကား၊ ဒေါက်တာ စသည်။ ' မတ်' လ ကို 'မတ်ချ်' လ လို့ မပြင်သင့်ပါ။ ( ၂) နှမြော = ကပ်စေးနှဲသည်။ တွန့်တိုသည်။ ငမိုက်လူကား၊ အလှူကောင်းမှု၊ မပြုခင်လှည့်၊ စိုးရိမ်ပြည့်လျက်၊ ကိုယ်၏သဘော၊ လွန်နှမြောသည်။ (၃ ) ဒေါ်ခင်သန်းနု အနုပညာအမည်၊ ကလောင်အမည်တွေမှာ မ၊ မောင်၊ ကို၊ ဦး၊ ဒေါက်တာ စတာတွေ အပိုမထည့်ရ၊ မူရင်းအမည်ပါ မ၊ မောင်၊ ကို၊ ဦး စတာတွေကို လိုသလို မပြင်ရပါ။ ဒေါက်တာတင့်ဆွေ

ဓါး

သူကြီးတဦး ကြိုးဆွဲချ တရွာတည်း အလောင်းတလောင်း တဝိုင်းတည်း ဘမ်းဆီး အခုခေတ်မှာ အဲဒီစာလုံးတွေကို မှန်အောင်ရေးတတ်သူ ရှားပါသည်။ ဓား သာမဟုတ်ပါ ဓါးလည်းမှန်ပါသည်။ ဒါးလည်းမှန်ပါသည်။ အရင်က ထားလို့လည်း ရေးခဲ့သည်။ သူကြီးတဦး ကွယ်လွန်ရရှာပြီ။ ကြိုးဆွဲချကို ဆွဲကြိုးလို့ မှားရေးနေကြသည်။ ဘမ်းဆီး ကို ဖမ်းဆီးလို့သာ ရေးလာကြတာ မှန်ပါတယ်။ ပုံအတွက် ကျေးဇူး။ ဒေါက်တာတင့်ဆွေ

တို့စာ တို့စကား တို့တိုင်းပြည်

Search This Blog