ဘီရို ဗီရို

အမေ အဖေတို့ရဲ့စက္ကူ ယပ်တောင်တွေကတော့ ဘီဒိုထဲသိမ်းထားသော်လည်း ပိုးကိုက်လို့ မရှိတော့ပါ။

ဘီရို (ဗီရို) လို့ ရေးရတယ်။

ဘီယာ – န /ဗီယာ/ ဂျုံ မုယောစပါးညှောက်များကို ကဇော်ဖောက်စေ၍ ပြုလုပ်ထားသော သေရည်တမျိုး။ [လိပ်]

ဘီရို – န /ဗီရို/ ဗီရို – န၊ ရှု။

ဘီလူး – န /ဗလူး/ ဇာတ်တော်များနှင့် ဒဏ္ဍာရီတို့တွင် ဖော်ပြလေ့ရှိသော လူနှင့် သဏ္ဌာန်တူ၍ အစွယ် အမွေး ရှိပြီး ခက်ထန်ကြမ်းကြုတ်သော သတ္တဝါ။ [ပါ]

ဘီလူးဂျိမ်း – န /ဗလူးဂျိန်း/ ဇာတ်ပွဲသဘင်တို့တွင် ဘီလူးထွက်ရာ၌ လက်ကပါဒ်တန်းတို့နှင့် ရွတ်ဆိုကြမ်းမောင်းသော ဇာတ်စကားမျိုး။

ဘီလူးခေါင်း – န /ဗလူးဂေါင်း/ ဇာတ်ပွဲသဘင် စသည်တွင် ဘီလူးအသွင် ကပြရန် ဦးခေါင်း၌ စွပ်ရသည့် ဘီလူးမျက်နှာပုံဖော် ခေါင်းဆောင်း။

ဘီလူးစီး – ကြိ /ဗလူးစီး/ ၁။ အိပ်ပျော်စဉ်အခါ လှုပ်ရှားရုန်းကန်၍ မရသကဲ့သို့ ခံစားရပြီး ယောင်ယမ်းထိတ်လန့် အော်ဟစ်သည်။ ၂။ ဘီလူးပူးဝင်သကဲ့သို့ အမူအရာခက်ထန် ကြမ်းတမ်းသည်။

ဘီလူးစည်း လူ့စည်း – န /ဗလူးစီးလုစီး/ သူ့တာ ကိုယ့်တာ စောင့်စည်းလိုက်နာအပ်သော အပြန်အလှန် စည်းကမ်း။

ဗီနဒီ – န /ဗီနဒီ/ မြန်မာနာရီ၏ ခြောက်ဆယ်စိတ် တစိတ်မျှသော အချိန်။ (စက်နာရီ နှစ်ဆယ့်လေးစက္ကန့်နှင့် ညီမျှသည်။)

ဗီဇာ – န /ဗီဇာ/ နိုင်ငံဝင်ခွင့်လက်မှတ်။ နိုင်ငံတနိုင်ငံသို့ ဝင်ရောက်ရန် ခွင့်ပြုချက်။ (ပြည်ဝင်ဗီဇာ၊ ဖြတ်သန်းခွင့်ဗီဇာ၊ ပြည်ပြန်ဝင်ဗီဇာ ဟူ၍ ကွဲပြားသည်။) [လိပ်]

ဗီတာမင် – န /ဗီတာမင်/ သတ္တဝါတို့၏ကိုယ်ခန္ဓာ ကြီးထွားဖွံ့ဖြိုးမှုကို ထောက်ပံ့နိုင်စွမ်းသည့် သက်စောင့် ဩဇာဓာတ်။ [လိပ်]

ဗီတို – န /ဗီတို/ ဥပဒေ၊ အဆုံးအဖြတ်၊ သတ်မှတ်ချက် စသည်တို့ကို အများစုက ပြဋ္ဌာန်းရန် ဆန္ဒပြုလင့်ကစား၊ ပုဂ္ဂိုလ်တစုံတဦး (တဖွဲ့၊ တနိုင်ငံ) အား ယင်းဆန္ဒပြုချက်ကို အခြေခံဥပဒေအရ ပယ်ဖျက်တားဆီးနိုင်ခွင့် လွှဲအပ်ထားသည့် တချက်လွှတ် အာဏာ။ ယင်းအာဏာကို ပိုင်ခြင်း။ [လိပ်]

ဗီဒီ ဆေးလိပ် – န /ဗီဒီ ဆေး လိတ်/ ဘီဒီ ဆေးလိပ် – န၊ ရှု။ [ဟိန္ဒီ]

ဗီပီပီ – န /ဗီပီပီ/ ဗွီပီပီ – န၊ ရှု။

ဗီရို – န /ဗီရို/ အဝတ်အထည်၊ စာအုပ်၊ ပန်းကန်စသော ပစ္စည်းအမျိုးမျိုးထည့်သိုရသည့် အဆင့်နှင့် အများအားဖြင့် အပိတ်တံခါးပါရှိသော မတ်ရပ်ထောင် ပရိဘောဂတမျိုး။ [လိပ်]

ဗီလား – န /ဗီလား/ ပီလား – န၊ ရှု။

ဗိဿုအပင် – န /ဗိဿုအပင်/ လျှော်နှင့်အစေ့ကို အသုံးပြုရသော အပင်တမျိုး။

ဒေါက်တာတင့်ဆွေ