အိုးကမပူ စလောင်းကပူ

ကွန်မင့်တခု = စလောင်းက ပူနေရပြီ ဆရာရေ့

အိုး = ဟင်းချက်ရာ အဓိကပစ္စည်း

စလောင်း = အိုးကို ဖုံးထားသည့် အဖုံး

အိုးမပူသေးပဲ စလောင်းပူနေသည် ဆိုသည်မှာ သဘာဝအရ မဖြစ်နိုင်သကဲ့သို့ မသင့်တော်သော အခြေအနေကို ရည်ညွှန်းပါသည်။

အဓိကပုဂ္ဂိုလ် သို့မဟုတ် အဓိကအကြောင်းအရာက မတုံ့ပြန်သေးဘဲ၊ ဆက်နွယ်သူ သို့မဟုတ် အောက်လူက ပိုမို တုန့်ပြန်ခြင်း၊ ပိုမို စိတ်လှုပ်ရှားခြင်း၊ ပိုမို ဒေါသထွက်ခြင်း ကို ဆိုလိုပါသည်။

တနည်းအားဖြင့် –

အဓိကမဖြစ်သေးဘဲ အနောက်ကလူက အလွန်အမင်း လှုပ်ရှားနေခြင်း ဟူ၍ သုံးကြသည်။

အဓိကပုဂ္ဂိုလ် သို့မဟုတ် အဓိကအရာ မတုံ့ပြန်သေးဘဲ ဆက်စပ်သူက ပိုမို တုံ့ပြန်ခြင်းကို ဆိုလိုသော စကားပုံ ဖြစ်ပါသည်။

မီးနှင့်တိုက်ရိုက်ထိတွေ့ရသော အိုးကမပူဘဲ မီးနှင့်မထိတွေ့ရသော စလောင်းကပူသကဲ့သို့ ကာယ ကံရှင်က မခံမရပ်နိုင် မဖြစ်ရဘဲ ဘေးလူကဝင်၍ မခံမရပ်နိုင် ဖြစ်သည်။

အိုးက မပူ၊ ဖုံးဖွက်ပူ - နှင့် အတူတူ။

ဥပမာ (၁)

အီရန်နဲ့ အမေရိကန်စစ်ဖြစ်နေတာကို အမေရိကားမှာနေတဲ့ အမျိုးတွေအတွက် ပြည်တွင်းကနေ စိုးရိမ်ပူပန်နေကြသည်။

ဥပမာ (၂)

More Catholic than the Pope

(ပုပ်ရဟန်းမင်းကြီးထက် ပို၍ ကက်သလစ်ဆန်နေသည်)

— အဓိက သက်ဆိုင်သူထက် ဘေးကလူက ပို၍ စိတ်ထက်သန်နေခြင်း သို့မဟုတ် ပို၍ အလေးထားပြနေခြင်းကို ညွှန်းဆိုရာတွင် အသုံးအများဆုံး အင်္ဂလိပ်ဆိုစကား ဖြစ်ပါသည်။

Worrying more than the person concerned / More concerned than the victim

(သက်ဆိုင်သူထက် ပို၍ စိုးရိမ်ပူပန်နေသည်)

— စကားပုံအဖြစ် မဟုတ်ဘဲ အရပ်စကားဖြင့် တိုက်ရိုက်ခိုင်းနှိုင်းရာတွင် သုံးစွဲကြပါသည်။

Putting on the shoe before it's made for you

(မိမိနှင့် မဆိုင်သေးသော ဖိနပ်ကို ကြိုစီးနေသည်)

— ကာယကံရှင်ထက် ဘေးကနေ ကြိုတင်လောဆော်နေခြင်းကို တင်းစားပုံခိုင်းသော အသုံးအနှုန်း ဖြစ်ပါသည်။

Being more royalist than the king

(ဘုရင်ထက် ပို၍ ဘုရင်ချစ်သူ ဖြစ်နေသည်)

— "More Catholic than the Pope" နှင့် သဘောတရားတူညီပြီး၊ အရေးကိစ္စ၏ ပိုင်ရှင်ထက် ဘေးလူက ပို၍ ပူပန်လှုပ်ရှားနေသည်ကို တင်စားခြင်း ဖြစ်ပါသည်။

ဒေါက်တာတင့်ဆွေ