"အဆင်ပြေ လို့ ရေးရတယ်"

နိုင်ငံပိုင်သတင်းစာပါဆရာ

ပုံပို့ပေးသူ ကျေးဇူး။

အဆင်ပြေ လို့ ရေးရတယ်။

ဥပမာ မြန်မာပြည်သူပြည်သားတွေ ဘယ်မှာနေနေ အစဉ်သဖြင့် အဆင်ပြေကြပါစေ။

ကြေးမုံသတင်းစာ အယ်ဒီတာတွေ သူငယ်တန်းပြန်ဆင်းကြရပါမည်။

၁။ နင်အစဥ်ပြေမှာပါ -  နင်အဆင်ပြေမှာပါလို့ ရေးရ။

၂။ ဘာလုပ်လုပ် အစဉ်မပြေတော့ဘူးဆိုတာ သိထားလိုက်ပါ - ဘာလုပ်လုပ် အဆင်မပြေတော့ဘူးဆိုတာ သိထားလိုက်ပါလို့ ရေးရ။

၃။ မော်ဒယ် အစဥ်ပြေတုန်းလေး

အဆင်ပြေတုန်းလေးလို့ ရေးရ။

၄။ အစဉ်မှ ပြေရဲ့လား

အဆင်ပြေမှလို့ ရေးရ။

၅။ ဆရာ ဆန်စဉ်ရာ ကျည်ပွေ့မလိုက်နိုင် ဆိုတဲ့ စကားပုံမှာ စဉ်ကို ဇဝေဇဝါ ဖြစ်မိပါတယ်။ စဉ်ကိုရေးရာမှာ င သတ်လား ဉ ကလေးသတ်လား ဆိုတာ ရှင်းပြပါဦးဆရာ။ (ဆန်စင်ရာ၊ ဆန်စဉ်ရာ ကျည်ပွေ့မလိုက်နိုင်။ သံကျောက်ကျည်ပွေ့၊ ဆန်စဉ်ရာ ငါမရွေ့၊ ကွေ့ကွေ့ကောက်ကောက်၊ မိုက်ဉာဏ်ပေါက်တိုင်း၊ ရောက်မိရောက်ရာ၊ နားကလောအောင် မပြောသာ။

၆။ ဘဝဆိုတာ အစဉ်ပြေသလို လှော်ခတ်သွားလာနေကြရတာပါ (အဆင်ပြေသလိုလို့ ရေးရတယ်။ အစဉ်ပြေလို့ပြောရင် စကားမပီရာကျတယ်။ ဆောရီး။)

၇။ မြန်မာစားစရာလေးတွေရတော့ အစဉ်ပြေတာပေါ့ မြန်မာတွေက မြန်မာ့ရိုးရာ အတို့အမြုံ့လေးတွေနဲ့ဆိုတော့ မြန်မာပြည်ကို လွမ်းကြမှာပေါ့နော် (အဆင်ပြေလို့ ရေးရတယ်။ အစဉ်ပြေလို့ရေးနေကြသူတွေ အတော်များတယ်။ အစဉ်ဆိုတာ စဉ်ဆက်မပြတ်၊ အစဉ်သဖြင့်မှာသာ သုံးရတယ်။ အစဉ်ပြေလို့ပြောရင် စကားမပီရာကျတယ်။ ဆောရီး။ အတို့အမြှုပ်လို့ ရေးရတယ်။ လက်ဖက်မြုံ့နေသည်၊ စားမြုံ့ပြန်သည်လို့ရေးရတယ်။)

- အစဥ်ပြေကြပါစေ - အဆင်ပြေကြပါစေလို့ ရေးရတယ်။

- အစဥ်ပြေမပြေပြန်ပြောခဲ့ဦးနော် - အဆင်ပြေမပြေပြန်ပြောခဲ့ဦးနော်လို့ ရေးရတယ်။

- အစဥ်ပြေမနေဘူး - အဆင်ပြေမနေဘူးလို့ ရေးရတယ်။

- အစဥ်ပြေကြပါစေရှန် - အဆင်ပြေကြပါစေလို့ ရေးရတယ်။

- အစဥ်ပြေပါတယ် - အဆင်ပြေပါတယ်လို့ ရေးရတယ်။

- အစဥ်ပြေပါစေကွာ - အဆင်ပြေပါစေကွာလို့ ရေးရတယ်။

- ကိုယ်အစဥ်ပြေရင်ပြီးရော - ကိုယ်အဆင်ပြေရင်ပြီးရောလို့ ရေးရတယ်။

- အလုပ်အကိုင်တွေအစဥ်ပြေကျပါစေ - အလုပ်အကိုင်တွေအဆင်ပြေကြပါစေလို့ ရေးရတယ်။

- အစဥ်ပြေသောနေရာ (သကန်းကျွန်း) - အအဆင်ပြေသောနေရာ (သင်္ကန်းကျွန်း)လို့ ရေးရတယ်။

- ငါအစဥ်ပြေပါတယ် - ငါအအဆင်ပြေပါတယ်လို့ ရေးရတယ်။

- အစဥ်ပြေမနေဘူ ခုတလော - အအဆင်ပြေမနေဘူ ခုတလောလို့ ရေးရတယ်။

စင် ဆင် စဉ် ကို မှန်အောင်မရေးတတ်သူတွေ နေ့တိုင်း တွေ့ရတယ်။

ကျောင်းတွေမှာ တဝမ်းပူကိုသာ စသတ်ရင်ပြီးရော ကျန်တာတွေ ဘာရေးရေးလို့ သင်ပေးနေပြီလား မသိ။

စင် ဆင် စဉ် https://burmese-spelling.blogspot.com/2022/09/blog-post_559.html

ဒေါက်တာတင့်ဆွေ